Человек слова и дела

1941 шинал байбивхьуну бур МахIаммадхIажинал захIматралмур оьрму, Ккуллал колхозрал счетоводну. 1943 шинал хушрай лавгун, сайки арулла шинай къуллугъ бувну бур Совет Армиялуву. Гьуртту хьуну ур дяъвилувугу. 1952 шиная шихунмаймур ванал оьрму бавхIуну бур Ккуллал колхозрацIун: бухгалтерну, председательну, хъунама экономистну, парткомрал секретарьну.

Щаллусса кьуния кIира шинал мутталий председательшиву, яла мяйра шинайгу парткомрал секретарьшиву дуллай, МахIаммадхIажинал хъинну чIявусса хъинбалдарансса давуртту дурну дур Ккуллал жяматран ва колхозран.

Щала республикалийгу, Союзрайгу, бяс-ччаллаву хьхьичIун личин дуллай, цикссагу Занази ЯтIул ттугъру ва хъунисса бахшишру ласун лайкь хъанай, машгьур дурссар колхоз. Чансса дакъар шяраву ванал дайдихьулийну ва хIарачатрайну дурсса строительствалул давуртту, агьалинал канил захIмат бигьа баврил, багьу-бизу ххуй баврил, маэшатрал кутак цIакь даврил чулухуннай дурсса давуртту. Ваналъяхха, цикссагу колхозниктал ай гай кунцIуллаву мичIакирттал ва бургъил халкь литIунссар, гикку хъуру къашайссар тIий буна, няй-няй тIий авцIуну, къутаннай хъу дургьуну, тIутIи бувгьуну, багъру бувну, Ккуллал колхозниктурал къатри лачIал, ппиринжрал, ахъулссаннул ва чяхирданул лахIлахIи бувсса.

Цала дакIнихтунусса захIматрайну МахIаммадхIажи лайкь хьуссар РСФСР-данул Верховный Советрал, цимилагу райондалул ва шяраваллил советирттал депутатну увчIин. Ва цIанакулгу райсоветрал депутатри. Ванан дуллусса чIярусса бахшиширттаву дур: 2-мур даражалул Буттал кIанттул цIанийсса дяъвилул орден, Лениннул, ЯтIул ттугълил орденну, 11 личIи-личIисса медаллу, РСФСР-данул ва ДАССР-данул Верховный Советирттал ХIурматрал грамотартту, ВДНХ-лул чулухасса цимирагу мусил ва арцул мюрщими медаллу ва чIярусса цаймигу бахшишру.

Цимирагу шинни МахIаммадхIажинал райондалийсса ветерантурал советрал председательшивугу дуллай. Ва уттигу бусравну ва хIурматрай ур жяматрал дянив. Арсру ва душругу оьрмулувун буккан бувну, оьрчIаягу ххари хъанай, чIумущал къуццу бан хIарачат буллай ур.

Аьли Оьмариевгу Ккуллал шяравусса ветерантурал хъунамари. Пенсиялий унагу, школалий учительну зий ур. Яла-яла чIярусса давуртту дурссар ванал жагьилми ватандалух ччаву дусса, миллатру ххирасса хьун баврил чулухуннай. Цимигу ккули оьрчIал дяъвилул училищарду къуртал бувну, хIаписартал шаву, школалий тарихрал ва кIанттул музей сакин баву ва цикссагу дяъвилуву «ятIатIар бакъа бат хьусса Ккуллал чиваркIуннал бакIрачIан бувкIмур кIул баву ва цаймигу дакIний личIансса, чIявучин мюнпатрансса давуртту мукъуйну ва иширайну Аьли хIала уххаврийнур дурсса. Ва хIакьинугу цала пасихIсса мукъуйну школалийгу, шяравугу тарбиялул давуртту дацIан дитлай акъари.

СумбатIуллал Илларкьадирив къакIулсса кказит буккултраву нажагьссагу акъахьунссар. Ва ур ниттила зун увсса кунасса захIматчи, жагьилтурал насихIатчи, хъуниминналгу маслихIатчи. Цанмагу оьна ацIан къакIулссар. ЦIанакулгу СумбатIуллал шяравату КунцIавсса фермалийнсса ххуллулсса, райцентрданийн дурцусса щиналсса буллай, дирирсса колхозрал давурттавухри усса.

Барча ветерантал, зул байрам, къаккакканнав махъа нанинан зу ккурхIусса дардру, захIматшивуртту, абадлий дакIний личIаннав зу талай ларсъсса Хъуннасса Ххувшавугу!

