Қойылған мақсаттар мен міндеттерге қол жеткізу жолдары

Патриоттық өзіндік танымын, азаматтық жауапкершілігін жоғарылатуға, белсенді ұстанымдары мен салауатты өмір салтын қалыптастыруға бағытталған жас ұрпақпен тиімді өзара іс-қимыл мақсатында «Астана қаласының Жастар мәселелері жөніндегі басқармасы» мемлекеттік мекемесі құрылды.

Мемлекеттік жастар саясатын іске асыруға қатысатын жастар ұйымдарын ұлғайтуға келесі шаралар өткізу есебінен қол жеткізу жоспарлануда:

мемлекеттік жастар саясаты саласындағы әлеуметтік-маңызды жобалар байқауы;

мемлекеттік әлеуметтік тапсырыс аясында «Жасыл ел» студенттік құрылыс және еңбек жасақтары штабының қызметіне көмек көрсету;

мемлекеттік әлеуметтік тапсырыс аясында аула клубтарының қызметіне көмек көрсету.

Бұқаралық спорт және дене шынықтыру-сауықтыру қозғалысын халықты жүйелі дене шынықтыру және спорт сабақтарына тарту арқылы дамыту төмендегілер есебінен жүзеге асыру жоспарланады:

қаланың түрлі құрылымдары арасында кешенді спорт іс-шараларын өткізуді ұйымдастыру;

халық арасында спорттық-бұқаралық және сауықтыру іс-шараларын өткізу.

Жоғары жетістікті спортты дамыту үшін Астана қаласы құрамалары мүшелері спортшылардың республикалық және халықаралық спорт жарыстарына қатысуы мақсатында жүйелі түде сабақтарға қатысуы үшін жағдай жасалатын болады.

Жаттықтырушы құрамның біліктілігін арттыруға халықаралық деңгейдегі спортшыларды дайындаудың қазіргі заманғы әдістерімен танысу және оларды қолдану жолымен қол жеткізілетін болады.

Қойылған міндеттерге қол жеткізу келесі шараларды іске асыру жолымен жүзеге асырылатын болады:

көліктік қамтамасыз етуді, жайлы қонақ үйлерді, ойын-сауық индустриясын қоса алғанда, қазіргі заманғы туристік инфрақұрылымды құру;

Астана қаласында «Абу Даби Плаза» көпсалалық кешенін (тартылған қаражаттар) салу;

туристік деңгейдегі 2, 3 жұлдызды қонақ үйлер желісін құру.

Астана қаласы өкілдерінің «FITUR», Мадрид қаласы (Испания), «TOP Resa» Париж қаласы (Франция), «WTM» Лондон қаласы, «ITB», Берлин қаласы (Германия), «JATA 2010», Токио қаласы (Жапония), «ВIТE» Пекин қаласы (Қытай) халықаралық туристік көрмелеріне қатысуы;

республикалық және өңірлік туристік көрмелерге қатысуы - KITF «Туризм және саяхат» Алматы қаласы, «Астана - Демалыс», Астана қаласы, (көшпелі), «Сарқылмас саяхат», «Демалыс, Туризм, Саяхат», Көкшетау қаласы.

Астана қаласында ЭКСПО-2017 өткізу шеңберінде мәдени-білім беру объектілерін, сауда-ойын-сауық орталықтарын, отельдерді, қонақүйлерді және т.б. қамтитын заманауи туристік инфрақұрылым салу көзделеді.

