ВОСПОМИНАНИЕ О ПРЕДСЕДАТЕЛЕ КОЛХОЗА

Мои друзья, хорошо знающие кулинцев, предупредили меня: «Если хочешь работать с кулинцами, ты должен понимать и принимать их юмор, шутки, иначе тебе там не работать».

Мне, как человеку общительному, доброжелательному, было довольно легко привыкнуть к новой обстановке, новым людям, достаточно озорным ученикам и общественности с. Кули.

К молодым специалистам, работающим в селении, кулинцы относились с большим уважением, спрашивали какие у нас проблемы и каждый от мала до велика, старались быть рядом с нами и помочь, если в этом была нужда.

Мой отец умер в 1942 году, старший брат погиб под Сталинградом. Мне, парню, которому было 22 года от роду, остро не хватало доброго совета и поддержки со стороны старших. Именно такую братскую поддержку я получил в Кули прежде всего от двух его жителей – Алибекова Юсупа Мамедбековича, участника и инвалида Великой Отечественной войны, человека щедрой души, исключительно трудолюбивого, доброжелательного, порядочного, и председателя правления колхоза им. Г. Саидова, участника Великой Отечественной войны Гаджиева Магомед-Гаджи Гаджиевича, исключительно способного организатора колхозного движения, требовательного руководителя, мудрого наставника, любящего людей труда, пользующегося непререкаемым авторитетом. Именно в его бытность председателем колхоза, последний стал известен на всю страну, люди стали жить лучше, молодёжь, после окончания средней школы, оставалась работать в колхозе и зарабатывали прилично.

Мне вспоминается интересный случай. Это было перед ноябрьскими праздниками 1959 года, не прошло и двух месяцев, как я женился на русской учительнице, которая приехала из далёкой Ивановской области. Мы с женой жили в доме Юсупа Алибекова (Сухова). Сидели вечером писали планы уроков. В восьмом часу вечера постучали в дверь, открываю, вижу, стоят у дверей председатель правления колхоза М-Г. Гаджиев, секретарь парткома, председатель сельсовета. Приглашаю их в комнату, угощая их, жена налила чай, поставила на стол варенье, привезённое из Иваново, и картофельные пирожки. Магомед-Гаджи улыбнулся и с присущим ему юмором сказал: «Ты, Хасмагомед, разве не знаешь, что кулинцы чай не пьют». Не успел он этого сказать, как открывается дверь комнаты и заходят хозяин дома Юсуп и его жена Зулпат. У Юсупа в руках балхарский кувшин с бузой, а у Зулпат – поднос с хинкалом.

«Договорились, что ли?» – подумал я. Увидев моё удивлённое лицо, Магомедгаджи наполнил кружки бузой и, повернувшись ко мне, сказал: «Ты не забывай, что женился на кулинке (она и до этого работала в Кули, поэтому он назвал её кулинкой), и мы твою жену Аллу в обиду не дадим. С этого времени ты зять кулинцев. Поздравляем тебя с бракосочетанием.

Затем сделал ряд пожеланий и заодно вручает мне конверт и список продуктов, которые были заранее выписаны, чтобы я их получил со склада колхоза. В этот список входили: 1 мешок картошки, 1 мешок муки, трёхлитровый баллон мёда, трёхлитровый баллон топлёного масла, пять килограммов овечьего сыра, 5 килограммов коровьего сыра, 10 килограмм риса. В то время нелегко было с продуктами питания, и для молодой семьи это был солидный подарок.

Что интересно, на все эти продукты, по колхозной цене, у меня ушло 130 рублей. А в конверт было вложено 400 рублей, что было хорошими деньгами в то время. Напомню, что ставка молодого учителя тогда составляла всего 600 рублей.

С того случая у меня создалось уверенное впечатление, что я не только приезжий учитель, но и полноправный член этого большого, красивого села, где живут мужественные и трудолюбивые люди. Поэтому, я считаю своим долгом ежегодно, во время отпуска приезжать в это село и встречаться с людьми, среди которых прошли мои самые лучшие годы.

И после этого я не раз был свидетелем помощи школе и приезжим учителям со стороны покойного Магомед-Гаджи Гаджиевича. Мы всегда чувствовали шефскую помощь школе от колхоза.

БУЛАРА ТТУХЬХЬУНГУ МАХЪ!

Заманалул лагъ машара.

Учала
«Заманалулмур къакIулли, амма ттулва жяматраллив лагъ хьунна на», – тIий ухьунссия МахIаммад-ХIажи, колхозрал председательну увчIуний.Ттун кIулхьуну махъгу (1958 шин духьунссия) дакI дарцIуну икIайва ххуллу захIматмур бугьарчагу, га тIайламур бушиврий ва бакIрайн лавсъсса давугу бакIуйн дукканшиврий. Гьай-гьай, бигьасса бакъая бакIрайн лавсъсса хъунмасса масала, азарва къатта бусса шяравалу ххюазарда рухI хIисав хъанахъисса ккуллал жямат, гай шиннардий гьарца кIанай кунма шиккугу мискиншиву ххину бия. Вайннулссагу, вайннуцIун цаймигу чIявусса масъалардайн буван багьлай бия жагьилсса председательнан. «Жяматрал багьу-бизу щалвагу хъарссар колхозрал кутакрайн, зунгу аьркинссар халкьуннаща колхозраха», – тIун икIайва МахIаммадхIажи.

