Объектілерді қоршау және бекеттерді жабдықтау

Объектілерді қоршау және бекеттерді жабдықтау

      Күзетілетін объектілерге кіреберістерді қадағалауға ыңғайлы болу үшін қоршаулардың арасына (сыртқы периметр жанында) оқ өткізбейтін қоршауы бар, байланыс және жерге түйістіру құралдарымен жабдықталған бақылау мұнаралары суретке сәйкес орнатылады. Қажет болған кезде Қарулы Күштер Бас штабы бастығының, сондай-ақ Қазақстан Республикасы басқа да әскерлері мен әскери құралымдары бірінші басшыларының шешімдерімен қадағалау мұнараларының параметрлері өзгертілуі мүмкін.

      2. Ерекше режімді, режімді және стратегиялық объектілерде арнайы инженерлік құрылымдар орнатылуы мүмкін немесе қару-жарақпен, қадағалау, көздеу аспаптарымен броньды объектілер мен инженерлік қоршаулар (аса байқалмайтын кедергілер, "сүріндірме", бағаналар, танкіге қарсы тікенектер, траншеялар), оқ өткізбейтін қоршауы және гранатаға қарсы торлары бар, байланыс және жерге түйістіру құралдарымен жабдықталған бақылау мұнаралары орнатылады.

      Күзетілетін объектілері бар аумаққа кіреберісте күндіз және түнде жақсы көрінетін жазуы бар көрсеткіштер қойылады, мысалы: "Өтуге (жүруге) тыйым салынады (жол жоқ)". Айналып өту (айналып жүру) көрсеткіштермен көрсетіледі.

      Әскери бөлімнің аумағынан тысқары орналасқан объектілер айналасында мемлекеттік жергілікті басқару органдарының келісімі бойынша заңнамаға сәйкес тыйым салынған аймақтар мен аудандар айқындалады. Тыйым салынған аймақтың (ауданның) шекаралары жергілікті жерде (өлшемі 40х60 см қызыл жиегі бар сары түсті негізде әріптердің ені 2 см, биіктігі 5 см) мемлекеттік және орыс тілінде жазуы бар жақсы көрінетін көрсеткіштермен "Тыйым салынған аймақ (аудан), өтуге (жүруге) тыйым салынады (жол жоқ)" деп белгіленуге тиіс. Тыйым салынған аймақтың (ауданның) шекарасын белгілеу туралы гарнизон бастығы (әскери бөлім командирі, күзетілетін объектілердің бастығы) мемлекеттік жергілікті басқару органдары арқылы жақын орналасқан елді мекеннің халқын дер кезінде хабардар етуге тиіс. Тыйым салынған аймақтың (ауданның) шекарасына ортақ пайдаланылып жүрген жолдар, тұрғын үйлер мен қызметтік құрылыстар, өңделетін аумақтар және бөгде адамдар кірмеуге тиіс.

      3. Жергілікті жердің жағдайына байланысты бекеттің аумағында сақшы кемінде 50 метр жерден шолу жасаумен және оқ атумен қамтамасыз етілуге тиіс, сондықтан бекет айналасындағы аумақ бұталардан тазартылған, ағаштары кесілген, төменгі бұтақтары биіктігі 2,5 метрге қырқылған, шөптері шабылған, шұңқырлар көмілген, төбешіктер тегістелген, артық заттары жиналған болуға тиіс. Бөгде адамдарға одан жақын жерге бекетке жақындауына болмайтын арақашықтықты айқындайтын тыйым салынған шекара күндіз көрінетін сақшылармен, түнде және нашар көрінетін жағдайларда мемлекеттік және орыс тілдерінде жазуы бар көрсеткіштермен (өлшемі 40х60 см қызыл жиегі бар сары түсті негізде әріптердің ені 2 см, биіктігі 5 см) белгіленеді, мысалы: "Тыйым салынған шекара. Тоқта, атады".

      Бірнеше бекеттері бар объектілер аумағындағы әрбір бекеттің шекарасы жергілікті жерде көрсеткіштермен (өлшемі 40х60 см қызыл жиегі бар сары түсті негізде әріптердің ені 2 см, биіктігі 5 см) көрсетіледі, мысалы: "№ 2 бекеттің шекарасы".

