ЦIАНИХССА ЗАХIМАТРАЙНУР ИНСАН МАШГЬУР ШАЙССА

ДакIнихтуну ххирая ми МахIаммадхIажинангу. Хъуниминнащал нину-буттащал куна, жагьилминнащал уссур-ссуннащал, мюрщиминнащал чIурча – арс-душваращал куна нахIуну, хIалимну, вихшалларай ихтилат бан кIула. Гьалбатта, личIинува ххирая аьпабивун дакIнихтунусса захIматчитал. Миннайн вихшала дан, дакIниймур ласун, кIула. Бия ванан личIинува ххирассагу.

Мукун ляличIинува ххираминнал хьхьичI кьюкьлуву Кьурбидахъал АхIмагу ия. «Кьурбидаевлул яттил бригада», – колхозравугу, районналийгу машгьурнасса бия.

АхIма ниттила ризкьичи хьун тIий увсса ия чирчагу къааьйкьинссияв. Оьрмулул дахьра 7 шин хьусса чIумал хъунмасса кулпатраву яла хъунма цувагу, ппу яла лавгуну, ятинну ца ниттихух агьну ивкIун ур АхIма.

Кулпат бакI буккан баву мурадрай, кув оьрчIругу ласнал ниттийн, мачча-гъаннайн тапшур бувну, колхозрал шяравату яла 25 километралул архсса «щухьлавсса фермалийн дояркану ларгун дур. Оьллал, бюрчурдилссагу буллалаврищал нину Аминат фермалийминнал ччатI, буркив шахьлан чара бихьлай диркIун дур. Школдания оьнасса чIумал АхIма ва хъиривсса уссурвал Оьмар, МахIаммад, яла махъ кулпатраву яла чIивимур Сиясатгу фермалий цащара шаймур дуллайнма бивкIун бур. Микку – фермалул оьллал хIухчуну байбивхьун бур АхIмадлул захIматрал ххуллу.

1944-ку шиная шихунай, учин бучIир, оьрмулул махъра махъсса кьинингу тIини куна АхIмад яттичIа ия. Цал хIухчуну, яла муданагу – хъун хIухчуну, яни бригадалул бригадирну.

Гьарца шиналгу Кьурбидаевлул бригада ятту яла гьан къабитавриву, чIи ласавриву, ппал дукьавриву ва накI ттизавриву яла хьхьичIминнавух бикIайссия.

ЦIанихсса захIматран лавайсса кьимат бишлай, ванан дуллуссар «Октябрь революциялул», «ЗахIматрал ЯтIул ттугълил» орденну, цимирагу медал, «Дагъусттан республикалул лайкь хьусса ризкьичи» тIисса бусравсса цIа ва чIярусса цаймигу бахшишру.

Ххирасса ия АхIмад колхозрал ризкьичитуран, гъирарай бачайва муначIа зун.

Ванал захIматрал ккаккиярттал кьюлтIмур ссаву буссарив чивчусса ва «Дагъправда» кказитрайсса макьалагу дуккияра.

Рядом с флагом трудовой славы стоит колхозная Доска почёта, на которой вывешены портреты ударников и передовиков производства. Среди них и фотография Ахмеда Курбидаева. На неё сразу обращаешь внимание – приятное добродушное лицо с чуть насмешливым взглядом пытливых глаз, от которых веером, как лучи солнца, разбегаются морщины, рубашка – гимнастёрка, похожая на китель и лихо заломленная набок папаха. Своим видом он живо напоминает красного партизана – горца, сошедшего со страниц книг о революции в Дагестане. Впрочем, нам кажется, мы вправе провести аналогию и с временем нынешним, так как А. Курбидаев и его товарищи являются сегодня участниками поистине революционных событий в жизни нашего общества и своим ударным трудом вносят достойный вклад в процесс ускорения, научно-технического прогресса в стране и республике.

Нам захотелось поближе познакомиться с А. Курбидаевым и мы поехали на альпийские луга, где находились отары его бригады. Было начало августа, и ослепительно яркое солнце, казалось, уже с самого утра стоит в зените. Дорога, с редкими чахлыми кустарниками с одного бока и обрывом – с другого, всё время вела вверх и наш бедный «УАЗик» надсадно ревел и кашлял, преодолевая её. Горы шли уступами как лестница, одна за одной, также похожие друг на друга, покрытые травой и мелким кустарником.

Не доезжая одной из вершин, «УАЗ» вдруг громко чихнул и встал.

– Приехали, – объявил шофёр и мы вылезли из машины. Выше нас, на склоне горы паслись многочисленные отары овец, а на самой макушке отчётливо виднелась на фоне синего неба фигурка чабана, опёршегося на ярлыгу.

