Білім алушыларды тәрбиелеуде қҰндылықҚа бағытталған тәсілді жүзеге асыру бағдарламасы
жүктеу/скачать 5.22 Mb. Pdf көрінісі
|
| Жобаның мақсаты: Қазіргі заманда ұмыт болып бара жатқан және
өзектілігін жоймаған дәстүрлер мен ғұрыптарды адамгершілік, тәрбиелік құндылықтар тұрғысынан жаңғырту, күнделікті қолданысқа енгізу. Қазақ ұлттық өнері, дәстүрлерінің, ұлттық тағамдарының ерекшеліктері мен құндылықтарын танымал ету. Жобаның міндеттері: - Оқу-тәрбие процесінде ұлттық дәстүрлер мен ғұрып негізінде тәрбиелеу міндеттерін жүзеге асыруға ата-аналарды, мемелекеттік және үкіметтік емес ұйымдарды тарту; - ұлттық рух пен патриотизмді дәріптеу; - жалпыұлттық және рухани құндылықтарды нығайту; - этникалық мәдениетті сақтау, ұлттық мәдениет дәстүрлеріне тәрбиелеу; - дәстүрлер мен әдет-ғұрыптарды сақтай отырып, ұлттық мінез бен ұлттық сананы қалыптастыру; - білім алушыларға ұлттық тағамдардың құндылығы мен пайдалылығын түсіндіру. Жобаның жаңашылдығы: Дәстүрлі ұлттық мәдени құндылықтарды білім алушылардың бойына сіңіру, отбасында ұлттық салт-дәстүрлерді, әдет-ғұрыптарды сақтау, ұлттың рухани-тәжірибесін ұрпақтан-ұрпаққа жеткізу мақсатында ұрпақтар арасындағы байланысты күшейту. Егер бұрын ата-бабамыз ұлттық салт- дәстүрді мен әдет-ғұрыптарды отбасында, халық арасында ұрпақтан-ұрпаққа таратып, сақтап отырған болса, ал қазіргі отбасыларда ұлттық мәдени құндылықтарды, салт-дәстүрлер мен әдет-ғұрыптарды тасымалдаушы, сақтаушы және таратушы ретінде бірегейлік сақтала бермейді. Сондықтан ұлттық кодты, мәдени-рухани құндылықтарымызды, ұлттық дәстүрлер мен ғұрыптарды білім алушылардың бойына сіңіруді, дәріптеуді, ұрпақтан-ұрпаққа таратуды білім беру мекемелерінде жүзеге асыру маңызды. Ұлттық дәстүрлер мен әдет-ғұрыптар рухани және мәдени даналықтың сарқылмас қайнар көзі. Біздің басты міндетіміз – ата-бабамыздан келе жатқан ұлттық дәстүрлер мен әдет-ғұрыптарды, мәдениеті мен рухани байлығын 274 жоғалтпау, жас ұрпақтың бойына сіңіру, күнделікті өмірінде пайдалана алатындай сезіндіру, құрметтеу, ұмыт болып бара жатқан дәстүрлерімізді жаңғырту, оны ұрпақтан-ұрпаққа жалғастыру. Ұлттық болмысымыздан, төл мәдениетіміз бен салт-дәстүрімізден ажырап қалмау – барлық өркениеттер мидай араласқан аласапыранда жұтылып кетпеудің бірден бір кепілі. Ұлттық салт-дәстүрлер мен әдет-ғұрыптар ұрпақтың санасын оятып, ұлттың жадын жаңғыртуға мүмкіндік береді. Бүкіл қоғамды ұйыстыратын құндылықтар неғұрлым көп болса, бірлігіміз де соғұрлым бекем болады. Сондықтан да халқымызды біріктіретін ортақ құндылықтарымыз, әдет-ғұрып, салт- дәстүрлерімізді барынша дәріптеп, ой-санаға берік орнықтыруымыз қажет: - мектеп пен қоғам бірлестігінде дәстүрлер мен әдет-ғұрыптарды жандандыру, жаңғырту жұмыстарын ұйымдастыру, проблемалық мәселелерді шешу; мектепте, қоғамдық орындарда, аула клубтарында, қосымша білім беру ұйымдарында ұлттық құндылықтарымызды, мәдениетімізді, дәстүрлер мен ғұрыптарымызды дәріптеу, ұмыт болып бара жатқан дәстүрлерімізді жаңғыртуға жәрдемдесу. - барлық мәдени-ағартушылық құрылымдардың өскелең ұрпақты дамыту мен тәрбиелеуге қатысуы. Бұл ретте ауыл мектебі – өз базасында мемлекеттік, сондай - ақ қоғамдық түрлі құрылымдардың күш-жігерін біріктіруге мүмкіндік беретін әлеуметтік-мәдени орталықтың моделіне айналуға тиіс. Жобада бағытталған маңызды мәселелер: - Оқу-тәрбие процесінде дәстүрлер мен ғұрыптар негізінде жалпыұлттық және рухани құндылықтардың дамыту; - Ұлттық мәдениет пен ұлттық бірегейліктің болмауы; - Жас ұрпақты тәрбиелеуде ұлттық дәстүрлер мен ғұрыптардың толық сақталмауы; - Мақал-мәтелдер мен халық ауыз әдебиетінің бала тәрбиесінде, оның күнделікті өмірінде қолданыс таппауы; - Ұлттық киім, ұлттық тағам, ұлттық қол өнер дәстүрлерінің ұмыт болып бара жатуы; - Дәстүрлер мен әдет-ғұрыптардың өскелең жас ұрпақтың ұлттық санасын, ұлттық мінез-құлқын, ұлттық мәдениетін қалыптастырудағы рөлінің айқын болмауы. жүктеу/скачать 5.22 Mb. Достарыңызбен бөлісу:
|