Гь. ХIасанов

«Илчи»

7 май 1993 ш.

Вана, 1968-ку шинал декабрьданул ацIния урчIунний бувксса Ккуллал районналул «ЧаннацIуку» кказит. Му тIитIлатIисса чIумал, «ма букки шикку чивчумур» тIий иттав ххяхлахисса кунна, хъунисса хIарпирдай бакIгу дурну, рирщуну дур «Ккуллал жагьилтурал шадлугъ» тIисса хъун дакъасса макьала. Му дур республикалийсса бяс-ччалливу хьхьичIун ливчусса Гьарун Саэдовлул цIанийсса Ккуллал колхозрал комсомол организациялухьхьун Дагъусттаннал комсомолнал обкомрал чулухасса ЯтIул ттугъ тапшур баврил шадлугърая, та чIумал му кказитрал корреспондентну зий ивкIсса Щамххал Мударисовлул дурсса хъун дакъасса репортаж.

Дуккинну микку чивчумур дусса куццуй.

«… ЧIюлу бувну бия Ккуллал шяраваллил клуб. Тяхъану бия шивун бувкIцири комсомолтал, жагьилтал – махъсса колхозниктал ва колхозницахъул. Циняв ссавур дакъа клубрал сценалийн ялугьлай бия.

Вана ахиргу дайдирхьунни митинг. БувчIунни президиум. Миннавух колхозрал председатель, парторг, райкомраяссагу бия.

ВЛКСМ-рал Дагъусттаннал обкомрал цалчинма секретарь АьвдуллатIип ХIажиевлул тIитIин бунни цIусса ЯтIул ттугъ. Муний чивчуну бур «Абадлий цачIава битан – комсомолданул Дагъусттаннал обкомрал чулуха хьхьичIунсса комсомол организациялун».

– Гьалмахтал комсомолтал ва жагьилтал! – увкунни ХIажиевлул. – ВЛКСМ-рал Дагъусттаннал обкомрал баян бувну буссия ВЛКСМ-рал ххюцIалла шин шаврин цIа кусса хасъсса бяс-ччал. Муниву хьхьичIунсса кIану бувгьусса комсомол организациярдан булун куну буссия шанма ЯтIул ттугъ.

Жамирдайн бувну, вайннува ца ттугъ буллуссар Хасавюртуллал шагьрулул комсомолнал комитетран, ца – МахIачкъалаливсса заводрачIасса комсомол организациялун. Ца тIурча вана вари.

Гьалмахчу ХIажиев ттугъ тапшур буллан ивкIуна. Ликрай бавцIуна клубраву буцири. ЧIирттава личлан бивкIуна гурну ришлашисса хъатурдил лахъсса чIурду.

Ттугъ кьамул бувуна колхозрал комсомол организациялул секретарь Оьмари Суллуевлул. Кьамул бувсса ва ттугъличIа хIурматрал къаралданий бавцIуна колхозрал комсомол организациялул комитетрал член Халид ХIаммацаев, комсомолец – хьхьичIунсса механизатор Оьмари Оьмариев, хьхьичIунсса дояркахъул – комсомолкахъул Рукьи Кьадинаева ва Сумайсат Луъманова.

Ккуллал комсомол организациялул бивтсса ххуллуя, цIана дуллалисса давурттая ихтилатру бунни: Оьмари Суллуевлул, комсомолнал райкомрал кIилчинма секретарь МахIаммадкамил Шахмилаевлул, захIматрал ветеран ХIажимахIамма СултIановлул, фермалийсса комсомолтурал группорг Шуъбанат Пидуриевал ва цайминналгу.

Ва батIаврий комсомолтурал цIусса социалист буржру бакIрайн лавсунни.

Митинграл ахирданий хъуннасса концерт ккаккан дунни Ккуллал шяраваллил культуралул къатлучIасса самодеятельностьрал коллективрал…

