Қазақстан республикасының денсаулық сақтау министрлігі оңТҮстік қазақстан медицина академиясы
Официалды биологиялық әдістен басқа
жүктеу/скачать 6.31 Mb. Pdf көрінісі
|
- Бұл бет үшін навигация:
- Дисперстік орталар (еріткіштер).
- Апирогенді суды алуға арналған аппарат (АА-1)
- Апирогенді суды алуға арналған АЭВС-25 аппараты
| Официалды биологиялық әдістен басқа пирогендігін анықтау үшін,
шет елдерде лимулус-тест (лим-тест) әдісі кеңінен қолданылады. Ол әдіс бактериалды пирогендердің амебоциттер лизатымен Lіmulus poluphemus әрекеттескен кезде гель түзуіне негізделген. Қазіргі кезде осыған ұқсас, бірақ микроорганизмдердің 3% калий гидрооксидімен гель түзу арқылы ерітінділердің пирогендігін тексеру мүмкіндігі бар. Шаншуға арналған ерітінділерді дайындаған кезде пирогенді заттардың ерітіндіге түсуін болдырмау қажет, ол біріншіден еріткіштердің, қолданылатын дәрілік заттардың және қосымша материалдардың (тұрақтандырғыштар, солюбилизаторлар, консерванттар және т.б.) жоғары сапалы болуын талап етеді. Дисперстік орталар (еріткіштер). Шаншуға арналған ертінділерде сұйық дисперстік орта (ерткіш) ретінде шаншуға арналған су, бейсу еріткіштер қолданылады. Олар нормативті құжаттардың талаптарына жауап беруі керек. МФ XІ басылымына сәйкес шаншуға (инъекцияға) арналған су, тазартылған суға қойылатын талаптарға жауап беруі және апирогенді болуы керек. Шаншуға арналған суды асептикалық жағдайда ҚР Ұлттық экономика министрінің 19 наурыздағы 2015 жылғы № 232 «Дәрілік заттардың, медициналық мақсаттағы бұйымдар мен медициналық техниканың айналысы саласындағы объектілерге қойылатын санитарлық-эпидемиологиялық талаптар» санитариялық қағидаларын бекіту туралы бұйрығына сәйкес алынады. Шаншуға арналған суды алу асептикалық блоктың дистилляциялық бөлмесінде жүргізіледі. Ол бөлмеде қосымша, суды дистилляциялаудан, басқа жұмыстарды жүргізуге болмайды. Шаншуға арналған суды кәдімгі айдау аппараттарында, тек асептикалық жағдайда, дистилятты жинау кезінде оған құрамында пирогенді заттары бар айдалмаған судың тамшылары түспейтін жағдайда жүргізілуі тиіс. Пирогенді заттар ұшпайды және су буымен айдалмайды. Осыған байланысты шаншуға арналған суды булану камерасынан конденсатқа дейінгі бу жолдарында шашыранды су тамшыларын ұстап қалатын қондырғысы бар аппараттарда алады. Мұндай мақсатта, кәдімгі дистиллятордан ерекшілігі бар су буы арнайы әртүрлі конструкциялы - сепараторлардан өтетін аппараттар қолданылады. Конструкциясы бойынша олар центрден тепкіш, пленкалы, көлемді, масса алмасу, аралас болады. Апирогенді суды алуға бірқатар әртүрлі конструкциялы аппараттар: АА- 1, А-10(ДА-10), АЭВС-4, АЭВС-25, АЭВС-60 қолданылады. Аппарат АА-1 апирогенді электрлік аквадистиллятор номиналды өнімділігі 1л/сағ (сурет 50 ). Аппараттың негізгі бөліктері булану камерасы (10), сепаратор (8), конденсатор (1), жинағыш-теңестіргіш (25) және электрлік жайма-тақта. Булану камерасы (10) қызметші персоналды күйіп қалудан және жылудың жоғалуын төмендететін, болат жабынмен (9) қорғалған. Камераның түбіне (12) төрт электр қыздырғыш құрастырылған (11). Булану камерасындағы (10), электр қыздырғыштармен (11) қыздырылатын су буға айналып, сепаратор (8) 385 және бу түтігі (7) арқылы, сыртынан суық сумен салқындалатын, конденсациялық камераға (3) түседі және конденсацияланып апирогенді суға айналады. Апирогенді су ниппель (5) арқылы ағып түседі. Камералардағы (3) және (10) қысымның жоғарылауын болдырмау үшін, артық бу шығаратын, қорғау саңылауы (6) болады. Салқындатылған су, вентиль (4) арқылы конденсатордың су камерасына, камерадағы су деңгейін бір