      4. Ерекше маңызды объектілерді және қарауыл үй-жайын қорғау үшін жертаса, олардан бекеттің кіреберістеріне қарай оқ ата алатындай және көршілес бекеттермен байланысты қамтамасыз ететіндей есеппен қазылады және жабдықталады. Жертаса қарауыл үй-жайымен байланысатын құралдармен жабдықталады.

      5. Түнгі уақытта бекетке және күзетілетін объектіге кіреберіске жарық түсірілуге тиіс. Жарық сақшы бекетте тұрғанда немесе бекет аумағында жүргенде барлық уақытта көлеңкеде болатындай етіп түсірілуге тиіс.

      6. Бекет сақшының қарауыл бастығын, оның көмекшісін немесе таратушыны дереу (кемінде екі нүктеден, ал объектілерді патруль әдісімен күзету кезінде - әрбір 250 метр жүргеннен кейін) шақыруын қамтамасыз етуге тиіс байланыс құралдарымен жабдықталуға тиіс.

      7. Ішкі, әсіресе Жауынгерлік Ту жанындағы бекетте биіктігі 0,7-1 м қоршау және жарық түсірілуге тиіс.

      Бақылау-өткізу пунктінде сақшыны күтпеген шабуылдан қорғауды қамтамасыз ететін қоршау болуға тиіс.

      8. Әрбір сыртқы (қажетті жағдайларда ішкі) бекеттерде, тікелей күзетілетін объектілердің жанында (қоймалар, сақтау орындары және басқа да объектілер) өрт сөндіру құралдары: өрт сөндіргіштер, құм салынған жәшіктер, су құйылған бөшкелер, шелектер мен мүкәммал (күректер, балталар, сүймендер, ілмектер, киіздер) болуға тиіс. Бекеттік мұнараның тікелей жанындағы ішкі және сыртқы қоршаулар арасында қызмет өткеретін сақшылар үшін далалық өртке қарсы қалқан жабдықталады.

      9. Сыртқы бекеттерде бекеттік киімдерді сақтау үшін арнайы жабдықталған "бекет саңырауқұлағы", ал ішкі бекеттерде астары жылы күртешелерді (шинельдерді) ілу үшін шкаф немесе киім ілгіш болуға тиіс.

      "Бекет саңырауқұлағы" күзетілетін объектінің түсіне немесе қоршаған жергілікті жердің түсіне боялады.

      10. Объектілерді техникалық күзет құралдарымен жабдықтау жөніндегі нұсқаулар "Техникалық күзет құралдарын қолдану" бөлімінде жазылған.

      Әскери бөлім командирі

      (гарнизон бастығы)

      __________________________

      (әскери атағы, қолы, тегі)

      20___ жылғы "____"______________

Күзетілетін объектіні ашуға
НАРЯД

      ішкі (гарнизондық) әскери бөлімнің (гарнизонның) атауы

      20 ___ж. "____" _________________ арналған

Р/с №	Объектінің атауы	Уақыты					Негіздеме (рұқсатнама нөмірі)		Объектіні ашуға жіберілген адамның лауазымы, әскери атағы, тегі мен аты-жөні		Ашу мақсаты		Ескертпе
		ашу		жабу
		Жоспар бойынша	Іс жүзінде		Жоспар бойынша	Іс жүзінде
1	2	3	4		5	6		7		8		9		10

      Әскери бөлімнің (гарнизонның) штаб бастығы

      ___________________________________________

      (әскери атағы, қолы, тегі)

      Ескертпе:

      1. Күзетілетін объектіге жұмыстарды орындау үшін жеке құрамды және техниканы жіберу қажет болған кезде команда жетекшісінің лауазымы, әскери атағы, тегі мен аты-жөні, жеке құрамның саны, олардың әскери бөлімдерінің (бөлімшелерінің), сондай-ақ көлік құралдарының атауы 10-бағанға енгізіледі.

      2. Объектілерді, оларды ашу нарядынсыз ашуға тыйым салынады