Ахмед стоял в своей привычной позе, положив руки на посох, и размышлял. Вот уже больше 40 лет он чабанит в родном колхозе. Перевидал за это время многое, изучил все дороги и тропы, повадки и привычки овец, постиг, вроде бы, все тонкости профессии животновода, а вот не надоедает ему эта работа. Больше того, он уже не может без неё, тоскует, как влюблённый юноша. Сколько раз он пытался оставить ярлыгу за последние годы, думал уйти, отдохнуть спокойно в родном доме, селе. Это на первый взгляд только кажется, что чабанить не трудно – сиди себе на пригорке, приглядывай за овцами, да дуй в свирель, наигрывай.

Ахмед усмехнулся: совсем как на картинке получается, пастушок с дудочкой, да курчавые барашки – идиллия. А на самом деле труд чабана тяжел и труден, чего его приукрашать. Во всякой работе нужны терпение и сноровка, упорство и бесстрашие, а для чабана эти качества должны быть отличительными. Иначе не вынесешь каждодневных нагрузок, когда пасёшь отару и в зной, и в стужу, изнурительных перегонов овец, окотную кампанию, когда принимаешь каждого ягнёнка, пеленаешь и укутываешь, как малого ребёнка. Не будем говорить об экстремальных случаях – урагане, пурге, ливне, наводнении, которых немало встречается в чабанской жизни. Но всё-таки в ней много и романтики.

– Осторожно, Али, осторожно, – не выдержав, крикнул Ахмед внуку, ловко карабкающемуся на небольшую скалу у склона, – сорвёшься!

Но мальчик уже влез наверх, и его рыжие вихры вскоре мелькнули средь камней.

Дед сердито покачал головой, хотя в глазах светилась радость за внука – растёт здоровым и ловким, будет хорошим чабаном.

Он невольно вспомнил детство, выпавшее на годы войны. Ему было всего семь лет, когда умер отец. Ахмед остался за старшего в семье и помогал маме, как мог. После окончания семилетней школы в с. Кули в 1941 году стал работать пастухом в колхозе. Пас коров той же молочнотоварной фермы, где работала дояркой мать. Четыре года провёл он на ферме, пока, однажды, не попал на кутан к чабанам. Здесь он встретил многих ребят из села, своих друзей: Рамазана, Абдурахмана, Кадыра, Абдуллу, которые вместе со старшими пасли овец. Мальчику захотелось быть с ними, в мужской компании, и он уговорил мать пустить его. С тех пор и начался его путь к чабанской профессии.

Мы подошли к отаре вместе с выбежавшими навстречу подпасками и здоровенными собаками. Нас уже встречали члены бригады, среди которых приятно было отметить немало молодёжи. Но много здесь и старых, опытных чабанов. К примеру, Рамазан Алхасов водит отары уже свыше 45 лет, воспитал десятки молодых чабанов, примерно столько же чабанят Абдурахман Гасанов, Абдул Аскандаров, Кадыр Шейхмагомедов. Сплав опыта и молодости – вот одна из основных причин успеха бригады А. Курбидаева. И ещё – преемственность поколений. Если подсчитать воспитанников этой бригады, их наберётся около сотни. Они разбросаны по всему району. И сейчас подобралась хорошая молодёжь. Комсомольцы Гасанбег Шейхахмедов, Гарун Гасанов и Махмуд Махмудов вернулись в бригаду после службы в армии, стали уже мастерами своего дела. Подпаски Али, Рашид и Арслан – ещё школьники, но уже на равных помогают старшим братьям, отцам и дедам.

Наша беседа с чабанами продолжалась допоздна. И вот что характерно: желая узнать, в чём причина стабильных успехов их коллектива, мы спрашивали об этом у овцеводов, те кивали на бригадира, мол, его заслуга, хорошо руководит, а он разводил руками – я, де, что один могу решать, всю работу выполняют товарищи. И хотя разговор вёлся в полушутливом тоне, было ясно, что перед нами люди спаянные крепкой дружбой и общностью целей. Поэтому никто не хотел выделяться, обидеть другого. Точно так же они не делят и свои обязанности в работе – перегнать ли овец на новое место, пригнать ягнёнка или поднести корма – кто оказался ближе, тот и подключится. Как говорится: и труд, и слава – всё пополам.

Поэтому и просил нас Ахмед Курбанович рассказать в газете не о нём, а о товарищах, друзьях, без которых успех был бы немыслим.

Ахмед слушал неторопливую беседу, коротко отвечал на вопросы гостей, а сам мысленно переносился в далёкое прошлое. Да, был он несмышлёным пацаном, когда начинал чабанить. Думал, сразу освоить эту нетрудную профессию, тем более, что рядом всегда были дядя – старший чабан Чатырбег, опытные друзья, родственники. Трудности пришли потом, когда он стал самостоятельно водить отары, когда почувствовал всю меру ответственности за сохранность овец.

