Лекция №1-3 Кіріспе. Мультимедиа және ақпараттық мәдениет ұғымдары. Интернеттегі білім беру платформалары. Білім берудің мультимедиа білім ресурстарына және оларды қолдану әдістемелері және әдіснамасы

Бүгінде бүкіл дүниежүзілік мұраны іс жүзінде арнайы орын не жай бөлмей-ақ, үйге не кеңсеге сыйдыруға болады. Электронды кітапханаға Интернетке қосылған кез-келген компьютер не мобильді құрылғы арқылы қол жеткізе аласыз. Қажетті кітапты табу қиындық туғызбайды. Электронды кітапхананың міндетті элементтерінің бірі болып баспалдақты құрылымды электронды каталог саналады, ол кітапты қосу не жою шараларына байланысты автоматты түрде толықтырылады және жаңартылады. Сонымен қатар, электронды кітап қоймасында іздеу жүйесі қарастырылған, мұнда кітапты атауымен, авторымен, шығу мерзімі және басқа деректерге байланысты тауып алуға болады. ҚР мәдениет және ақпарат Министрлігінің «Электронды мемлекеттік кітапхана қорын қалыптастыру» жобасы электронды кітап қоймасына электронды каталог арқылы, әртүрлі тәртіпте Интернет арналары арқылы электронды құжаттар көшірмесіне электронды таспырыс, әйтпесе толық мәтінді түрде қол жеткізуді қамтамасыз етеді. Қазақстанның ұлттық электронды кітапханасын қалыптастыруға еліміздің барлық ірі кітапханалары, облыстық және жоғаыр оқу орындарының кітапханалары, қоғамдық мекемелер және жеке тұлғалар: барлығы қазақстандық, таяу және алыс шетелдік 75 мекеме, 300 автор қатысады. Оның ішінде -2 Ұлттық ктіапхана, 18 – облыстық әмбебап ғылыми кітапхана, 10 – орталық қалалық кітапханалар жүйесі, 33 – жоғарғы оқу орны кітапханалары, 11 – қоғамдық орталықтар, институттар, музейлер және басқа мекемелер.