Радиолух вичIи дирхьусса хIурмат бусса гьалмахтал, ва макьала укун кказитрай рирщуния шихуннай сайки зувиллий урчIра шин ларгун дур. Билаятрал комсомол организациялул бакIрачIан хIакьину бувкIмургу жунма чIалай бур. Ва репортажраву ихтилат нанисса Ккуллал колхозрал комсомол организациягу, гьалбатта, ччянира дакъа хьуну, духра ларгун дур. Гьай-гьай, шикку ихтилат нанисса абадлий цачIава личIан куну та чIумал вайннахьхьун тапшур бувсса ЯтIул ттугълил бакIрачIангу ци бувкIссарив жунма къакIулли. Амма Ккуллал шяравусса Гьарун Саэдовлул цIанийсса колхозрал захIматчитурал цIанихсса захIматрайну давриву ларайсса ккаккияртту хьун даврихлу цикссагу ттугъругу, дипломругу, хIатта «ХIурматрал лишан» орденнугума ларсусса Ккуллал колхозгу щала билаятрайх машгьурну унгу-унгуну силий дуссия. Цуксса хIайпнугу, утти мугу «мукунсса дуссия» тIун багьлай бур. Колхоз цурда духлаглай, цIагума экьи дуртуну дур. Перестройкалул буранналул «щала билаятрай хьхьичIра думур гьарзад зия дуллай», «колхозру давриву жува бяйкьуссару, ми зия дан аьркинссар», тIий демократътурал пикри бакъа дуллалисса реформардал щавщи ва колхозрайнгу къабивну къаливчIунни. ХIайп, ялагу хIайп ва хъун гъалатI итабакьин! Агь, яла пашман хьунтIиссархха! Амма нава аьйкьлай лявкъуния тIий ура. Гьаксса къаччива, ялагу къаччива ттула буттал шяраву укунсса тагьар!

Амма кIа макьалалуву цIарду кIицI дурсса гьалмахтуран (кIайннаятусса кув аьпалувух хьунугу бур). Ва бавсса захIматчитал Ккуллал колхозниктуран та шадсса чIун дакIнийн дутаврийн ххаришиву, пахру къабагьну къабикIанссар. Ялув цIарду кIицI дурсса та чIумалсса комсомолтуран Суллуевлун, ХIаммацаевлун, Пидуриеван, Кьагьдинаеван, Луъманован, Шахмилаевлун ва Аьвдуллаеван ссайгъатран итабакьлай буру Ккулатусса аьпабиву Къиза Оьмаровал щаллу буллалисса ва балайгу.

Гь. ХIасанов

Даградио

Ноябрь, 1997 ш.

Буттал КIанттул цIанийсса дяъвилуву гьуртту хьума, республикалийх ххуйшиврий цIа ларгсса Гьарун Саэдовлул цIанийсса Ккуллал колхозрал хъунама, Дагъусттаннал Обком партиялул член, Совет ХIукуматрайсса цинярдагу колхозирттал Советрал хъунаманал хъиривчу, Ухссавнил чулухсса Ккавкказнавусса захIматраву хьхьичIун ливчми бавтIсса совещаниялий гьурттугу хьуну, ихтилатгу бувма, КПСС-рал 22-мур съездрайн увчIсса вакил, РСФСР-данул Верховный Советрал депутат, Лениннул, кIира захIматрал ЯтIул Ттугълил, чIярусса дяъвилул орденнан ва медаллан лайкь хьума, му бакъагу яхI-къириятрал увччусса, цинявннанагу эбратрансса захIматчи, тарбиячи, дус-ихтивартуран ххаллилсса дус.

Вана цаппара мукъурттийну дурсса ХIажиев МахIаммадхIажинал яргсса сурат.

1956 шинал Гьарун Саэдовлул цIанийсса колхозрал хъунаману увчIуссар МахIаммадхIажи. Жяматрал цалла чулиннай мукун хъуннасса вихшала дурукун, МахIаммадхIажинангу багьлай бивкIссар, дурсса вихшалдаран лайкьсса кьимат бищунсса куццуй зун.

Мунияту, МахIаммадхIажи бакIчисса колхозрал правлениялул члентурал хIисавравун лавсун бивкIссар, цалчинма-цалчин, лахъ дан колхозниктурал даврихсса шавкь, колхозниктурал дянив дишин багьайсса куццуйсса низам, ххуй чулиннай даххана дан ятту-гъаттарал жинс.

Вай, найбунува цала хьхьичI бивхьусса захIматсса масъалартту щаллу буллай, сукку хьуссар колхозрал хъунамагу, мунал кумагчиталгу.

Колхоз шиная-шинайн гужлан хъанан диркIссар, колхознитурал ахIвал ялу-ялун ххуй хъанан бивкIссар. Укунмагу захIмат ххирасса Ккуллал жямат, захIматрал кьинилун дучIаймур гьарза хъанан диркIукун, ялунгу шавкьиравун лавгссар. Гьаманки, вай чIуннардийри Ккуллал шяраву, чIиви-хъунсса тахсир хьусса колхозник чIумуйну даврия мурахас айсса ивкIссагу. Ва Совет хIукуматрай колхозру сакин дурния шинмай тарихраву цалчин хьунабакьлакьимурди бивкIсса.