Но, конечно, вспоминается и приятное. Были и счастливые дни: в 1958 году приняли в ряды КПСС, в 1972 – вручили орден Октябрьской Революции… Что и говорить – приятно! Но он всегда помнит, что всё это пришло к нему, благодаря окружающим его людям – наставникам и ученикам. И он всегда это подчёркивал и будет подчёркивать. Без коллектива он – никто.

Вот, приезжие неизменно спрашивают: в чём секреты успеха, секреты достижений. А тайны здесь никакой нет. Просто надо горячо любить свою профессию и иметь рядом верных друзей, помощников. Ему в этом повезло, вот в чём, он думает, весь секрет.

Мы уже уезжали с альпийских лугов, когда вновь увидели на вершине горы фигурку чабана.

– Скажите, обратились мы к провожавшему нас А. Курбидаеву, – все ли члены бригады здесь?

– Да, – недоумённо ответил он.

– А вон тот, – показали мы пальцем на фигурку.

– Ах, этот, – рассмеялся Ахмед Курбанович, – это наш талисман, сложенный из двух ярлыг, папахи и бурки. Он не только отпугивает птиц и волков, но и постоянно напоминает нам о нашей профессии, трудной, но и высокой гордой профессии чабана.

Г. Шамов

«Дагестанская правда»

29. августа 1990 г.

ЗАХIМАТЧИ – КАЯЛУВЧИ
Цимил тикрал барчагу, каялувшиву дуллалиманал гуж агьалинащалсса дахIавриву, миннащал цIухху-бусу, маслихIат бувну, дакIний-мазраймур кIул бувну, миннан тIалавшинна щаллу дан хIарачат бавриву буссар.

Ва тIалавшинна хъама къадитаврищал МахIаммадхIажи мудангу зийна икIайва кадранащал, отраслирдай каялувшиву дуллан му даврил пишакартал, бюхъу ва гъира бумий цала лагма лаган буллай. Вихшала дайва миннайн, амма тIалавшиннагу кьянкьану дайва. Дус, маччачу цала кIанай, колхозрал даву тIалав даву – багьайкун. КIула мунан «лажин лякъултгу». Бия мукунссагу. КIула мигу цала кIанай щябитангу.

Колхозрал отраслилул бакIчитураву ца яла хьхьичIунману, ка, дакI марцIману, жяматран хъинбалдарал цIаний ссайчIав мяш къашайминнавасса ца ия – Худихъал Шагь.

Худил арс Шагь Худиевлул кутIасса ва чIявучин бусравсса захIматрал ва оьрмулул ххуллу къабигьасса, хIакьсса зунтталчунал – Ккуличунал кунмасса хьуссар.

Ккаркссар ванан ятиншивугу. КIулхьуссар ччатIул, захIматрал кьадругу. Ккаркссия оьрмулувусса тIайла дакъашивурттугу, кулпатраву уссурвал куннал кув бувгьуну, оьрмулуву цанма-цанмасса кIану бугьаншиврул хьуна дакьайсса дайшишругу.

Увссар Шагь Худиевич 1928-ку шинал Ккуллал шяраву захIматчинал кулпатраву. Шяраву 7 класс бувккуну махъ – 1948-ку шинал Каспийскалий интернатраву уна 10 классгу къуртал бувссар. Хъирив шяраваллил хозяйствалул агрономтал хIадур бай факультетгу бувкссар.

Зий уссия цала пишалий Чириюртуллал МТС-рай, Ачикъулакьуллал МЖС-рал хъунаманал хъиривчуну, Гьарун Сяидовлул цIанийсса колхозрал – Бабаюртливсса бригадалул бакIчину, Лакрал ва Ккуллал районнан цачIусса «Сельхозтехникалул» отделениялул хъунаману.

Чу, ци даву дуллалрчагу, Шагь Худиевич ия цаятура тIалавшинна дусса, даву ххуйну кIулсса, хIаран, тIайла дакъашиву къаччисса, ккашилнал лякьа, мякьнал кьакьари кIулсса каялувчи.

– Агь, ца къаччиссияча тIайладакъашиву. Га цIана кIулшайва щялмахъ буслай ягу хIаран буллалима, – тIий дакIнин бутлан икIайва аьпабиву Аьлихан Аьлиханов. – Ттунма оьрмулуву лайкьсса кIану бугьан, тIайлану зун лахьхьин бувсса, нава оьрмулухун барчаллагьрай, буржлувнувасса шама инсаннавух аьпабаннав цал Шагь Худиевичгу абадлий ттул дакIниву уссар.

