Аудиториялық сабаққа арналған оқу сабағының жоспары
IV.Жаңа тақырыпқа мотивациялық сипаттама беріп, тақырыпты түсіндіру (30 минут)
жүктеу/скачать 2.99 Mb.
|
- Бұл бет үшін навигация:
- 2. Паллиативтік көмектің негізгі міндеттері
- Өмірінің соңында арнайы паллиативті көмекті талап ететін науқастардың үш негізгі
| IV.Жаңа тақырыпқа мотивациялық сипаттама беріп, тақырыпты түсіндіру (30 минут):
Паллиативті медициналық көмек. Бұрын паллиативтік көмек қатерлі ісікке шалдыққан науқастарды симптоматикалық емдеу деп саналатын, қазір бұл ұғым дамудың соңғы сатысындағы кез келген ем қонбайтын созылмалы ауруларға, әрине, соның ішінде көпшілігі онкологиялық науқастарға таралады. «Паллиативтік» термині латынның «pallium»: « бет перде » немесе « жамылғы » деген сөзінен шыққан. Паллиативтік көмек деген: тегістеу – емделмейтін аурудың көрінуін жасыру және/немесе «қорғансыз» қалғандарды қорғау үшін сыртқы қабатын жамылғымен қамтамасыз ету. Қазіргі уақытта паллиативтік көмек-медициналық және әлеуметтік қызметтің маңызды бағыты. Оның мақсаты физикалық, психикалық, рухани – басқа да симптомдарды және ауырсынуды тоқтату, мұқият бағалау, ерте анықтау арқасында алдын алу және қайғы- қасіреттерді жеңілдету арқылы ем қонбайтын науқастар мен олардың отбасының өмір сапасын жақсарту. Анықтамаға сәйкес паллиативті көмек: – қалыпты заңды үдеріс ретінде өмірді бекітеді және өлімді қарастырады; – өмір сүру мерзімін ұзарту немесе қысқарту ниеті жоқ; – науқастың мүмкіндігінше белсенді ұзақ өмір сүруін қамтамасыз етуге тырысады; – емделушінің ауыр науқастанған кезінде оның отбасына көмек ұсынады және ауыр қайғыдан кейінгі уайымдау кезеңінде психологиялық қолдау көрсетеді; – емделуші мен оның отбасының барлық қажеттіліктерін қанағаттандыру мақсатында кәсіпаралық тәсілді пайдаланады; – емделушінің өмір сүру сапасын жақсартады, сонымен қатар ауру ағымына оң әсер етеді; – жеткілікті түрдегі уақтылы жүргізілген шаралардың басқа емдеу әдістерімен жиынтығы науқастың өмірін ұзартуы мүмкін. 2. Паллиативтік көмектің негізгі міндеттері: 1. Талапқа сай ауырсынуды басу және басқа физикалық симптомдарды тоқтату. 2. Науқастарға және оларға күтім жасап жүрген туыстарына психологиялық қолдау көрсету. 3. Адамның өмір жолындағы қалыпты кезең ретінде өлімге деген қатынастарын қалыптастыру. 4. Науқастың және оның жақындарының рухани қажеттілігін қанағаттандыру. 5. Әлеуметтік және заңды сұрақтарды шешу. 6. Медициналық биоэтика мәселелерін шешу болып табылады. Паллиативті көмекті талап ететін науқастардың үш негізгі тобын; 3 Өмірінің соңында арнайы паллиативті көмекті талап ететін науқастардың үш негізгі тобы: 1. 4-сатыдағы қатерлі ісігі бар науқастар; 2. Терминалды сатыдағы ЖИТС науқастары; 3. Дамудың терминалдық сатысындағы онкологиялық емес күшейген ауруы бар науқастар (жүрек, өкпе, бауыр және бүйрек жеткіліксіздігі декомпенсациясы сатысы, ұмытшақ склероз, ми қанайналымының бұзылуынан болатын ауыр салдар және т.б.). жүктеу/скачать 2.99 Mb. Достарыңызбен бөлісу:
|