Жаңадан бастаушыларға арналған механикалық ӨҢдеу
Бұған аддидтивті өндірісті қосамыз
жүктеу/скачать 6.75 Mb. Pdf көрінісі
|
|
Бұған аддидтивті өндірісті қосамыз 3D- баспа ретінде анағұрлым белгілі аддитивті өндірістен бастайық. Кейбір салалық сарапшылар оны ғасырдың өндірістік қаруы деп есептейді. Түптеп келгенде бұл технология, алғашқы пайдаланушылардың көпшілігі болжағандай, 30 жылдан астам уақыт бойы бөлшектерді әзірлеу үдерісіндегі бастысы бола қойған жоқ. Олардың сөзінше, көп уәде жоққа шықты және үш өлшемді баспа сіз немесе мен өмір сүріп жатқан кезде өндіріске үлкен әсер ете қоюы неғайбыл. Дәлелдеме ретінде келтірсек: » Бүкіл дүние жүзінде үй шаруашылығында ас үйде «саге Стар Трек» (Star Trek) репликаторы секілді бластерді немесе бір шыны эспрессоны басып шығаруға дайын тұрған үш өлшемді принтерлер жоқ (алайда көптеген үй қожайындарының гараждары мен шеберханаларында үш өлшемді принтерлер баршылық). » Автоқызмет көрсету тұрағына кірген кезіңізде олар қосалқы бөлшектерді, ал әмбебап дүкендер тапсырыс бойынша тенниске арналған аяқкиімді және төсек жанында тұратын тумбочканы басып шығармайды (әзірше). » Мұнымен бірге механикалық цехтар көпшілік ойлағандай бөлшектердің үш өлшемді баспасына лайықты бағасын бермеді, оның орнына олар бөлшектерді ескі «тәсілмен» жасай беруді артық көрді (алайда көпшілігі қабаттасу тәсілін пайдаланып жалғастыруда). Мен біраз уақыт осы скептиктермен бір пікірде болғанмын. Дегенмен кез келген кәсіби басылымды алыңыз немесе Ғаламтордан өндіріс туралы соңғы жаңалықтарды іздеп көріңіз, сонда Сіз соңғы бірнеше жыл аралығында көп нәрсенің өзгергенін көресіз. Өндіріс технологиясының басқаларының кез келгеніне қарағанда үш өлшемді баспа оны жасаған кезден бастап-ақ, әсіресе соңғы онжылдықта немесе соның айналасында барынша екпіндеп дамыды. Бұрын үш өлшемді принтерлер «көрсет және айтып бер» прототиптеріне немесе инвестицияларды көрсетуге арналған өзектерге (өз заманындағы басты функциялардың бірі) қарағанда көп нәрсеге қабілетті бола бермеген тұстарда қазіргі кезде осы машиналар жасай алмайтын нәрсе аз және олар оны анағұрлым оңтайлы әрі тиімді түрде жасайды. Жақын арада сіз көгалдарды безендіруге арналған әшекейлерді үш өлшемді форматта басып шығармайсыз делік. Әрі автокөліктер мен ұшақтарға арналған бөлшектердің басым бөлігі бұрынғысынша кәдімгі технологияларды пайдаланумен жасалатын болады, кем дегенде тасымалдаудың осы түрлерін басқа бір артығырақ нәрсемен (бәлкім, телепортациямен) алмастырғанға дейін. Бекіткіштер, жиналмалы орындықтар, «Фрисби» және ауыл шаруашылық саймандары ‒ міне, осылардың барлығы өндірісте өте үлкен, өте көлемді немесе өте арзан болып, кем дегенде жақын арада дәстүрлі өндірісте қала бермек. Өзгеретін нәрсе ‒ субтрактивті өндірістік үдерістердің көмегімен (механикалық жолмен өңдеумен) өңдеу қиынға түсетін немесе мүлдем мүмкін емес болып табылатын бөлшектердің өндірісі. Мұның себебі ‒ аддитивті өндіріс қиындықтарға күле қарайды. Өрмекшінің торын, ара ұяшықтарын, теңіз айғұлақтарын және басқа да көптеген «органикалық» пішіндерді еске түсіретін бөлшектерді басып шығару алаяқтармен оймақ ойынын ойнап ұтып алғандай қиын болып табылады. Осындай пішіндер кімге керек? Неліктен бөлшектерді анағұрлым берік, жеңіл және қарапайым жиналатын етіп жасағысы келген кез келген адам солай жасайды да. Авиациялық қозғалтқыштарды өндірушілер отынды бүріккішті жинаудағы бөлшектердің санын азайту үшін үш өлшемді баспаны пайдаланады (мен бөлшектер мен дизайн санын азайтудың технологяилық тұрғыдан және жинау үшін маңыздылығы туралы 9-тарауда айтамын). Оташы- ортопедтер жамбас буыны мен бас сүйек пластиналарын жасау үшін үш өлшемді принтерлерді пайдаланады. Зергерлер кіндікке арналған жеке сақиналарды жасайды, ал автокөлік өндірушілер корпустың аэородинамикалық прототиптерін жасайды. Ал жақын арада менің өмір сүріп жатқан кезімде-ақ адамдар монтаждау тақшасынан бастап күн 229 батареяларына дейін, тұрғын үйлер мен адам денесінің мүшелеріне дейін тапсырыс бойынша басып шығара беретін болады. Сіз әлі де мұны ғажайып деп ойлайсыз ба? Әдеттегідей үш өлшемді принтерлер бөлшектерді біртіндеп, әдетте жоғарыдан төменге сапқа тұрғызып қойып жұмыс істейді. Бұған ӨҮАЖ (computer- aided design, CAD) үш өлшемді модельдерін жұқа қағаз қабаттарына кесу, содан соң осы пішіндердің координаттарын лазерге немесе жылжымалы межелеуші қондырғыға беру арқылы қол жеткізіледі. Егер бірінші қабат қатқылданса немесе лазердің, не ультракүлгін жарықтың көмегімен балқытылса, онда жаңа материал үдеп келе жатқан дайындаманың үстінде бөлінеді, содан соң үдеріс жалғастырылады. Әрбір қабат материалды түсуіне қарай бөліп отыратын ыстық желімді пистолеттің жоғары технологиялық нұсқасы арқасында бір-бірден салынады. Ультракүлгін сәулелендірумен қатаятын шайырлар, сондай-ақ ұнтақ тәріздес алюминий немесе 17-4 тот баспайтын болат және акрилонитрил-бутадиен- стирол (АБС), нейлон мен полиэфирэфиркетон (ПЭЭК) секілді инженерлік сынып пластмассалары пайдаланылуы мүмкін (осы және басқа да материалдар туралы қосымша ақпарат алу үшін 4-тарауды қараңыз). жүктеу/скачать 6.75 Mb. Достарыңызбен бөлісу:
|