Қазақстан мұсылмандары діни басқармасы мүБӘрак рамазан алматы 2013 ж
Ораза тұтушыға берілген бес қасиет
жүктеу/скачать 0.81 Mb. Pdf көрінісі
|
- Бұл бет үшін навигация:
- Бейіш қақпасы күтіп тұр
- §2 ОРАЗА ҮКІМДЕРІ С
| Ораза тұтушыға берілген бес қасиет
Имам Ахметтің Әбу Һурайрадан (р.а.) жеткізген риуаятында Алланың Елшісі (с.а.с.) ораза тұтушының ерекше қасиеттері жайында былай дейді: «Менің үмбетіме рамазан айында бұдан бұрын ешбір үмбетке берілмеген бес түрлі қасиет берілді: 1. Ораза тұтушының аузының исі Алланың алдында хош иісті мисктен, сөзсіз, артық болады; 2. Ауыздарын ашқанша періштелер олар үшін Алладан истиғфар тілеп тұрады; 3. Алла Тағала рамазан айының әрбір күні жәннатын безендіріп оған: «Менің ізгі құлдарымның ауыртпалықтар мен тауқыметтерден тастап, саған кіретін күні жақын қалды», – дейді; 4. Бұл айда жындардың біразы шынжырланып, басқа айларда істейтін нәрселерін істей алмайды. 5. Ал соңғы түні болғанда олардың (мұсылмандардың) күнәлары кешіріледі». Сахабалар: «Уа, Расулалла! Ол түн Қадір түні ме?» – деп сұрағанда, Ол (с.а.с.): «Жоқ, жұмысшы да ісін толық бітірген соң өзінің сыйын алмаушы ма еді? Сол сияқты» – деген». Бейіш қақпасы күтіп тұр Жұмақта тек ораза ұстағандар ғана кіретін ерекше қақпа бар. Оның ішінде қандай қызықтар бары бір Аллаға ғана аян. Алланың Елшісі (с.а.с.) былай дейді: «Расында, жұмақта ар-Раййан атты қақпа бар. Қиямет күні одан ораза тұтушылар ғана кіріп өтеді де, олардан басқа ешкім кіргізілмейді. Олар кіріп болған кезде ол қақпа жабылады». (Бұхари риуаяты). Раййан қақпасынан кіруіміз үшін рамазандағы оразаны лайықты түрде орындауымыз қажет. 32 33 §2 ОРАЗА ҮКІМДЕРІ С: Рамазан айының кіргенін қалай білеміз? Ж: Рамазан айын белгілеу алдын ала басталады. Арнайы мамандар, қазылар айдың қозғалысын жіті бақылап, рамазанның алдындағы шағбан айын қадағалайды. Шағбан айының жиырма тоғызыншы күні кешке рамазан айының тууын күтеді. Егер оны ешбір мұсылман көрмесе, шағбан айын отыз күнге толтырады да, рамазан айы кіреді. Алланың Елшісі (с.а.с.): «Оразаны жаңа туған айды көріп тұтыңдар да, жаңа туған айды көріп аяқтаңдар. Ал егер ай көрінбесе отыз күнге толтырыңдар», – деген. жүктеу/скачать 0.81 Mb. Достарыңызбен бөлісу:
|