Хъуннасса даву дуллай бия колхозрал правлениялул члентал председатель бакIчину колхозрал яттил, лухIи ризкьилул аьдад гьарза даврил, миннул жинс ххуй бувну, миннуя дучIайсса продукция гьарза даврил чулухунмай.

Шинну наниссаксса давугу анавар дуккан дуллай бия, хаснува кIинтнил минардай Бакресуллал авлахърай. Яттинсса минарду цIудуруна, хIухчалтран ялапар хъанан аьрщаравусса пукьран кIанай къатри буллай бия гьарцагу бригадалун цанма-цанмасса, цивппагу ххуйсса поллу дусса, кирпичрал пачру бусса, киражрай кIялагу бувсса. КIилахъиннаран кIинттул мина байсса авлахърайн, ца кIанттай гуж къабагьлай, ттарду личIину, чIиру ва кунни личIину ябуллай сайки 40 кошара бувна. Ссируннал яла гьаву, литIру чан хьуншиврул, гайннуха къуллугъ ххишалану бикIайва. КIилахъаннарал аваданмур участок гайннухьхьун дулайссия, цума хъунхIухчил бригадалиясса бурив гай гиччасса хIухчу итайссия гайннучIагу.

ХIукуматран баххансса дикIул план щаллу дувансса мурадрай ку-ссиру личIину ябуллай, ххалкунни хьуннин битайссия. Гайннул цаннил кIушиву 40-45 кг диян дувайссия. Укунсса кунма бикIайссия 5000-6000 бакI, гайннуя ппалгу дукьайва 5-6 кг цанния хIисаврай.

Шиная шинайн ххуй дуллай ятти-гъаттараха къуллугъ буллалиминнал багьу-бизу Бакресуллал авлахърай щаллу хьуна ца чIири шяравалу. Колхозрал контора бусса кIанай 25-30 кулпатрансса ххуйсса тIаннул ппаллу, даркьусса къатри, клуб 200 инсан лагайсса, библиотека, хIаммам, ттучан, медпункт аптекалущалсса, бяр, чансса бухьурчагу мурхьругу бувгьусса. Буруннабу, Кума неххачIав дурссия ххуйсса гьаннарал оьллал ферма, ца оьлия сайки 2500 кг накIлил ттизайсса. Гиккува нис дайсса цех. Оьллал аьдад 150 бакI.

На ттухьхьунгу махъ булара тIий айиширчагу, МахIаммадхIажи цува усса куццуй буккултран ккаккан увансса махъру биял хъанай бакъар ттучIа. Хъинну сий дусса, инсантуран бусравсса каялушиву дувайсса чув ия га. Вана-танайн къабувтун, яла захIматми чара бакъа цалчин щаллу буван багьай. Ми масаларду цайнма бакIрайн ласайва. Гай щищал биттур буванссаривгу кIулну икIайва. Колхозрал даву колхозниктуралли дайсса, на гайннал хьхьичI поездрал хьхьичI локомотив куна кIункIу тIун аьркинссара, учайссия. Арив яттил дарув буллалиний, купка дуллалини, вагоннавун бакьлакьини чара бакъа председатель даврил сакиншинна уручлай икIайссия. Яла даву чIярунигу, увхсса чIумалгу щин бунугу дяъви буван багьнигу, нану бусурмансса дикI дуканнуча тIий хъярч буллай икIайсса, га хIайван жунма чIалай бивхсса чIумал. Колхозрал жаваб дулаймур даврий зузисса инсан цайнна тапшур дурмур щаллу къабуллай ухьурча, марцIну зий акъахьурча, ганал чулухуннай цала рязий акъашиврийсса дакI ккаккан дайва, гьарцаннангу цанма багьайсса кьимат бищайва, даврий къаакьлакьима лахъи къалагайссия, мурахас айва даврия правлениялул хIукмулийн бувну. Укунсса дия председательнал бусравшиврул шартI.

Бакресуллал авлахърай ятту ябавриву, миннуя ласаймур гьарза давриву хъуннасса ссуссукьушиву шайва ковыль (ххалаххив) уртту гьарза хьусса шинал. Косилкардах дуцарчагу яттинсса кIилахъин хъинну чан шайва. Мунияту ковыллал бакIру ттихIин Ставропольский крайрая жаткарду лавсун, гайннух дурцун ва хъунисса бигьашиву, куклушиву хьуна яттин. МахIаммадхIажи ия дукъарккуна дурккусса, гьам бухгалтер, гьамгу каялувшинначи; инсаннал дакIнивун уккайва усттар акъана инсантуралгу усттар, усттартуралгу усттар ия. Колхозрал мюнпат бакъа ца ша къабизайва чунчIав. Ганан хъинну кIулшайва цуманаву ци гьунар буссарив, цуманайн ци даву тапшур дантIиссарив.