Цува къашашайну, чурххал хIал бакъа буна, даврилсса буллайна икIайва.

Шагь Худиевич Бабаюртуллал зоналий колхозрал бригадалул бригадирну усса чIумал, шиккусса давуртту ляличIинура щиривкIун дуссия. Кура-кирилия къабатIайсса, мудан ччатIух мюхтажнасса (цачIара чансса хъуру дуну) жямат Бабаюртлиясса лачIал, шагьнал лачIал, ппиринжрал, ахъулссаннул, ахънилсриннал, чяхирданулгума бютI чин бувну буссия.

Цала дакIнихтунусса, марцIна захIматрайну Шагь цикссагу бахшиширттан, миннувухра «Знак почёта» орден ва «За трудовую доблесть» медаль, ласунгу лайкь хьуссия. Яла-яла – хIакьсса захIматчитуран ххирая, минначIа бусравнугу уссия.

Шагь зузала, захIматчи, каялувчи ия – тIийнма бур цIанакулгу.

Аьпа баннав цал!

Суратрай: Шагь Худиевич колхозрал хьхьичIунсса шофёр МахIмуд Губуловлущал ва цIанихсса захIматчи, колхозник, чяхирдувугу – ХIажи Мирзаевлущал.

ЧАНССА ПИШГУ БУЧIИССАРХХА
Ккуллал шяравун, колхозрал мащайн чIявусса хъамал бучIайва райцентрдания, МахIачкъалалия, ца-цал (чIявуну щил-бунугу аьрза ххал бан) Москавлия – ЦК-лиягу.

МахIаммад-ХIажи председательну итаннин колхозрал фермардайн, хаснува хIавщийсса (Чуручавун, Нуххалун, МахIаччавн, Щухьлавн, м.ц.), автомашинардансса ххуллурду бакъассия, ризкьичитуран щаллу дурну дакъассия дикIан аьркинсса, зунсса ва оьрму бутлансса шартIру, электричестволул чанная бучIиссая гъалгъавагу битан. МакI хханссияхха! Вай гьарзад махъ МахIаммад-ХIажинал щаллу дан дуруна.

Ваниннин хьхьичI колхозрайн увкIун ивкIун ур шяраваллил хозяйствалул министр Одзеаджиев («хьхьичIвасса тракторист» тIун бикIайва ванайн).

– Жул колзрал ризкьилул фермарду шярава хъинну архну зунттаву дуссар, гиккун лазуни щаллу дан арнил кIанттурдая машинардай дирчун, шикка ттукрай, дучрай ххилан багьай. Дакъар гайнначIа зунсса шартIру, – тIий дакI дачIра дуллай, кумаг тIалав буллай ивкIун ур министрнахь МахIаммад-ХIажи.

– Слушай, Магомед-Гаджи, зачем ваши фермы там, стройте здесь, ближе к селу, вдоль этой реки. И проблема решена, – чайва тIар.

Хъамаличунал хIурматран хъяхъавурагу лачIун къадиртун МахIаммад-ХIажинал дахьра ка галай дурна тIар.

– Агь, байчара, укун дуллай ухьунссар ва министршиву, – чайва тIар чIаравмийннал, хъягу хъяй.

ВАЙ ФЕРМАРДАЙ БАХХАНА ХЬУССА

ОЬРМУЛИЯССА БУР ВА ОЧЕРКГУ
Мазяйхъал Казбек

Ккуллал школалул учитель

Къяниятусса
ККУЛЛАЛ МАЩАЙ

Очерк
Жун ссапар багьуна Оьргърал шярава Ккулув бахьтта гьан. Бия март зурул махъва-махъсса гьантри. Баргъгу ялу-ялун гъели буллай, лагмава марххалтту баслай, зунттал хъачI-бакIайх оьлувкъусса щинал кьурукьру, вях-вях тIий, экьи най бия. Чани хъяхъа тIуннинма ххуллийн бувккун бугу бувххуну, ккашилгу хьуну, жул дакIру Щухьлавсса Ккуллал мащилийн диян анавар дуклай дия. Лагмара дия бизарсса, пашмансса зунттурдал бакIру. РатIавух най, вай бакIру дакъа, бюхттулми зунттурдувагу чIалай бакъая. Лагма-ялттугу я щархъув, я мащив, я ризкьи чIалай дакъая. Ахиргу, ахттая чул хьуну махъ, жу бувчIру ЩухьлайннаратIув. Бавчуру ратIух лавай. МикI баслай, ялу-ялун хъунна хъанай, анавар дуклакисса ратIнил чIунилгу жул дакIру, хъиннура бизар дарча дакъа, ххари дуллай дакъая.

