Бактериоскопиялық әдіспен қақырық құрамындағы патогенді саңырауқұлақтар, спирохеттар ( ұзын, бұранда тәрізді бактериялар), туберкулез бацилласы, стрептококк, стафилококк, микрококк, микоплазма т.б. микрофлоралар анықталады. Бактериологиялық зерттеу жүргізуге өкпе абсцесі ошағынан немесе инфильтрат аймағынан алынған пунктат, қақырық, бронхтарды тазалағанда бөлінген сұйықтық алынады. Қақырықты зерттеуге алудан алдын науқас ауыз қуысы ментістерін тазалап, кейін қайнатылған сумен ауыз қуысын шайқайды, науқас жөтелген уақытта қақырықты Петри табақшасына жинап, жиналған материал зертханаға 2 сағат ішінде жеткізіледі. Зерттеу жүргізу үшін түрлі қоректендіру орталары қолданылады. Зерттеу сапасының жоғарылығы материалдың дұрыс жиналуына, өз уақытысында тасымалдануына, сақталу , зерттелу техникасына тікелей байланысты.
