Жинақтаушы зейнетақы қорларына арналған пруденциалдық нормативтердің
-тарау. «Бір эмитенттің мемлекеттік емес бағалы қағаздарға
жүктеу/скачать 367.5 Kb.
|
- Бұл бет үшін навигация:
- 5-тарау.
- Кредит тәуекелділігі
- Пайыздық тәуекел деңгейі
| 4-тарау.
«Бір эмитенттің мемлекеттік емес бағалы қағаздарға, екінші деңгейдегі бір банктегі салымға, бір заңды тұлғаның жарғы капиталындағы қатысу үлесіне және кассадағы ақша қалдығына инвестициялары» 2 пруденциалдық нормативі 14. Бір эмитенттің мемлекеттік емес бағалы қағаздарға, екінші деңгейдегі бір банктегі салымға, сондай-ақ меншікті активтерді инвестициялау кезінде осы Нұсқаулыққа сәйкес жүзеге асырылуы мүмкін Қордың инвестициясының жиынтық мөлшері мына мәндерден аспауы тиіс: 1) екінші деңгейдегі бір банк эмиссиялаған бағалы қағаздарға, сондай-ақ осы банктегі салымдарға - мынадай талаптарды сақтаған кезде Қордың меншікті активтерінің он пайызы көлемінде: осы инвестициялардың мөлшері банктің меншікті капиталының мөлшерінің отыз бес процентінен аспауы тиіс (қаржы агенттіктері мен ипотекалық облигацияларды қоспағанда) не осы банктің меншікті капиталының мөлшерінің елу процентінен аспауы тиіс, егер осы банк «ВВ-»-дан кем емес ұзақ мерзімді инвестициялық рейтинг бағасы бар (»Standard & Poor's» рейтинг агенттігінің жіктелімі бойынша) немесе басқа рейтинг агенттіктерінің бірінің осыған ұқсас деңгейдегі рейтингі бар болса; екінші деңгейдегі бір банк бағалы қағаздарға эмиссиялаған инвестиция мөлшері банктің меншікті капиталының мөлшерінің жиырма бес процентінен аспауы керек (қаржы агенттіктері мен ипотекалық облигацияларды қоспағанда); екінші деңгейдегі бір банктегі салымдарға салынған инвестиция мөлшері банктің меншікті капиталының мөлшерінің жиырма процентінен аспауы керек; Қордың банктің дауыс беруші акцияларының зейнетақылық және меншікті активтер есебінен жасалған инвестициялары осы банктің дауыс беруші акцияларының жалпы санының он пайызынан кем болмауы тиіс; 2) екінші деңгейдегі банктің бағалы қағаздарына және екінші деңгейдегі банк болып табылмайтын банктің аффилиирленген тұлғаларына, сондай-ақ осы банктегі салымдарға - осы тармақтың 4) тармақшасының екінші абзацымен және 3) тармақшасының екінші абзацымен, 1) тармақшасының екінші абзацымен белгіленген шектеулерді сақтау шарты бойынша Қордың меншікті активтерінің көлемінің он пайызынан; 3) екінші деңгейдегі банк болып табылмайтын эмитенттің облигациясына - Қордың меншікті активтері көлемінің он пайызынан; бірақ осы эмитенттің меншікті капиталы мөлшерінің жиырма пайызынан артық емес (қаржылық агенттіктерінен, ипотекалық облигациялардан және мемлекеттің немесе қаржы агенттігінің кепілдігімен шығарылған облигациялардан басқа) немесе осы эмитенттің бір эмиссиясының облигацияларының жалпы көлемінің (аталған шектердің қайсысы мейлінше кем болатындығына қатысты) жиырма бес пайызынан аспауы керек; 4) екінші деңгейдегі банк болып табылмайтын эмитент акциясында - Қордың меншікті активтерінің көлемінің он бес процентінен, бірақ осы эмитенттің дауыс беруші акцияларының жалпы санының он процентінен кем емес; 5) бір заңды тұлғаның жарғы капиталындағы қатысу үлесі Қордың меншікті активтерінің он бес процентінен аспайтын мөлшерде; 6) Қордың Қазақстан Республикасының резиденті болып табылатын және Алматы қаласының