Ахиргу, ца бакIуйн лахъайхту, ххал хьунни жун мащи. Рирщунни гъели накIлил янхь хIаласса парал тухъсса кьанкь. ЧIалай бур дояркахъулгу. Гай кув хъюрдавун бярчругу буккан бувну, гайннулсса буллай бур, кув бя чIулттай бихьлай бур, кув ххулиийх нанисса жуй тамашалий ларзулу бавцIуну бур. Цакуну буххаву ва ккашигу хъама бивтун, жу ша дири барду. Мащайн ва яттикъушайн нанисса хъамаличув хьхьичIа-хьхьичI ккаччал хьуна акьай. Ххявххунни жул хьхьичIунгу шанма загълунсса яттиккаччи. ХIап-хIап тIийгу бивкIун, ахиргу цивппа бизар хьуну, ккаччив паракьат хьунни. Бакъа ххуллийх вай ча най бурвав тIий, махIатталну буруглай бур жух дояркахъул.

– Ярий, буккано, ккаккано, чухтту най буру?

– Най буру тана та Оьргьуя.

– Оьргъуя? Мусил задру ласун лавгхьунссия. Туну ца-ца мусил чIисса жунгу булунссар жи.

Увккунни ларзула ца иминсса, лирцIусса симандалущалсса адамина.

– Чабувкру, – куну, жул карду дургьунни.

Ва ур Щухьлавсса мащилул бригадир Къарачаев Рамазан. Буххан бунну Рамазаннул жу цала къатлувун. Дояркахъул ва бригадир ялапар хъанай бур царай хъунисса къатраву, циняв къатрал хьулурдугу ца илкинсса тIиртIусса ларзулун буклай бур. Ца-ца къатлувугу ялапар хъа­най бур кIи-кIива ягу шан-шанма доярка.

Рамазаннул кулпат – Жавагьи, жу къатлувун буххавривун, анаварну хъамалушиннараха зун бивкIунни. Къатлул чIирттайх дур оьрчIи-кIурисса читлил чIирайхдахIурду дургьуну, щяв руртун дур, Ккуллал хъаннил щащайсса, оьрчIи хъа, къатлул дянивгу бур муххал пач. Бивхьунни жул хьхьичI столданий пачливу лахърулий бувсса ччатI, барт, оьлил нис, оьрчIи-кIурилул мураппа, дукьра хIанттил гьарацIи. (Ккул-хъусрачIа дукьра хIан тачIав чан къашай.) Яла-яла жун ххуй дирзунни, ттинин жура къадуркусса, оьрчIи-кIурилул мураппа.

– Дукира, дукира, чанихъул, – тIий бур, пиш-пиш тIий жухгу буруглай, жун мураппа ххуй дизлазаврий рязисса Жавагьи, – дукира, ми жула чурххангу бузссар тIарча.

– ЧIярусса дикIайрив шивах оьрчIикIури, Жавагьий? – цIухлай буру жу.

– Валлагь, чанихъул, дикIайр, гьакссагу хIара дикIайр. Хаснура та жул хьхьичIсса гьано. Ца укунсса бусалагума бикIайр... Ца къачагъ икIссар тIарчакьай гила жула Ккулату буттукьа боцуну, гагу хъарайх бищуну найча, яла кIиккун кIа гьано ивукун, кIушибу ванил, шибу цира ци дурбо куну, тIитIуну ххал бувсса, лёвхъссар тIар щала жанграл бо-овцIуну... Яла, нит... гьибий куну, ссибизуну щуну ччан ккуру битссар тIар буттукьа. Ганияр махъри тIар тикку тайксса оьрчIи-кIулу шайсса… – тIий, бакIра-бакIрах жухгу буруглай, пиш-пиш тIий буслай бур Жавагьи.

– Хула тти, ми аьркинсса магьри бакъарча, къия бун жун ххункI бува! – куну, Рамазаннул кулпат бяличIан бай.

– ЦIана, цIана... – тIий, цакуну ламусравунгу багьну, Жавагьи авара буклан бикIай. Ахиргу, ххункI хьуннийн ялугьлансса чIун жула дакъашиву бувсуну, жу Жавагьи паракьат барду.

– Ккуллал мащаву жулмур мащи яла хъуннамургур, яла хьхьичIунмургур, – буслай ур Рамазан цала хозяйстволий дакI-лякьа цIисса хозяйннан лайкьсса пахрулий. – Жул шикку шама хIухчихь буссар 161 оьл, 103 кьунча, 80 бярч. Укун чIярусса ризкьи царагу мащилий дакъассар...

– ЗахIмат шайхьунссар, Рамазан, вайксса ризкьи-кьинилий каялушиву дан?