құқық қорғау бағытының қоғамдық құрылымдарының желісін кеңейту;

қоғамдық тәртіпті қамтамасыз етуге қатысатын азаматтардың қызметін марапаттау;

көпшілік жиналатын орындарда (алаңдар, шағынгүлбақтар, көшелер, тұрғын алаптарының аулаішілік аумақтары және т.б.) сыртқы бақылау жүйелерін әрі қарай енгізу;

заңсыз көші-қон және қару айналымын бақылау жүйелерін дамыту;

қылмыстарды ашуға және қылмыскерлерді іздестіруге полицияның күші мен құралдарын кешенді қолдануды қамтамасыз ету;

ҚР ІІМ ІІД-нің негізгі күшін, ең алдымен, мыналарға шоғырландыру:

жол қозғалысы қауіпсіздігінің нақты қаупін тудыратын құқық бұзушылықтардың алдын алу және бұлтартпау;

жол қозғалысы қатысушыларының, әсіресе жолаушылар көлігі жүргізушілерінің тәртібін күшейту;

жол қозғалысының қауіпсіздігін насихаттау бойынша әлеуметтік роликтерді жасау және олардың орталық, республикалық және жергілікті телеарналарға жалға берілуін қамтамасыз ету.

Авария қауіпі бар жол учаскелерін жою, жолаушылар мен жүкті автомобильдік тасымалдауда бұзушылық табу, міндетті техникалық қадағалауды жетілдіру жолымен жол қозғалысы қауіпсіздігін қамтамасыз етуді мемлекеттік бақылау және қадағалау тиімділігін арттыру қарастырылды.

Алға қойған мақсатқа жету қылмыстарды ашуда және қылмыскерлерді іздестіруде полицияның күші мен құралдарын кешенді пайдалануын қамтамасыз ету, мақсатты жедел іздестіру шараларын және қылмыстарды ашу бойынша, ең алдымен «ізін суытпай» ашу сияқты арнайы операцияларды жүзеге асыру, өткен жылдардың қылмыстарын ашу бойынша жұмысты ұйымдастыруды жақсарту, есірткі бизнесі саласындағы ұйымдасқан қылмыстық топтар қызметінің алдын алу, табу және жою, заңсыз есірткі айналымына байланысты оқиғалардың жеке және заңды тұлғалары туралы жедел ақпарат деректерінің ведомствоаралық қорын қалыптастыруды қамтамасыз ету, Қазақстан Республикасы Ішкі істер министрлігіне және жергілікті атқарушы органдарға нашақорлықтың алдын алу жүйесін жетілдіру бойынша ұсыныстарды енгізу, есірткіні тарату фактілерін анықтау және жою мақсатында ойын-сауық және оқу орындарында, сондай-ақ бұқаралық іс-шараларды өткізу орындарында арнайы рейдтер өткізу арқылы жүзеге асыру көзделеді.

Бағдарламаны іске асырудың барлық кезеңі ішінде есірткіге қарсы бағытталған шаралар, соның ішінде есірткіге қарсы насихат бойынша кең ауқымды акциялар өткізу, сондай-ақ есірткіге қарсы бағыттағы әдебиеттерді таралымға шығаруды жүзеге асыру жоспарлануда.

Сонымен қатар, Патрульдік полиция полкін, СОБР-ді және «Арлан» арнайы бөлімшелерін орналастыру үшін мамандандырылған база салу жоспарланады, бұнда бір орында әскери және арнайы бөлімшелерді орналастыру, казармалар, арттехқару үшін қоймалар, автошаруашылық, тікұшақ алаңын, сондай-ақ запастық командалық бекет салу көзделеді.

төтенше жағдайлардың алдын алу және жою жөніндегі іс-шараларды ұйымдастыру;

техногенді апаттар, зілзалалар мен табиғи апаттар кезінде көшірілген адамдарды 100%-ға дейін қамтылуын арттыру;

жұмылдыру дайындығы және жұмылдыру, аумақтық және азаматтық қорғаныс, табиғи және техногенді сипаттағы апаттардың алдын алу және жою шараларын іске асыру;

төтенше жағдайлар және азаматтық қорғаныс мәселелері жөнінде мемлекеттік органдар мен қала ұйымдарының ведомствоаралық өзара іс-қимылын күшейту.

