Қазақстан Республикасы Қарулы Күштерінің, басқа да әскерлері мен әскери құралымдарының жалпыәскери жарғыларын бекіту туралы
Әскери қызметшілерді гауптвахтаға қабылдау
жүктеу/скачать 0.64 Mb.
|
Әскери қызметшілерді гауптвахтаға қабылдау214. Әскери қызметшілерді гауптвахтаға гауптвахта бастығы, ал ол болмағанда қарауыл бастығы осы Жарғының 210-тармағында көрсетілген құжаттар негізінде, сондай-ақ әскери қызметшінің жеке басын куәландыратын құжаттар бар болған кезде қабылдайды. 215. Гауптвахта бастығы (қарауыл бастығы) әскери қызметшілерді қабылдаған кезде қажетті құжаттардың бар болуын және олардың дұрыс ресімделуін, оларға тиесілі заттарды тексереді, өзі қарап шығады, камерада ұстауға тыйым салынатын белдіктерді, бауларды, заттарды, құндылықтар мен басқа да заттарды сақтау үшін алады. Гауптвахтаға қабылдау үшін негіздеме болып табылатын құжаттардағы мәліметтерді, сондай-ақ алынған және қабылданған заттар, нәрселер, құжаттар мен ақшалай сома тізбесін гауптвахта бастығы (қарауыл бастығы) әскери қызметшілердің қатысуымен гауптвахтада ұсталатын әскери қызметшілерді есепке алу журналына (18-қосымша) енгізеді және оған үш данада жасалатын оларды қабылдағаны туралы қолхат (19-қосымша) береді, одан кейін әскери қызметшіні камераға орналастыру үшін қарауыл бастығына жібереді. Әскери қызметшіні гауптвахтаға қабылдаған кезде медициналық қызметкер әскери қызметшіні тексереді, ол туралы гауптвахтада ұсталатын әскери қызметшілерді есепке алу журналына тиісті жазба жасайды. Егер әскери қызметшіні гауптвахтаға қарауыл бастығы қабылдаса, онда ол әскери қызметшіге одан құжаттар мен заттарды қабылдағаны туралы қолхат береді, одан кейін құжаттар мен заттар, олардың тізімдемесімен гауптвахта бастығына береді. 216. Гауптвахта бастығы, ал ол болмағанда қарауыл бастығы әскери қызметшіні қабылдай отырып, құжаттарды өзіне қалдырады және әскери қызметшіні алып келген адамға әскери қызметшіні қабылдағаны туралы үш данада жасалған қолхаттың бірінші данасын береді, әскери полиция органының құпия емес іс жүргізуінде тіркейді және одан әрі оны тіркеу және әскери қызметшіні гауптвахтада ұстау мерзімі аяқталғанға дейін есепке алу үшін әскери қызметшіні гауптвахтаға жіберген әскери бөлімге тапсырады. Гауптвахтаға жеткізілген әскери қызметшілерді тіркеу, дербес қарап тексеру, медициналық куәландыру (қажет болған кезде дактилоскопия жасау және суретке түсіру) тәртібі, сондай-ақ алуға жататын заттар тізбесі гауптвахтадағы ішкі тәртіп қағидаларымен айқындалады. жүктеу/скачать 0.64 Mb. Достарыңызбен бөлісу:
|