– ЗахIмат ци хьуби, къашайр, – учай паракьатну Рамазаннул. – ТтучIа, зий чIярусса шинну хьусса, дояркахъул тамансса бур. ХьхьичIбами зузалтрал даву ххуйсса дикIайр. Жагьилмигу гьаксса дирисса бур. Зузалт хъинсса буний даву дан ци бур.

– Ярий, захIмат бакъагу бакъарча, Рамазан, – учай, чIун оьнна гьан къаритан жулавлул гьухъагу щашлай, тийнмайну щябивкIсса Жавагьил. – Хаснува утти, лазуни духлаглагийни. Ми лазуннаралсса буллай, гьакссагу хIаба ккаккайр Рамазаннул.

– Ризкьиния гьашину цукуннугу интнихьхьун дурккунни, – учай, щарссанил тIимунихгу мукссара къулагъас къадурну, Рамазаннул. – Жул зузалт бур ххуйсса зузалт.

ХIакьсса зузалан тачIавгу цала дурмур даву чIалан къадикIай. Амма жун кIула Рамазаннул захIматгу, ванал бажар-жигаргу. КIула, ласнал ца хъар дургьуну, жапари къакуну, мюрщисса оьрчIалссагу бувну, гайгу лайкьну тарбия буллай (вайннал хъунмур душ Имара Ккуллал дянивмур даражалул школалий хIадурбй классирттал учительницану зий бур), хьхьичIунну зузисса Жавагьилмур захIматгу. Жавагьи цайминнангума эбратрансса зузала бур. Агар пландалий шинай ца оьлища 1560 кг накIлил ттизин ккаккан дурну духьурча, ванил ттирзуну дур 1976 кг.

– Ярий, тти жиба Кьукьма Разухъаннийн бувххунма бикIаннув, жулгу буссарча къатри, бачи жуннийнгу! – тIий, жул ялун Ххадижат буххай.

Ххадижат Рамазанова бур ва мащилийсса дояркахъаву яла бугьарамур. Бусса оьрму кколхозрал ризкьилуха захIмат буллай лавгсса, дакI аьчухсса, хъярч-махсара ххирасса инсан бур Ххадижат. Ххадижат бакъассагу, ялагу бур ва мащилий чIярусса шинну зий ларгсса цаймигу дояркахъул. 21 шин хьуну дур Таман ЩайхахIмадовал ва мащилий дояркану зий. Вайкссара шинну шавай дур вара мащилий зий Муъминатлул ва Амму Исмяиловахъалгу. Цала оьрмурдаву цанма ччисса мурадирттайн биян хъит тIий, дуллалисса давриву цала талихI чIалай, цала жаннайгу хIайп къатIий, арулва барчаллагь учин лайкьну, зий-занай, захIмат бихьлахьисса инсантал бур вай.

Жу къатлуву ихтилатрай буна, цакуну гиха ларзула, баламанттал кунма, гюргутIи бувну душварал балай итабавкьунни:

Ттуруллив, лагь хьияра,

Ттул ссалам ласияра,

Ттиркьюкьаву кьюлтI бувну,

Ттул дуснахьхьун булара.

Арду майданнийн гьуя,

Ттулгу вил хъирив гьуя,

Бирикъаяй къарчигъай...

Шайссияв жуща къатлуву бацIан, бувкру ларзулун. Цанния оьрчI, цанния душ хьуну, къавтIий бур ссурвал Уммугьани ва Мариян Алхасовахъул. КIивагу ссу, мяйва класс къуртал байхту, бувкIун бур шиккун зун. Вайннал ппу Алхасов Халикьгу Ккуллал колхозрал хьхьичIунсса яттихIухчу ур. Ччергъилу рирщуну бур Саржанат Бахмудова. 10 шин хьуну дур Саржанатлул дояркану зий. Ванил лас Бахмудов Рамазангу вава мащилий гъаттарахIухчуну зий ур.

Балай къачайсса, къавтIун къабизайсса душ Ккул-хъусрал мащай зун цавагу къалякъинтIиссар. ЦIанагу вай чIурдава ляличIину лахъну, кIюлану баллай бур Гулара Сулаймановалмур чIу. Щухьлавсса мащилий яла жагьилсса доярка бур Гулара. Ва зун бувкIун бур мяйва класс къуртал байхту.

Шиккува бур вайми дояркахъулгу: хьхьичIунсса ризкьичи Муъминат Гудова, Бадир Исяева, ПатIимат Ибаева, ванил душ Шюъбанат. ЩютIуххул чIунияр тIааьнни Амирова Паткал ва Халилова Раисатлул чIурду. Вай бур цIакьсса дустал.

