Бағдарламасы мониторингі бойынша жедел есептілік Есепті кезең

Бүгінгі таңда аудан тұрғындарына медициналық-санитарлық көмек көрсету барысында жалпы 6 аурухана, 3 аудандық емхана ұйымдары жұмыс атқаруда. Атап айтқанда 410 төсек-орындық аудандық орталық аурухана, 130 төсек-орындық Қарабұлақ аудандық ауруханасы, 185 төсек-орындық Сайрам аудандық ауруханасы, Ақсукент, Сайрам, Қарабұлақ емханалары және 100 төсек-орындық аудандық туберкулезге қарсы диспансер. Одан басқа ауданда ондан астам жекеменшік медициналық ұйымдар қызмет көрсетуде.

Денсаулық сақтау саласына 2012 жылға 4 065 006,7 мың теңге қарастырылды. Ажыратылған қаржының 440 791,2 мың теңгесі дәрі-дәрмекке, 97 186,2 мың теңге тамақ өнімдерін сатып алуға жоспарланған. Одан бөлек тегін дәрі дәрмекке – 384 727,28 мың теңге қарастырылды.

Сайрам аудандық денсаулық сақтау саласында 2012 жылға 12 айында игерілгені 4 097 596,95 мың т. Соның ішінде еңбек ақысына 2 567 730,7мың тенге,тамақ өнімдеріне 97 186,2 мың тенге, дәрі-дәрмекке 440 791,2 мың тенге.

Денсаулық сақтау мекемелерін заман талаптарына сай медициналық құрал-жабдықтармен қамтамасыз ету үшін бюджет есебінен 228 498,05 мың теңге қарастырылып, ауруханалар мен дәрігерлік амбулаторияларға қажетті медициналық құрал жабдықтар сатып алынуды. 2012 жылдың 12 айында 228 498,05 мың тенге игерілінді.

2012 жылға 5 құрылыс нысаны белгіленіп, атап айтқанда Қарамұрт ауыл округі Низамабад дәрігерлік амбулаториясының құрылысы аяқталып, пайдалануға берілген. Ал қалған Жібек жолы ауыл округі Машат медициналық пункті, Қарасу ауыл округі Мәртөбе дәрігерлік амбулаториясы, Көлкент ауыл округі Жанатұрмыс медициналық пункті құрылыстарының қазіргі танда құрылыс жұмыстары аяқталып, жұмыс және мемлекеттік комиссясынан өткен. Бүгінгі таңда пайдалануға берілмеген. 2010 жылы құрылысы басталған Қаратөбе ауылында ауысымына 120 адам қабылдайтын ауылдық емхананың құрылысы аяқталып, пайдалануға берілген.

2013 жылға Сайрам ауданы Исфиджаб-Артель ДА-ның құрылысы (Сайрам) , Сайрам ауданы Көмешбұлақ ауылындағы ФАП құрылысы (Ақсукент), Сайрам ауданы Сыйхым ФАП құрылысы (Ақсукент) және Сайрам аудандағы Бескепе МП құрылысы (Ақсукент), Сайрам аудандағы Ошақты МП құрылысы (Ақсукент), Сайрам ауданы Сары Арык МП құрылысы (Ақсукент) соғу жоспарланды.

Бүгінгі таңда «Саламатты Қазақстан 2011 -2015» мемлекеттік бағдарламасы жүзеге асыру бойынша үлкен жұмыстар жүргізілуде. Бұл бағытта тұрғындарды профилактикалық скринингтік тексеруден өткізу, амбулаториялық-емханалық денгейде науқастарды дәрігердің рецепті бойынша тегін дәрі-дәрмекпен қамтамасыз ету жұмыстары жалғастырылуда.

Аудан бойына бұл мақсатқа 2012 жылға жалпы 384 727,28 мың теңге қарастырылып, 31.12.2012. жылға - 384 727,28 мың теңге игерілді (100 пайыз).

Күндізгі стационарларда есептік кезеңде 6822 науқас, ал үйдегі стационарда 1197 науқас ем қабылдады.Аудан ауруханаларында 825 сметалық төсек-орын жұмыс атқаруда. Тұрғындарды стационарлық төсек-орынмен қамтамасыз ету көрсеткіші әрбір 10 мың жанға шаққанда 28,2 құрап отыр. Есептік кезеңде ауруханаларда – 20083 науқас емделіп шықты

Медицина қызметкерлері халық арасында санитарлық-ағарту, ауруды дер кезінде анықтау үшін үй аралау жұмыстарын тұрақты атқаруда. Бірінғай ұлттық денсаулық жүйесі бағдарламасы іске асырылған, халық осы бағдарлама бойынша хабардар етілген. Әр бір тұрғын өз қалаған емханасына тіркеліп және ем қабылдауға қуқығы бар. Бірынғай ұлттық денсаулық жүйесі бойынша «Ауруханаға жатқызу бюросы», « Стационарлық науқастардың электронды тіркелімі». «Бекітілген халық тіркелімі», « Жан басына шаққандағы ынталандырушы компонент» порталдарымен жұмыс жүргізіледі.

