І бөлім. Жалпы фармакология
жүктеу/скачать 1.02 Mb.
|
| Пиперазин адепинаты (адипразин және т.б.) - 0,2 және 0,5 г түймедағы №6, №10; 5% - 100 мл ерітіндісі балаларға ішуге, әртүрлі нематодтарға, көбінесе аскаридоз бен энтеробиозға қолданылады. Бұл дәріні бергенде алдын ала дайындық және диета ұстаудың керегі жоқ. Бір күнде берілетін мөлшері аскаридозға: 0,4 г-нан 4 г-ға дейін немесе 0,2 г-нан 2 г-ға дейін жасына қарай беріледі. Энтеробиозға осы мөлшерде 5 күн беру керек, содан соң 7 күн демалдырып тағы да бір цикл емдеген жөн. Демалыс күндерінде де тік ішектегі қалып қойған острицаларды жуып шығару үшін жатар алдында клизма жасап тұру керек.
Пиперазиннің улылығы аз, бірақ кейде жеңіл-желпі жанама әсерлері пайда болады: лоқсу, іш ауыру, басы ауыру, демінің тарылуы, аллергиялық өзгерістер көріне бастайды, ал мөлшері көбейіңкіреп кетсе еттері босап, күші кетіп дірілдей бастайды, бүйректің қызметі бұзылуы мүмкін, соның әрекетінен нефротоксикалық жағдайға ұшырайды. Орталық жүйке жүйесінің ауруларында қолданбайды. Левамизол (декарис және т.б.) – 0,05 г № 2 және 0,15 г № 1, аскаридоз кезінде ересек адамдарға 150 мг, ал балаларға 2,5 мг/кг 1 рет. Дайындық және диетаның керегі жоқ. Емдік әсері стронгилоидозға және аздап анкилостомидозға бар. Негізі бұл дәріні қазіргі кезде иммуномодулятор ретінде қолданады. Нафтамон (алкопар және т.б.) – 0,5 г қапталған түймедағын аскаридозда, анкилостомидозда, энтеробиозда, трихоцефаллезда, трихостронгилоидозда қолданады. Таңғы ас алдында 2 сағат бұрын түймедақты шайнамай сумен бірге ішу керек. Ересектерге және 10 жастан үлкен балаларға 5 г, 3-тен 6-ға дейінгілерге 2-2,5 г, 6-дан 8-ге дейінгілерге 3 г, 8-ден 9-ға дейінгілерге 4 г-нан 3-5 күн қатарынан беріледі. Қажет болса 2-3 аптадан кейін қайталайды. Нафтамонды колданғанда оған алдын ала дайындық керек емес, бірақ соның өзінде де ащы тамақты, тұзды және қуырылған тағамды, сүтті ішуге болмайды. Бұл дәрі ішті өткізеді, сондықтан ішті өткізетін дәрілерді пайдаланбайды. Кейде лоқсу, құсу және іш өту уақытша байқалады. Бауырдың функциясы бұзылғанда қолдануға болмайды. жүктеу/скачать 1.02 Mb. Достарыңызбен бөлісу:
|