6. Аналитикалық жазба
Ақтөбе облыстық мәдениет басқармасының Стратегиялық жоспарындағы «Өңірдегі мәдениет және өнер саласының бәсекеге қабілеттілігін арттыру» бағыты бойынша 1.1. «Облыстың мәдениет және өнер саласын кеңінен таныту» мақсатына қол жеткізу үшін 4 міндет айқындалған.
Стратегиялық жоспардың орындалуына талдау 2012 жылы аталған міндеттерді іске асыруда көптеген жұмыстардың атқарылғандығын көрсетіп отыр.
Есепті кезеңде барлық тікелей нәтиже көрсеткіштеріне қол жеткізілді, оның ішінде
1.1.1. «Облыстың тарихи-мәдени мұрасын қалпына келтіру, сақтау және оны кеңінен таныту» міндетін іске асыруда:
- «Өңірдегі тұрғызылған және қайта қалпына келтірілген тарихи және мәдени ескерткіштер саны, оның ішінде, ұлттық аса маңызы бар тарихи және мәдени ескерткіштер санының көбеюі» көрсеткіші бойынша: Ақтөбе қаласы – «Жаңа Әлжан» элеваторы тас жолы бойында Ақтөбе мемлекеттік педагогикалық институты тарих факультеті студенттерінің қатысуымен 4 қорғанға археологиялық қазба жұмыстары жүргізіліп, есепке алынды. Қобда-Ойыл аудандарының тарих және мәдениет ескерткіштерін анықтау, есепке алу, қорғау аймақтарын белгілеу және олардың жағдайын тексеру туралы зерттеу жұмыстары жүргізілді. Алға, Мұғалжар, Ырғыз, Темір, Әйтеке би, Байғанин аудандары мен Ақтөбе қаласындағы 30 ескерткішке қорғау тақтайшалары әзірленіп орнатылды. Байғанин ауданы Жарқамыс селосында ядролық жарылыс құрбандарына ескерткіш белгі орнатылып, Байғанин ауданында Індібай тамы мавзолейін қайта қалпына келтіру жұмыстары аяқталды. Көрсеткіш 100 % орындалды;
- «Туристік бағыттағы нысан болып табылатын өңірдегі тарихи және мәдени ескерткіштер саны» көрсеткіші бойынша: «Ақтөбе - Әлия ауылы - Қобда - Жиренқопа ауылы -Ақтөбе» туристік бағыты жұмыс жасайды. «Хан моласы» қорымындағы Әбілқайыр ханнның мемориалдық кешенін тұрғызу үшін қаражат 2013 жылға қарастырылған;
- «Мұражай қорының жаңа экспонаттармен толықтырылу үлесі» көрсеткіші бойынша: 2012 жылы облыс музейлерінің қорлары 3572 экспонатқа толықты. Бұл көрсеткіш бойынша жоспар 100% орындалды.
1.1.2. «Мәдениет саласындағы көрсетілетін қызметтерге қажеттіліктің артуын ынталандыру» міндетін іске асыруда:
- «Облыстық мәдениет және өнер мекемелерінің қызметімен қамтылған келушілер саны (оның ішінде көпшілік іс-шараларға келушілер)» көрсеткіші бойынша: есепті кезеңде өткізілген көрнекті шаралар: облыстық, «Балдәурен», «Жас дәурен», облыстық «Актобе-junior jazz -2012» балалар джаз музыка фестивальдері, Қазақстан Республикасы мемлекеттік рәміздерінің 20 жылдығына арналған шаралар, облыстық достық Үйінде «Славяне» ЭМБ 15 жылдығы, облыстық «Достық аруы» байқауы, «Отбасым-Отаным», «Еркелей аққан Ор өзен», «Сырнай сазы», «Айрық айшықтары», биші Ш.Жиенқұлованың 100 жылдығына арналған республикалық «халықтық» би ансамбльдері және жеке орындаушылар байқауы, 5-ші республикалық патриоттық «Үш жұлдызы батыстың» әндер, Республикалық ҮІ – «Айтқыштар Ақтөбеде» және ҚР Мәдениет және ақпарат министрлігі Мәдениет комитетінің бастамасымен «Ел іші-өнер кеніші» атты республикалық телевизиялық халық шығармашылығы, республикалық «Үш жұлдызы батыстың», «Сабантой» республикалық мерекесі, «Ұлы жібек жолындағы Көкжар жәрмеңкесі», Қазанғап ат. «Ақжелең» Республикалық күйшілер байқауы, «Мәдениет үндестігі» фестивальдерімен қатар, ҚР Тұңғыш Президенті күніне арналған «Елін сүйген, елі сүйген Елбасы» атты патриоттық шарасы. Облыстық мәдениет және өнер мекемелері өткізген шараларға есепті мерзімде 1020,0 мың адам қатысып, келушілер саны бойынша жоспар 100,5 % орындалды;
- «Қойылымдардың жалпы санынан жаңа қойылымдар үлесі» көрсеткіші бойынша: облыстық театрлар 18 жаңа қойылымдар және интермедиялар шығарып, жоспар 105,3% орындалды;
- «Облыстық мәдениет және өнер мекемелері бойынша халықаралық және республикалық шығармашылық байқаулар лауреаттарының шамамен алынған саны» көрсеткіші бойынша есепті кезеңде жоспар 100% орындалды: ОХШҮ «Інжу» вокальдық ансамблі Чехия Республикасы Прага қаласында өткен халықаралық балалар және жасөпірімдер музыкалық фестивалінен бірнеше номинация бойынша 4 жүлделі орынды жеңіп алып, ОХШҮ әншісі Е.Бекбергенов республикалық «Үш жұлдызы батыстың» атты республикалық патриоттық әндер байқауынан бас жүлдеге ие болды; РФ Уфа қаласында өткен 1 халықаралық ұлт аспаптар оркестрлері мен ансамблдерінің конкурс -фестивалінде А.Жұбанов атындағы қазақ ұлт аспаптар оркестрі І дәрежелі диплом алды, Астана қаласында «Жас қанат» республикалық жас орындаушылар конкурсында Қазақ ұлт аспаптар оркестрінің әншісі – Д.Қ.Құдайберген - Гран-при иегері атанып, РФ Ялта қаласындағы халықаралық телевизиялық эстрадалық орындаушылардың конкурсында –І орынды жеңіп алды, Т.Айбергеновтің әндерін орындаушылардың республикалық конкурсында классикалық музыка ансамблінің әншісі А. Төлесінов – 1 орынды иемденіп, Қазанғап атындағы республикалық конкурста А.Жұбанов атындағы қазақ ұлт аспаптар оркестрінің артисі – А.Кенегесов Гран-при иегері атанды.