Совет хIукуматрал чIуннардий кьянкьану ккаккан дурсса планну дикIайссия, ккаккан дурну махъ чара бакъа биттур дувангу аьркинну бикIайссия.

Тай шиннардий Ккуллал райондалул Райкомрал цалчинма секретарьну зий ивкIсса Загълихъал ХIасаннул мудангу учайссар: «Щаллусса райондалун, хIукуматрал чулуха ккаккан дурсса план, ца Ккуллал колхозрал дурмунийну щаллу шайва. Ккуллал жяматгу, жяматрай каялувшиву дуллалимагу гужсса бикIайва, ттун оьрмулуву укун захIматрая нигьа къабусайсса жямат къаккавкссар», – куну.

Мяйжаннугу, МахIаммадхIажинал 25 шинал мутталий, цува колхозрал хъунаману зий ивкIссаксса хIаллай, дурсса ххуй-ххуйсса давуртту кIицI лаганшиврул, цанналу хас дурсса чичру дуван аьркинни.

Хъярч бакъархха: 60-70 азарва яттил хIайван, 3 азарунния ливчусса лухIи ризкьи, 400-500 чу бусса илхъи, 400-500 най, 80-90 автомашина, 50 трактор, 9 комбайн, чIярусса жура-журасса цаймигу техника. Укунсса аваданшиврийн лахъсса, зунттавусса колхозгу диян дурну, ва гуж, ва аваданшиву багьайкун щурущигу дурну, ччех дикIан къаритан бигьасса иш къабивкIссар. Укунсса ия «чаннаннил ттарцI» кунасса Ккуллал МахIаммадхIажи.

МахIаммадхIажи дакIнийн утлай ур ванал шяравучу, дус Юсуплул арс Гьарун: «Аьпа баннав цал, МахIаммадхIажи уссия хъинну ххишала акъа чIявучин бусравсса, Ккуллал жяматран ляличIинува ххирассия. Му гьунар бусса каялувчи, карчI дакъасса зузала, чялишсса общественник, щарссанин ххаллилсса ласгу, оьрчIан ххуйсса ппугу ия. МахIаммадхIажинал Ккуллал жяматран дурсса хъиншивуртту я метрардай, ягу кIушиврийну дуцин къашайссар, ва кунмасса арсру лакрал миллатрая чIявусса бизаннав».

Цала зунттул хъачIниха лавхьхьусса ссурахъу дакIнийн утлай ЦIаххуйл арс Мирза тIий ур: «МахIаммадхIажи жул Деччихъал агьлу-гьану ххуй буллалимая. Ца жун, мачча-гъаннан акъа, циняннанагу бусравсса инсан ия. МахIаммадхIажинан кIулссия миски-гъаривнал чIарав ацIангу, мачча-гъанми ххари-хъун бувангу, аьйкьлакьиманахь мааьйкьларда учингу. МахIаммадхIажи чIавану унувава чумартсса ия, оьрмулул шинну хьуннин хушрай дяъвилийнгу лавгун, ххувшавугу ларсун увкIссия. Мукуннасса чумартшиву хъуннасса Гьарун Саэдовлул цIанийсса колхозрай каялувшиву дуллалинийгу ккаккан дурссия.

МахIаммадхIажи жун, мачча-гъаннан тачIавгу хъама къаитантIиссар, ванаха лавхьхьусса арсру жул агьлу-гьанулия гьарзану бизаннав».

МахIаммадхIажи дакIнийн утлай, 2002 шиналва, хъунмасса хIаллай колхозрал ризкьилулсса бувайма хъунаманал хъиривчунал, аьпа баннав цал Оьмарил арс Мусил «Илчи» кказитрай чивчуну буссия «МахIаммадхIажи ларайсса цIанин лайкьмари» тIисса макьала. Макьалалул мурад укунсса бия: ризкьичитал мунан ххирая, мунияту бухьунссия, цувагу ххирая миннан.