Арнайы қызметтерді материалдық-техникалық жабдықтау мақсатында Астана қаласы әкімінің арнайы базасының қоймасын механикаландыру, температуралық режимді ұстап тұру бойынша оны жетілдіру, қыс мезгілінде жеткізу жолдарын қамтамасыз ету және мүлікті тасымалдау техникасын жөндеу жоспарланып отыр.

Астананың әскери міндеттілерінің және әскер қатарына шақырушыларының есебін жүйелендіру іс-шараларын қамтамасыз ету. Жалпыға ортақ әскери міндетті орындау шеңберінде әскерге шақыру бекеттерін материалдық-техникалық жабдықтауға қаржыландыру көзделетін болады.

Өрттердің алдын алу мақсатында Төтенше жағдайлар департаментінің қызметкерлері бұқаралық ақпарат құралдары арқылы халықты өрт қауіпсіздігі шараларына ақпараттандыру және оқыту жұмысын өткізуде. Өрт сөндіру бөлімшелерінің шұғыл әрекет жасаулары үшін қалада 4 өрт сөндіру депосын, оның ішінде екеуін ЭКСПО-2017 өткізуге дайындық шеңберінде салу жоспарланады.

Қордың мақсаты инновациялық кәсіпкерлікті құру және отандық ИКТ саласының бәсекеге қабілеттілігін арттыру болып табылады.

Бүгінгі күні Қордың екі негізгі жобасы бар: ИКТ саласында стартап-жобаларының акселерациясы және VI астаналық экономикалық форум шеңберінде «ASTEX – 2013» (Astana Smart Technologies Exhibition) көрме-конференциясын өткізу.

Қор стартап-жобаларына инвестицияларды ең бастапқы сатысында салып, сараптамалық қолдау көрсетеді, қажетті инфрақұрылыммен қамтамасыз етіп, әрі қарай кеңейту үшін әріптестер мен инвесторларды іздестіруге көмектесетін болады.

«Ақпараттық Қазақстан – 2020» мемлекеттік бағдарламасы шеңберінде отандық ИКТ-саланы қолдау мақсатында мына негізгі бағыттар бойынша іс-шаралар іске асырылады: ішкі нарықты дамыту, ІТ-сала кәсіпорындарын қолдау, ІТ-мамандар корпусын құру, заңнаманы жетілдіру, инфрақұрылымдық және институционалдық даму.

Республикалық деңгейде мемлекеттік «бұлт» құрылуда, бұл ІТ енгізу жөніндегі шығынды 25-30 % қысқартуға мүмкіндік береді, сонымен қатар, электрондық комиссияның дамуы іске асырылуда.

Астана қаласында «ЭКСПО-2017» халықаралық көрмесін өткізу жөніндегі ұлттық жоспарға сәйкес Әкімдік елорданы дамытудың бас жоспарын түзетуді жоспарлауда. Қаланың 2014 жылға арналған бюджетінде қаланың елді мекендерін егжей-тегжейлі жоспарлаудың 20-дан астам жоспарын әзірлеуге 867,2 млн. теңге көлемінде қаражат қарастырылды.

Жоспарланған іс-шаралардың есебімен әлеуметтік объектілер, тұрғын үй кешендерін, қаланың энергетикалық, инженерлік, көлік инфрақұрылымын салу саласында инвестициялық жобалар іске асырылады. Жалпы 2014 жылы құрылыс жұмыстары көлемінің болжамды өсімі 5 % деңгейінде күтіледі

Сауда-қаржылық, көлік-логистикалық және туристік-рекреациялық орталық ретінде қаланы орнықты және инновациялық дамыту, қызметтерін кеңейту басымдықтары бойынша: кешенді құрылыс салу және көлік инфрақұрылымын дамыту, тұрғын шағын аудандардағы жайлылық және энергетиканың, өнеркәсіптің және коммуналдық сектордың экологиялық қауіпсіздігі қамтамасыз етілетін болады.

