Ақтөбе облысы Темір ауданының 2010 жылғы әлеуметтік-экономикалық паспорты

Жолаушылар көлігі және автомобиль жолдары саласы бойынша.

Аудандық маңызы бар 91 км км жолына «Манас и К» ЖШС жолды жөндеу жұмыстарын жасады. Жүктемеге сәйкес жасалған жұмыстардың қаржысы төленді. Жол бойының ақауларын жөндеу, шөптерін тазарту жұмыстары жасалды.

Аудан елді мекендерімен, яғни Тасқопа, Қайынды, Алтықарасу, Шығырлы, Ақсай, Кенкияқ, Қопа, Саркөл елді мекендерімен жолаушыларды тұрақты түрде тасымалдаушы көліктер шығарылған. Шұбарқұдық кентінде және басқада елді мекендерде осымен қатар жекелеген такси жүргізілушілер де қызмет етеді. Жолаушылар тасымалы 100% қамтылған.

Облыстық маңызы бар Шұбарқұдық-Ойыл автомобиль жолдарына жөндеу жұмыстары жүргізілді. Ақтөбе-Болгарка-Шұбарқұдық автомобиль жолының 8 шақырымы жөнделді. Саркөл ауылы мен Кенкияқ кенті арасындағы көпірге және 7 шақырымы жөнделді.

Покровка -Темір-Кенкияк автомобиль жолына жөндеу жұмыстары аяқталды.

Тұрғын үй саласы бойынша: Биылғы жылы жаңадан салынған бес коммуналдық пәтер қызметтік тұрғын теңестіріліп, жас мамандар, яғни ауданға аса қажетті дәрігерлер мен мұғалімдерге берілді.

Тасқопа және Қайынды селоларынан коммуналдық қызметтік тұрғын үй сатып алу бойынша мемлекеттік сатып алу жөнінде конкурс өткізілді.

Коммуналдық сала бойынша:

Биылғы жылы ауданымыздың коммуналдық шаруашылығы саласында бірқатар шаралар атқарылды.

Атап айтсақ ауданымызда 75 көп қабатты тұрғын үйлер бар. Оның 37-сі Шұбарқұдық кентінде, 38-і Кенкияқ кентінде орналасқан. 5,0 млн. теңгңге құрал-жабдықтар алынып, осы тұрғын үйлердің жертөлеріндегі коммуналдық желілерін жөндеу жұмыстары жүргізілді. Қазірде 2 бесқатарлы үйдің жертөлелері жасалды.

Қазірде ауданның ірі елді мекендері толық газдандырылған. Шұбарқұдық кенті бойынша Жамбыл көшесінде 350 метр газ құбыры үлкен диаметрлі газ құбырына алмастырылды. Жаңадан салынып жатқан «Қызылжар» мөлтек ауданынан 200 метр орталық газ желісі тартылды және вокзал аймағында газ құбырын алмастыру жасалды.

«Жол картасы» бойынша әлеуетті өнім берушілерге Шұбарқұдық кентінің «Қызылжар» шағын ауданындағы электр желісін қайта жаңарту бойынша 9889,6 мың теңге, Кенкияқ кентінің «Сазды-2» шағын ауданындағы электр желісін қайта жаңғырту бойынша 31717,0 мың теңге, Шұбарқұдық кентіндегі өздігінен ағатын кәріз желісіне күрделі жөндеу бойынша 25555,20 мың теңге және Кенкияқ кентіндегі су құбыры желілеріне күрделі жөндеу бойынша 48356,0 мың теңге қаржылар игерілді.

Қысқы дайындық жұмыстарына байланысты бюджеттік мекемелер мен кәсіпорындарға отын толық жеткізілді. Орталық жылыту қазандығына және орталық жылу желісіне 5,0 млн теңгеге жөндеу жұмыстары жасалып, дайындық жағдайына келтірілді.

Сонымен бірге Қопа елді мекенінің екі көшесіне 800 метр су желісі тартылып, халық пайдалануына берілді, Тасқопа елді мекеніне де 800 метр су желісі 7 колонка қондырылды.

Биылғы жылы аудан елді мекендерінің көшелерін жарықтандыруда Шұбарқұдық кентінде 18 көше жарықтандырылды.