Бабаюртуллал райондалийсса 700 гектар целиналул МахIаммадхIажинал каялувшиврулу къама бугьай дурссия, лухIи тIутIул багъру бувссия, ппиринж бугьайсса чекру дурссия. Мичча бучIан бувсса лачIа, ппиринж, лухIи тIутIуя дурсса чяхир, нагь-нис, дикI захIматрал кьинирдайх дачIлай, колхозниктурал маэшат хъинну лавай бувссия. Шяраваллил жинс бакIрая ччаннайн дияннин ххуй чулий даххана дурссия. ЧIявуссаннал хIаятирттаву машинартту, мотоциклетру хьуссия ми чIуннардий. 5-азаруннияр ххишаласса халкь бусса шяраву, цаягу инсан къаикIайссия МахIаммадхIажинал ттун къаччан бикIан бунни учинсса. Аьпа баннав цал, укун ххаллилсса адимина ия жула МахIаммадхIажи». Вай ххуй-ххуйсса дакIнийхтунусса мукъурттийну МахIаммадхIажигу дакIнийн увтун, лахъи къалавгун цувагу аьпалувух хьуссар жула цIанихсса захIматчи, яхI-къириятрал увччуссар авур адимина Оьмарил арс Мусигу.

МахIаммадхIажинал дус-ихтивартал чIявусса бия. МахIаммадхIажинал чаннасса симан дакIнийн дутан къаччисса миннава цаягу къаикIантIиссар. Мунияту, жуна бусравсса инсан дакIнийн утлатаву хъиннура лахъи къадуккаву мурадрай, Ххутрал Аьбдуллагьлул арс Дибирдухьхьун, цала ххирасса дус цукун дакIний ливчIун уссарив бусансса ихтияргу дулунну:

«Ттун МахIаммадхIажи ххишала акъа ххирассия, му ттун нава сагъну уссаксса дакIниягу къауккантIиссар. МахIаммадхIажинал бувсса ихтилатгу, лавсъсса шагу, дуллалимургу уздансса, алвагьсса дия. Му ия миски-гъаривнал чIарав ацIлана ляхъан увсса инсан. МахIаммадхIажинащалсса хьунаакьаву ттун хъуннасса ххаришивуну шайва. Му ия цукунчIавсса щилтагъшиву дакъасса марцIсса дакIнил заллу. Мунан хъинну кIулссия тIайласса дусшиврул кьимат бищунгу. МахIаммадхIажи мудангу хIадурну ия, аьркин дагьлай духьурча, дурккун цала дакIнивату къюкI дулунгу. Ттун мунаву ххуй дизайсса чIярусса хасиятрал тIуллу дия, ххуй дакъасса хасиятрал бутIа мунан буллунувагу бакъая. Мунан яла къаччимур задгу тIайладакъашиву дия, щялмахъ бусултгу къаччиссия.

На мунай махIаттал хьуну икIайссияв, цува чув-унугу, ци кайпрай унугу, пикри-зикри мудангу Ккуллал шяраву бикIайва, колхозниктурахсса аякьалийна икIайва, хIазран чIунгу гьан къадайва. На кьянкьану тIий ура, хIакьинусса кьинигу мунал арсру-душру, ттула уссил оьрчIру кунма ххирассар.

МахIаммадхIажинал дурсса даврил ккал хIисаврай, мунал хъазамраву мусил цIуку пар-пар тIун лайкьссия. Му лажин лякъу акъая, му ия хIакьсса зунтталчу. Ялагу ххуй-ххуйми зунтталчунал хасиятру дартIун, мунахьхьун дуллусса кунна чIалан дикIайва.

Ца укунсса ишгу кIицI бан ччай ура «Илчи» кказит буккайминнахь, тIий ур Дибир: «ХIусайн тIисса ттула арсначIан хъамалу увкIсса Лондоннайсса Университетравасса профессор Джон Кондрис, ттула хъинсса дус хIисаврай хъамалу гьан бувссия МахIаммадхIажиначIан Ккулув. МахIаммадхIажинал багьайсса куццуй кьамулгу бувну, цалла хъуннасса хозяйствалущалгу кIул бувну, ххуй-ххуйсса бахшишругу дуллуну, хIурматрай махъунмай тIайла бувккун бия. Му Англиянавасса профессор махъунай ттучIан увкIукун, махIаттал хьуну, буслай, бусан хъанай акъая, вил дус МахIаммадхIажи икIайкунсса сенатор ия тIий, ацIила тикрал бувна, хъинну рязину ия Ккуллал щарниягу жяматраягу».

Дибирдул дакIниву цIакьну бур ца укунсса пикригу. МахIаммадхIажинал шяраву лявхъусса инсантал, кIанаха лавхьхьусса бикIан аьркинсса кунмасса. Мукунсса бунугу чIалай бур Дибирдун Ккуллал жямат. МахIаммадхIажинан цала буттал шяравалу хIакьсса бусурманчувнан Макка-Мадина кунна ххирая, цала жяматгу дазу-зума дакъа ххирая.

МахIаммадхIажинал, цал бунагьирттал аьпа баннав, гьав нурданул дурцIунна личIаннав, пирдавс алжан булуннав, га кунмасса арсру жула миллатраву чIяву хьуннав.

