Қазақстан Республикасының Оқу-ағарту министрлігі Шымкент қаласының білім басқармасы
жүктеу/скачать 0.6 Mb.
|
- Бұл бет үшін навигация:
- Шынықтыру шараларын өткізуге арналған ұсыныстар. Сәбилерді шынықтыру
| Күн ваннасы. Күн баланың жалпы жағдайын күшейтіп, алмасу процестерін жақсарта отырып оның организміне өте жақсы әсер етеді. Бактерицидтік (бактериялардың дамуын тоқтататын), мешелге қарсы (жүйке жүйелерінің қызметін жақсартатын, алмасу процестерін арттыратын, сүйек-бұлшық ет жүйесін нығайтатын), эритемдік (қан ағымын күшейтетін және терінің қызаруын туғызып, күюге ауысатын) әрекеттерге ие ультракүлгін сәулелер барынша тиімді болады. Күннің бала организміне бұлай жан-жақты әсер етуі ерекше сақтықты талап етеді. Күн ваннасын шамадан тыс пайдалану кезінде балалардың бойында теріс құбылыс (елігу, ұйқының қашуы, тамырлардың күрт кеңейіп кетуі, қан құрамының нашарлауы, т.б.) пайда болуы мүмкін. Сондықтан балалар мекемелерінде күн ванналары балалардың жеке бастарының ерекшеліктерін міндетті түрде ескерген дәрігердің белгілеуіне сәйкес өткізілуі керек. «Бағдарламада» бірінші, екінші кішкентайлар топтарында серуен кезінде күн процедурасын сағат 11-ге дейін, сондай-ақ естиярлар, ересектер топтарында серуен және өз беттерінше әрекет ету кезінде қабылдау ұсынылады. Күн сәулесінің тікелей ықпалында болу дәрігердің нұсқауларымен сәйкес болып, тәрбиешінің қатаң бақылауында болуы тиіс. Сөйтіп, жоғарыда көрсетілген шынықтыру процедураларының бәрі балалардың ширақ қимыл әрекетімен, сипаты мен дәрежесі әртүрлі интенсивтілігімен (жайбарақат жатқан қалыптағы күн ваннасынан басқа) байланысты. Егер ауа ванналары ертеңгілік гимнастика мен дене шынықтыру сабағы формасында арнайы іріктеп алынған дене жаттығуларына құрылса, онда қалған барлық процедуралар - ысқылау, үстінен су құю, шомылу процесінде орындалатын процедураның сипатына сәйкес сан алуан қимыл әрекеттері көзделеді. Олар бала организмінде жылу реттеу процесінің дер кезінде пайда болуына, оның бойында жаттығуға саналы көзқарасты, психикалық эмоциялық көңіл күйді қалыптастырады.
Шынықтыру шараларын өткізуге арналған ұсыныстар. Сәбилерді шынықтыру 1. Бөлменің температурасы + 20-22 градустан кем болмауы тиіс. 2. Ауа ваннасын 2-4 минут ішінде сәбидің киімін ауыстырған және жөргегіне ораған уақытында қабылдау. 3. Гимнастикалық, сондай-ақ денені уқалап-сылауға, емдеуге арналған ауа ваннасы. Алғашқы айларда ауа ваннасының ұзақтығын 4 минуттан бастап 1 жасқа толғаннан кейін 10-12 минутқа дейін жеткізу. 4. Ауа ваннасын алу үшін жаз айларында ашық алаңқай жерлерде, ал қысқы күндері ауасы тазартылған бөлмеде ұйықтату. 5. Өмірдің алғашқы күндерінен бастап 28 градус жылы суға шомылдыру, кейін судың жылылығын 20 градусқа дейін біртіндеп төмендету. 6. Судың ваннадағы жалпы жылылығы 36-37 градус болады, ұзақтығы 5-6 минут. Ваннаға қосымша құйылған судың жылылығы 34-35 градус болуы керек. 7. Жазғы маусымда сәбилерге арналған ауа ваннасын тәулігіне 2-3 рет күн сәулесі шашыраңқы түскен жерде өткізу. Ұзақтығын 3-4 минуттан бастап, кейін 10 минутқа дейін өсіру. жүктеу/скачать 0.6 Mb. Достарыңызбен бөлісу:
|