Председательнал заместительну икIайссия хъиннува ххуйсса ганал кумагчи эконом элмурдал кандидат Рамазанов ХIасан. Ваналгу колхозрал экономика гьаз давриву, хаснува Бакресуллал авлахърай яттин кIинттулнинсса минарду хIадур давриву диялсса лазундарал – ххалал луртан щаллу давриву биялсса кIану бугьайва. Цаннаяр ца ххуйсса бикIайва МахIаммадхIажинал заместительтал. Хъиривма кумагчину икIайва Рамазанов Юсуп – учёный зоотехник, ятту-гъаттарал специалист. Гьаманки Рамазановхъул ХIажиевлул хъирив кIиягу председательнугу бикIайссия. Яттилмур зума дургьуну буссия хьхьичIавасса яттучитал Мамаев Оьмари ва Оьмаров Оьмар.

Ризкьилуха къуллугъ буллай буссия лахъсса, хасъсса кIулшиву дусса пишакартал: заслуженный зоотехник Мурачуев МахIаммад, республикалий лайкь хьусса ветеран МахIаммадов МахIаммад Таривердиевич, Рамазанов Юсуп, МахIаммадов Юсуп, Жабраилов Шагьи, ХIусайнов МахIаммад – агрономтал. Колхозрал председатель ХIажиев бакIчину захIмат ххирасса Ккуллал агьалинал захIмат къуллугърайн бувккуна. Интту ария Лаккуйн нанимий сайки 70-80 азарва хIайван бикIайсса колхозралва члентурал, хьхьу-кьини дакъа захIмат буллалисса 150 бизсса хIухчалт бикIайва. Ца хIайваннуя 3-3,5 ппалул хIисавну 40 азарвахъул хIайванналул дукьайссия 125-130 тонна ппалул. Ккуллал Гь. Саидовлул цIанийсса колхозрал шяраваллил захIматкашнал районналул лажин дувайсса мудангу республикалул хIурматрал улттуй дикIайва. ХьхьичIунми ккаккиярттахлу колхоз лайкь хьуссия «Знак Почёта» тIисса орденналул, гьарцагу шинах тIиссакссагу колхозран булайсса ЦК КПССрал СССРданул министртурал советрал ятIул ттугъ.

Ттул пикрилий, тIайлану хьунссия орденгу, ттугъругу, цайми бахшишругу колхозран дуллуссар къатIий, захIматгу ххирасса, буттал кIанугу лахъгу-хъунгу бувайсса Ккуллал шяраваллил захIматкашнан – жяматранни дуллусса учирча.

Шиккугу МахIаммадхIажи дакIнин къаувтун къахъанай бур. Га тIун икIайссия: зия дуван, гъагъан, лиян, цамургу оьккисса къел дуван бигьассар даву дуваннияр, хъуслил заллушиву дуваннияр, оьккисса къел дуван ца лахIзагу гьассар, ххуйсса даву дурсса хъинбала буван шинну аьркинссар, кув чIумал щалвагу оьрму биял къашайссар чайссия ганал. Укун бутташиву, уссушиву дуллай, даврил махъгу зузалтрал хьхьичIгу икIайссия бунагьирттал аьпа баннав МахIаммадхIажи.

Жу жувува жува бикIайссия, аман ва МахIаммадхIажи ва жулла районналул бакIчину итан, тIий. Хъинну лайкьссагу ия.

КъакIулли на цуксса аьйкьлакьиссарив хъунасса лакрал чичу ХIусайнахъал Абачарал махъру:

Чув унугу хIарачат

Ниттил ккукку хIалал бан,

Левчуну яру бачай

Лявхъу кIану лавай бан.

Щарнил халкь вирттал бакъа

Ттуяту чув шайссияв?

Миннаву инсап дакъа

Ттуя инсан шайссияв?

МахIаммадхIажинайнгу тIайла бувара.

2. Колхоз – участник ВДНХ 1959, 1960, 1961, 1967, 1968, 1969, 1970, 1971, 1972, 1973, 1974 гг.

3. Почётная грамота Президиума Верховного Совета РСФСР.

4. Почётная грамота Президиума Верховного Совета ДАССР.

5. Почётная грамота с/х выставки ДАССР 1969 г.

6. Почётная грамота с/х выставки ДАССР 1970 г.

7. Юбилейная Ленинская грамота ЦК КПСС, Совета министров СССР, Президиума Верховного Совета СССР и ВЦСПС в ознаменование 100-летия со дня рождения В.И. Ленина.

8. Юбилейная почётная грамота Президиума Верховного Совета РСФСР, Совета министров РСФСР и ВЦСПС.