Дундар ХIажиев

«Илчи»

11.02.2005 ш.

На уттинин жула ххирасса «Илчи» кказитрал гьарца номер буккайсса бухьурчагу, царагу макьала къачирчуссар. Чичинсса зад бухьурчагу, жагь даврия къаиллай, жагьгу къулагъас къадурну кьабитавай.

Утти, майрал 1-ннийсса 2002 шинал «Жуйрасса аьй жунна чIалачIавугу ххуйссар» тIисса Дундар ХIажиевлул чивчусса макьала дурккукун ттула дакIнивусса махъру, щалла Ккуллал щарнил дакIнивусса пикри ванал цIания бивщуну бур тIий, хъуннасса ххаришиву дагьунни дакIнивун. Мяйжаннугу кьуния ххюра шинал мутталий Гь. Саэдовлул цIанийсса колхозрал председательну зий ХIажиев МахIаммадхIажинал хъуни-хъунисса ххуй-ххуйсса давуртту дурссар хозяйствалул даража лавай бавриву хьуннав, колхозниктурал багьу-бизу ххуй бавриву хьуннав.

Бабаюртуллал райондалийсса 700 гектар целиналул аьрщарал лачIа бугьай дурну, багъру бувгьуну, тIутIул плантациярду дурну, ппиринж бугьайсса чекру дурну, шичча лавсъсса къама, ппиринж, ахъ, лухIи тIутIуя дурсса чахир захIматрал кьинирдайх дачIлай колхозниктурал маэшат хъинну лавай хьуссар.

Яттил ва гъаттарал чансса продукция ласайсса гьаннарая (зунттал гьаннарая) кIили-шамли гьарзану ппал дукьайсса яттийн яттугу буккан бувссар, чIярусса накIгу ттизайсса, дикIгу гьарзану дуккайсса гьаннарайн гъаттарагу кIура лаган бувссар.

Зунттавусса хьуннав, Бабаюртуллал райондалийсса хьуннав, хъурунная гьарца шинал мяълумну хъунисса бакIлахъия ласайссия, къалмул дикIу ахъулссаннул дикIу. ЧIярусса хозяйственныйсса социально ва культурно-бытовойсса строительстварду дурссар.

ЛичIину гьарзану къачичланна, на ва гьалмахчу колхозрал хъунаману усса чIумал дурсса хьхьичIуннайшивурттая. Вайннул барашиву дуллай «Знак Почёта» орден дуллуссар, цикссагу та чIумалсса хъунмур кIанттурдая бахшишру дуллуссар. Цимирагу шинай ВДНХ-лул хIурматрал улттуя лиркъаркссар.

Агьалинал багьу-бизу ххуйшаву так ца мунину чIалай бур 1961 шиная 1969 шиналнин циняв шяравусса къатрал магъив шиферданул ва муххал даркьуна, ичIувасса аьрщарал чIан къатравух тIаннул поллу даркьуна, мебель, мюрай-чIираймур ххуйгу хьуну гьарза хьуна.

Жула буттахъал учала буссар «ВацIлуву чакъалт чан къашайссар» – тIисса. Мукь-ххю азара инсан усса Ккуллал шяраву цува ца инсан акъассар ванал къаччан бикIан бувссар учинсса, оьшиву дурссар тIий рязи акъа личIансса.

Ялгъузманал чIаравгу ацIайссия, мискинннан кумаггу бувайссия, абадлул абадлий Ккуллал ялун нанисса никиран эбратрансса инсан уссия, ХIажинал арс МахIаммадхIажи ХIажиев.

Ттул хъунмур оьрму лавгунни ризкьилуха зий. Цинявппагу ризкьичитурал цIанияту нагу ура ва Дундар ХIажиевлул ва «Илчи» кказитрал гьаз бувсса агьамсса масъала – хьхьичIрасса Гь. Саэдовлул цIанийсса колхоз, уттисса «Кулинский» племхозран укунсса цIа дулурча къулайну хьунссияв тIий: М.-ХI. ХIажиевлул цIанийсса «Кулинский» племхоз.

«Кулинский» племхозрал председательнал

отгонный-животноводстволулсса байма заместитель

Оьмариев Муси Саэдлул арс

«Илчи»

24 май 2002 ш.

