Лакку дуниял (ниттил мазрал лу)
жүктеу/скачать 2.46 Mb.
|
- Бұл бет үшін навигация:
- Махъру ва бувчIин бавуртту
- Махъру
Букки ва шеъриГьарун Саэдов (1894-1919) Дюхлулул марч бивщукун, Шюлли къур левххун бачай. Лерххун най дакъацIайсса ДикIул дакIнин ци бави?
Дунияллий чIярусса динну [ди:нну] дуссар. Миннуву хъуними дур ххачпараст [ххачпăрăс] дин, ислам, гьиндуснал дин, жугьутIнал ва цаймигу. Хъуни диннавусса ца – исламри. Ислам бусурманнал динни. Бусурман исламрайн вихссар. Ислам ца акъа акъасса Заннайн – Аллагьнайн иман дишавур. Ислам МухIаммад Идавсил динни. Ислам хIасул хьуну дур Аьрабусттаннай. Му дин хIасул хьуну дур VII ттуршукулий. МухIаммад Идавсил дин дурккун махъ, аьрабнал чIярусса паччахIлугъру цайнна мютIий дурну дур. Тай ххяхлай бивкIун бур Баргъбуккаваллил чулухунмайгу, Баргълагаваллил чулухунмайгу. Ххяхлан бивкIун бур аьраб Дагъусттаннайнгу. Аьраб Дагъусттаннайн ххяхлан бивкIун бур VII-мур ттуршукулийва. Дагъусттаннал миллатирттал чIявуми бусурманни. Дунияллий миллиардрая ливчусса бусурман буссар. Миннаву буссар жула чIивисса лакрал миллатгу. Лак бусурманни. Махъру ва бувчIин бавуртту Частица -ва в слове ттуршукулийва служит для усиления смысла: ттуршукулий – в столетии, ттуршукулий-ва – еще в [таком-то] столетии. Причем частица по классу согласовывается с существительным, которое выражает действие, а если его в предложении нет, то с существительным, которое производящим действие. Для существительных классов I и II усиление выражается частицей -ва, а для существительных класса III оно выражается частицей -ра. В предложении: Аьраб Дагъусттаннайн ххяхлан бивкIун бур VII-мур ттуршукулийва, – нет существительного, выражающего производимое действие, то согласование производится с подлежащим аьраб, представляющим существительное класса I во множественном числе, поэтому применяется частица -ва. Сравни: Аьрабнал ххяххаву дурну дур VII-мур ттушукулийра. И в предложении: На му дарс лахьхьура лархьхьуссия, – существительное (дополнение), над которым производится действие дарс присутствует, и поскольку оно относится к классу III, то усиление выражается частицей -ра: лахьхьу-ра. дин [ди:н] – вера, религия ххачпараст [ххачпăрăс] – христиан ислам III (-рал) Ранее мы указывали, что родительный падеж слов гьиндус (-нал) – индус хъуними – большие, великие диннавусса [ди:нна:вуссă] ца – одна из религий бусурман – мусульманин; мусульманский, -ая, -ие ттуршуку – столетие, век ца акъа акъасса I [цă акъа акъассă] – единственный зал I (заннал, залтал, залтурал) – бог идавс I – посланник, пророк бусурман дин – мусульманская религия хIасул [гьаь:сул] хьун – возникнуть Аьрабусттан – Аравия аьраб – арабы дурккун махъ – после появление мютIий дурну дур (мютIий (б,д)ан) – подчинил (подчинить) цайнна мютIий дан – подчинить себе ххяхлай бивкIун бур (ххяхлан) – нападали (нападать) Баргъбуккаваллил чул II – Восток (бувк. сторона солнцевосхода) Баргълагаваллил чул II – Запад (букв. сторона солнцезахода)
ЧIярусса дуссарив дунияллий динну? (Много ли в мире религий?) Цими дуссар дунияллий хъуними динну? Цумири хъуними динну? (Какие [из них] великие религии? или Перечисли великие религии?) Ислам хъуними диннавусса царив? Ислам щил динни? Цумур диндалийн вихссар бусурман? Цими уссар бусурманнал зал? (Сколько у мусульман богов?) Ци билаятрай хIасул хьуссар ислам? Цумур ттуршукулий хIасул хьуссар ислам? Чув ялапар хъанай буссар аьраб? ЧIярусса паччахIлугъру мютIий дурссарив аьрабнал? Чунмай ххяхлай бивкIссар аьраб? Дагъусттаннайнгу ххявхссарив аьраб? Та ххявхссар аьраб Дагъусттаннайн? Дагъусттаннал миллатирттал чIявуминнал ци дин дуссар? ЧIявусса буссарив бусурман дунияллий? Лакрал ци дин дуссар? КIилчинмур бутIа Ва текст бувккуну, буси. Жул бава дуссар. Жул баван цIа Рукьижатри. Бава ялапар хъанай дур зунттаву. Га ялапар хъанай дур Лаккуй, Къяннал шяраву. Жул бава бусурманни. Га хъинну Аллагьнайн вихсса инсан дур. Аллагь ца акъа акъассар, учай жул бавал. Ялагу, МухIаммад Аллагьнал махъа-махъсса Идавсри, учай ганил. Ганин чIявусса хаварду кIулли. Хаснува ххирар ганин идавстурал хаварду. Ми хаварду га жухьгу буслан дикIай. Жун хъинну ххирар бавал хаварду. Бавал гьарца кьини ххювагу чак бай. Махъру чак – намаз, ритуальная молитва хаснува II – особенно
Ци дур баван цIа? Чув ялапар хъанай дур Рукьижат бава? Ци шяраву ялапар хъанай дур бава? Ци диндалул инсан дур бава? Цуксса вихну дур бава Аллагьнайн? Цими уссар Аллагь, учай бавал? Цур учай бавал МухIаммад Идавс? ЧIявусса хаварду кIуллив Рукьижат баван? Цуми хаварду ххирар баван? Бусайрив бавал хаварду? Цими чак бай бавал гьантлун? Шамилчинмур бутIа Ва текст бувккуну, буси. – Бивзрав, Шуаьнат! – Ивзрав инагу! Туну? ДикIантIиссарив жучIáра тарихрал дарс? – ДикIантIиссар. ВичIи диша. – Буси. ВичIилий бура. – Дагъусттаннай хъинну чIявусса миллатру ялапар хъанай буссар. Миннуву буссар хъинну чанссагу, мадара хъуниссагу миллатру. Мадара хъунисса миллатирттайн Дагъусттаннал хъуни миллатру учайссар. Мюрщи миллатирттал аьдад ттуршвардайсса дуссар. Хъуни миллатирттал аьдад тIурча ттуршазарардайсса дуссар. Вай Дагъусттаннал хъуни миллатрур: ярусса, даргал, лезги, къумукьи, лак. Лакрал аьдад ттуршазарунния лирчусса дуссар. – Зайнуттин, гьакссагу ххуйсса дарс хьунни. Мяйжаннугу ххуйсса. – Ина ттуяту хъиннура цIа дунни. – Юх, юх. На мяйжаннугу тIий бура. Барчаллагь. – Винмагу барчаллагь. жүктеу/скачать 2.46 Mb. Достарыңызбен бөлісу:
|