С. О. Ахметова, М. С. Сериккызы сапа менеджменті жүйелері

58 
Барлық кәсіпорын бірдей сапалық қызметті дамытуды табысты 
ұстап тұра алмайды. Кіші және орта кәсіпорындар, ереже бойынша, 
мамандандырылған кеңестерге, инжинирингті фирмаларға барады, 
оның есесіне сапа жағынан бір инженер де жеткілікті екенін 
ескермейді. 
Ғылыми негізде бүгінгі таңдағы техникалық тексеруде 
математикалық-статистикалық әдіс қолданылатын болады. Тексеру 
әдістері ежелден бірін-бірі қайталайтын, ақаудың талдауға бұйым 
шығарылып, тұтынуға жөнелтілер алдында күрделі бақылау жүргізу 
жолымен тексеретін. Ірі өндірісте бұлай тексеру өте қымбатқа түседі. 
Сондықтан жаппай тексеруден ішінара тексеруге көшіп статистикалық 
әдісті пайдаланып өңдеу қорытындысын шығаруға болады.
Алайда мұндай тексеру мына жағдайда тиімді болады, қашан 
технологиялық процестің болашақта ісі жолға қойылған жағдайда, 
дәлдік пен тұрақтылық қалыптасқанда, өнімнің ақаусыздығына 
автоматты түрде кепілдік берілген жағдайда. Бұдан өндірісті 
тұрақтандыру қажеттігі туады. Өндірісті тұрақтандырудың ең сенімді 
әдісі сапа жүйесін құру және оны сертификаттау, яғни куәлік беру. 
Бақылаудың ерекше түрі болып дайын өнімді сынау табылады - 
бұл бұйымның бір немесе бірнеше сипаттамасын анықтау немесе сынау, 
физикалық, химиялық, табиғи немесе эксплуатациялық факторлардың 
әсерінің жиынтығы. 
Сынақ бағдарламаға сәйкес жүргізіледі. Мақсатына сәйкес 
сынақтың келесі негізгі түрлері бар: 
• алдын-ала сынау - қабылдап сынау мүмкіндіктерін анықтау үшін 
тәжірибелі үлгілерді сынау; 
• қабылдаушы сынау - оларды өндіріске қою мүмкіндіктерін 
анықтау үшін тәжірибелі үлгілерді сынау; 
• қабылдап-өткізіп сынау- бұл әрбір бұйымды сынау 
мүмкіндіктерін анықтау үшін оны тапсырыс берушіге тасымалдау; 
• мерзімді сынау - бұл сынақ 3-5 жылда бір рет жүргізіледі, ол 
өндірістің тұрақтылығын тексеру үшін; 
• типтік сынау - бұл технологиясы мен конструкциясын 
өзгерткеннен кейін сериялы бұйымдарды сынау. 

жүктеу/скачать 1.17 Mb.

Достарыңызбен бөлісу: