Кульминация (лат.culmen - биік, шың) - музыкалық шығарманың шарықтау шегі (кульминациясы).
Қайырма - (реферан) - әндердің қайырмасы.
Композиция (лат. compositio - қосымша байланыстыратын құрама жасау):
1. Музыкалық шығармашылықтың процесі. 2. Аяқталған музыкалық шығарма.
3. Музыкалық шығарманың құрылымы.
Лад 1 - қалып- музыкалық дыбыстардың арақатынастары мен өзара үйлесімділігі. «Лад» сөзінің түп төркіні славян халықтарынан шыққан. Оның түбірі «ладить» яғни келісімін тауып, жатық айту, үйлесім табу, жарасу деген мағыналарды білдіреді. Ладтың негізгі екі түрі бар: мажор (қатаң), минор (ұяң). Ладтың дыбыстары (басқыштары): I - тоника, II - төменгі тұрақсыз, III - медианта, IV - субдоминанта, V - доминанта, VI - субмедианта, VII - жоғары тұрақсыз дыбыс.
Лaд 2 – тұpaқты жәнe тұpaқcыз дыбыcтapдың үндeceiнeн пaйдa болғaн дыбыc қaтapы. Түpлepi: (тоникa, қоcымшa бacқыш, мeдиaнтa, cyбдоминaнтa, доминaнтa, cyбмeдиaнтa жәнe қоcымшa бacқыш). Олap I-II-IV-V-VI-VII болып pим caндapымeн бeлгiлeнeдi.
Легато (итал. legato «байланысты») - музыкалық шығармалардың дыбыстарын жеке-жеке бөлмей, бірімен-бірін байланыстырып, жалғастырып орындалуын көрсететін таңба. Легато таңбасы дыбыстардың астына не үстіне қойылады.
Лейтмотив (нем. Leitmotiv - «басты, жетекші сарын») - музыкалық шығармадағы негізгі әуеннің (сарынның) бүкіл шығарма бойына жүріп отыруы, операда басты кейіпкердің бейнесін, іс-әрекетін, көңіл күйін баяндайды. «Қыз- Жібек» операсының лейтмотиві - Жібектің ариясы «Гәкку» әні.
Лайықтау - бір музыкалық аспапқа немесе дауысқа арналып жазылған шығарманы екі, үш аспаптың не дауыстың орындауына лайықтау, бейімдеу.
Либретто (итал. Libretto - кітапша) - музыкалық шығарманың (опера, оперетта, драма) әдеби тексі (сөзі, өлеңі).
Достарыңызбен бөлісу: |
