Кесте-7 2003-2005 жылдардағы облыстардың жергілікті бюджетінің табыс бөлігіндегі салықтық түсімдердің үлес салмағы, %

Аймақтар	жылдар
	2003	2004	2005
Ақмола	56,5	45,8	45,2
Ақтөбе	85,2	93,9	92,1
Алматы	47,9	54,7	57,5
Атырау	98,2	85,8	87,7
Шығыс Қазақстан	81,3	76,0	64,1
Жамбыл	52,4	41,4	28,2
Батыс Қазақстан	93,7	84,5	89,3
Қызылорда	78,8	51,0	42,8
Қарағанды	96,1	96,3	88,3
Қостанай	79,0	67,0	65,4
Маңғыстау	97,4	97,8	93,2
Павлодар	88,7	93,5	93,1
Солтүстік Қазақстан	55,1	51,6	49,6
Оңтүстік Қазақстан	47,4	54,2	45,4
Астана қаласы	81,3	81,1	67,3
Алматы қаласы	94,7	96,4	88,7

[Қайнар көзі: Қ.Р-сы Қаржы Министірлігінің статистикалық бюллетені]

7-кесте мәліметтер негізінде экономикалық әлуеті жоғары облыстардың бюджетінің табыс бөлігін құрайтын салықтар үлесінің де жоғары екендігін айқындап отыр. Бұл тенденция Маңғыстау, Павлодар, Ақтөбе, Батыс Қазақстан сияқты экономикасы қарқынды дамып отырған облыстар үшін тән.

Нарықта өту жағдайында жергілікті бюджеттердің түсімдерін негізгі толықтырушы болып келген заңды тұлғалар табысына салынатын салық 2002 жылдан бастап толықтай республикалық бюджетке түсетін болды.

Қазіргі уақытта жергілікті бюджеттерді жеке табыс салығы, әлеуметтік салық республика аумағында өндірілген ішімдік өнімдеріне салынатын акциздер, жер салығы т.б. құрайды.

Алматы облысы бойынша 2003-2005 жылдар аралығында бюджетке төленетін салықтар мен міндетті төлемдерге экономикалық талдау.

Алматы облыстық Салық Комитеті 1991 жылы құрылды.Салық комитетінің құрылымын мемлекттің Кіріс Министірлігі бекітеді. Салық Комитетінің штаттық кестесінде оның құрылымы көрініс табады. Алматы облысы Салық комитетінің құрамына 11 басқарма кіреді және басқарманың құрылымдық 36 бөлімшесі бар.

Диаграмма №3

Алматы облысы бойынша 2003 жылғы жылдам есебі бойынша 2002 жылмен салыстырғанда бюджетке түсетін салықтар және басқа да міндетті төлемдер көлемі артты. Алматы облысының бюджетіне түсетін салық және басқа да міндетті төлемдердің түсу көлемін 8-ші кестеден көруге болады.

Бюджетке түсетін салықтар және міндетті төлемдерді жинау жоспары 105,7%-ға орындалды, болжам бойынша бюджетке 3558604,0 мың теңге, ал түскен ақша қаражат көлемі 3761035,6 мың теңге.

Өткен жылмен салыстырғанда бюджетке 10659227,8 мың теңгеге көп түсті және өткен жылға қарағанда өсу темпі 140,5% құрады. (2002 жылы бюджетке 26321209,0 мың теңге).

Республикалық бюджет кірісіне 2407689,0 мың теңге болжам жасалды, ал нақты түскен сома 2493180,7 мың теңге, яғни болжам 103,6%-ға артық орындалды.

Ал жергілікті бюджет бойынша болжам 1150915,0 мың теңгені құрады, ал нақты түскені 1267854,9 мың теңге, яғни өсім көрсеткіші 110,2 % болды.

Республикалық бюджетке түсетін ҚҚС-тағы болжанған түсімнен 104,8%-ға артық болды, ал кеден төлемдерінен 529673,6 мың теңге бюджетке түсті, яғни жоспар артық орындалды және 113,1%-ды құрады. Акциз салығы бойынша болжам 173,2%-ға орындалды, сонымен қатар импорт таурларына салынатын акциз салығының көлемі 173,2%-ға өсті.

Ал бонустар бойынша болжам 5 есеге артық орындалды, яғни болжанған 1676,0 мың теңгенің орнына бюджетке 9785,3 мың теңге түсті.

Алматы облысы бойынша мына салық түрлерінің үлесі артты, олар: кеден төлемдері -15,2%, әлеуметтік салық -14,4%, ішкі өндіріс тауарларының акцизі-10%.

2003 жылы бюджетке түсетін салықтар және басқа да міндетті төлемдер бойынша барлығынан өсім байқалады. Соның ішінде:

• 
  салық салынатын табысы бар жеке табыс салығы 1931828,4 мың теңге түсті және 108,7% - ға артты;
  
• 
  әлеуметтік салық 5340764,0 мың теңге бюджетке түсті және 108,0%-ға артты;
  
• 
  жеке тұлғалардың мүлік салығы 89926,1 мың теңге болды және 106,2% орындалды.
  
• 
  бір тұтас жер салығы 28621,4 мың теңге түсті және 137,4% орындалды.