қалыпта ұстап тұратын булану камерасымен (10) өз-ара байланыста болатын, төгетін түтік (15) арқылы жинағыш-теңестіргішке (25) төгіледі. Жұмыстың басында аппараттағы буландыру камерасында су орналатылған деңгейге дейін толтырылады. Әрі қарай, су қайнағаннан кейін буға айналады, су булану камерасына жарым-жартылай түседі, оның негізгі бөлігі штуцер (26) арқылы канализацияға төгіледі. Булану камерасындағы (10) судың деңгейін визуалды бақылау, жинағыш-теңестіргіштің штуцерінде (25) орналастырылған су көрсеткіш шыны (27) арқылы жүргізіледі. Су жинағыш-теңестіргіш (25) сонымен қатар, фармакопеялық талаптарға жауап беретін сапалы апирогенді су алу үшін булану камерасына қосылатын, химиялық реагенттермен суды араластыруға арналған. Бұл мақсатта жинағыш-теңестіргіште, сумен бірге химиялық реагенттер булану камерасына (10) түсетін, арнайы түтік бар. Химиялық реагенттердің қатаң дозасы, резеңке түтікпен байланысқан, екі дозаторы (18), екі фильтрі (21), тамызғышы (24) бар екі шыны түтіктен тұратын, арнайы дозалаушы қондырғымен жүргізіледі. Дозалаушы қондырғы жинағыш-теңестіргішпен (25) тамызғыш (24) арқылы қосылған саңылауы бар, кронштейнге (19) бекітіледі. Дозаторлар (18) кронштейнге контргайкалармен (17) бекітіледі. Сурет 50. Апирогенді суды алуға арналған аппарат (АА-1) 386 Аппарат А-10 - техникалы жетілдірілген модель, өнімділігі 10л/сағ. Апирогенді суды алу, бу камерасының жоғарғы жағында орналасқан сепараторлардың қайтарғыш экрандары арқылы өтетін буды мұқият сепарациялау, сонымен қатар суға қажетті химиялық реагенттерді қосу арқылы жүргізіледі. Аппарат су деңгейін көрсеткіш құралымен қамтамасыз етілген. Аппарат АЭВС-4 (дистиллятор электрический с водоподготовкой для получения воды апирогенный) буландырғыштан, шаншуға арналған суды жинағыштан, құбырлардан, электршкафтан және қаққа қарсы магнитті қондырғыдан тұрады. Аппараттың жұмысы төмендегіше жүргізіледі. Су жіберілетін құбыр жолында, суды тұздардан және әртүрлі қоспалардан ажырату үшін, магнитті қаққа қарсы қондырғы орналастырылады. Содан соң су жинағыш көйлегіне және буландырғышқа түседі. Бу камерасында түзілген бу сепаратор арқылы өтіп, су жіберетін құбыр арқылы жинағышқа түседі. Жинағыш сумен толған соң, бу камерасындағы электрқыздырғыш өшіріледі. Аппарат өнімділігі - 4 л/сағ. АЭВС-25 - аппарат станционарлы қондырғы (сурет 51). Сурет 51. Апирогенді суды алуға арналған АЭВС-25 аппараты Аппарат буландырғыштардан және ІІ сатылы баспалдақтан (2), конденсатордан (1), шаншуға арналған суды жинағыштан (3), тұрады. Бірінші сатыда түзілген бу сепаратор арқылы өтіп, бу түтігі арқылы ІІ сатылы буландырғыш қыздырғыш камераға түседі. ІІ сатылы буландырғыш сепаратордан өткен бу сулы қоспа қыздырғыш камерадан, түтіктер арқылы жинағышқа түседі. Аппарат АЭВС-60 - стационарлы аппарат, өнімділігі 60 л/сағ. Жұмыс істеу принципі АЭВС-25 аппараты сияқты. 387 ЦАНИИ аппараты - ион алмастырғыш колонкалардан және айдағыш аппараттан тұрады. Су тұзсыздануға ұшырап, сонан соң айдалып, стерильденеді. Шаншуға арналған суды стерильденген немесе бумен өңделген қабылдағыштарда сақтау қажет (сурет 51). Су жинағыштың сиымдылығы 40 л (СИ-40) немесе 100 л (СИ-100). Су жинағыш трубкалы электрқыздырғыштармен, ауаны фильтрлейтін, судың деңгейін бақылайтын, қоректендіруші патрубкамен, температурасының датчигімен және төгетін кранмен, су жинағыштың қабырғалары 100 0 С температура жоғарылағанда электрқыздырғыштарды өшіретін құралмен жабдықталған. Су жинағыштар бірден жұмыс істейтін бірнеше аппаратқа немесе бір аппаратқа қосылуы мүмкін. жүктеу/скачать 6.31 Mb. Достарыңызбен бөлісу:
|