Ќараѓанды мемлекеттік медицина академиясы
жүктеу/скачать 1.88 Mb. Pdf көрінісі
|
| ССРО фармациясы
Бұл тақырыпта Совет үкіметі жылдарындағы фармацияның дамуы және емдік-профилактикалық мекемелердегі құрал-жабдықтар мен тұрғындарды дәрілік көмекпен қамту болашақ перспективалары баяндалады. ССРО-дағы фармацияның түбегейлі өзгеруі Совет үкіметінің құрылуы кезінен басталды. Денсаулық сақтау халық комиссиарат ұйымы (11 шілде 1918 ж.) фармацевтикалық бөліммен бірге еліміздегі тұрғындарға заманауи және жоспарлы дәрілік қызмет көрсету өткізілді. Дәріханаларды ұлттандыру туралы декрет (28 желтоқсан 1918ж) дәріханалық жұмыс бойынша арнайы құжатқа қол қою - еліміздегі медикаментозды көмек ұйымын жаңаша шешім қабылдауға мүмкіндік берді. Медикаменттермен басқа да дәріханалық тауарлар ассортименттерімен тұрғындарды қамтамасыз ету қызметін жақсарту сұрағы фармацевтикалық бөлімдердің съездерінде (1919-1920) шешілді. Еліміздің бірінші әлемдік соғысқа және интервенттерге қарсы күреске қатысуы республиканың шаруашылығына кері әсерін тигізіп, жаңа экономикалық саясат (ЖЭС) енгізуге қажеттілік туғызды. Бұл тұрғындарға дәрілік қызмет көрсетудің жаңа түрін талап етті және денсаулық сақтау органының жай-күйін өзгертті. Емдеу мекемесінің дәрігерлерінің рецептісі бойынша медикаменттер мен таңу-байлау құралдары профсоюз қаржысының есебінен тегін берілді. Ал қалған барлық жағдайларда барлық дәріханалық тауарлар ассортименті ақшасына сатылды. Дәріханаларда шаруашылық есебі енгізілді. 1922 ж. дәріханалар мен емдеу-профилактикалық мекемелерін жеке капиталдарға жалға беруге рұқсат етілді. Бірақ бұл жағдай өте қысқа мерзімде болды. 1923 жылы жекеменшік иелері мен жалдамашылардың қолынан дәріханаларды алу 73 басталды. Дәріханалар дәрілерді сату бойынша мемлекеттік шаруашылық есептегі бірлестікке берілді. 1925 ж. барлық дәріханалар қайтадан мемлекеттік болды. Бұл кезеңде совет дәріханасы екі түрге бөлінді: ашық шаруашылық есептегі және жабық бюджеттік түрге. Келесі жылдарда дәріхана желісінің ұлғаюы сипатталады. Ауыл тұрғындарына (1927-1929), тау және металлургия өнеркәсібіндегі (1929) жұмысшыларға дәрілік көмекті жақсартуға көңіл бөлінді. Республикаларда тұрғындарды дәрілермен қамтамасыз ететін ең жақсы ұйымдар үшін басқару орталықтары құрылды: Бүкіл Украиналық дәріханалық басқару (1931), Ресейлік дәріханалар бірлестігі (1931) және т.б. Бірінші бесжылдықта дәріхана желісінің дамуы айтарлықтай өсті. 1932 ж. аяғында тек РСФСР бойынша дәріханалар саны 1700-ге көбейді. Екінші бесжылдықтың аяғында жаңа дәріханалық мекемелер- дәріханалық пункттер құрылды. Бұл мекемелер ең алдымен ауылдық жерлерде ашылып, ауыл тұрғындарының дәрілік көмегін жақсартуға көмектесті. 40 жылдары дәріханалық жұмыс органдарының ұйымдық құрылымының қайта құрыла бастауы сипатталады. Союз республикасында басты дәріханалық басқару Денсаулық сақтау халық комиссариаты құрылды (1935 ж.- ГАПУ НКЗ РСФСР). 1936 ж. еліміздегі дәріханалық жұмыстарға ССРО Денсаулық сақтау халық комиссариатына кіретін дәріханалық инспекция жетекшілік етті. Тұрғындарды дәрілік көмекпен қамтамасыз етуді жақсарту мақсатында дайын дәрілік заттарды сату және науқастарды күту, поликлиника дәріханасында дәрілерді дайындау, рецепттерді қабылдау ұйымдастырылды; қажеттілікті есепке алу және созылмалы аурумен ауыратын науқастардың түскенін хабарлап, оларға қажетті дәрілерді жеткізу, өте қатаң ауырып жатқан жалғызбасты науқастарға дәрілерді үйіне жеткізу; ауруханалардағы стационарда науқастардың гигиенасы мен тазалығына қажетті нәрселерді сату; дәріханаларда босатылатын дайын дәрілердің процентінің жоғарлауы мақсатында рецептураларды оқып-үйрену жүргізілді. Дәрілерді дайындауда еңбек ететін процестердің механизациясы жоғарылады, дайын дәрілік заттардың салыстырмалы салмағы ұлғайды, ол жалпы рецептура бойынша 1965 ж. 70,6% құрады. Дәрілерді дайындауда сапасына баса көңіл аударды. Бақылау- аналитикалық зертханалары ғылыми-әдістемелік және кеңес беру орталықтары болды, дәрілердің және препараттардың түрлерін дайындауда әдістер жақсартылды. Әртүрлі емдік заттарды стандарттауға, ССРО дәрілік флораларын оқып- үйренуге, ұйымдасқан-әдістемелік және экономикалық зерттеулерге көп көңіл бөлді. Дәріханалық мекемелердің желісінің ұлғаюымен тұрғындарды түрлі дәрілермен қамтамасыз ету жақсартылды, қалаларда ауруханааралық 74 дәріханалар, поликлиникаларда дүңгіршектер мен дәріхана филиалдары құрылды. Амбулаторлардағы науқастарға қоғамдық фондтардың есебінен дәрілерді беру айтарлықтай көбейді. Массалық профилактикалық екпелер тегін жүргізілді. Совет адамының денсаулығына деген үкіметтің және партиялардың үнемі қамқорлығының жарқын көрінісінің дәлелі ол 700-ге жуық атаулы медикаменттердің бағасын төмендету болып табылды. 1954, 1957, 1960, 1964 және 1965 жылдары дәрілердің бағасы төмендеді. Тек жетіжылдықтың арасында (1959-1965) 19% төмендеді. 1969 ж. Совет үкіметі денсаулық сақтау және медицина ғылымының дамуы мен жақсаруы үшін үлкен мән берді. ССРО Жоғары Советі " Союз республикаларының денсаулық сақтауы мен ССР Союзының негізгі заңдары туралы", ЦК КПСС және ССРО Министрлер Советінің Қаулысы 5 шілде 1968 ж. бастап № 517 "Елдегі медицина ғылымының дамуы мен болашақта денсаулық сақтауды жақсарту шарттары туралы" және біздің тұрғындарымыздың болашақта денсаулығын сақтауды жақсартуға негізгі жолдарды анықтап басқа да маңызды мемлекеттік актілерді енгізді. жүктеу/скачать 1.88 Mb. Достарыңызбен бөлісу:
|