ҚҰран кәрім хикаялары
Біз (оларға): «Бір-біріңе дұшпан болған күйлеріңде түсіңдер. Сендерге
жүктеу/скачать 0.91 Mb. Pdf көрінісі
|
- Бұл бет үшін навигация:
- : «Барлығың ол жерден түсіңдер! Қашан сендерге Менен тура жол келсе, сөйтіп, кім Менің тура жолыма ілессе, оған қауіп жоқ әрі ол қайғырмайды», – дедік. Ал кәпір
- ЕКІНШІ ХИКАЯ ӘБІЛ МЕН ҚАБЫЛ Адам атаның балалары
| Біз (оларға): «Бір-біріңе дұшпан болған күйлеріңде түсіңдер. Сендерге
жер бетінде (уақытша) тұрақ және (одан) белгілі мерзімге дейін пайдалану бар», – дедік. Адам Раббысынан бірнеше сөз алды да (кешірім сұрап, жалбарынғанда), Аллаһ оның тәубесін қабыл етті. Аллаһ – тәубені қабыл Етуші, ерекше Рақымды. (Оларға): «Барлығың ол жерден түсіңдер! Қашан сендерге Менен тура жол келсе, сөйтіп, кім Менің тура жолыма ілессе, оған қауіп жоқ әрі ол қайғырмайды», – дедік. Ал кәпір болып, аяттарымызды өтірікке шығарғандар болса, олар – тозақылар. Олар – онда мәңгі қалушылар». Адам баласына тура жолды ұстанып, Жаратушымыз Аллаһ тағаланың бұйырғанын орындап, тыйым салғанынан тыйылып, екі дүниеде де бақытты өмір сүруі үшін Құран Кәрiмде келтірілген бұл хикая үлкен үлгi-өнеге болмақ! Мiнеки, достар! Бiз бұл хикаямен әуелі кеңейтiлген түсiндiрмесiн, сонан соң Құран Кәрiмде келтірілген аяттарды оқып, екi рет таныстық. Ендiгі кезекте біздің сендерге қояр сауалымыз бар: Бiз өмiрде кiммен бiрге жүруiмiз керек? Шайтанның бiздi адастыруына еріп, кейiн онымен бiрге тозақта болуға риза боламыз ба? Әлде Адам атамыз сияқты Аллаһ тағалаға иман келтіріп, тәубе етiп, жасаған күнә-қателіктерімізге кешірім сұраймыз ба? Әлбетте, біз сендердің: «Бiз Адам атамызбен бірге боламыз. Жер бетiн тақуалық, адалдық және имандылықпен көркейтемiз. Әрі ешқашан да шайтанның жолына еріп, бұзақылардан болмаймыз», – деп жауап беретіндеріңе кәміл сенеміз. 9 ЕКІНШІ ХИКАЯ ӘБІЛ МЕН ҚАБЫЛ Адам атаның балалары Адам ата мен Хауа ана жер бетіне түскеннен кейін осы жерде өмір сүріп, ондағы ризықтармен қоректенетін және жер бетін мекендейтін балалары мен ұрпағының көп болуын армандады. Хауа ана Аллаһ тағаланың қалауымен жүкті болды. Ең алдымен тұңғыштары – Қабыл есімді ұл бала мен оның сыңары – бiр қыз бала дүниеге келді. Одан соң екiншi ұлы Әбіл мен оған сыңар тағы бiр қыз бала туылды. Адам мен Хауа ана Раббыларының өздеріне нығмет ретінде берген балаларына қатты қуанды. Екеуі кiшкентай нәрестелерін аса сүйіспеншілікпен жақсы көрiп, оларға мейiрiмдi ата-ана бола бiлдi. Балалар бір жанұяда ата-анасының тәрбиесімен бiрiн-бірі жақсы көретін, өзара өте бауырмал жандар болып өсті. Олар есейiп, ержеткен соң баянды өмiр сүру үшін біраз күш-жiгер жұмсап, тер төгу қажеттігін түсінді. Қабыл жерден өсiмдiктер мен дәмді жемiс-жидектердiң өсiп шығатынын байқады да, егiншiлiкпен айналысты. Ал Әбіл адамдардың пайдалануы үшін Аллаһ тағаланың шаруа малдарын жаратқанын көрiп, мал шаруашылығымен айналысуға бел буды да, ол қойшы болды. Осылайша қос бауыр өздері таңдаған кәсібін жасап, жайлы өмiр сүре бастады. жүктеу/скачать 0.91 Mb. Достарыңызбен бөлісу:
|