В борьбе за укрепление общественного богатства в авангарде идут коммунисты. Партийный комитет колхоза совместно с правлением проводит большую воспитательную и организаторскую работу. Из 111 коммунистов 90 работают на решающих участках колхозного производства. В частности, более половины бригад и ферм возглавляют коммунисты и комсомольцы. Умелое ведение хозяйства, организация действенного социалистического соревнования, личный трудовой пример коммунистов и комсомольцев – всё это помогло повысить производственную активность всех тружеников артели, улучшить количественные и качественные показатели.

По инициативе коммунистов на всех фермах налажена работа зоотехнических курсов, организовано изучение и внедрение передового опыта. Именно на основе этого в колхозе от каждой сотни овцематок получено и сохранено по 110 ягнят, значительно перевыполнено обязательство по получению шерсти.

К числу знатных овцеводов колхоза по праву относят чабана коммуниста Омара Саидова. Он молод, но опыт у него богатый. Хорошее кормление, уход за отарой позволили ему провести зимовку без потерь, добиться высокой продуктивности.

Соревнуясь в честь 40-летия Советского Дагестана, Омар от каждой сотни овцематок получил и сохранил по 113 ягнят.

– С каждой овцы, – рассказывает чабан, – снято на 300-350 граммов руна больше, чем намечалось по плану.

Секрет успеха? Это – добросовестный труд, хозяйская забота о животных. Овец пасёт он по загонам: поедят овцы траву на одном – перегоняет на другой. Овцы всегда сыты, напоены, кошары и базы добротные, животные подкармливаются концентратами. Во в чём секрет успеха!
ПЕРЕДОВОЙ ОПЫТ – ВСЕМ
Ежедневно бригады молочнотоварной фермы отсылают в рейс молоковозы. Вот и ныне шофёр М. Аллаев и доярка бригады № 1 П. Омариева заполняют цистерну молоком. Принимай, Родина, очередной надой от колхозных доярок.

На государственный маслосырзавод уже сдано около 600 тонн молока. Ещё немного времени, и обязательство продать государству 800 тонн молока будет претворено в жизнь.

Гарантия тому – мастерство, упорный труд коллектива. На молочнотоварной ферме проделана значительная работа по улучшению уходы и содержанию коров, обобщению и внедрению лучших приёмов труда доярок.

Так, в прошлом году передовая доярка коммунист Г. Курбанова получила от каждой коровы – по 1872 литра молока и от десяти закреплённых за нею коров сохранила 10 телят.

Этот успех не оставлен без внимания. Партком колхоза, животноводы обобщили опыт Курбановой, а затем на курсах передали его всем дояркам.

Одним из решающих условий успеха является отличная подготовка и проведение зимовки. В этом отношении правление артели осуществляет большую работу. В разгаре ремонт помещений, инвентаря. Для коров уже заложено около 4000 центнеров силоса, запасаются грубые корма. Для общественного скота уже заскирдовано более 35000 центнеров сена. Сейчас на сенокосных угодьях продолжается заготовка сена.

Хозяйское содержание коров, отличная подготовка к зиме – в этом залог новых успехов в борьбе за повышение молочной продуктивности скота.
ОБНОВЛЁННАЯ ЖИЗНЬ ГОРНОГО АУЛА
До Советской власти трудящиеся аула Кули испытывали всю тяжесть нищеты, бескультурья и бесправия. Крупные феодалы и барановоды – агларханы, Дурнаевы, Рабадановы и Тарагаевы беспощадно эксплуатировали бедноту. Почти все богатства – земля, скот, вода, луга и пастбища находилось в руках кучки богачей. Один Дурнаев имел около двухсот гектаров земель, из 11 тысяч голов овец, насчитывавшихся в ауле, 5 тысяч принадлежала Рабаданову.

В своём большинстве мужское население аула – от малолетних до глубоких стариков, постоянно работало батраками у этих богачей, получая нищенскую плату, а часть кулинцев уходила на заработки в города.

40 лет тому назад здесь насчитывалось 567 дворов. Аул с трёхтысячным населением не имел школы, был лишён всякой медицинской помощи. Безграмотных насчитывалось 98 процентов. Вместо культурных очагов было 6 мечетей.

За годы Советской власти неузнаваемо изменился облик аула Кули. Ныне здесь имеется 700 дворов. Кулинцы одними из первых в Дагестане перешли к коллективному ведению хозяйства. Сельскохозяйственной артели было присвоено имя руководителя лакской бедноты, видного революционера Гаруна Саидова, расстрелянного в 1919 году наймитами английских империалистов – деникинцами.

Пршло несколько лет. Сельхозартель имени Гаруна Саидова – стала одной из мощных животноводческих артелей республики.

