Білім беру бағдарламасының (ларының) білім алушыларына арналған gpzja 6308Ғылыми-практикалық зерттеулер жүргізу әдістемесі
Эксперименттің мәні – зерттеу құбылыстарын бақылап, дәйектерін айқындау
жүктеу/скачать 2.5 Mb. Pdf көрінісі
|
- Бұл бет үшін навигация:
- Анықтаушы эксперимент
- Бақылаушы эксперимент
- , педагогикалық экспериментке мынадай талаптар қойылады
| Эксперименттің мәні – зерттеу құбылыстарын бақылап, дәйектерін айқындау
үшін нақты жағдайларды жасаумен анықталады. Эксперимент жүргізуде төмендегі әрекеттерді орындау қажет. 1. Экспериментті жүргізу техникасын таңдау және негіздеу: а) міндеттердің қойылуы; ә) көрсеткіштерді таңдау; б) өзгермелі факторларды таңдау; в) сандық, сапалық деңгейлерді таңдау. 2. Жоспарлау: а) бақылау сандарын анықтау; ә) эксперименттің жүргізілу тәртібі; б) қолданатын реттеу әдісі; в) эксперименттің математикалық модель негізінде сипатталуы. 3. Талдау: а) мәліметтерді жинақтау және өңдеу; ә) ғылыми болжамды статистикалық есептеу арқылы тексеру және статистикалық есептердің өзін де тексеру; б) нәтижелердің түсіндірілуі (интерпретациясы). Педагогикалық эксперимент мақсатына қарай 4 сатыға бөлінеді (2-сурет): 2-сурет Педагогикалық эксперименттің сатылары. 1. Анықтаушы эксперимент – күнделікті өмірдегі педагогикалық құбылыстарды зерттеу мақсатында жүргізілетін эксперимент. 2. Қалыптастырушы эксперимент - жаңа педагогикалық құбылысты ғылыми идея негізінде қалыптастыру мақсатында жүргізілетін эксперимент. 3. Бақылаушы эксперимент – педагогикалық мәселені пайымдау үрдісінде жасалған ғылыми болжамды бақылау, тексеру мақсатында жүргізілетін эксперимент. 4. Реттеуші эксперимент – педагогикалық үрдісте зерттеу барысында алынған нәтижелерді өңдеп рәсімдеу мақсатында жүргізілетін эксперимент. Сонымен қатар, педагогикалық экспериментке мынадай талаптар қойылады: − эксперименттің мақсаты нақты, айқын болуы тиіс; − эксперименттің оңтайлы нәтижелі болуы үшін зерттеу әдісіне сәйкес эксперименталдық база ұйымдастырылуы тиіс; − зерттелетін мәселе жан-жақты қарастырылып, талданып, өңделуі тиіс; − эксперименттік топ қатысушылары оның мақсаты мен міндеттерін анық білуі тиіс; − экспериментке ғылыми болжам жасалуы және оның негізделуі анық болуы керек; − экспериментті жүргізуде жоспарлы, жүйелі іс-әрекет ұйымдастырылуы тиіс; − экспериментті ұйымдастырушылар экспериментті жүргізуде әрбір қадамын бақылап, үнемі талдау жүргізіп отыруға тиісті; − экспериментке қатысушы сараптаушылар тобы зерттеушіге және зерттеу мәселесіне тәуелсіз болуға тиіс; − эксперимент барысында алынған мәліметтер мен нәтижелер нақты қағазға жазылып алынуы тиіс; − эксперимент барысында алынған нәтижелер мұқият талдануы тиіс; − эксперимент нәтижесі бойынша соңғы қорытынды пікір нақты, жан-жақты сипатталынып берілуі тиіс. Қазіргі таңда білім беру жүйесінің басты мақсаты – ұлттық және жалпы адамдық құндылықтар, ғылым мен практиканың жетістіктері негізінде жан-жақты дамыған тұлғаны қалыптастыру. жүктеу/скачать 2.5 Mb. Достарыңызбен бөлісу:
|