9. Почётная грамота Министерства Сельского хозяйства СССР.

10. Диплом I ст. ВДНХ СССР 1967 г.

11. Диплом I ст. ВДНХ СССР 1969 г.

12. Диплом I ст. ВДНХ СССР 1971 г.

13. Вручено памятное знамя ЦК КПСС, Верховного Совета СССР, Совета министров СССР, ВЦСПС и 15 тыс. рублей премии 21.10.1967 г.

14. Вручено переходящее Красное Знамя Совета Министров СССР, ВЦСПС и 15 тыс. рублей премии 10.03.1971 г.

15. Вручено переходящее Красное Знамя Совета министров, ЦК КПСС, ВЦСПС, ЦК ВЛКСМ 21.02.1975 г.

16. Вручено переходящее Красное Знамя Министерства сельского хозяйства СССР и ВЦСПС 1971 г.

17. Колхоз занесён в книгу трудовой славы ДАССР 1967 г.

18. Денежная премия 1963 г.

19. Денежная премия 1964 г.

20. Колхоз награждён орденом «Знак Почёта» 1971 г.

21. Почётный диплом Министерства сельского хозяйства СССР и ЦК профсоюзов рабочих и служащих сельского хозяйства 28.04.1975 г.

22. Награждён памятным Знаком «За трудовую доблесть в 9-й пятилетке» и переходящим Красным знаменем ЦК КПСС, Совета министров СССР, ЦК ВЛКСМ с занесением на всесоюзную доску Почёта ВДНХ СССР 11.01.1976 г.

23. Почётная грамота Центрального комитета КПСС Совета министров СССР, ВЦСПС и ЦК ВЛКСМ. За достижение наивысших результатов во Всесоюзном социалистическом соревновании за увеличение производства и заготовок продуктов животноводства в зимний период 1979-1980 гг.

24. За достижение высоких результатов в социалистическом соревновании за успешное выполнение заданий 10-й пятилетки и в связи с 60-летием Дагестанской АССР. Награждён Памятным Красным Знаменем 19.01.1981 г.

25. Награждён переходящим Красным Знаменем Совета министров РСФСР, ВЦСПС и ЦК ВЛКСМ за достижение наивысших показателей в социалистическом соревновании за выполнение пятилетнего плана и плана 1980 г.

26. Награждён Почётной грамотой ВДНХ ДАССР в честь 60-летия автономии Дагестана.

27. За достижение высоких показателей в зимний период 1980-1981 гг. переходящим Красным Знаменем ЦК КПСС, Совета министров СССР, ЦК ВЛКСМ и ВЦСПС с вручением денежной премии и автомашины «Нива».

28. За достигнутые высокие показатели в социалистическом соревновании 1981 г. награждён переходящим Красным Знаменем ЦК КПСС, Совета министров СССР, ЦК ВЛКСМ и ВЦСПС с вручением денежной премии.

29. За достигнутые показатели в социалистическом соревновании 1982 года награждён переходящим Красным Знаменем ЦК КПСС, Совета министров СССР, ЦК ВЛКСМ и ВЦСПС с вручением денежной премии.

30. За достигнутые показатели в социалистическом соревновании 1985 года и в целом 11-й пятилетки награждён переходящим Красным Знаменем ЦК КПСС, Совета министров СССР, ЦК ВЛКСМ и ВЦСПС с вручением памятного знака и денежной премии с занесением на Всесоюзную доску Почёта на ВДНХ СССР.

31. Почётная грамота ЦК КПСС, Совета министров СССР, ВЦСПС и ЦК ВЛКСМ за достижение новых результатов во Всесоюзном социалистическом соревновании за увеличение продукта животноводства в зимний период 1985-1986 гг.

МахIаммадов Мирза ЦIаххаевич,

пенсионер
МАХIАММАД-ХIАЖИ ДАКIНИЙН УТЛАЙ
Ттул буттауссил арс МахIаммад-ХIажи увну ия 1925 шинал 16-нний март зурул. Жул буттахъул МахIаммадов ЦIаххуй ва МахIаммадов ХIажи оьрмулул мюрщинува нину-ппугу ливтIуну, цала мачча-гъаннал буттал, уссурварал хъуни бувну, оьрмлул дагьаймунил-дитаймунил щаллу бувну бия, яни оьрмулувун личин бувну бия. Ттул буттал ЦIаххуйл ва МахIаммадхIажинал буттал ХIажиналгу цачIу цавай къатраву оьрму бувтуну бия 1935 шинайн бияннин. Аьпа баннав цал МахIаммадхIажи ия оьрмулул чIивисса унува аькьлу-кIулшилул итххявхсса, жанналул-чурххал оьвхъусса, данмур-дитанмунил пикри лавайсса.

