1.7 Сапалық анализдің мәні және әдістері
Аналитикалық химияда сапалық анализ әдістері физикалық, физика - химиялық және химиялық болып бөлінеді. Физикалық, физика-химиялық анализ зерттелетін қоспаның химиялық құрамын өзгертпей оның физикалық қасиеттері зерттеуге негізделген. Аналитикалық топ-белгілі бір жағдайда бір реактивпен әрекеттескенде ұқсас аналитикалық реакциялар беретін катиондар тобы. Иондар қоспасын талдағанда, белгілі бір ионды ашқанда аналитикалық реакцияларды орындау үшін бөлшекті және жүйелі талдау әдістері қолданылады.
Бөлшекті әдіс — әрбір ионды өзіне тән арнайы реакциялармен басқа иондардың қатысында олардан ажыратпай өткізуге болады. Кедергі келтіретін иондар реакцияға қатыспайтын түрге көшіріледі. Бұл жағдайда иондарды табу үшін кезектілікті сақтау міндетті емес. Бұл әдіс өте карапайым, бірақ иондарды ашудың арнайы реакциялары аз болғандықтан оны қолдану шектеулі.
Жүйелі әдісі — иондарды алдын-ала арнайы аналитикалық топтарға бөліп талдауға негізделген, яғни әрбір аналитикалық топтардағы иондарға сәйкес аналитикалық реакцияларды пайдалана отырып жеке иондар анықталады.
Аналитикалық талдауда катиондарды сульфидтік (күкіртсутекті), аммиакты - фосфатты және қышқылды-негіздік жіктеу түрлері қолданылады.
Достарыңызбен бөлісу: |
