Сөздік жұмыс: Қаймықпау – қорықпау деген екенін түсіндіру.
Дидактикалық ойын: "Балық аулау".
Билингвалды компонент: балық – рыба.
Ойын шарты: педагог қармақтың басына магнит орналастырады және қағаздан жасалған балықтарды қыстырғышпен сұрақтар жапсырады.
Жұмыс дәптермен жұмыс. Дәптердегі № 32 тапсырмамен орындалады. Көмек керек балаларға педагог көмектеседі.
3. Рефлексия.
Педагог қорытынды жасайды. Оқу қызметінің ұнағанын балалар смайлик көрсету арқылы білдіреді.
№ 33 ҰОҚ
Білім беру саласы:Коммуникация
Бөлімі:Сауат ашу негіздері
Тақырыбы: «Ү» дыбысы
Мақсаты: "Ү" дыбысымен таныстыру.
Міндеттері: Сөздегі дыбыстың орнын анықтауға үйрету, жуан және жіңішке дыбыстарды ажырата білуге үйрету. Сөздерге сөйлем құрату арқылы сөздік қорларын байыту.
Жұмыс дәптеріндегі тапсырмаларды орындау барысында ұқыптылыққа тәрбиелеу. Күтілетін нәтиже:
Жасайды: дыбыстық талдау жасайды
Түсінеді: «Ү» дыбысымен «Ұ» дыбысының ұқсастығын; Қолданады: сөздердің ішінен жаңа дыбысты табуды.
Қолданылатын көрнекі құралдар: қолайна, жұмыс дәптер, ойыншық үйрек, смайликтер.
Сөздік жұмыс: бөбек.
Билингвалды компонент: үйрек – утка.
ҰОҚ барысы:
1. Ұйымдастыру кезеңі
Балалар, бізге бүгін қонаққа алыстағы көлден Үйрек келіпті. (Үйректі көрсету).
Сәлеметсіңдер ме, балалар.
Билингвалды компонент: үйрек – утка
2. Негізгі кезең
–Кәне, бәріміз «үйрек» – деп айтайықшы.
Үйрек қай дыбыстан басталады?
Бүгін біз «Ү» дыбысымен танысамыз.
«Ү» дыбысы – дауысты дыбыс.
Дауысты дыбыстарды қандай текшемен белгілейміз?
«Ү» дыбысы балалар «Ұ» дыбысына ұқсайды. Бір-біріне ұқсас ағайынды дыбыстар. Екі дыбыс та – дауысты дыбыстар.
«Ү» дыбысының айтылу артикуляциясы мынадай.
Ерін алға созылып, түтікшеге ұқсайды тіл, ауыз қысылып ұшы сүйірленіп, жоғары көтеріңкірейді. Дауыс шымылдығы ашық болады.
«Ү» дыбысын, кәне, айнаға қарап айтыңдаршы.
Тіл жаттықтыру.
Үс-үс-үс – көрдім бүгін түс.
Үш-үш-үш – бойға жинап күш. Үй-үй-үй – алыста тұр киіз үй.
«Ү» дыбысына кездесетін сөздерге мысалдар айтқызу.
«Ү»дыбысы қазақтың төл дыбысы екенін айтып кету.
Сергіту сәті:
Басбармағым бастап берді, Саусақтарым ән сап берді. Шылдыр шүмек шылдырлады, Кіші бөбек былдырлады.
Сөздік жұмысы: Бөбек – сәби.
«Ү»дыбысын өлең сөзінде, қай сөзде кездесіп тұрғанын айтыңдар.
Екі көзің не үшін керек?
Екі қолың не үшін керек?
Құлақ деген не үшін керек?
Жүрек деген не үшін керек? Тіл мен жағың не үшін керек?
Балалар, сендер осы өлең жолында «Ү» дыбысы бар сөзді, есте сақтадыңдар ма?
"Үтік "сөзіне дыбыстық талдау жасау .
Ү қандай дыбыс?
Т қандай дыбыс? – І қандай дыбыс?
К қандай дыбыс?
Дидактикалық ойын: «Сөз ойлап айт».
Ойын шарты: Педагог әр балаға қалам таратады. Берілген дыбысқа сөз құрап айтады. Кім көп сөз айтса, соның қаламы көп болады.
Жұмыс дәптермен жұмыс: дәптердегі № 33 тапсырма орындалады. Көмек керек балаларға педагог көмектеседі.
Достарыңызбен бөлісу: |