Ванал хъунмасса хIурмат бикIайва цала мачча-гъаннащал, ляличIисса хIурматгу, дакIнин утаву дикIайва цала буттауссия – хьхьичIа-хьхьичI Ккуллал шяраву хьусса коммунист ЦIаххуйнаяту, ганал районналун ва халкьуннан мюнпатран дурсса чIярусса давурттаяту.

Буттал кIанттул цIанисса дяъвилий унува ччя-ччяни ссаламрал чагъар бучIайсса ттучIангу.

Дяъви къуртал хьуну махъ МахIаммадхIажи ия къуллугъ буллай Гайсин, Львов шагьрурдай Украиннаву. Цува чув къуллугъ булларчагу, чув ухьурчагу МахIаммадхIажинан цала нину-ппу, мачча-гъанми хъамакъабитайва.

1950 шинал армиялия зана хьувкун даврин увххуна бухгалтерну МахIачкъалалийсса войсковая частрайн.

Колхозрал председательну зузисса чIумал МахIаммадхIажинал чIалачIи бувна цува цукунсса даву дувугу, цукунсса пагьмулул инсан цува уссарив.

Колхозниктурал цала бувсса захIматрал бурувгуну колхозраяту ласайва: найрал ницI, ахъулсса, калан, яттил, оьлил нис, нагь, дикI, къама ва м.ц. ХIакьинусса кьинигу Ккуллал шяраву чIявусса колхозниктал бур 1960-1965 шиннардийва лавсусса урожай къалмул сурду ва чугьаллу бувцIуну ябуллай. Ми гьарца аваданшиву щаллу шайва МахIаммадхIажинал хъинну захIматсса чIярусса отраслирду дусса, ларайсса кIулшиву шяраваллил хозяйства дачин дан кIулсса уну тIий.

МахIаммадхIажинал чулухунмай, ванал дуллалисса даврийн хъуннасса аякьагу, хIурматгу бикIайва ччарчан колхозниктурал чулуха, ччарча хIукуматрал давурттай каялувшинна дуллалиминнал.

На зий уссияв хъунама экономистну «Транссельхозтехникалий», директорну уссия Абакаров Р.А. МахIаммадхIажи учIайссия жучIан. Ва жучIана учIаву жул ххаришиву дикIайва. Ванал жущал маслихIат бувну, давриву ххуйсса даврил совет байва. МахIаммадхIажинал чIявусса дус-ихтивартал бия, ччарчан республикалий, ччарчагу республикалул кьатIув. МахIаммадхIажи хъинну абурсса хасиятрал заллу ия, ларайсса инсаншиву дусса коммунист ия. Ца чIумал, 1969-1970 шинну духьунссия, нагу, МахIаммадхIажигу най буру Лениннул площадрайх, хъирив лаюнни Обкомрал секретарь Щейхсяидов Щейхсяид, жущал салам-каламгу бувну, МахIаммадхIажинахь увкунни: «Була ттучIан аьрза, на вин къатри щаллу данна МахIачкъалалий, вил оьрчIру-душру бурхха», – куну. Микку МахIаммадхIажинал барчаллагьгу куну, цалсса къааьркинни увкунни. Шикку чIалачIи дурна МахIаммадхIажинал коммунистнал инсаншивугу, хIалимшивугу.

МахIаммадхIажи ия хъинну дакI тIиртIусса, дакIнил, пикрилул аваданшиву дусса инсан. МахIаммадхIажинал дяъвилул чIумал дуллусса орден-медаллу дакъа, цала бувсса захIматрахгу дуллуну дур чIярусса бахшишру: орден Ленина, кIира орден Трудового Красного Знамени ва шанна мусил медаль ВДНХ-лул. Ва увчIун ия делегатну 22-мур съездрайн КПСС-рал ва депутатну Верховный Советрал РСФСР-данул.

МахIаммадхIажинал оьрму хъанай бур эбратну ялун нанисса никиран. Ванал тарбиягу бувну, лараймур кIулшивугу дуллуну, оьрмулул ххуллийн тIайла бунни шама арсгу, шанма душгу.

Дандахъал МахIаммадхIажи ЩайхахIмадов,

Ттул нину арс Магьдиная дакъагу, цамагу арс – Муслиннуя, кIивагу ссил арсурварая – ПирмахIаммадлуя, ХIажиная, ласнал уссил арс ЩайхахIмалия, ласнал ссил арс Шамиллуя ва цаймийгу укунма та дяъвилул лавкьусса Ккуллал чиваркIунная зума тIинна дикIайва.

МахIаммад-ХIажи, дяъви къуртал хьуну махъгу, 1950-ку шиналнин тийхва къуллугъ буллайна ия. Ва ттун дакIний ливчIунни, цанчирча МахIаммад-ХIажи къуллугъ буллай ивкIсса Винницкаллал областрайсса Гайсин тIисса шагьрулий 34-чинсса гвардейский миномётный бригадалуву 1951-1952 шиннардий навагу къуллугъ буллай уссия.

