Microsoft Word Бошкатармокдарслик
жүктеу/скачать 3.03 Mb. Pdf көрінісі
|
| *деҳқончилик тармоғида – умумхўжалик харажатлари бригадалар
бўйича тақсмланади ва ҳисоб объектлари (алоҳида олинган деҳқончилик маҳсулотлари ёки маҳсулот гуруҳлари) таннархига олиб борилади; *чорвачилик тармоғида - умумхўжалик харажатлари фермалар бўйича тақсимланади ва ҳисоб объектлари (алоҳида олинган чорвачилик маҳсулотлари ёки маҳсулот гуруҳлари) таннархига олиб борилади. Умумишлаб чиқариш харажатларининг тегишли харажатлар счётларига олиб борилишига қуйидагича ёзувлар қилинади: а) асосий ишлаб чиқариш счётларига олиб борилганда: Дебет 2010 (тегишли счётлар) Кредит 2510,2520 (тегишли счётлар); б)капитал қурилиш счётларига олиб борилганда: Дебет 0810,0890 Кредит 2510,2520 (тегишли счётлар); в)давр харажатлари счётларига олиб борилганда: Дебет 9410,9420 Кредит 2510, 2520 (тегишли счётлар). Бухгалтерия ҳисобининг соддалаштирилган шаклида ёрдамчи ишлаб чиқариш харажатларининг ҳисоби махсус «Умумишлаб чиқариш харажатлари ва хизматларини ҳисобга олиш қайдномаси»да юритилади. МАВЗУГА ОИД ТАЯНЧ ИБОРАЛАР Ёрдамчи ишлаб чиқариш хўжаликлари - қишлоқ хўжалиги корхонасининг асосий фаолият турларига хизмат кўрсатувчи хўжаликлар. Қишлоқ хўжалигида ёрдамчи ишлаб чиқариш хўжаликларининг турлари - машина-трактор парки (МТП); таъмирлаш устахоналари; автотранспорт хўжалиги; электр, газ ва сув таъминоти хўжалиги; ишчи ҳайвонларни сақлаш хўжалиги ва бошқалар. Машина-трактор парки хизматлари деҳқончилик ва чорвачилик тармоқлари харажатлари счётларига бевосита кўрсатилган хизматларни тасдиқловчи ҳужжатлар асосида олиб борилади, мисол учун ерни шудгорлаш, экиш, ягоналаш, ҳосилни ўриб бериш, йиғиш ва ташиш каби хизмат ҳақлари бевосита деҳқончилик харажатларига олиб борилади; деҳқончилик харажатларига олиб борилган ёрдамчи ишлаб чиқариш харажатлари олинган маҳсулотлар (пахта, буғдой, сабзавотлар ва бошқалар) ўртасида ушбу маҳсулотларга ажратилган ер майдонлари ҳажмига, кўрсатилган хизматлар сонига қараб тақсимланади. Таъмирлаш устахоналари харажатлари уларнинг қайси тармоққа ва соҳага тегишлилигига қараб тақсимланади. Кўрсатилган агротехник хизматлар харажатлари тармоқлар ва соҳалар ўртасида тақсимланади. Сув таъминоти хўжалиги харажатлари жами сарфланган сув харажатларини экин турлари ўртасида улар эгаллаган майдонга, суғориш сонига ва сув сарфи меъёрларига кўра бош мироб томонидан тузилган ва 202 хўжалик раҳбари томонидан тасдиқланган ҳисоб-китоб асосида тақсимланади. Электр таъминоти хўжалиги харажатлари бош энергетик томонидан тузилган ва хўжалик раҳбари томонидан тасдиқланган ҳисоб-китоб асосида тармоқлар ва соҳалар, улар ўртасида эса маҳсулотлар бўйича тақсимланади. Ишчи ҳайвонларни сақлаш харажатлари уларни қайси тармоқда фойдаланилганлик вақтига, бажарган ишлари миқдорига қараб тақсимланади. Умумишлаб чиқариш харажатлари – бу қишлоқ хўжалик тармоқлари ва соҳаларига умумий ҳолда тегишли бўлган ҳамда у ёки бу маҳсулот таннархига тўғридан-тўғри киритиб бўлмайдиган, балки уларнинг таннархига билвосита, яъни тақсимлаш йўли билан олиб бориладиган харажатлар. Меҳнат ҳимояси ва техника хавфсизлиги харажатлари - бу деҳқончилик ва чорвачилик соҳасида меҳнат ҳимояси ва техника хавфсизлигини таъминлашга қаратилган тадбирларга сарфланган харажатлар. Дала шийпонларини сақлаш ва ишчиларни овқатлантириш харажатлари - деҳқончилик тармоғига мўлжалланган далаларда жойлашган шийпонлар, палаткалар, вақтинчалик нотитул иншоатларни сақлаш, улардаги асосий воситаларга қилинган амортизация ажратмалари, жорий ва капитал таъмирлаш, ишчиларни иссиқ овқат билан таъминлаш харажатлари. Бошқа умумишлаб чиқариш харажатлари – умумхўжалик мақсадидаги асосий воситаларни ижарага олиш, уларни суғурта қилиш, ўсимликларни ва молларни карантин қилиш ва бошқа умумишлаб чиқаришга доир тадбирларга сарфланган харажатлар. ЎЗ ЎЗИНИ НАЗОРАТ ҚИЛИШ УЧУН ТЕСТ САВОЛ – ЖАВОБЛАРИ жүктеу/скачать 3.03 Mb. Достарыңызбен бөлісу:
|