Қазақстан Республикасында медициналық-санитариялық алғашқы көмек көрсетуді ұйымдастыру стандартын бекіту туралы

5) әлеуметтік топтарға (пациенттерге және олардың отбасыларына бұл ретте жүкті әйелдер мен балалар) және өмірлік қиын жағдайға тап болған жеке тұлғаларға психологиялық және консультациялық көмек көрсету (өз бетінше және отбасылық дәрігердің, жалпы практика дәрігерінің жолдамасы бойынша жүгінгендер);

6) психологиялық көмекке мұқтаж пациенттерді психологиялық сүйемелдеу;

7) "Сенім телефоны" бойынша консультациялық және ақпараттық көмек көрсету;

8) мультипәндік топ құрамында ауруларды басқару бағдарламасы шеңберінде созылмалы аурулары бар пациенттерді өзін-өзі басқаруды оқыту;

9) халықтың психикалық денсаулығын нығайту, өмір сүру сапасын, психикалық салауаттылық деңгейін арттыру жөніндегі зерттеулерге қатысу;

10) халықтың психикалық денсаулық мәселелерінде хабардарлығын арттыру жөніндегі іс-шараларды іске асыру;

11) өмірлік қиын жағдайларға тап болған пациенттердің суицидтік әрекеттер жасаған адамдарға, 2В және 5 динамикалық байқау тобындағы фертильді жастағы әйелдерге, оңалтудың 3 кезеңінен өтетін пациенттерге жеке консультациялары;

12) есептік құжаттаманы жүргізу және МАЖ-ға енгізу.

62. Үйде психолог жүзеге асырады:

1) пациентті мейірімділікпен қарсы алу;

2) пациентті сәйкестендіру;

3) пациенттің немесе оның заңды өкілінің медициналық көмек алуға ақпараттандырылған келісімін ресімдеу;

4) үйде пациенттерді әлеуметтік-психологиялық қарап-тексеру, "Қазақстан Республикасының халқына психикалық денсаулық саласында медициналық-әлеуметтік көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-224/2020 бұйрығына сәйкес тәуекелдерді анықтау (Нормативтік құқықтық актілерді мемлекеттік тіркеу тізілімінде № 21712 болып тіркелген);

5) үйде әлеуметтік топтарға (пациенттерге және олардың отбасыларына) және өмірлік қиын жағдайға тап болған жеке тұлғаларға психологиялық және консультациялық көмек көрсету;