Вместо прежних лачуг, лепившихся у самой вершины горы, появились новые, городского типа здания правления колхоза, сельского клуба, больницы, школы, детских яслей, бани, маслосырзавода, зооветпункта, пекарни, магазинов и т.д. Много здесь выстроено новых домов колхозников.

В 1937 годупостроена колхозная электростанция.

Кулинцы получают 213 экземпляров центральных и республиканских, 193 экземпляра районных газет, 146 экземпляров различных журналов. Более 150 колхозников имеют собственные радиоприёмники. В домах колхозников говорит радио. Огромна тяга молодёжи к учёбе: 500 детей обучаются в средней школе. Окончившие среднюю школу сотни юношей и девушек работают в колхозном производстве. В вузах Махачкалы и других городов страны получают высшее образование десятки кулинцев. В ауле выросла своя интеллигенция. За годы Советской власти 35 человек получили высшее образование, трое стали кандидатами наук.

Сын бывшего батрака Бадрутдин Сулейманов преподаёт математику в старших классах средней школы, его младший брат Шамсутдин Сулейманов – врач, заведует участковой больницей, жёны обоих братьев – педагоги. В Кули немало и других таких же семей, как Сулеймановы.

Животноводческий колхоз имени Гаруна Саидова – один из передовых в республике. Систематическое перевыполнение государственных планов стало здесь патриотической традицией всех колхозников.

В колхозе более 45 тыс. овец, 3 тысяч голов крупного рогатого скота, 270 свиней, около 400 лошадей.

Колхоз успешно выполняет планы роста поголовья и продуктивности скота. При плане 3 килограмма с овцы настрижено по 3,5 килограмма с овцы настрижено по 3,5 килограмм шерсти.

Из года в год укрепляется экономика колхоза. Если в 1954 году денежный доход составлял полтора миллиона рублей, то в 1959 году он доведён до 7 миллионов.

Вместе с неуклонным ростом общественного богатства колхоза выросли замечательные кадры животноводов, преданных своему делу, отдающих ему все силы, знания и опыт.

За последние годы в колхозе ведутся работы по выращиванию мериносовой породы овец. Их количество достигает 4 тысяч. В этом году с каждой мериносовой овцы настрижено по 6 килограммов шерсти, а в бригадах старшего чабана Ибрагима Сутиева, Джамала Лукманова получено ещё больше – по 6,5-6,6 килограмма.

В нескольких километрах от аула расположена племенная ферма крупного рогатого скота, насчитывающая 200 коров. В этом году построен жилой дом для животноводов и вместительный коровник. Здесь работает дояркой депутат Верховного Совета СССР Галимат Курбанова, которая надоила по 1454 литра молока от каждой коровы. Таких же хороших показателей добивались доярки Шубанат Пидуриева, Бича Канчиева и другие.

Кулинцы успешно развивают и другие отрасли хозяйства. На террасных землях заложен сад, который начал давать сотни тысяч рублей дохода. В последнее время колхоз получил на территории Бабаюртовского района 1000 гектаров плодородной земли, где выращен хороший урожай – по 25 центнеров пшеницы и по 38 центнеров ячменя в среднем с гектара.

Кроме полеводства на прикутанных землях развиваются садоводство, виноградарство, свиноводство и птицеводство.

В колхозе механизируются трудоёмкие работы на животноводческих фермах и в полеводстве. Артель имеет 29 автомашин, 9 тракторов, 3 комбайна, 2 молотилки, силосорезки и другие машины.

Во всех успехах артели сказалась огромная организающая и направляющая роль партийной организации колхоза. В ауле свыше 100 коммунистов, они работают на решающих участках колхозного производства.

Немалочисленна и сельская комсомольская организация. Из 200 комсомольцев – 123 девушки-горянки. Они являются запеваласи соревновани на животноводческих фермах, в садах и на полях.

Молочнотоварная ферма «Мазувалу» была одной из отстающих. По надою молока она занимала последнее место в колхозе. План по надою молока систематически не выполнялся. Бригадиром фермы была назначена комсомолка Сакибат Магомедова, которая сумела за короткий срок вывести ферму из отставания. Ныне Сакибат принята в партию.

В наше время нельзя жить только сегодняшним днём. Достоинство коммунистов аула Кули заключается в том, что они постоянно заботятся о будущем своего колхоза, обсуждают на партийных собраниях планы развития колхоза, вносят в них свои коррективы. Вместе с тем парторганизация успешно направляет производственную активность колхозников на выполнение текущих задач.

И. Канчиев

«Дагестанская правда»

30 августа 1960 г.