Аудандық орталық ауруханада телемедицина бойынша кеңестер жүргізіледі. Жоғары дәрежелі медициналық көмекке науқастарды Алматы, Астана қалаларындағы Ұлттық Ғылыми орталықтарға, облыстық клиникалық ауруханаға, облыстық балалар ауруханасына, кардиологиялық және онкологиялық орталықтарына жіберіледі.
ХАЛЫҚТЫ ӘЛЕУМЕТТІК ҚОРҒАУ

Ауданымызда жалпы халық саны 310175 адамды құраса, экономикалық тұрғыдан белсенді халық 135,7 мың адам, жалпы жұмыссыздар 6,7 мың адамды құрап, жұмыссыздық деңгейі 4,9 пайыз немесе былтырғы жылдың деңгейінде сақталды. (облыстық көрсеткіш 5,3 пайыз).

есепті мерзімде жұмыспен қамту бөліміне және жұмыспен қамту орталығына 4279 адам жұмыс іздеп келсе, олар толығымен тұрақты жұмыспен қамтылды.

Жұмыспен қамту бөлімі арқылы нысаналы топқа жататын 36 адам әлеуметтік жұмыс орындарына тартылса, 993 адам ақылы қоғамдық жұмыстарға жолданды.

Әлеуметтік жұмыс орындарына нақтыланған 1722,0 мың тенге, ақылы қоғамдық жұмыстарға жоспарланған 30052,0 мың теңге қаржы толығымен игерілді.

Жергілікті бюджет есебінен еңбек рыногының сұранысына қажет мамандықтарға 110 адам оқытылып, осы мақсатқа нақтыланған 10317,0 мың теңге толығымен игерілді және кәсіби мамандық алған азаматтар толығымен жұмыспен қамтылды

2012 жылы ауданымызда 2674 жаңа жұмыс орындарын ашу жоспарланса, жыл ағымында 2753 жаңа жұмыс орындары ашылды.

Атап айтқанда: өнеркәсіп саласында-650, құрылыс саласында-305, ауыл шаруашылықта-546, сауда саласында-18, «Батыс Европа-Батыс Қытай» дәлізінде 204, білім беру саласында 89 және басқа салалаларда-941 жаңа жұмыс орындары ашылды.

Кәсіптік, орта арнайы және жоғары оқу орындарын бітірген жастарды, жұмыссыздарды жұмыспен қамту мақсатында есепті мерзімде 5-рет бос жұмыс орындары жәрмеңкесі өткізілді. Қортындысында 64-мекемеден 428 жұмыс орындары ұсынылып 433 азаматқа жұмысқа жолдама берілді. 1194 адам еңбек заңдарымен нормативтік актілер бойынша кеңестер алды.

Бизнестің әлеуметтік жауапкершілігін арттыру аясында, 2012 жыл ағымында 16 бизнес құрылымдарымен меморандумдар түзіліп, әлеуметтік нысандарды дамыту мақсатында 675660,0 мың теңгеге жұмыс берушілер тарапынан жұмыстар атқарылды.

Жұмыспен қамту-2020» бағдарламасы аясында 2012 жылға ауданымызға Республикалық бюджеттен 921 млн 654 мың теңге қаржы нақтыланған.

Бағдарламаның бірінші бағыты немесе жұмыссыздарды кәсіби мамандықтарға оқыту және тұрақты жұмыспен қамту бойынша, жұмыспен қамту орталығы арқылы 175 адам қайта даярлау және 10 адам біліктілігін арттыру курстарын бітіріп, толығымен жұмыспен қамтылды.

Жұммыссыз азаматтарды еңбек рыногының сұраныстарына сәйкес, жеміс және көкөніс өсіруші, жол және құрылыс машиналары, фермер, кең профильді механизатор, газ және электр дәнекерлеуші, аспазшы, көлік жөндеу шебері және тракторист-машинист мамандықтарына оқытылды.

Сонымен қатар, мемлекеттік тапсырыс бойынша 426 адам 2012-2013 оқу жылдарына оқуға жолданып, аудан аумағындағы білім беру мекемелерінде кәсіптік мамандықтарға оқытылуда.

Жыл ағымында нысаналы топқа жататын 747 адам әлеуметтік жұмыс орындарына жұмысқа тартылып, оларға Республикалық бюджет есебінен 100 млн 951 мың теңге еңбекақы төленді.

Кәсіптік, орта арнайы және доғары оқу орындарын бітірген жас мамандарға «Жастар практикасы» ұйымдастырылып, практикаға 782 адам жіберілді.