- «Халықтық», «Үлгілі» атақтары бар әуесқой халық шығармашылығы құрылымдары санының көбеюі» көрсеткіші бойынша: есепті мерзімде «Халықтық» және «үлгілі» атақтары бар клубтық құрылымдардың саны 10-ға артып, 101 бірлікті құрады.
1.1.3. «Саланың инфроқұрылымын дамыту және жаңа ақпараттық технологияларды қолдану арқылы мәдени құндылықтарға қол жетімділікті кеңейту» міндетін іске асыруда:
- «Сандық форматтағы мәдениет саласы қызметін пайдаланушылар саны» көрсеткіші бойынша: жыл сайын кітапханалардың электрондық қызметін пайдаланушылар саны өсіп келеді, жоспар 118,2 % орындалды;
- «Облыстық кітапханалардың кітап қорының толықтырылу үлесі» көрсеткіші бойынша: Облыстық кітапханалармен 14,6 мың дана кітап сатып алынып, кітап қоры 564,7 мың дананы құрады немесе осы көрсеткіш бойынша жоспар 144,4 % орындалды;
- «Күрделі жөндеуден өткен және қайта жаңғыртылған мәдениет нысандарының үлесі» көрсеткіші бойынша: 2012 жылы Ғ.Жұбанова атындағы облыстық филармониясы ғимаратының басты кіреберісінің фасады мен концерттік залы, Ойыл ауданындағы Көптоғай АК шатыры, Байғанин ауданындағы Ноғайты АК мен Алтай АК күрделі жөндеуден өткізілді.
1.1.4. «Қазақстан дамуының стратегиясы мен басымдылықтарын насихаттау» міндетін іске асыруда:
- «Облыстағы этно-мәдени бірлестіктер санының көбеюі» көрсеткіші бойынша: 2012 жылы 2012 жылы ЭМБ санының көбеюі қаралмаған;
- «Этно-мәдени бірлестіктермен өткізілетін ұлтаралық бірлікті насихаттайтын іс- шаралар үлесі» көрсеткіші бойынша: есепті мерзімде Облыстық достық Үйінің 124 іс- шара ұйымдастырып, оған 134 мың адам қатысты, этно-мәдени бірлестіктермен өткізілетін ұлтаралық бірлікті насихаттайтын іс- шаралар үлесі 0,7 % құрады. Достық Үйі жанындағы ЭМБ ұжымдары есепті мерзімде қаламыздың және облысымыздың қоғамдық, мәдение өміріне белсене араласты, түрлі байқаулар мен фестивальдер ұйымдастырды, атап айтқанда: халықтар достығы фестивалі, «Достық аруы», «Этномода» байқаулары, республикалық «Мәдениет үндестігі» фестивалі; «Славяне» ЭМБ 15 жылдығы, республикалық «Сабантой» мерекесі және «Масленица», «Мартеница», «Рождество», «Наурыз», «Рош-Ха Шана», «Ханука», «Синкъернам», «Пасха» және өзге де ұлттық мерекелер кеңінен аталып өтті.
- «Мәдениет саласындағы басшылық қызметтегі еркектер үлесі» көрсеткіші бойынша: 01.01.2013 жылға 471 мәдениет мекемесінің 93-де ер адам-басшылар жұмыс жасайды және бұл көрсеткіш бойынша жоспар 106,5 % орындалып отыр. Есепті кезеңде облыстық кітапханалар мен музейлерде көрнекті мемлекет және қоғам қайраткерлерімен: белгілі тұлға, ҚР мәдениет қайраткері «НұрАстана» газетінің бас редакторының орынбасары Қ.Жиенбаймен, көрнекті жазушылар Қ.Тоқмырзинмен, Қ.Мұхамбетқалиевпен, М.Қаназовпен, сатирик Т.Мәндібаймен, белгілі күйші М.Байғанинмен, жергілікті ақын-жазушылар В.Мартыненко, В.Мироненко, А.Өтегенов, Е.Ашықбаев, И.Асқар және суретші С.Әлімбетовпен кездесулер ұйымдастырылды.
Нысаналы индикатор мен түпкілікті нәтиже көрсеткіштері әлеуметтік зерттеулер нәтижесінде анықталды және олардың бәріне де қол жеткізілді.
2012 жылы мәдениет саласы 9 бюджеттік бағдарламалар бойынша 972735,0 мың теңгеге қаржыландырылып, нақтылы игерілуі 972519,4 мың теңгені немесе 100% құрады
Басқарма бастығы Н.Табылдинова
|