Толыққанды теңдестірілген тұрғын үй нарығын құру, халықтың кең таралған қабаты үшін ипотекалық несиелеудің және тұрғын үй құрылыс жинақтарының қолжетімділігін арттыру бойынша міндеттерді шешу көзделген.

Халықтың кең ауқымын тұрғын үймен қамтамасыз ету мақсатында оны салу құнын төмендетуге бағытталған «Қолжетімді тұрғын үй – 2020» салалық бағдарламасының іс-шаралары іске асырылатын болады.

Құрылыс саласында инновациялық технологияларды енгізу, құрылыс материалдарының, бұйымдар мен құрылымдардың отандық өндірісін дамыту бойынша шаралар қабылданатын болады. Жоғары технологиялы кәсіпорындарды жеделдетіп құру тәжірибесін кеңейту мақсатында техникалық регламенттерді, стандарттарды және ережелерді қабылдау жоспарлануда.

Қазақстанның мәдени және тарихи мұрасын пайдалану көмегімен қала сәулетіне ерекшелік және өзгешелік беру жұмыстары жалғасады.

Көпсалалық аудандарды құру жоспарлануда, бұл қаланың тартымдылығын және өмірге қабілеттілігін арттыруға ықпал ететін болады.

Жаңа ірі көлемді нысандарды белсенді салу үшін ескі аудандардағы тұрғын үйді бұзу және тозығы жеткен тұрғын үйді қалпына келтіру шаралары қолданылатын болады, оның ішінде Өндіріс тұрғын үй алабында келешектегі индустриялық парк аумағы үшін жер учаскелерін босату.

Тұрғын үй қорының жағдайын жақсарту жұмыстарының көлемін анықтау үшін оның жай-күйіне талдау жасалып, кейін күрделі жөндеу және қайта қалпына келтіру бойынша шаралар қабылданатын болады.

Қазақстан Республикасында тұрғын үй-коммуналдық шаруашылықты жаңғыртудың 2011-202 жылдарға арналған бағдарламасы шеңберінде едендерді, қабырғаларды, үй төбесін жылыту есебінен ғимараттың қоршаушы құрылымдарының жылутехникалық сипаттамаларын жақсарту жөніндегі құрылыс жұмыстарының түрі – терможаңғырту элементтерін қамтитын кондоминиум объектілерінің жалпы мүлкін жөндеу өткізу жолымен тұрғын үй қорының энерготиімділігін арттыру бойынша шара қабылданады.

Сондай-ақ, қалалық жолаушылар көлігінің бағдарлық желісін оңтайландыру, Астана қаласының қалалық жолаушылар көлігін диспетчерлік бақылап отыру автоматтандырылған жүйесін жаңарту, Астана қаласының қалалық жолаушылар көлігіндегі жол жүру төлемінің бірыңғай электрондық жүйесін енгізу, жаңа автобустарды сатып алу бойынша шаралар қабылданатын болады.

Астанадан Қарағандыға, Көкшетауға, Қостанайға, Павлодарға және Степногорскке апаратын автомобиль жолдарын қайта қалпына келтіру (кіші жылдамдықты шектеулі автобандар деңгейіне дейін/халықаралық деңгейге дейін жеткізе отырып), сондай-ақ «Ақмола-Воздвиженка-Талапкер», «Астана қаласының айналасы (оңтүстік-батыс бөлігі)» автомобиль жолдарын салу жөнінде ұсыныстар енгізілетін болады.

Агломерациялық даму аясында қала шетіндегі автомобиль жолдарын салу және күрделі жөндеу жөніндегі іс-шаралар көзделген.

Қауіпсіздікті қамтамасыз ету мақсатында жол қозғалысын ұйымдастыру автоматтандырылған түрде болады және заманауи ақпараттық технологияларды қолданумен жүзеге асырылады. Бұл шартты сақтау көлік қозғалысы кезінде сәл ғана өзгерістерге шұғыл әрекет ететін икемді және бейімделген жүйені құруға мүмкіндік береді.