Өңірлік Қаржы Орталығының арнайы сауда алаңының ресми тізімін қоспағандағы және Қордың меншікті активтері көлемінің он пайызы мөлшерінде сауда-саттықты ұйымдастырушының ресми тізіміне енгізілген, бірақ осы басқарушы компанияның аралық пай инвестициялық қорының пай активтерінің он пайызынан аспауы тиіс; 7) «Standard & Poor' sprincipal stability fundrаtings» ВВВm»-дан кем емес не «Standard & Poor's Fundcredit quality ratings» ВВВf-»-дан кем емес халықаралық рейтинг бағасы бар инвестициялық қорының пайларына, қордың меншікті активтерінің көлемінің он бес процентінен артық емес, бірақ осы инвестициялық қоры активтерінің он пайызынан аспайтын. 15. Қордың инвестицияларының жиынтық мөлшерін бір эмитенттің мемлекеттік емес бағалы қағаздарымен екінші деңгейдегі бір банктегі салымдарына салып, есептесу кезінде: 1) Қазақстан Республикасының резидент банкінің (эмитенттің) меншікті капиталы оның Қазақстан Республикасының банк қызметін реттейтін заңнамасына сәйкес баспасөз басылымында жарияланған соңғы тоқсандық балансы негізінде немесе Қазақстан Республикасының акционерлік қоғамдар туралы заңнамасымен не листингтік рәсімдерге сәйкес бағалы қағаздардың сауда-саттығын ұйымдастырушы берген заңнамаға сәйкес анықталады. 2) шетелдік эмитенттің меншікті капиталы Reuters немесе Bloomberg V.L.Р ақпаратты талдама жүйесінде немесе сауда жүйесінде осы бағалы қағаздар бағасы белгіленетін бағалы қағаздардың сауда-саттығын ұйымдастырушының интернет желісіндегі сайтында немесе осы бағалы қағаздар эмитентінің сайтында орналасқан оның соңғы тоқсандық балансы негізінде анықталады; 3) бір-біріне қатысты аффилиирленген банктер бір банк болып танылады, сонымен қатар осы Нұсқаулықтың 14-тармағының 1) тармақшасының екінші абзацымен белгіленген шектеу осындай банктердің әр қайсысына қатысты қолданылады; 4) бір-біріне қатысты аффилиирленген, екінші деңгейдегі банктер болып табылмайтын эмитенттер бір эмитент ретінде танылады, сонымен қатар осы Нұсқаулықтың 14-тармағының 4) тармақшасының екінші абзацымен және 3) тармақшасының екінші абзацымен белгіленген шектеулер осы эмитенттердің әр қайсысына жеке қолданылады. Осы тармақшаның күші кредиттік бюро қатысушылары болып табылатын заңды тұлғаларға, сондай-ақ мемлекеттік акциялар пакеті (қатысу үлесі) «Қазақстандық «Самрұқ» мемлекеттік активтерді басқару холдингі» акционерлік қоғамына берілген заңды тұлғаларға, мемлекеттік акциялар пакетін (қатысу үлесін) иелену және пайдалану құқығы «Қазына» тұрақты даму қоры» акционерлік қоғамына берілген заңды тұлғаларға қолданылмайды. 16. Күннің соңындағы Қордың кассасындағы қалдық ақша мөлшері Қордың меншікті активтерінің он пайызынан аспауы тиіс. Екінші деңгейдегі бір банктегі (өз араларында аффилиирленген тұлғалар болып табылатын екі және одан көп екінші деңгейдегі банктердегі) Қордың ағымдағы шоттарындағы ақшаның барынша жоғары ақша қалдығы Қордың меншікті активтері мөлшерінің он процентінен аспауы тиіс. 17. Осы Нұсқаулықтың 14 және 15-тармақтарымен белгіленген нормалар уәкілетті орган белгілеген зейнетақы активтерін инвестициялау тәртібіне сәйкес Қордың сатып алуы мүмкін халықаралық қаржы ұйымдарының бағалы қағаздарына қолданылмайды. Қордың инвестицияларының жиынтық мөлшерін екінші деңгейдегі банк болып табылмайтын эмитент облигацияларымен есеп айырысу кезінде облигациялардың номиналды құны пайдаланылады. 