Қазақстан республикасының денсаулық сақтау министрлігі оңТҮстік қазақстан медицина академиясы
Минералсыздандырылған (тұзсыздандырылған) су
жүктеу/скачать 6.31 Mb. Pdf көрінісі
|
- Бұл бет үшін навигация:
- Деминерализатор.
|
Минералсыздандырылған (тұзсыздандырылған) су Aqua demіneralіsata Кейінгі кезде дистилденген судың орнына минералсыздандырылған суды қолдануға көңіл аударылып отыр. Мұның себебі, дистилляторлар, әсіресе электрлік, жиі істен шығады (күйіп кетеді). Бастапқы суда тұздардың көп болуы буландырғыш шынысында қақтың пайда болуына әкеп соғады. Ол дистилляциялауды нашарлатады және судың сапасын төмендетеді. Ауылды жерде орналасқан дәріханада дистилляциялаудың алдында суды тұзсыздандыру қажет. Суды тұзсыздандыру (минералсыздандыру) үшін әртүрлі қондырғылар қолданылады. Жұмыс істеу принципі: суды ион алмастырғыш шайырлары арқылы өткізіп тұздардан тазартады. Қондырғылардың негізгі бөлігі катиониттермен және аниониттермен толтырылған колонкалар. Катиониттердің белсенділігі, сутек иондарының сілтілі және сілтілі- жерлі металлдардың иондарына алмасу қабілеті бар карбоксил немесе сульфон топтарының болуына тәуелді: R(SO 3 H) 2 + Ca(HCO 3 ) 2 --- R(SO 3 ) 2 Ca + 2 H 2 O + CO 2 Аниониттер - гидроксил топтары аниондарға алмасатын, жиі амин мен формальдегидтің полимеризациялану өнімі: RNH 3 OH + NaCl --- RNH 3 Cl + NaOH 155 Қондырғыларда қышқылға, сілтіге және дистилденген суға арналған ыдыстары болады. Қолданған шайырларды регенерациялау (олардың бастапқы қасиеттерін қайта қалыпына келтіру) керек. Катиониттердің регенерациясын хлорсутек және күкірт қышқылдары көмегімен жүргізеді: R(SO 3 H) 2 Ca + HCl ---- R(SO 3 H) 2 + CaCl 2 Аниониттерді сілтілі ерітінділермен (2-5%) қайта қалыпына келтіреді: RNH 3 Cl + NaOH --- RNH 3 OH + NaCl Суды минералсыздандыру үшін осындай аппараттарда алдымен катионитті колонкадан, кейін анионитті колонкадан өткізеді, немесе бір мезетте катионит және анионитті бар колонкадан өткізеді (аралас колонка). Сурет 27. Деминерализатор. Дәріхана тәжірибесінде катионитті және анионитті ион алмастырғыш колонкалардан, тұзсыздандырылған судың электр өткізгіштігін бақылайтын қондырғыдан және тұзсыздандырылған судың электр кернеуі жіберілетін мәнінен төмендеген кезде құбырдағы суды колонкаларға беруін тоқтататын жүйеден тұратын деминерализаторлар қолданылады. Оның құрамына ион алмастырғыш шайырларды – катиониттерді - натрий гидроксидімен, аниониттерді - хлорсутек қышқылымен бастапқы қалпына келтіруге арналған регенератор кіреді. Регенерациядан кейін шайырларды ағынды сумен, содан соң тұзсыздандырылған сумен мұқият жуып шаяды. Деминерализаторларды ауруханааралық, ірі ауруханалық және басқа дәріханаларда ыдыс, орауыш пен тығындауышы құралдарды жуатын бөлмеге және дистилляторларға тұзсыздандырылған суды беруге қолданады. Деминерализатордың өнімділігі 200 л/сағ. жүктеу/скачать 6.31 Mb. Достарыңызбен бөлісу:
|