МахIаммад-ХIажи ия чурххалгу оьвхъусса, симанналулгу авурсса, инсаннащал хъяй, пиш тIий акъа хьунакъаакьайсса, дакI аьчухсса адамина. Цал уттигу учин, ттун. чIава жагьилнан ва ккаккан, ванах уруган цукуннив пахру, ххаришиву дикIайва, ттула уссищалгу дяъвилий ивкIсса унутIийяв къакIула.

1953-ку шинал на кIийлчингу аьралуннаву къуллугъ буллан лавгра. Тиха учIаннин (1956 ш.) МахIаммад-ХIажи ттун колхозрал правлениелул председательну лявкъуна.

Ванал хIарачатрайну Ккуллал колхозран Бабаюртлия дуллуну дия 1200 га аьрщарал, мийннувату ишла дуллалисса 877 га.

Жу, 11 ккулиоьрчI Хасавюртлий механизатортал хъанай буссия. Ца чIумал МахIаммад-ХIажи жула училищелувун увкIун ккавккукун, жу лап ххари хьуру, колхозраву механизатортурал бригада бан ччай ухьунссар, тIий. Татаюртуллал МЖС-рал техникалий бригада бувну, жу – студентътал ххари хьуру.

1957-ку шинал жу къуртал бувну училищегу, МахIаммад-ХIажинал заявкалийн бувну, МахIачкъалаллал № 1, Буйнакскаллал № 2 училищердаягу бувцун, Татаюртлий цачIун хьуру.

Колхозрахьхьун дуллусса аьрщи дия хансса лухччи. Ва кIура даян дан багьлай бия къурнийн. Бригадирну ия ЩайхIасанов Исмяил. Къюркъуллул къатIри ца метралул куртIну бихлай, марцI буллан багьлай бия. Хъирив – гъайтIий, дугьан хIадур дуллан. Ва давриха зий бия ттул уссу МихIран бакIчисса Сулакьуллал МТС-рал бригада.

Жулла колхозравасса инсантал бакъассагу, Шуниясса Адам бакIчисса бригада бия хъуру дугьлай. Карашиял бригада, Исмяил бакIчину, ппиринж бугьлай. АрхIалва шагьнал лачIагу бугьлай бия.

Шикку, тти зура хIисав дара, МахIаммадхIажинан цикссаннахь миннат бан, хьхьичI ацIан, тавакъюв бан багьлай бивкIун бурив Бабаюртлийсса вай давуртту сантирай дачин даншиврул. Лаккуй, Бакреслийгуяхха давуртту дачин дуллан багьлайсса.

2200 гектар аьрщарая мюнпат ласланшиврул бачIвасса авлахърай циксса давуртту дакъахьунссияв: инсантуран минарду, къама бичин складру, ризкьилун ппаллу.

Шиккува бусан, хьхьичIва 1951-1952 шиннардий, нагу яттихIухчуну уну Бакреслий, яттинсса лазуннарал, лухччал тагьар кьияма къулайсса дия. «Къызыл чубугъ» тIисса ва цаймийгу люцерналияр личIийну мюнпат чансса бакъасса урттуя бувсса ххалал хъунисса бакIурду бия. Лухччай аваданшиву дуну, гай яттин бичинвагу аьркин къашайва. Хаснува Кумалуву – инсаннал лахъшиврийсса къамушгу.

41082 га аьрщарай та чIумал 42000 яттин, 400 балчаннун ва 1000 лухIи ризкьилун лазуннарал щаллушинна дан захIматну бакъая.

Амма 60-ку шиннардий гьарзад даххана хьуна: бухлавгуна ххалабакIув, чан хьуна лухччай ххяххайму.

АрулцIалку шиналлив, лухччинуща бухIан захIматсса чIявусса ризкьигу буну, лухччайн шатригу багьну, рахIматгу чанну буллай, щин къадишаймий кIанттурдайсса лухччив ччурччуну, лухIи аьрщарайн кIура даруна. Мяйжаннугу цIу щуну ччурччусса хханссия (77-ку шинайн дияннин).

Бабаюртлий хьун дурмур: къама, люцерналул ххулу – гьарзад гилун тIайла дуклан багьуна.

МахIаммад-ХIажинан багьуна, хъунисса харжигу буккан буллай, цаймий районнай, республикалул кьатIув – Ставрополлайгу гьурттуну ххулу буллай, машан ласлай лазуни, ризкьи ядуллан.

Шиккува бусан, Бабаюртлия 1500-1600 т къалмул, 48 гектардания ппиринж, 24 га лухIи тIутIул дургьуну чяхир, 27 га багъирдавасса ахъулсса. Ккуллал жямат бютI учин бувссия гьар чулуха аьркинмунил.

ТIайлассар, цуксса чIявусса захIмат ва чулухунмай МахIаммад-ХIажинал булларчагу, вай давуртту дуллай ванал канилу буссия: 150 яттихIухчу, ттуршахъул шофёр, 50 механизатор, 1500-2000 къурнил зузалт, чарил, тIаннул, муххал усттартал, м.ц.