5-тарау. Пруденциалдық нормативтердің сақталуын бақылау 18. Қор осының алдындағы жұмыс күнінің соңындағы, сондай-ақ ағымдағы тікелей жұмыс күнінің алдындағы әр демалыс күнінің соңындағы жағдай бойынша әр жұмыс күні үшін есеп жасайды: 1) К1 коэффициентінің мәніне; 2) жасалған инвестициялардың 2-пруденциалдық нормативіне сәйкестігіне. 19. К1 коэффициенті мәнінің есептері және осы Нұсқаулықтың 1-5-қосымшаларының нысандары бойынша пруденциалдық нормативтер есебі үшін қосымша мәліметтерді Қор ай сайын электронды және қағаз тасымалдағыштармен уәкілетті органға есептіден кейінгі айдың бірінші күнгі жағдай бойынша осы айдың бесінші жұмыс күні Астана қаласының уақытымен 18-00-ден кешіктірмей береді. Есептердегі деректер Қазақстан Республикасының ұлттық валютасы - теңгемен көрсетіледі. Оларды жасау кезінде қолданылған өлшем бірліктері мың теңгемен белгіленеді. Бес жүз теңгеден кем сома нөлге дейін дөңгелектенеді, ал бес жүз теңгеге тең және одан артық сома мың теңгемен дөңгелектенеді. 20. Қағаз тасымалдағыштағы есептер мен қосымша мәліметтерге Қордың бірінші басшысы немесе есепке қол қоюға уәкілетті, бас бухгалтер қол қояды, мөрмен расталады және Қорда сақталады. 21. Электронды тасымалдағыштағы есептер мен қосымша мәліметтер берілетін деректердің құпиялылығын және түзетілмейтіндігін қамтамасыз ететін криптографиялық құралдармен қорғалатын ақпаратты жеткізуге кепілдік берілген көлік жүйесін пайдалану арқылы жасалады. 22. Электронды тасымалдағышта ұсынылып отырған деректер мен қағаз тасымалдағыштағы деректердің дәлме-дәлдігін Қордың бірінші басшысы немесе оның орнындағы адам қамтамасыз етеді. 23. Осы Нұсқаулықтың 18-тармағында көрсетілген мәндер осы Нұсқаулық белгілеген пруденциалдық нормативтермен сәйкес келмеген жағдайда Қор уәкілетті органға бір күн ішінде осы сәйкессіздік фактісі мен себептері туралы оны жою жөніндегі іс-шаралар жоспарын қоса бере отырып, хабарлайды.
24. Қор бағалы қағаздар рыногында кәсіби қызметтің жекелеген түрлерін жүзеге асырған жағдайда пруденциалдық нормативтердің есебі Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Бағалы қағаздар рыногында кәсіби қызмет түрлерін қоса атқаратын ұйымдарға арналған пруденциалдық нормативтерді есептеу ережесін бекіту туралы және Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Қазақстан Республикасының кейбір нормативтік құқықтық, актілеріне қаржы нарығын және қаржы ұйымдарын реттеу мен қадағалау мәселелері бойынша өзгерістер мен толықтырулар енгізу туралы» 2005 жылғы 27 тамыздағы № 310 қаулысына өзгеріс енгізу туралы» 2006 жылғы 17 маусымдағы № 132 қаулысымен (Нормативтік құқықтық актілер тізілімінде № 4299 тіркелген) белгіленген ерекшеліктерді ескере отырып, жасалады. Жинақтаушы зейнетақы қорларына арналған пруденциалдық нормативтердің нормативтік мәні, олардың есебінің әдістемесі туралы нұсқаулыққа 1-қосымша Кредит тәуекелділігі
