394
Көміртекті əдіс – органикалық
қазба қалдықтарының
құрамындағы көміртегінің радиоактивік изотопын (С
14
) анықтауға
негізделген. Бұл изотоп атмосфера қабатында ғарыштық сəулелердің
азотқа тигізген əсеріне байланысты құралады.
Коллизия – екі немесе одан да
көп материктік литосфералық
тақталардың өзара соқтығысу ауданы. Осындай жолмен ежелгі
Тетис мұхитының орнында Альпі-Гималай
қатпарлы белдеуінің
биік таулар жүйесі қалыптасқан. Тақталардың өзара кірігуі əлі де
жалғасуда, оны осы аймақтағы сейсмикалық белсенділіктің жоғары
болуы дəлелдейді.
Қабат – табиғи жағдайда қалыптасқан екі бағытта созыла келген,
ал үшінші бағытта қысқаша келген шөгінді тау жыныстарынан
құралған геологиялық дене.
Қазіргі тектоникалық (неотектоникалық) қозғалыстар
– қазіргі кезде тікелей көзбен шолып байқалатын,
сонымен бірге
аспапты бақылаумен зерттелетін жер қыртысының қозғалысы.
Қарапайым оксидтер – бір ғана химиялық элементтің оттегімен
қосылысы.
Қатпар – қабаттардың толқын тəрізді иілуі.
Лесс – негізінен диаметрі 0,1-0,01 мм аралығындағы өте ұсақ
бөлшектерден тұратын құмайтты, жақсы іріктелген таужынысы.
Достарыңызбен бөлісу: 