Тяхъа дунни душварал ссувхIатрал жулми дакIругу. Магъмунсса Щухьлайннадарагу гъай-гъайтIи дурну, экьи най бур вайннал тяхъасса балай. Ккул-хъусрал душварал щихакIуй къалавхьхьуну, ляличIисса такьвалий, ляличIину зяй-зяй тIисса чIуний учай цалагу балай.

– Яртал, дягъу дугьну-за бурув, анх-анх къабикIун, бизлази къотIун! – куну, душварал жугу къавтIун бизлази бувру.

Ссят мукьра хьуну, ххюннийх зисса чIумал жу ххуллийн бувкру. ХьхьичI дия ттигу чанна-чанну 25 километра. Щухьлавсса мащи Ккулату яла архмур дур. Ххуллу бялахъан бан, тIутIи барду жухьвасса тран­зистор. Най дур лакку мазрайсса передача.

«...Гьарун Саэдовлул цIанийсса Ккуллал колхоз жула республикалийсса шяраваллил хозяйстворттаву яла хьхьичIунминнувусса цану хъанай дур, – буслай ур диктор. – Жула республикалий так ца Гьарун Саэдовлул цIанийсса колхозрал цIа лайкь хьунни Москавлив ВДНХ-лийсса Щалагу Союзрал ХIурматрал улттуйн лахъан дан ва урчIилчинсса ххюшинаву ккаккиялунсса захIматрахлу булун КПСС-рал ЦК-лул, СССР-данул Министртурал Советрал, ВЦСПС-рал ва ВЛКСМ-рал ЦК-лул чулухатусса ЯтIул ттугъ...»

ЩухьлайннаратIату жу ца зунттуйх лавай гьаз хьуну най буру. Шилава най буна чIалай дур кIий ца бакIуй Кащахмур мащигу. Илкинсса, дакI ххари дуллалисса дуниял тIитIай Кащахмур мащилия.

Бригадирналмур къатта бур кIийнмайну цуппалу, душваралмур – шилува. Бувхру душварачIан. Ва мащилий зий бур арулва доярка.

Цивппагу жагьилсса, 17–19 шинавусса душру бур. МарцIну, лазилавкьуну бивтун бур душварал цала къатри. ЧIирттайн ларчIун дур артистурал шакиллу, журналлая рирттусса личIи-личIисса суратру. ЧIавахьулттий дур «Огонёк» журналданул подшивка, тийнмайну чIамуй бур тамансса луттирду. Шикку бур лакрал чичултрал произведениярттугу, Аьрабнал ва Индиянал автортурал романнугу. «Огонёк» журналданул подшивкалий бур ятIулсса кьаландалух цаща шавай ххуйну «Песенник» тIий чивчусса шанма ганзсса тетрадь.

Вани-тания гъалгъа тIий, щябивкIун буру Билалова ПатIащал, Шапиева Маликатлущал, Аьлиева Паткащал. Душру цала оьрмулул яла ххуймур чIумуву бур. Ци бусарчагу, савав дакъанма, дакIнихтуну хъян бикIай цивппагу. Утти жуннагу дур лачIлай хъяхъаву. Хъяй буру вайннащал, личIину хъянсса цичIав бакъанугу, хъяй буру.

Хар-хавар бакъа нузгу тIиртIуну, къатлувун Саяли бувххунни. Амма, жуйн ящайхту, анаварну махъунмайва ливхъунни.

– Саялий, бачугъарий, вай вила учительтурал карду дугьан! – хъягу хъяй, хъирив оьвтIий бур душру.

– Дугьанссарча, къабикIигъартал! – баллай бур тиха цамур къатлува Саялил чIу.

Саяли гьашину жучIа урчIилчинмур классраву дуклай буссия. Ххюва зуруй дуклайгу бивкIун, яла, мютIий бан къавхьуну, дояркану лавгуна. Саяли бур машгьурсса яттихIухчил – Социалист ЗахIматрал Виричув НурмахIаммад Аьдуевлул душ.

Ца къищусса цIусса гьухъагу лавххун, бувкIунни Саяли. Цияхьур ва янна цIу дан лавгун бивкIун бур. БакIрай, нач хъанай, ссихI къадуклайгу бивкIун, ахиргу Саяли жул ихтилатравух хIала буххай.

– Туну, Саялий, дуклай хъинав, дояркану хъинав?

– Ссан аьркинсса дукруяв га, жигу кIибарду бишлай, ттухунмагу дяъбай, дояркануба хъина.

– Бизар хъанан къабикIарав?

– КъабикIара хъисгу. На жи бухро бийзар хъанан?

Саялил мукъуйгу ларчIунни жун циняннан хъяхъаву.

