Қазақстан Республикасында медициналық-санитариялық алғашқы көмек көрсетуді ұйымдастыру стандартын бекіту туралы

60. Үйде әлеуметтік қызметкер:

1) ауыр пациенттерге, жалғызбасты қарттарға, мүгедек адамдарға және өмірлік қиын жағдайдағы адамдарға патронаж жүргізу және әлеуметтік сүйемелдеуді (бұл ретте жүкті әйелдер мен балалар); учаскелік қызметпен бірлесіп пациенттің жай-күйін әлеуметтік патронаждық бақылауды;

2) дәрігерлердің қорытындысы бойынша халықтың әлеуметтік осал санаттарын дәрілік заттармен және медициналық мақсаттағы бұйымдармен қамтамасыз етуге жәрдемдесуді;

3) пациенттің отбасы мүшелерін үйде жүргізілетін гигиена және медициналық күтім негіздеріне оқытуды;

4) қызмет алушыларды техникалық көмекші (компенсаторлық) және міндетті гигиеналық құралдарды пайдалануға үйрету;ді

5) әлеуметтік қызмет бойынша медициналық құжаттаманы рәсімдеуді және МАЖ-ға үйде енгізу әлеуметтік қызметкерлер үшін мобильді қосымша болған кезде мүмкін болады немесе МАЖ-ға енгізу медициналық ұйымға оралғаннан кейін әлеуметтік қызметкердің жұмыс орнында жүргізіледі;

6) өмірлік қиын жағдайға тап болған адамдарға (отбасыларға) үйде жиі баруды;

7) мұқтаж адамға (отбасына) өмірлік қиын жағдайды еңсеру немесе оның туындауының алдын алу үшін қажетті арнаулы әлеуметтік қызметтердің жеке көлемі мен түрлерін бағалау және айқындауды;

8) пациенттің отбасы мүшелеріне қарттарға, мүгедектігі бар адамдарға, үйде мүмкіндігі шектеулі адамдарға күтім жасау дағдыларын меңгеруде консультация беруді және оқытуды;

9) отбасы мүшелерін, оның ішінде мүгедек балалардың ата-аналарын үйде жалпы күтімнің практикалық дағдыларына үйретуді жүзеге асырады.

61. Психолог қабылдауда мыналарды:

1) пациентті мейірімділікпен қарсы алу;

2) пациентті сәйкестендіру;

3) пациенттің немесе оның заңды өкілінің медициналық көмек алуға ақпараттандырылған келісімін ресімдеу;

4) пациенттерді әлеуметтік-психологиялық қарап-тексеру;

5) әлеуметтік топтарға (пациенттерге және олардың отбасыларына бұл ретте жүкті әйелдер мен балалар) және өмірлік қиын жағдайға тап болған жеке тұлғаларға психологиялық және консультациялық көмек көрсету (өз бетінше және отбасылық дәрігердің, жалпы практика дәрігерінің жолдамасы бойынша жүгінгендер);