Несслер реактиві (аммоний-ионына сапалық реакция)

Көлемі 50 мл стаканға 80⁰ С дейін қыздырылған сынап (ІІ) нитратының 0,1 н ерітіндісінің 5 мл құйыңдар. Оған 5 мл калий йодидының 0,1 н ерітіндісін қосыңдар. Қоспаны суытып, түзілген тұнбаны біраз уақытқа қалдырыңдар. Тұнбаның үстіндегі сұйықты төгіп тастап, декантация әдісімен 3 рет суық дистилденген сумен жуыңдар. Тұнбаға 5 мл суда ерітілген 0,2 г калий йодидын қосып, араластырыңдар. Тұнба ерігеннен кейін оған 3 мл натрий гидроксидінің 10% ерітіндісін қосып, қоспаны тығыны бар қоңыр шыныдан жасалған шынысауытқа ауыстырыңдар. Сынауыққа 2 мл алынған ерітіндіні құйып, тамшуырмен бірнеше тамшы 1 н аммиак ерітіндісін қосыңдар. Не байқалады? Реакция теңдеулерін жазыңдар.

68 суреттегідей құрылғы жинаңдар. Кәрлен қайықшада 1-2 г таза мырыш түйірін өлшеп алып, қайықшаны қиын балқитын түтікке орналастырыңдар. Қабылдағыш ретінде Вюрц құтысын қолдануға болады.

Барлық мырыш әрекеттесіп біткеннен кейін аспапты хлор ағынында суытыңдар. Кипп аппаратын пайдаланып хлорды құрғақ көміртек диоксидімен ығыстырып шығарыңдар. Қабылдағышты алып тастап, оның саңылауын тез тығынмен жабыңдар. Тұздың ауада не болатынын тексеріңдер. Алынған өнімнің аздаған мөлшерін суы бар кәрлен тостағанға салыңдар. Не байқалады? Реакция теңдеулерін жазыңдар. Жауаптарыңды түсіндіріңдер.