Бірінші басшы немесе есепке қол қоюға уәкілетті тұлға: _______________________ ________________ (фамилиясы, аты-жөні) (қолы) Бас бухгалтер: _____________________ ________________ (фамилиясы, аты-жөні) (қолы) Мөр орны Кестені толтыру жөніндегі түсіндірме: Кредиттік тәуекел дәрежесі бойынша зейнетақы активтерін саралау кезінде, егер борыштық бағалы қағазда арнайы борыш рейтингі бар болған жағдайда, онда осы бағалы қағаз осы рейтинг бойынша ескеріледі. Егер Қазақстан Республикасының заң тұлғалары шығарған мемлекеттік емес борыштық бағалы қағазда арнайы рейтинг болмаса, онда осы борыштық бағалы қағаз рейтингтік эмитент бойынша ескеріледі. Егер қаржылық құралдардың тәуелсіз ағымдағы құнының құрамындағы қаржы құралдары бойынша есептелген тәуелсіз сыйақы кредиттік тәуекел дәрежесі бойынша активтер есебінде енгізілген болса, онда бұдан әрі ол жеке ескерілмейді. Своптар, фьючерстер, опциондар, форвардтар көрсетілген қаржы құралдарының нарықтық құны мен олар бойынша кредиттік тәуекел сомасын осы қосымшада көрсетілген контрагент санатына сәйкес келетін тәуекел дәрежесіне көбейту арқылы кредиттік тәуекелді есептеуге енгізіледі. Своп, фьючерс, опцион және форвард операциялары бойынша кредит тәуекелділігі осы Нұсқаулықтың 1-1-қосымшасында көрсетілген қаржы құралдарын кредит тәуекелділігі коэффициентіне номиналды құнды жүргізуі және аталған қаржы құралдарын өтеу мерзімін анықтау ретінде есептеледі. Осы тармақта көрсетілген қаржы құралдарының нарықтық құны (өтеу құны) мынаны білдіреді: сатып алу мәмілелер бойынша - қаржы құралының ағымдағы нарықтық құнының осы қаржы құралының номиналды келісім-шарт құнынан асып кету шамасы. Егер қаржы құралының ағымдағы нарықтық құны оның номиналды келісім-шарт құнынан кем немесе тең болса, онда өтеу құны нөлге тең болады; сату мәмілелер бойынша - қаржы құралының номиналды келісім-шарт құнының осы қаржы құралының ағымдағы нарықтық құнынан асып кету шамасы. Егер қаржы құралының номиналды келісім-шарт құны оның ағымдағы нарықтық құнынан кем немесе тең болса, онда өтеу құны нөлге тең болады. Бивалюталық қаржы құралдары бойынша (талап етуі мен міндеттемесі әртүрлі шетел валюталарында көрсетілген қаржы құралдары) өтеу құны есеп беру жасалған күнге бағам бойынша белгіленген талап етудің теңгелік баламасының міндеттемелердің теңгелік баламасынан асып кету шамасы ретінде анықталады. Егер талап етудің теңгелік балама міндеттемелердің шамасы міндеттемелердің теңгелік баламасынан кем немесе тең болса, онда өтеу құны нөлге тең болады. Осы тармақта көрсетілген қаржы құралдарының номиналды келісім-шарт құны бухгалтерлік есептің тиісті шоттарында мәмілелер жасалған күні көрсетілген қаржы құралдарының құнын білдіреді. Бивалюталық қаржы құралдарының номиналды келісім-шарт құны үшін Қордың талап ету валютасы алынады. Сатылған опциондар бойынша өтеу құны есептелмейді. Сауда-саттық ұйымдастырушы делистингке ұшыратқан қаржы құралдары осы қаржы құралдардың ағымдағы құнының сомасын осы қосымшаның VI тобында көрсетілген тәуекел дәрежесіне көбейту арқылы кредиттік тәуекел есеп айырысуына кіреді. Борыштық бағалы қағазда бірнеше рейтинг агенттіктері берген рейтинг бағалары болғанда, осындай бағалардан соңғысы назарға алынады. Борыштық бағалы қағазда халықаралық және Қазақстан Республикасы ұлттық шәкілі бойынша рейтинг бағалары болғанда, ұлттық шәкілі бойынша рейтинг бағасы басымдылық беріледі.
Жинақтаушы зейнетақы қорларына арналған пруденциалдық нормативтердің нормативтік мәні, олардың есебінің әдістемесі туралы нұсқаулықтың 1-1-қосымшасы
жүктеу/скачать 367.5 Kb. Достарыңызбен бөлісу:
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||