Мүрәлінов К.Қ., Махмутов А.Қ., Мүрәлінова Ж. К
жүктеу/скачать 4.96 Mb. Pdf көрінісі
|
| Жергілікті жансыздандыру
Жергілікті жансыздандыру - операция жасалатын жерде жергілікті анестезиялық заттармен сезгіштігін уақытша жою. Бұл заттар өзіне тән спецификалық және қайтымды әрекетімен перифирикалық жүйке жүйесінің элементтерінің қозғыштығын өзгертеді (өткізгіштік), оларға терең дестуктивті өзгертулерді шақырмайды. Осы кезде ауырсынумен қатар тактильді, температуралық және басқа сезгіштіктердің түрлері жойылады. Тек ауырсыну сезгіштіктігінің жоғалуы аналгезия ал сезгіштіктің барлық түрлерінің жоғалуы - анестезия деп аталады. Олар жергілікті жансызданудың барлық тәсілдерін қолданғанда байқалады. Соматикалық және вегетативтік жүйкелер желісіне, жұлын - ми түптеріне, жүйке шоғырларына анестетиктердің ерітінділерінің инъекциясын тежеу (блокада) деп аталады. Оның қолданылу жері мен тәсіліне қарай мына түрлерін ажыратады: беткейлік, инфильтрациялық, өткізгіштік, интраваскулярлық және эпидуральдық. Жергілікті анестезияны жылқының ақсауында, диагностикалық мақсатпен және патогенетикалық ем ретінде жиі қолданады. Беткейлік анестезия. Конъюнктиваны, сірлі, кілегейлі және синовиальды қабықтарды жансыздандыруда қолданылады. Көз конъюнктивасын жансыздандыру үшін пипеткамен новокаинның 5-10% ертіндісін тамызады. Жансыздандырудың ұзақтығы 20 минутқа дейін созылады. Ауыз, танау, кеңірдек, жыныс мүшелерінің кілегейлі қабықтарын жансыздандырғанда осы ерітінділерді тампонның көмегімен қолданады. Ерітінділердің жоғарғы концентрациясы болса оны байқап қолдану қажет. Мысалы қуықтың кілегейлі қабатын жансыздандырғаннан кейін, қуықты босатып, оның орнына катетер арқылы 0,25 -0,5% новокаин ерітіндісін толтырады. Сүйектердің синовиальды қабығын, сіңір қынабын және бурса қабықтарын инемен тесіп синовиальды сұйықтықты шығарып, оның орнына 4-6% новокаин ерітіндісін енгізіп жансыздандырады. Қуыстардың көлеміне қарай ерітінділерді 5 мл-ден 20 мл дейін инъекциялайды, ал үлкен қуыстарға (тізе бөлімінің сүйектері) 50 мл дейін енгізеді. Құрсақ қуысын инемен тесіп, немесе лапоротомия кезінде ашылған қуысқа анестетик құйып жансыздандырады. Әдетте ұсақ малдарға жансыздандырудың бұл түрін 2 % новокаин ерітіндісімен 20 мл-ден артық емес мөлшерде жүргізеді. Тері беті су ерітінділерін сормайды, сондықтан оны су тез буланатын сұйықтықтармен (мұздатумен) жансыздандырады. Оған этилхлоридті қолдану ең тиімді болады. Ол дәнекерленген капиллярмен қамтамасыз етілген, немесе ерекше арнайы ампулаларда шығарылады. Ампуланы алақанға алып, капиллярдың ұшын немесе клапанды ашып, тесікті тері жамылғысына бағыттайды. Қол жылулығынан ампуладағы сұйықтық қатты ағыспен -тері үстіне бытырап жайылады. Ампуладан теріге дейін аралық 61 қашықтығы 50 см болу тиіс. Нәтижесінде сұйықтық жылдам буланып, тері температурасы жедел төмендейді, оның беті алдымен қызарады кейіннен бозарады және сезгіштігін жоғалтады. Анестезияның әсер ету ұзақты 1-2 минутқа жетеді. Бұл уақытта тесу, кесу, абсцестенген жараны тілу және т. б әдетте ауырсынатын ем немесе диагностикалық зерттеулерді өткізуге болады. Толық мұздатуға ерітіндінің 10–30 мл қажет. Инфильтрациялық жансыздандыруда 0,25-0,5% кейде ірі малдарға 1% новокаин ерітінділерін қолданады. Оларды ұзын жінішке инелермен иъекциялайды. Инені алдымен терінің сыртқы бетіне паралель салып, кішкене домбығу пайда болғанша 2-3 мл дейін енгізеді. Инені кері қарай тартып жылжытып, қажетті ұзындықта инфильтрациялық домбығу пайда болғанша дейін инъекцияны жалғастырады (сурет 37, 38). Содан кейін ине ұшын тері астына орналастырып ерітіндіні қайта инъекциялайды – сызықты жүктеу/скачать 4.96 Mb. Достарыңызбен бөлісу:
|