Технологиясы
Магнийлі қорытпалардан жасалған құймалар өндірісі
жүктеу/скачать 2.9 Mb. Pdf көрінісі
|
| 5.8 Магнийлі қорытпалардан жасалған құймалар өндірісі
Құймаларды өндіру үшін, МЛ1 ... МЛ19 белгіленетін магний қорытпалары қолданылады. Әріптер осы құйманың магнийлі құю қорытпаларына қатыстығын көрсетеді, ал сандар қорытпаның реттік нөмірі болып табылады. Магний қорытпалары жоғары уақытша кедергісіне (150 ... 350 МПа), салыстырмалы ұзындығына (3 ... 9%) және қаттылығына (HB 30 ... 70) ие болады. Магний қорытпалары динамикалық жүктемелерде жақсы жұмыс істейді, коррозияға төзімділігі қанағат, 200 ... 300 °С температурада жоғары жүктемелермен жұмыс істей алады. Магний қорытпаларының механикалық қасиеттері нығайтатын жылулық өңдеуден кейін айтарлықтай жақсарады. Сонымен қатар, магний қорытпалары сұйықтай аққыштығы төмен, шөгуінің жоғарылауына ие болады, сызаттардың пайда болуына бейім, сутегін оңай ерітеді, балқу кезінде және құю қалыптарды толтыру кезінде өздігінен жануына бейім. Магний қорытпаларын от бақырлы электрлік кедергі пештерінде (54, а) және өндірістік жиіліктің индукциялық пештерінде (54, б) және т.б. балқытады. Балқыту үшін болат от бақырлары пайдаланылады. Шихталық материалдар ретінде магний мен алюминий құймалары, өз өндірісінің қалдықтарын, лигатураларды, флюстарды пайдаланады. Жануды болдырмау үшін магний қорытпаларын балқытуын сілтілі және сілтілік жер металдардың хлоридтен және фторлы тұздардан жасалған әмбебап флюстардың қабаты астында немесе қорғаныш газдардың ортасында жүзеге асырылады. 54-сурет. Магний қорытпаларын балқытуға арналған электрлік кедергі пешінің (а) және өндірістік жиіліктің индукциялық пештің құрылысы (б): 1 - қаптама; 2 – отқа төзімді қалау; 3 - жылытқыш; 4 - металды шұғыл босату үшін құбыр; 5 - болат отбақыры; 6 - қақпақ; 7 - айналмалы механизм; 8 - индуктор; 9 – магнит өткізгіш; 10 - жылу оқшаулағыш. 85 Шихта 700...720 о С температурасында балқығаннан кейін сутек және металдық емес қосындыларды жою үшін әмбебап флюспен тазартады. Сол үшін металл айнасынан қожды жояды, сұйық металл сыртына ұнтақталған флюсты себеді (қорытпа салмағынан 1%), балқытады, содан кейін оны отбақырдың биіктигінен 2\3-ке дейін араластырады. Араластырған уақытта жаңа қосындылар мезгіл-мезгілмен құйылады. Балқытылған металдың беті айна-жылтыр көрініске ие болған кезде тазарту толық аяқталған болып саналады. Өңдеу кезінде сутегі және металдық емес қосындылар жойылады. Механикалық және өнімділік сипаттамаларының деңгейін арттыру үшін магний қорытпалары қызып кету немесе көміртегі бар заттардың енгізілуі арқылы өзгеріске ұшырайды. Қызып кету арқылы түрленген кезде, тазартылғаннан кейінгі балқытпа 850 ... 925 ° C температураға дейін қызады, бұл температурада 10 ... 15 минут бойы сақталады және содан кейін құйып алу температурасына (680 ... 720 ° C) жылдам салқындатылады. Бұл құймадағы қорытпаның дәнінің ұнтақталуына әкеледі. Көміртегі бар заттардың (бор, мәрмәр, гексахлорэтан және т.б.) енгізілуімен түрлендірген кезде алюминий карбидтері пайда болады. Олар қорытпаның салқындауы кезінде кристалдану орталықтары болып табылады. Магний қорытпаларынан жасалған құймаларды құмды қалыптарға, темір қорамға құю қысыммен құю және басқа әдістер арқылы жасалады. Шөгіндік қаяулардың және кеуектіліктің қысылуын ескерту үшін құмды қалыпқа құйылған кезде құймалардың жылулық түйіндеріне түсім орналастырылады және тоңазытқыштар қолданылады (55-сурет). Қалып қуысын металмен біркелкі толтыру үшін төменгі немесе тік- жарықты металл әперу кеңейтілетін құю жол жүйелерін қолданады. Қожды ұстап тұру үшін сүзілген металдық торлар қолданылады. Құю қалыбындағы магний қорытпасының күюінің алдын алу үшін қалыптық қоспа құрамына қорғаныс қоспаларын енгізеді. Металдарды құю кезінде магнийдің жанып кетуінің алдын алу үшін балқытылған металдардың ағынын күкірт ұнтағымен шашыратады. Жану кезінде пайда болған күкірт газы жануды болдырмайды. 55-сурет. Магний қорытпасынан қақпақты құю үшін қалыптың сұлбасы: 1,2 - төменгі және жоғарғы жартылай қалыптар; 3 - өзекшенің тіреуіші; 4 - түсім; 5 - өзекше; 6 - коллектор; 7 - қоректендіргіштер; 8 - түсімдерді орнату орны; 9 – зумпф 86 Темірқорамдарда магний құймаларын жасау кезінде негізгі қиындық - ыстық сызаттарға қарсы күрес. Магний қорытпаларын темірқорамға құю кезінде сызаттарды жоюдың тиімді амалдары - темірқорамдардың (250 ... 350 °C) және металдық өзекшелер (300 ... 450 °C) жоғары температурасы. Бағытталған қатайтуы жылу оқшаулағыш бояуларды қолдану және түсімдерді орнату арқылы қамтамасыз етіледі. Магний қорытпаларынан жасалған құймаларды автокөлік өнеркәсібінде, тоқыма машиналары құрылысында, аспап жасауда, авиациялық және ракеталық техникаларда және т.б. кеңінен қолданылады. Осы қорытпалардан сорғы корпустарын, арматура бөліктерін, мұнай-газ аспаптарын, құрал-саймандардың корпустарын, тежегіш барабандардың корпустарын, дөңгелектерді және т.б. жасайды. жүктеу/скачать 2.9 Mb. Достарыңызбен бөлісу:
|