Осы мақсатқа жыл ағымына жоспарланған 92 млн 058 мың теңге қаржы еңбекақы толығымен игерілді.

Жұмыспен қамту орталығы арқылы 445 жұмыссыз азаматтар тұрақты жұмыспен қамтылды.

Бағдарламаның екінші бағыты немесе ауылдық жерлерде кәсіпкерлікті дамыту бойынша 125 адам кәсіпкерліктің негіздеріне оқытылды.

Жыл ағымында өз кәсіпкерліктерін ашуға және дамытуға 123 адамға 278,3 млн теңге шағын несие берілді.

Бағдарламаның төртінші бағыты немесе инфрақұрылымды дамыту бойынша ауданда қаралған 11 жобаға 235 млн 154 мың теңге қаржы қаралды. Осы жұмыстарға жергілікті тұрғындар есебінен 250 адам жұмысқа тартылды.

Аз қамтылған отбасыларының өмірлік деңгейлерін көтеру. Есепті мерзімде 46 отбасына немесе 186 адамға 4815,0 мың теңге мемлекеттік атаулы әлеуметтік көмек көрсетіліп, аудан бойынша кедей азаматтардың үлесі тұрғындардың 0,03 пайызын құрады. Олар негізінен көп қабатты үйлерде тұратын, көп балалы және жалғыз басты аналар.

Есепті мерзімде 5425 отбасына немесе 20037 балаға 313242,0 мың теңге балалар жәрдемақысы төленді немесе былтырғы жылмен салыстырғанда жәрдемақы алатын отбасылар саны 47 отбасына кеміді.

2012 жылы аз қамтылған 803 отбасына 26245,0 мың теңге тұрғын үй жәрдемақысы төленді.

Аға ұрпақ өкілдерін, мүгедектерді және жеке санаттағы азаматтарды әлеуметтік қолдау. 2012 жыл ағымында 80 жастан асқан 22 жалғызілікті қарттарға айына бір айлық есептік көрсеткіш мөлшерінде 395,4 мың теңге қосымша төлемақы төленді.

Жергілікті бюджет есебінен шұғыл емделуді қажет ететін жекелеген санаттағы 368 азаматтарға 1698,4 мың теңге бір жолғы әлеуметтік көмек және АҚТҚ инфекциясын жұқтырған 6 баланың отбасына өтемақы ретінде 1869,7 мың теңге материалдық көмек көрсетілді. АҚТҚ инфекциясын жұқтырған 31 балаға, облыстық бюджеттен 13318,0 мың теңге қаржы төленді.

2012 жылы қол арбаға мұқтаж 95 мүгедекке жергілікті бюджет есебінен 2040,0 мың теңгеге қол арба алып берілсе, облыстық басқарма есебінен 26 дана, демеушілер есебінен 10 дана қол арба таратылды.

Сайрам және Қайнарбұлақ балалар үйінде тәрбиеленіп, жоғары және орта оқу орындарында оқитын 75 жетім балаларға 1845,0 мың теңге шәкірт ақы төленді.

Аға ұрпақ өкілдерін жергілікті және облыстық басылымдарына тегін жаздыруға жергілікті бюджет есебінен 565,1 мың теңге қаржы аударылды.

9 мамыр-Ұлы Отан Соғысындағы жеңістің 67 жылдық мерекесіне орай, 67 ҰОС ардагерлері мен мүгедектеріне, пәк аналарға, Венгр оқиғасына қатысушыларына 10,0 мың теңгеден әлеуметтік көмек көрсетілді және осы мақсатқа 1712,0 мың теңге қаржы жұмсалды.

«Халықаралық қарттар күні» және «Мүгедектер күні» мерекесіне орай 614 мүмкіндігі шектеулі жандар мен жалғызілікті қарттарға жергілікті бюджет есебінен 718,4 мың теңгеге азық түлік жиынтығы берілді.

Жүріп тұруы қиын І топтағы 71 мүгедекке 35 жеке көмекші бекітіліп, естуі бойынша мүгедектігі бар 33 азаматқа 6 ымдау тілі мамандары әлеуметтік қызмет көрсетті. Жергілікті бюджет есебінен 19946,0 мың теңгеге гигиеналық заттар сатып алынып, таратылды.

Үйде оқытылып тәрбиеленетін мүмкіндігі шектеулі 262 балаға оқу құралдарына 3425,0 мың теңге қаржы жұмсалды.

2012 жыл ағымында облыстық бюджет есебінен 107 мүгедекке протезге және 36 мүгедекке есту аппаратына жолдама берілсе, 21 мүгедекке сурдотифло құралдары берілді.

2012 жылы 845 жеке санаттағы азаматтар шипажайларда өз денсаулықтарын сауықтырды. Осы мақсатқа 5300,0 мың теңге қаржы бөлінді.

