«Жалпы медицина» мамандығы бойынша 3 курс студенттеріне арналған «Эпидемиология» пәнінен емтихан сұрақтары 2022ж
Жеке құрамды эпидемияға қарсы және бактерияларға қарсы қорғауды жүргізу бойынша жұмысты ұйымдастыру
жүктеу/скачать 360.5 Kb.
|
| 55. Жеке құрамды эпидемияға қарсы және бактерияларға қарсы қорғауды жүргізу бойынша жұмысты ұйымдастыру.
Эпидемияға қарсы шаралар — бөлімдер мен бөлімшелер жеке құрамынын денсаулыты мен ұрысқа қабілеттігін сактауға бағытталған шаралар жиынтығы. Эпидемияға қарсы шаралар әскердің жеке құрамы арасында қарсыластар бактериялық құралдар қолданған жағдайда жұқпалы аурулардың алдын алу мақсатында жүргізіледі. Оған ұрыс қимылдары ауданы мен әскер орналасқан жердегі санитариялық-эпидемиялық жағдайды бақылау мен барлау жүргізу, жұқпалы ауруларды дер кезінде анықтау мен госпитальға салу, жұқпалы аурулардың таралуына жол бермеу шараларын жүргізу, дезинфекция, дезинъекция мен эпидемия ошағында дератизация жүргізу, жұқпалы ауруларға қарсы жеке құрамда егу жұмыстарын жүргізуЭпидемияға қарсы шаралар жұқпалы аурумен ауырған науқастарды ерте анықтаудан басталады. Егер науқас ерте анықталса, ертерек оңашаланады, яғни өзін қоршаған адамдарды зақымдау мүмкіншілігі аз болады. Егер әскери бөлімде жоғары сырқаттанушылықтың немесе эпидемиялық өршу болса, онда науқастар мен тасымалдаушыларды анықтау ерте жүргізілуі керек. Бұл кезде науқас өзі дәрігерге келгенін күтпей, бөлімдегі медициналық қызметкерлер күнделікті науқаспен қатынаста болғандардың денсаулығын сұрастырып, дене қызуын өлшеп және зертханалық тексеру жүргізіп отыру керек. Анықталған жұқпалы науқастар тез арада оңашалау бөлмесіне орналастырылады. Оңашалауға тек аурудың клиникалық көріністері бар науқастар ғана емес, жұқпалы ауруға күдік туғызатын науқастар да, тасымалдаушылар да орналастырылады. Клиникалық диагнозы анықталған науқастарды тез арада бөлімшеден жұқпалы аурулар госпиталіне тасымалдау керек. Бір госпитальден екінші госпитальге жұқпалы аурулармен ауырған науқастарды тасымалдау тек аға медициналық бастықтың рұқсатымен жүргізіледі. Бұл жағдайда анықталған жұқпалы ауруларға күдік туған науқастар тез арада оңашалау бөлмесіне жіберіледі. Бұл шара міндетті түрде орындалу керек және ол әскери ұжымның ішінде жұқпа көзін анықтаумен байланысты. Жұқпалы ауруларды госпитальге тасымалдау арнайы санитарлық көлікпен жүргізіледі. Науқасты тасымалдаған кезде фельдшер бірге бару керек, оның тез арада жедел көмек көрсетуге арналған медикаменттері, дәрет ыдысы, науқастың бөліністерін жинап және залалсыздандыратын шелек, дезинфекциялық заттары болуы керек. Науқас ауруханаға жатқызылғаннан кейін эпидемиялық ошақта қорытынды дезинфекция, қажет болса дезинсекция және дератизация міндетті түрде жүргізілуі керек. Сонымен бірге, науқаспен ауруханаға жатқызғанға дейінгі уақытта қатынаста болған барлық адамдарды анықтап, оларды есепке алу керек. Науқаспен қатынаста болғандар және аса қауіпті науқастарға күдік тудырған адамдар сол жұқпалы аурудың максимальді инкубациялық мерзімі кезінде тез арада оңашаланады. Жұқпалы аурумен ауырған науқаспен қатынаста болған басқа адамдарға медициналық бақылау қойылады. Бұл адамдардың күнделікті дене қызуын өлшеп, денсаулық жағдайын сұрастырып отырады. Жұқпалы ауруларға күдік туғызған науқастар анықталса, олар тез арада оңашаланады.Есепке алғандарға жедел профилактика немесе вакцинопрофилактика заттары қолданылады. Әскери бөлімде жұқпалы аурумен ауырған науқастар саны көбейіп, эпидемиялық өршу пайда болса, бөлімге обсервация немесе карантин енгізіледі. жүктеу/скачать 360.5 Kb. Достарыңызбен бөлісу:
|