Қырынан қағып лақтыру.
Қарсыласын аяқтарын шалыс басқанда, бір – біріне жақын қойғанда немесе алға – арқа бірінің алдына қойғанда қолданылады. Сол қолмен қарсыластың күртешесінің оң иығынан арқасына таман, ал оң қолымен белбеуінің артынан ұстап, қарсыласы оң аяғын алға қойып немесе айқастырып жатқанда оң аяғын оның сол
аяғының алдына қоя беріп, қолдарымен және денесімен оңға – жоғары қатты жұлқып, оны кілемге жауырынымен түсіру керек.
Тактикалық даярлық: қарсыласты тепе – теңдігінен тайдырып, аяқтарын шалыс бастыруға мәжбүр ету үшін оны жұлқып, итере қозғалу.
Қателер: аяқты табанымен қақпайды немесе жіліншіктің жоғары жағынан қағады. Бір қырына қарай жұлқымай өзіне қарай жұлқиды. Баяу және өзіне қолайсыз сәтте қағады.
Қорғану: қолдарынан босану; аяғын көтеріп , тізесін бүгіп , аяғынан аттап кету.
Қарсы амалдар: қырынан қағу; қарсыласы осы әдісті қолданғанда оның қағатын аяғынан аттап , өзіне тартып қалып , осы тәсілге салады.
Комбинациялар: кеудеден асырып лақтырып барып , қырынан қағу.
Достарыңызбен бөлісу: |