Жол қозғалысының ең көпсанды және осал санаты болып табылатын жаяу жүргіншілердің қауіпсіздігін қамтамасыз ету үшін жерүсті және жерасты жүргіншілер өтпелерін салу, адамдар көп жиналатын жерлерде көлік құралдарын қозғалысының максималды жылдамдығын шектеу жүзеге асырылатын болады, бұл жаяу жүргіншілердің қатысуымен болатын ЖКО санын елеулі түрде төмендетуге мүмкіндік береді.

Автомобиль жолдарында жылдамдық режимінің бұзылуын және қызыл бағдаршамға өтіп кетуді қадағалаудың автоматтандырылған жүйесін енгізу тәжірибесін енгізуді жалғстыру жоспарланады, жол қозғалысы қауіпсіздігінің қамтамасыз етілуін қадағалауда заманауи интеллектуалдық бақылау жүйелеріне үлкен роль бөлінген.

ЖРТ және ЖРТ сияқты жаңа көлік инфрақұрылымын құрудан басқа «Интеллектуалдық көлік жүйесін» (ІТS) енгізумен көлік ағынын және трафиктерді мониторингілеу мен басқару қағидаттарын өзгерту көзделеді, бұл ЖКО санын төмендетуге, жолдардың өткізу қабілеттілігін ұлғайтуға, зиян шығарылымдарды төмендетуге, Астана қаласының тұрғындары мен қонақтарының қала бойынша жол жүру кезінде орташа уақыттарын шамамен 2 есеге төмендетуге мүмкіндік береді..

Коммуналдық қызметтерді тұтынуды бақылауды автоматтандыруды енгізу, бірыңғай диспетчерлік орталықты құру жоспарланып отыр, бұл суменжабдықтауды және су бөлуді, жылу және электр қуатын, газбен жабдықтауды бақылау және жедел есеп жүргізу техникалық мүмкіндігін тудырады.

Экономиканың барлық салаларының энерготиімділігін арттыру үшін «Энергия үнемдеу және энерготиімділікті арттыру туралы» Қазақстан Республикасының 2012 жылғы 13 қаңтардағы Заңымен, сондай-ақ Қазақстан Республикасының энерготиімділігін арттырудың 2012-2015 жылдарға арналған кешенді жоспарымен қарастырылған шаралар қабылданды.

Сонымен қатар, төмендегілер жоспарланды:

энергия үнемдеуші технологиялар енгізу нарығында әрекет ететін кәсіпорындармен жұмыс жасау үшін «АЭС» АҚ базасында энергосервис компаниясын (Астана - ЭСКО) құру;

1-ЖЭО, 2-ЖЭО, қазандықтарда және т.б. энергия объектілерде энергетикалық аудит өткізу;

Саябақтағы және орам ішіндегі жарықтандыруды энергия үнемдейтін светодиодтық лампаларға ауыстыру.

Тұрғын үй-коммуналдық шаруашылық және бюджет саласы үшін ғимараттарда энергетикалық зерттеу өткізу жүргізіледі және тиісті энергия үнемдейтін іс-шаралар әзірленеді.

Терможаңғырту элементтерімен күрделі жөндеу өткізу бірінші кезекті міндет болып табылады, себебі ғимараттарды жылу тұтынуды реттеудің автоматтандырылған жүйесімен қамсыздандыру ғимараттардың жылуды тұтынуын азайтуға мүмкіндік береді.

2013 жылдың соңына дейін кондоминиум объектілерін тіркеу жұмыстарын аяқтау жоспарлануда.