Гьаксса ччива ляличIийнува дакI марцIну, хьхьу-кьини къакуну зий, захIмат буллай бивкIмийннал цинявннал цIарду кIицI дан, амма захIматри.

Халкь колхозрал лагма лавгун зий бия, муниву цанма мюнпат бушиву кIулну. Ккул – буттал буттахъая шихунмайсса захIматчитал, ризкьичиталли. Мийннал каялувшиву дангу усттаршиву, бюхъу, пагьму МахIаммад-ХIажиначIа ххиша-ххишаласса бия. Мунан ххуйну кIула инсаннащал маз лякъин. Хъама къабитайва цайнна жяматрал ларайсса вихшала дурну душиву. Мудангу чул бищайва заместительтурайн, специалистътурайн, отраслирдал каялувчитурайн.

Цаппара дакIнихтуну колхозраву зий бивкIсса ризкьичитурал цIарду кIицI къадурнугу къабучIир.

Мурачуев МахIмуд, Кьубалаев Аьли, МахIаммадов Алункъач, Мурачуев Рамазан, Мурачуев Аьлил, Аьдуев Рамазан, Аьдуев НурмахIамма, Закаев Аьли, Закаев Рамазан, Закаев Аьбдуллагь, Амираьлиев МахIамма, Кьурбидаев АхIма, ЩайххIасанов Аьли, ЩайххIасанов Гъазималик, ЩайххIасанов МахIа, Щайх-хIасанов Исрапил, Дахьхьаев Ибрагьим, Щамхалов Халид, Щамхалов Магьди, Щамхалов Исмай, Нажаев Аьбдул, Къаяев Рамазан, Вазиев Аьду, Аьлиев ХIадис, ХIайдарбегов Рамазан, Исакьов Оьми, МахIуев Рамазан, Къулиев Рамазан ва чIявусса цаймийгу, оьрмулухун тIиний кунма, яттиха къуллугъ буллай бивкIсса ризкьичитал.

На багъишла итанссара тIий ура махъмийгу хьхьичIунсса хIухчалтрал, дояркахъал, къурнил захIматчитурал цинявннал цIарду кIицI къадурну тIий. Хъунав хьуну ура, бигьану бакъар.

Яла хъунмур хъар цайнна ларсун зий бия механизатортал. ХьхьичI зун байбивхьусса: ЩайхахIмадов МихIран, Исмяев МахIаммад, Магьдиев НухI, АьбдурахIимов Аьбдул, хъирив: МахIаммадов Кьурбан, Мусиев Гъази, МахIаммадов Жамал, Аккуев ХIажи, Гъазиев Аьли, ХIажирамазанов Жамал, Кьурбанов Кьадиаьли, Мутаев Рамазан, Мурачуев Оьмари, Чихунов Халил, Оьмаев Халид, Оьмаров ХIажимахIаммад, АхIмадханов Хан, Мусиев ХIажимирза, Ушанов ХIасанбаг, ЩайхахIмадов МахIаммад-ХIажи, АхIмадов АхIма, Далиев Нураттин, Мяммаев Багъатир, Шапиев Шапи, МахIаммадов МахIаммад (Алункъачхъал), Ибаев Юсуп, Щайх-хIасанов Шамиль, Мирзаев Кьурбан ва м.ц.

КIицI къабувну къабучIисса бия Бабаюртлий щин дихьулт: Амиров ХIамид, Мяммаев Аьбдул, Аьбдуллаев Муса, Къарачаев Рамазан, КьурбайтIаев КьурбайтIа, Буржунов Аьбдул, АхIмадов МахIамма (Баццу), АхIмадов МахIамма (Оь), Буржунов Аьду, Аьлиев Кьурбан, Щамххалов Рамазан, Аьбдуллаев МахIамма ва цаймийгу.

Бабаюртлий каялувшиву дуллай хъунисса захIматру бувсса: Щайх-хIасанов Исмяил (ванащал Шяпиев Кьуби), Рамазанов ХIасан (Джабраилов Шагьи), Рамазанов (Шагьи), Худиев Шагь (Шагьи), ХIусайнов МахIаммад (Шагьи), Джабраилов Шагьи (Амираьлиев Сулайман). Яла махъ гилу хъунаману Шагьи Джабраилов уссия, пенсиялийн укканнин. Колхозраву, хаснува Бакреслий, Бабаюртлий дуллалисса давурттал, хъунмур хъар цайнна ларсун, урчIа кану зийна икIайва ХIасан Рамазанов. Колхозрал сий яларай дагьан къадитлай ванал уксса захIмат щилчIав къабувссар.

