Лекция жоспары: (1 сағат,1 апта)
тақырып. Жеке-дара ұдайы өндіріс теориясының негіздері
жүктеу/скачать 338.5 Kb.
|
| 2 тақырып. Жеке-дара ұдайы өндіріс теориясының негіздері.
Лекция жоспары: 1. Өндірістік қызмет. Факторлардың тиімділік көрсеткіштері. 2. Шекті өнімділіктің кему заңы. Өндіріс – бұл адамдардың табиғи заттарға әсер ете отырып материалды және рухани игіліктерді өндіру процесі. Ал игіліктер – қажеттіліктерді қанағаттандыратын заттар. Өндіргіш күштер – бұл қоғамдық өндірістің жеке (жұмысшы күші) және заттық (өндіріс құрал-жабдықтары) факторларының өзара әрекеті. Адам мен табиғат қатынасының шешуші, белсенді элементі. Өндіріс бұл қоғамдық процесс. Өйткені бұнда адамдар бір- бірімен бірлесе, яғни бір- бірінсіз жұмыс істей алмайды. Өндіріс процессінде көбіне 4 стадия болады. 1 Өндіріс 4 Тұтыну 3 Айырбас Бөлу- өндірілген өнімдердегі әр адамның үлесін анықтауды білдіреді. Айырбас – бұл бір өнімнің басқа өнімге айырбасталу процесі. Тұтыну – адамның қажеттіліктерін өтеуі үшін өндірілген игіліктерді қолдануы. Өндірістің үздіксіз қайталанып отыруы – ұдайы өндіріс деп аталады. Оның өзі екіге бөлінеді:
Ұлғаймалы ұдайы өндіріс – ұлғаймалы мөлшерде өндірістің жаңартылып отыруы. Жай ұдайы өндіріс - өндіріс процесінің өзгеріссіз мөлшерде қайталанып отыруы. Ұдайы өндіріс процессі кезінде капитал тоқтаусыз қозғалыста болады, және мына схема бойынша айналыс жасайды: өндіріс заттарын сатып алу-- өндіріс процессі ---- өндірілген товарларды өткізу. Бұл айналыс қайта-қайта қайталанып капитал айналысын құрайды. Өндірістің мынадай формалары болады: Индустриалдыққа дейінгі өндіріс, мұнда, ауыл шаруашылығы және қол еңбегі үстемдік етеді; Индустриалдық өндіріс, мұнда, ірі механикаланған машина өндірісі үстемдік етеді; Постиндустриалдық (индустриалдықтан кейінгі) өндіріс, мұнда, қызметтер, ғылым, білім және басқа да сфералар үстемдік етеді; Өндірістік функция-бұл өндіріс факторларының шығындарының жиынтығы мен максималды өнім шығару арасындағы өзара байланысты көрсететін техникалық арақатынасты айтамыз. К.Маркс қоғамдық өндірісті- алғашқы қоғамдық, қол иеленушілік, феодалдық, капиталистік, коммунистік деп бөледі. Маркстік тұжырымдама бойынша, капиталистік өндірістің мақсаты- экономикалық өсуді, жұмыспен қамтуды, бағаны тұрақтандыру, табыстарды әділетті бөлуді және т.с.с қамтамасыз ету болып табылады. Маркстік теорияда өндіріс факторларына- жұмыс күшін, еңбек заттарын, еңбек құралдарын жатқызады. Бұлар екі топ құрады: 1) өндірістің жеке факторы- жұмыс күші және 2) өндірістің заттық факторы- еңбек заттары және еңбек құралдары болып бөлінеді. Ал, маржиналистік теорияда өндіріс факторларын төрт топқа бөледі: жер, капитал, еңбек және кәсіпкерлік қызмет. Жер-табиғи фактор деп қаралады, бірақ, ол адамның іс-әрекетінің нәтижесіне жатпайды, оған өндіріс процесінде қолдануға болатын, табиғат байлықтары мен пайдалы қазбалар жатады. Капитал-өндіріс факторларының қатарына тауар мен қызметтер өндіруде пайдалынатын мүліктердің жиынтығы жатады. Оған: машиналар, жабдықтар, қойма ғимараттары, көлік және байланыс коммуникациялары, т.б. Еңбек-игіліктер дайындауға және қызметтер көрсетуге бағытталған интеллектуалдық немесе физикалық әрекеттер болып табылады. Кәсіпкерлік қызмет- бұл өндірістің ерекше факторы. Осы фактор өндірісті ұйымдастырып жүргізуде белсенділікті, іскерлікті, саналылықты, жауапкершілікті, тәуекелдікті пайдалануды талап етеді. Өндіріс факторларын топтастырудың келесідей айырмашылықтары бар: Біріншіден, Маркстік теория бойынша, өндіріс факторлары экономикалық категория ретінде өндірістің әлеуметтік бағытын анықтайды. Ал, маржиналистер, өндірістік факторларды- өндірістің жүруіне қажет тек жалпы техникалық-экономикалық элементтер деп қарайды. Екіншіден, маржиналистер капитал деп- еңбек құралдары мен заттары деп түсіндіреді, ал табиғат шартын жеке фактор деп бөледі. Марксистер болса табиғат шартын, еңбек құралдарын және еңбек заттарын біртұтас заттық фактор деп біріктіреді. Үшіншіден, маржиналистер кәсіпкерлік іс-әрекетті өндіріс факторы деп таныса, марксистер оны жоққа шығарады. жүктеу/скачать 338.5 Kb. Достарыңызбен бөлісу:
|