Қаланың қала маңы аймағын агломерациялық дамыту үшін орта мерзімдік перспективада қаланың шет аймағы тіршілігін қамтамасыз ету және әлеуметтік инфрақұрылыммен қамтамасыз ету бойынша іс-шаралар қарастырылған. Сумен жабдықтау, су бөлу, электрмен жабдықтау нысандарын салу жұмыстарын жүргізу жоспарланып отыр. Аталған іс-шараларды іске асыру қаланың шет аймағын үйлесімді дамыту үшін жағдай жасауға мүмкіндік береді.

Астананың экономикасын энергетика инфрақұрылымымен қамтамасыз ету мақсатында, генерациялаушы жүйелерді жетілдіру бойынша іс-шаралар кешені іске асырылатын болады, ЖЭО-3 құрылысын жалғастыру жоспарлануда.

Сондай-ақ, орта мерзімді перспективада мыналар жоспарланған:

қоқыс өңдеу зауытын пайдалануға енгізу;

Есіл, Ақбұлақ, Сарыбұлақ өзендерінде және Нұра-Есіл арнасында су қорғау жолақтарын салу және жабдықтау.

су тоғандарындағы беткі қабат суларына гидрохимиялық мониторинг жүргізу;

құрамында сынап бар аспаптарды және люминесцентті шамдарды демеркуризациялау жұмыстарын жүргізу;

ҚТҚ жаңа полигонының екінші ұяшығын салу;

«жасыл белдеу» аумағында орман дақылдарын құру және екпелерді қайта қалпына келтіру;

жануарлар және өсімдіктер әлемінің көбеюін сақтау.
5-бағыт. Мемлекеттік жергілікті басқару жүйесін дамыту
1-мақсат. Мемлекеттік органдар қызметінің тиімділігін арттыру

Р/с №	Көрсеткіш	1-кезең			2-кезең		Жауаптылар
		2011 жыл	2012 жыл	2013 жыл	2014 жыл	2015 жыл
Мақсатты индикаторлар:
	Халықтың әлеуметтік маңызды қызметтер көрсету сапасына қанағаттану деңгейі,%	100,0	100,0	100,0	100,0	100,0	Астана қаласы әкімінің аппараты

Негізгі міндеттер:

Р/с №	Көрсеткіш	1-кезең					2-кезең		Жауаптылар
		2011 жыл		2012 жыл		2013 жыл	2014 жыл	2015 жыл
1- міндет. Мемлекеттік қызметтер сапасын арттыру және мемлекеттік қызметтер көрсету үдерістерін жетілдіру
	Көрсеткіштер:
	Электрондық форматқа көшірілген әлеуметтік маңызды қызметтер санын арттыру,бірлік	8,0	60,0		100,0		100,0	100,0	Астана қаласы әкімінің аппараты

Қойылған мақсаттарға жету жолдары
Көрсетілетін мемлекеттік қызметтердің сапасын жақсарту:

электрондық мемлекеттік қызметтердің үлгілік реттемесін, электрондық мемлекеттік қызметтер реттемесін әзірлеу және мемлекеттік қызметтер стандарттарына тиісті өзгерістер енгізу;

мемлекеттік органдардың олардың құзыретіне кіретін электрондық мемлекеттік қызметтерді көрсетуді қамтамасыз ету мерзімін әзірлеу және бекіту арқылы жүзеге асырылатын болады.

Коммуналдық меншікті басқаруды жақсарту мақсатында тұрақты негізде коммуналдық кәсіпорындардың қаржы-шаруашылық қызметіне мониторинг жүргізіледі, оларды бәсекелік ортаға беру жөнінде үрдістер өткізіледі

Сондай-ақ, халыққа көрсетілетін мемлекеттік қызметтердің аясын кеңейту, оларды пайдалануды жеңілдету және мемлекеттік органдар қызметінің тиімділігін арттыру мақсатында, бюрократиялық үдерістерді автоматтандыру есебінен халықтың компьютерлік сауаттылық деңгейін арттыру бойынша шаралар қолданылатын болады.