МахIаммад-ХIажинал дуллалимуниву муданмасса чул бищай кIанттуну бия специалистал: Мурачуев МахIамма, Рамазанов Юсуп, МахIаммадов Юсуп, Буржунов Мяъсуд, СалихIов Рамазан, Исакьов Малик, Оьмаров Шяъван, Къулиев Гьарун, Кьадинаев Гьарун, МахIаммадов МахIамма; шофёртал: Аьзиев Мусттапа, Аьзиев Кьагьдина, ХIусайнов Рамазан, ХIусейнов Мирза, Пирузиев Рамазан, СайдахIмадов Рамазан, Кьадинаев Кьагьдина, Кьадинаев МахIамма, АьбдурахIимов Аьбдул, АьбдурахIимов Аскандар, Луъманов Саэд, РахIимов Гьарун, Далиев Ибрагьим, Гьубулов МахIмуд, Буржунов Аьду, Чупалаев Магьди, Башир, Гьубулов Кьурбан, Гьубулов Абакар, Кьубанчиев Ризван, м.ц.

МахIаммад-ХIажинал жяматрал хъинбалларан дурсса чIярусса давурттаву дуссар укунссагу. Бакреслий къутаннай 1000 гъаттара бусса ферма цIуну дан дуруна. Шиккусса 240 ттизайсса оьлища кIилийну гьарзасса накI ттизайссия, буч бувну бавххусса гъаттарайгу – Лаккуйссаннуяр кIилийну ларайсса кIушиву дикIайссия. Шиккува нагь-нис дайсса цехгу тIивтIун буссия.

МахIаммад-ХIажинал бюхъу-тяхъанил хIал кIул бансса ишну хьуна 1958-ку шинал ятту Лаккуйнмай куч бувну нани ххуллий ящур дияву – «бараний фронт». Сайки щалва жямат бувккун буссия мий ххассал буллай.

Ца цамургу. Бакреслий лухччайн шатри багьну бия. Къурахшиврулгу ччуччин дурсса 41082 гектарданийн. Гай лухччив гукунна лирчIссания, колхозрал маэшатрал бакIрачIан ци бучIанссияв къакIула.

МахIаммад-ХIажинал, республикалул хъуниминнайхчIин ляркъун (Москавлийнгума лавгссия) ацIния ца азарда гектар аьрщарал хьхьирицI, чIумуйну дулун бувну, 20000 тта гикку щаллу бувссия. Ва учин бигьанугу, хIисав дара: хьхьирицI, бачIвасса авлахърай, яттин, хIухчалтран цIуну минардугу дуван багьлайссия. 1976-ку шиналнин гикку ятту ябуллай буссия. Гания махъ, 9 шинай кьавкьун бивкIсса Бакресуллал чуллайн рахIмат бувну, кIихалу кьабитан багьуна.

Ца укунссагу затгу кIицI бан. На Бакреслий трактордал бригадалул хъунаману ивтусса шинал, ттуй бурж бивхьуна кIинттулнинсса минарду дакьин дансса къамуш ттихIин, мий буххин, техника щаллу дан. 25 тракторданува сагъссарагу анжагъ ца дия. Ризкьилун дичайсса ............. лазуни мюрш дуллали бувссия, ......... хъуншиврул.

Гьарзад щаллу дан бювхъуна председательнал заместитель Юсуп Рамазановлулгу хIарачатрайну, яла захIматсса ппурттуву хъунаманал хъиривмийннаву хъинну хIарачат буллайна ия Юсуп. Хъуннасса дайшишруну хьуна тамансса механизатортал шофёрталну, тучанчиталну гьан битавугу. Даву аьрчча хъанай дия. Амма гьарзад щаллу дан бювхъуна.

КутIану учин, МахIаммад-ХIажинал дурсса чIярусса, ххуй-ххуйсса давурттая бусланмур чIявур.

Аьпабиву, азаруннихьхьун иривну ия. Амма. мукун урача куну, дан багьаймур къадурну къадитайва. Ахиргу, хъиннува авара уклан ивкIукун, председательшиву кьадиртун, парткомрал секретарьну зий уссия.

Навагу барану, бюхъайссаксса гьурттушивугу дуллай, МахIаммад-ХIажинал Ккуллал колхозраву жяматрал цIаний дурсса, яъни ванал каялувшиву даврийну дурсса, хъуни-хъунисса давуртту кIицI дулларчагума, ца щаллусса лу хьунссар.

На нава мудангу ххарину, пахру буллайна икIара ванал дуван дурсса вай давурттаву чIивисса-хъунмасса бияла навагу барт бигьин, ванащал архIал зун ттунмагу талихI хьуну тIий.

Навагу утти хъунав хьуну, МахIаммад-ХIажи дакIнийн утлай, муная, мунал инсаншивруя, дакI марцIшивруя, пагьму, бюхъу-тяхъа ххисса каялучишиву ккаккан ансса чIявусса затру чичин ччай буна, бюхълай бакъар. Ва ляличIийсса пагьму-гьунар бусса, мяйжаннугу гьар чулуха цикссаннангу эбратрансса, жяматран акъа чара бакъасса ххаллилсса инсан ия. Бунагьирттал аьпа баннавча цал!

МахIачкъала. 2010ш.