Сонымен қатар, жекелеген санаттағы азаматтарға демеушілер есебінен де бірқатар көмектер көрсетілді. Демеушілер тарапынан өткізілген іс-шараларға 23738 адам қатысып, 24235,4 мың теңге қаржы жұмсалды.

«ЯНС» ЖШС-сі есебінен 1283 жеке санаттағы азаматтарға әлеуметтік қоладау көрсетіліп, осы мақсатқа 6137,3 мың теңге жұмсалды;

Электр таратушы мекемелер есебінен, электр жарығын пайдаланғаны үшін 69 азаматқа (ҰОС ардагерлері мен мүгедектеріне) 315,8 мың теңге жеңілдік берілді;

20 азаматқа (ҰОС ардагерлері мен мүгедектеріне) 30,4 мың теңге ауыз суға жеңілдік көрсетілді;

39 азаматқа (ҰОС ардагерлері мен мүгедектері, аз қамтамасыз етілген тыл еңбеккерлері) 36,7 мың теңге мөлшерінде монша, шаштараз қызметтері көрсетілді; 4 азаматқа (аз қамтылған отбасыларына) 28,6 мың теңгеге жеңілдікпен дәрі-дәрмек босатылды.

Аудан бойынша 2012 жылы 18 жасқа дейінгі мүмкіндігі шектеулі 1607 бала анықталса, 240 бала 41 әлеуметтік қызметкерлердің қамқорлығына алынды.

18-жастан асқан психоневрологиялық ауруы бар 114 азаматтарға үйде әлеуметтік қызмет көрсетілсе, 183-жалғызлікті қарттарға әлеуметтік қызмет көрсетілуде.

Аудан бойынша 2012 жылы спортпен тұрақты түрде шұғылданатындардың саны 49496-ға, яғни 16% (2011 жылы -14%). жетті, бұл аудан халқының 16% құрайды. Салауатты өмір салтын насихаттау мақсатындааудан бойынша 2012 жылы спорттың 14 түрі бойынша әр түрлі деңгейдегі 142 спорттық іс-шаралар өткізілді. Оған 40477 спортшылар қатысты. Аудан бойынша спорт ғимараттарының саны 430-ға жетіп, спортпен шұғылданушылардың саны күннен күнге артуда.

Ауданда жалпы білім беретін ұйымдарда 634 дене тәрбиесінің мұғалімдері жұмыс істейді. Ауданның негізгі және орта мектептерінде қоғмдық негізде 161 спорттық үйірмелер ұйымдастырылып, 22350 бала спортпен шұғылданды. Орта мектептерде сыныптан тыс 4 спорттық үйірмелер жұмыс істейді.

2012 жылы 24786 жасөспірім спортпен тұрақты түрде шұғылданды, 2011 жылмен салыстырғанда 4,2 пайызға артты.

Сайрам ауданының аумағында 12 туристікобъектілері орналасқан, оның ішінде 1 –қонақ үй, 7 – демалу зонасы, 1 – сауықтыру лагері, 1- шипажай, 1 – кемпинг, 1 – санаторий. «Манкент» шипажайы әр мауысымда 1500 адамға дейін қабылдап, 2012 жылдың 12 айында 15300 адамға емдеу-сауықтыру қызметтерін көрсетті.

Ауданда 58 тарихи мекендер мен қалашықтар, сонымен қатар архитектура және қала құрылысының ескерткіштері бар. Бұлар Қазақстан Республикасынан тыс, таяу және алыс шетелдерде кеңінен еблгілі, мұсылмандардың қажылық жасайтынорындарының бірі болып табылады.

Ауданда туризм және демалыс орындары үшін пайдалануға болатын табиғи ландшафтар мен шырайлы жерлері, материалдық базалары бар.

2012 жылы демалу мақсатында 20300 адам келіп, ішкі туризмнің көлемі 2011 жылмен салыстырғанда 12 пайызға артты (2011 жылы 18158). Кірме туризмнің көлемі 50 адамды құрап, 2011 жылмен салыстырғанда 25 пайызға ұлағйды (2011 жылы – 40 адам).

Манкент ауыл округіндегі 900 оқушыға арналған 1-Май ОМ құрылысы

2010 жылда басталған. Сметалық құны 913000,0 мың теңге. Бас мердігер «NTR» ЖШС-гі. 2011 жылда республикалық бюджет есебінен 562504,0 мың теңге, облыстық бюджеттен 56250,0 мың теңге қарастырылып, құрылыс жұмыстары жүргізіліп, толығымен игерілген. 2012 жылға 272 264,0 мың теңге қарастырылып, оның 272 263,864 мың теңгесі игерілген. Нысанның құрылыс монтаж жұмыстары толығымен аяқталып, мемлекеттік қабылдау комиссиясы өз жұмысын атқарып, 31 тамызда пайдалануға тапсырылған.