Мүрәлінов К.Қ., Махмутов А.Қ., Мүрәлінова Ж. К
жүктеу/скачать 4.96 Mb. Pdf көрінісі
|
| Танау сақинасын салу
Көрсетуі. Сақинаны бір жасар жас асыл тұқымды бұқаларды жуасыту немесе олардың ызақорлық мінездерін жою үшін танау қалқасына өткізеді. Бекіту және жансыздандыру. Бұқаны станокқа орналасатырады және оның басын жіппен берік бекітеді. Қалың еттен нейролептик енгізеді. Құрал жабдықтар. Жуасытатын сақина, арнайы қысқыштар. Операцияның техникасы. Танау қалқанын және танаудың бас жағын 0,5%- дық мүсәтірлі спирт ерітіндісімен өңдейді. Сақина өткізу орыны - танау қауырсының артқы, жоғарғы бөлімі. Сақина арнайы қысқышқа орналасады. Қысқаштың бранштарын жылжытып, ашып танау қалқасына орнатады, қысқашты қысып сақинаны перфорациялап (тесіп) өткізеді (сурет 99). Сурет 99 Танауға жуасытатын сақинаны салу 124 Жуасытатын сақинаның бос ұштарын бұрандамен қосып бекітеді. Бұранданың басын қысқаштармен сындырып алады. Жара 8-10 күн аралығында жазылады. Танау-ерін айнасының пластикасы (ринопластика) Көрсетуі. Операцияны танау қалқасы жуасытатын сақинамен жыртылғанда, асыл тұқымды бұқаларда жасалады. Бекіту және жансыздандыру. Бұқаны станокта бекітеді. Басын мүйізге арналған станоктың бағаналарына байлайды. Литикалық ерітінділердің келесі қоспасын: 2,5% - дық аминазин, 20мл 1% - дық димедрол, 10 мл, 0,5 % - дық новокаин ерітіндісін 30 мл күре тамырдың ішіне немесе бұлшық етке енгізеді. Бұл мөлшер 1000 кг бұқаға жарамды. Ең нәтижелі әсер бұлшық еттен 4 - 5 мл ромпун енгізгенде болады. Тынышталған малға екі жақтан көзстыңғы жүйкеріне тежеу жасалынады. Операция техникасы. Операция жасайтын орынды тазартып 0,5% аммиак ерітіндісімен майсыздандырып, 1:3000 йодталған спирт ерітіндісімен домдайды. Өткір спальпельмен шорланған танау үстіңгі немесе астыңғы жырылған орындарын қан шыққанша қырып тазартады. Қан кетуін үстіңгі ерінге жгут салып немесе пинцеттермен қысып тоқтатады. Операцияны екі түрде жасалады (Сурет 100): а б Сурет 100. Ринопластика а – I – түрі; б - II – түрі I - ші түрі Г. Н. Фоменко тәсілімен тыртықталған аумақты кесіп, жаралы беттердің пайда болуынан соң, танаудың жарғақты қабаттарының шеттерін 1-2 үзінді түйіндіні кетгут тігісімен қосып тігеді. Жіптердің ұштарын кесіп алады, ал тігістерді біржолата шешпейді. Содан соң танаудың үзілген ұлпаларының қалыңдығына 6-7 нүктеден сұйық пластмасса немесе БФ -6 желімін таза түрде немесе пенициллин қоспасымен 1:100 қатынаста енгізеді. Жара беттеріндегі артық желімді және қан ұйындыларын анжымен тазалап алады. Инъекциялаған желім ұлпаларда тыртықтардың дамуына жағдай жасайды және танаудың соңғы бөлімдерінің беріктігін арттырады. 125 Жараның бетіне стрептоцид ұнтағын мол қылып сеуіп, танау-ерін айнасына капрон (лавсан) № 4 – 6 жібімен 3 – 4 ілмектік тігіс салып ұштарын шешілмеу үшін, күйдіріп бұрап қояды. Операциядан 1 – 2 тәулік кейін тесік тарылмау үшін оған қатты резенке түтіктерді өткізіп қояды. Тігістерді 10 – 14 тәулік өткенде алады, танау сақинасын 45 күннен кейін салады. 2- ші түрі И. И. Магда, Е. Н. Пономаренко, О. Б. Бондаренко тәсілімен (сурет 100 б). Ақау беттерін өңдеуден кейін және қан кету тоқтатқаннан кейін жуасытатын сақинаны салып оны тоқыма баумен, жіппен мүйіздерге бекітеді. Қорыта келгенде сақина кейінгі манипуляцияларға кедергі болмайды. Содан соң екі еселенген кетгутпен № 8 жіптермен үш құрық тәрізді тігіспен танаудың жырылған шеттерін қосып тігеді. Кетгуттың тарауы барысында (2 апта) жара жазылуынан кейін, тігістерді алу қажет болмайды. Операциядан 45 күннен кейін мүйіздерге сақинаны байлаған тоқыма бауды тіліп алып тастайды, бұл операция 15 минут арасында тамамдалады. Операциядан кейін екі тәсілде де бұқаларының рационынан ұнды азықтарды, сабанды алып тастайды. Суаруды қолмен суаруға ауыстырады. жүктеу/скачать 4.96 Mb. Достарыңызбен бөлісу:
|