Пікір жазғандар
жүктеу/скачать 0.66 Mb.
|
| Коммуникативтік процесс пен оның «кедергілерінің»
нормативтік құрылымы Жетекші жүзеге асыратын коммуникативтік қызмет ұқсас құрылымы мен ұйымдастыру принциптері бар жекелеген коммуникативтік үдерістердің үздіксіз тізбегі болып табылады. Коммуникативтік үдерістің жалпы ұғымында акцент оның екі – құрылымдық және өзіндік процессуалдық аспектісінен тұратын формальды ұйымдастырылуына жасалынады. Коммуникация процесі жеті негізгі құрылымдық компонент- тен тұрады: жіберуші, алушы, коммуникация арнасы, ақпарат немесе хабар, «шу» (кедергілер жиынтығы), кері байланыс, кор- рекция. Коммуникация процесі өзінің таралуында төрт негізгі ке- зеңнен өтеді: ынтаның туындауы, идеяны рәсімдеу, ком- муникативтік актінің өзі, алушының хабарды ашуы (мәнін түсінуі). Коммуникацияның негізгі компоненттері тұрақты – инва- риантты-тізбекті, кері байланыс пен коррекция барысында тұйық, сақина тәріздес сипатқа ие болады. «Сақина» принципі тұтастай алғанда коммуникацияның нә- тижелілігін, оның тиімділігіне бақылауды және оны алғашқы рет жүзеге асыру кезіндегі сәтсіздік оқиғасында бүкіл циклдің қайталануын қамтамасыз етеді. Коммуникациялардың қиындықтары мен қателіктерінің («кедергілерінің») көздері, психиканың өзінің көп түрлілігі сияқты алуан түрлі. Перцептивтік-интерпретациялық қателіктер (сезінуімен шартталады). Бір ғана ақпарат әртүрлі қабылданады, тіпті тә- жірибеге, кәсіби біліктілік саласына, мүдделерге және басқа- ларға байланысты белсенді шектеледі. Диспозициялық қателіктер коммуникативтік алмасуға қа- тысатын адамдардың әлеуметтік, кәсіби және өмірлік ұста- нымдарымен түсіндіріледі. Мәртебелік қателіктер коммуниканттардың ұйымдық мәр- тебесіндегі үлкен айырмашылықтарға байланысты жіберіледі. «Жоғары бастыққа» «қарапайым жұмысшылардың» мұқтаж- дығын түсіну үнемі мүмкін емес. Семантикалық кедергілер тілдік ұғымдардың көп мәнділік (полисемистік) қасиетке ие болуына байланысты, сөйлеушілер мен тыңдаушылардың түсінуіндегі әрмәнділік туғыза отырып туындайды. Вербалды емес кедергілер. Ымдау, мимика, коммуникативтік мінез-құлық мәнері және басқа да вербалды емес құралдар байланыстың барлық түрінде, вербалдіге қарағанда әлдеқайда көп мәнді бола отырып едәуір рөл атқарады. Олар, әдетте, бірлесе қолданылатындықтан, вербалды емес белгілерді дұрыс қабыл- дамау (сезінбеу) сөздік ақпаратты қате түсінуге соқтыруы мүм- кін. Тиімсіз кері байланыс – коммуникациялар қателігінің тағы да бір көзі. Нашар тұжырымдалған хабар. Жарлықтардың қос мән- ділігі, қисық тілдігі коммуникация қателіктерінің кең тараған және айқын себептері болып табылады. Ақпараттың коммуникациялық циклдерде жоғалуы. Бұл хабар өте ұзақ әрі ауқымды болғанда жүреді, оған байланысты қысқалық талабы қойылады. Тік коммуникациялық тізбекпен берілу кезінде ақпараттың 30 пайызға дейінгі бөлігі бұрмала- нады, тіпті жоғалады. Қателіктерді бұрмалау. Мысалы, жоғары тұрған тұлғаға жекебастық мақсатта жалған ақпарат беру. Мерзімнен бұрынғы баға тыңдаушы хабарға оның аяқталуын күтпей көңіл-күйлік баға бергенде қойылады. Осы «кедергілер» мен қателіктердің барлығы – коммуни- кация қызметін жүзеге асыруға бөгет ететін теріс фактор- лар. Тиімді коммуникацияларды тұрғызудың жалпы ережелері мен принциптері бар, оның ережесі – идеяны беру кезінде өзіне аяғына дейін түсінікті болмайынша кіріспеу.
Осы ережелер мен принциптерді сақтау коммуникация қызметін басқару іс-әрекетінде жүзеге асыруға ықпал етеді және оның мазмұны мен ерекшелігін анықтайды. жүктеу/скачать 0.66 Mb. Достарыңызбен бөлісу:
|