– Ассаламу аьлайкум! Чабувкру, къабукка-буккайсса, – тIий, увххунни фермалул бригадир Нажаев Ибрагьим.

ЧIун чIалсса дур, бачин чIунни тIий жугу буна, гуж бувну, буххан бувру Ибрагьимлул жу цачIанма. НенттабакI тIивтIуну кьамул бувру жу Ибрагьимлул кулпат – Наташал. АцIра шин хьуну дур жагьилсса ласнал ва щарнил ва мащилий зий. Ибрагьим – бригадирну, Наташа – дояркану. Кьимат бивщуну бур вайннал захIматран хIукуматралгу. ДукIу Ибрагьимлун «Днепр» тIисса мотоциклет пишкаш дурну дур, Наташан «Победитель социалистического соревнования» тIисса медаль дуллуну дур.

ЛичIину хъуннасса дакъар Кащахсса мащи. Шикку бикIанмагу 90 оьл ва 40 бярч бур. Амма Ибрагьим Нажаев бригадирсса ва мащи хъанай дур Ккуллал фермардаву хьхьичIун лирчуминнувасса цану. ДукIу ва гьашину тIурча так ца Кащахсса мащи лайкь хьуну дур занази ЯтIул ттугъ булун. Жагьилсса доярка – Билалова ПатIан «ХьхьичIунсса дояркан» тIисса Занази вымпел буллуну бур. Пландалийсса 1330-нин кIанттай, ПатIал ттирзуну дур 1740 кг накIлил.

Гьай-гьай, оьллаща чIярусса накI дучIан дангу, миннуха лайкьсса аякьа дангу хъунмасса бияла бур хьхьичIва-хьхьичI хIухчихь. Шайссарив дояркахъаща, цуксса цанма ччайнугу, ккашилну гьухъалдания зана хьусса оьллаща чIярусса накI ттизин? Ва мащилул гъаттарахIухчуну ур Кьубатаев МахIаммад. 15 шин хьуну дур ванал ва даврий зий. Ризкьилул хIалкьазия ххуйну кIулсса, дакIнихтуну захIмат буллалисса зузала ур МахIаммад. ХIукуматралгу бюхттулсса кьимат бивщуну бур ванал даврин. ДукIу ванан бахшишран «Жигули» тIисса автомобиль буллуну бур. Ванал кулпат Кьубатаева ПатIагу вава мащилий бур. 22 шин хьуну дур ПатIал дояркану.

ТIааьнну бур жун Ибрагьимлущал ихтилатрай. Лях-лях жул ихталатравух Наташалгу ца-ца махъ бутай. Гъалгъа тIий буру фермалул иширттая, ттигъанну бувксса лакрал чичултрал луттирдая. Цала чIун хьуний, ххирар Ибрагьимлун ва Наташан луттирду ккалан. Столданий бур, ттигъанну МахIачкъалалия Ибрагьим лавсун увкIсса цаппара луттирду.

– Жу ххункI бардуча, бачи тти ххункIру букан, – тIий, бувххунни жучIан ПатIа Билалова.

– Яр, ххункIгу циван барду, жу бувччуннухха.

– ХхункI гьанссагу бикIантIиссарча кIан, бачи.

ЧIунмур хавардаха хIисаврагу къархьунна ларгун ляркъуна. Душварал жунма бувсса хIурматрал хатир къалиян жу ххункI букангу лавгру.

Жу ххуллийн буккавривун, баргъгу зунттухун бахьлавгуна. Кьаркьсса урттул аьнтсса кьанкьгу гьавалувух ппив дуллай, бувккуна, хьхьев-хьхьевгу тIий, тIааьнсса дюхлулсса гъасу. Микку-тикку гьаннарав хъахъи бишлашисса марххалттанил кьютIру, гъарал щинал кьанкьгу ришлай, хIакьину-гьунттий бассан хIадурну бия. Утти жун вай кунниха кув лархьхьусса зунттурдал бакIурдугу бизарну чIалай дакъая. ДакI аьчухсса, яру чаннасса инсаннан бюхъайссарив кIа някIсса ссавнил лувсса кIантту бизарну ягу мискинну чIалан? Жул дакIругу аьчух дуруна, гай Ккуллал мащай захIмат буллай зузисса, гай ххаллилсса инсантурал, мунияту жун цIана жула буттал кIанттул тIабиаьтгу хъиннура аьжаивну, хъиннура хIикматну чIалай дия.

Тухъал бакIрайн жу бияйхту, цIан ларкьуна. Щала ссавту чаннасса, ливцIуну-марцIсса цIурттал дурцIуна. Гилу, жул лувсса дарагу, пперхха тIий, цIурттан лархъун дия. Га дия ца чIиви шагьруксса Ккуллал щар.