Қазақстан Республикасы Қаржы министрлігі
жүктеу/скачать 201.64 Kb.
|
| 6 тарау. Әсерді бағалау
27. Әсерді бағалауды жоғары мемлекеттік аудит және қаржылық бақылау органы жүзеге асырады. Әсерді бағалау адамның өмір сүру сапасындағы өзгерістердің әсері арқылы талдау жүргізуді қамтитын адамоцентризм принципіне негізделген, адамның қажеттіліктерінен және ол кездесетін проблемалардан туындайды. 28. Әсерді бағалау зерттеудің эксперименттік, квази-эксперименттік және эксперименттік емес әдістерін пайдалана отырып, контрфактикалық талдау жолымен жүзеге асырылады (осы Әдістемеге 1-қосымша). 29. Әсерді бағалау келесі жағдайларда қажет, бірақ олармен шектелмейді: бұрын мемлекеттік реттеуде қолданылмайтын инновациялық тәсілдерді, пилоттық жобаны енгізу; қолдану аясын кеңейту (жекелеген реттеу шараларын экономиканың және/немесе әлеуметтік саланың аралас салаларына бейімдеу, масштабтау) немесе басқа жағдайларда бұрын іске асырылған интервенцияларды жаңғырту; стратегиялық маңызды және шығынды интервенцияларды енгізуді жоспарлау; стратегиялық және бюджеттік жоспарлау кезеңінде іске асыруға ұсынылатын интервенциялардың тиімділігін бағалауды жүзеге асырудың мүмкін еместігі. 30. Әсерді бағалау интервенцияның өмірлік циклінің барлық кезеңдерін қамтиды (жоспарлаудан бастап іске асыруды аяқтауға дейін). 31. Интервенцияны әзірлеу және іске асыру процесінде осындай интервенцияның қолданылатын құралдарын (параметрлерін) жақсарту үшін жекелеген параметрлерді немесе тұтастай интервенцияны өзгерту (түзету) қажеттілігі туралы шешім қабылдауға мүмкіндік беретін әсерді ағымдағы бағалау жүргізіледі. 32. Әсерді қорытынды бағалау оның тиімділігі туралы пайымдауларды қалыптастыру, оны жалғастыру, тоқтату, қайта шығару немесе ауқымын кеңейту туралы шешімдер қабылдау мақсатында интервенция аяқталған соң жүргізіледі. 33. Әсерді бағалауды әсерді бағалауды жүргізуде тиісті ғылыми және практикалық тәжірибесі бар аккредиттелген тәуелсіз үкіметтік емес ұйымдар (бұдан әрі – Бағалау жөніндегі сыртқы маман) жүзеге асырады. 34. Әсерді бағалауды үйлестіруді Республикалық бюджеттің атқарылуын бақылау жөніндегі есеп комитеті жүзеге асырады. 35. Республикалық бюджеттің атқарылуын бақылау жөніндегі есеп комитеті ықпал етуді бағалауды әдіснамалық және ұйымдастырушылық сүйемелдеуді жүзеге асырады, Бағалау жөніндегі сыртқы мамандарды таңдауды және олардың жұмысын бақылауды қамтамасыз етеді, Бағалау жөніндегі мамандар үшін техникалық тапсырмаларды қалыптастырады, сондай-ақ олардың интервенцияны іске асыруға жауапты мемлекеттік органдармен өзара іс-қимылын қамтамасыз етеді. 36. Әсерді бағалау барысында Қазақстан Республикасының Стратегиялық жоспарлау және реформалар жөніндегі агенттігінің ұлттық статистика бюросының деректері, мемлекеттік органдардың, квазимемлекеттік және үкіметтік емес ұйымдардың ведомстволық деректері, мемлекеттік аудит және қаржылық бақылау нәтижелері, әлеуметтік сауалнамалар, халықаралық рейтингтердің көрсеткіштері, сондай-ақ қатысушылардың әсерді бағалау барысында жинаған деректері пайдаланылады. 37. Әсерді бағалау үш кезеңде жүзеге асырылады: жоспарлау, зерттеу жүргізу, тұжырымдарды қалыптастыру. 38. Жыл сайын (қажет болған жағдайда) әсерді бағалауды жоспарлау үшін осы Әдістеменің 4-тармағына сәйкес интервенцияны айқындау, талап етілетін қаржыландырудың мерзімдері мен көлемі қамтамасыз етіледі. 39. "Мемлекеттік сатып алу туралы" Қазақстан Республикасы Заңының 13-бабына сәйкес тәжірибесі мен білімінің жиынтығы интервенция бойынша тәуелсіз кәсіби пікір қалыптастыруға мүмкіндік беретін сыртқы маманды іріктеу конкурс арқылы мемлекеттік сатып алу нысанында жүзеге асырылады (осы Әдістемеге 2-қосымша). Зерттеуге ұсынылатын интервенция үшін бағалау жоспары қалыптастырылады, ол бағалау мақсаттары мен зерттеу әдістерін, зерделеуді талап ететін басым мәселелерді, қамтуды және жүргізу мерзімдерін, бағалау үшін қажетті бастапқы деректерді, бағалау нәтижелерін және әсерді өлшеу көрсеткіштерін айқындауды қамтиды (осы Әдістемеге 3, 4-қосымшалар). 40. Бағалау жөніндегі сыртқы маман зерттеуді сапалы жүргізу мақсатында деректерді іріктеуді, жинауды және тексеруді қамтамасыз етеді. Бағалау жөніндегі сыртқы маман жүргізілген есептеулердің дұрыстығына, жиналған деректер негізінде зерттеудің негізгі нәтижелеріне жауап береді. 41. Бағалау нәтижелері алдын ала және түпкілікті есептер түрінде республикалық бюджеттің атқарылуын бақылау жөніндегі Есеп комитетімен жасалған шартта көзделген мерзімде және нысанда ұсынылады. 42. Республикалық бюджеттің атқарылуын бақылау жөніндегі есеп комитеті оның барлық кезеңдерінде: жұмыс кеңестерін өткізуді, жобаның жай-күйі туралы Бағалау жөніндегі сыртқы маманның есептерін қарауды, Жобаның мақсаттары мен шығыстарына қол жеткізу мониторингін, тәуекелдерді уақтылы анықтауды және зерттеу барысында басқарушылық және техникалық мәселелерді шешуді іске асыру барысының тұрақты мониторингін қамтамасыз етеді. 43. Республикалық бюджеттің атқарылуын бақылау жөніндегі есеп комитеті қабылдаған түпкілікті есеп ресми интернет-ресурста жариялануға тиіс және түзетуші басқарушылық шешімдер қабылдау үшін тиісті зерттеу саласына жетекшілік ететін мүдделі уәкілетті органға, сондай-ақ Қазақстан Республикасы Президентінің Әкімшілігіне және қажет болған жағдайда Қазақстан Республикасының Үкіметіне жіберіледі. 44. Мемлекеттік органдар өз бастамасы бойынша Есеп комитетімен әдіснамалық келісім бойынша ықпал етуді бағалау жөніндегі сыртқы мамандарды тарта отырып, саясаттардың, бағдарламалардың, жобалардың, реттеу шараларының әсерін бағалау жөніндегі іс-шараларды жүзеге асыруға құқылы. 1-қосымша. Әсерді бағалаудың әртүрлі мәселелерінің жобалық мәндерін жалпылау жүктеу/скачать 201.64 Kb. Достарыңызбен бөлісу:
|