Тиісті фармацевтикалық практикаларды бекіту туралы
Клиникалық зерттеу үшін дәрілік препараттарға қойылатын Талаптар
жүктеу/скачать 0.97 Mb.
|
| Клиникалық зерттеу үшін дәрілік препараттарға қойылатын Талаптар
Қағидаты Клиникалық зерттеулерге арналған дәрілік препараттар Тиісті өндірістік практика стандартына сәйкес өндірілуі тиіс. Дәрілік препаратты әзірлеу сатысына байланысты басқа да сәйкес нұсқауларды назарға алу керек. Жұмыс әдістері процесс туралы білімнің кеңеюіне қарай өзгерістер енгізу мүмкіндігін қамтамасыз ету үшін және дәрілік препаратты әзірлеу сатысына жауап беру үшін икемді болуы тиіс. Клиникалық зерттеулерде тіркелген дәрілік препараттарды қабылдайтын пациенттермен салыстырғанда зерттеу субъектілері үшін қосымша тәуекелдер туындауы мүмкін. Клиникалық зерттеулер үшін дәрілік препараттарды өндіруге Тиісті өндірістік практика стандартын қолдану зерттеу субъектілеріне тәуекелдердің болмауына кепілдік беру үшін, сондай-ақ клиникалық зерттеулер нәтижелеріне тиісті емес өндірістің салдары болып табылатын қауіпсіздіктің, сапаның немесе тиімділіктің жеткіліксіздігі әсер етпеуі үшін қажет. Осы талаптар бірдей шамада бір немесе әртүрлі клиникалық зерттеулерде пайдаланылатын клиникалық зерттеулер үшін, сондай-ақ, осындай дәрілік препаратты әзірлеу процесінде өзгерістерді құжаттық ресімдеу және негіздеу үшін бір дәрілік препараттың сериясынан сериясына тұрақтылығын қамтамасыз етуге арналған. Клиникалық зерттеулерге арналған дәрілік препараттарды өндіру белгіленген емшаралардың, клиникалық зерттеулердің әртүрлі схемаларының болмауынан және соның салдарынан қаптамаларға қойылатын әртүрлі талаптардың, рандомизация және "соқыр" әдісті (бүркемелеу) пайдалану қажеттілігінен, сондай-ақ айқаспалы контаминация мен дәрілік препараттарды шатастырудың үлкен тәуекелінен тіркелген дәрілік препараттармен салыстырғанда қосымша күрделілікпен байланысты. Бұдан басқа, дәрілік препараттың тиімділігі мен уыттылығы туралы деректер толық болмауы мүмкін, процестің толық валидациясы болмауы мүмкін немесе қайта оралған немесе кейбір жолмен өзгертілген тіркелген дәрілік препараттар пайдаланылуы мүмкін. Осыған байланысты персонал клиникалық зерттеулерге арналған дәрілік препараттарға қатысты тиісті өндірістік практика стандартын толық көлемде түсінуі және тиісті оқудан өтуі тиіс. Клиникалық зерттеулерге арналған дәрілік препараттардың сапасын қоса алғанда, клиникалық зерттеулер мәселелері бойынша барлық жауапкершілік жүктелген клиникалық зерттеулердің демеушілерімен өзара іс-қимыл белгіленуі тиіс. Технологиялық процестердің күрделілігінің артуы сапаны қамтамасыз етудің жоғары тиімді жүйесін қолдануды талап етеді. Осы қосымшада, сондай-ақ Тиісті клиникалық практика стандартын өзара байланысты және толықтыратын клиникалық зерттеулерге арналған материалдарды ресімдеуге, жөнелтуге, тасымалдауға және қайтаруға қойылатын талаптар белгіленген. Зерттелетін затқа жатпайтын дәрілік препараттар Клиникалық зерттеулер субъектілеріне сыналатын препарат, плацебо немесе салыстыру препараты болып табылмайтын дәрілік препараттар берілуі мүмкін. Мұндай дәрілік препараттар қатарлас терапия үшін немесе профилактика, диагностика немесе емдеу мақсатында және (немесе) зерттеу субъектілері үшін көзделген барабар медициналық күтімді қамтамасыз ету қажеттілігі салдарынан медициналық көмек көрсету үшін қолданылуы мүмкін. Мұндай құралдарды зерттеу хаттамасына сәйкес физиологиялық реакцияны тудыру үшін қолдануға рұқсат етіледі. Бұл дәрі-дәрмектер клиникалық зерттеулерге арналған дәрі емес және оны демеуші немесе зерттеуші ұсынуы мүмкін. Демеуші осы дәрілік препараттардың клиникалық зерттеу жүргізуге рұқсат беру сұрауына (өтініміне) сәйкес келуін зерттеу мақсаты үшін талап етілетін сапаға кепілдік беруі тиіс. Бұл ретте ол дәрілік препараттардың деректі көзін, олардың тіркелген дәрілік препараттар болып табылатындығын және олардың қайта оралғандығын назарға алуы тиіс. Бұл жұмысқа уәкілетті тұлғаны тарту және оның пікірін ескеру ұсынылады. Өндірісті лицензиялау және қолдануға дайындық Клиникалық зерттеулер үшін дәрілік препараттарды өндірудің толық өндірісі де, жекелеген кезеңдері де, сондай-ақ оларды бөлудің, өлшеп-оралғандің немесе берудің әртүрлі процестері де лицензиялауға жатады. Алайда, егер бұл процестерді медициналық мекемелерде фармацевтер немесе осындай процестерді жүзеге асыруға өкілеттігі бар басқа тұлғалар жүзеге асырса, сондай-ақ егер клиникалық зерттеулерге арналған дәрілік препараттар тек осы мекемелерде пайдалануға арналған болса, дәрілік препараттарды пайдалану немесе өлшеп-оралған алдында қолдануға дайындау үшін мұндай лицензиялау талап етілмейді. Көрсетілген ережелер аясында қолдануға дайындық ретінде мынадай қарапайым үдерісті түсіну керек: дәрілік препаратты сынақ субъектісіне енгізу үшін клиникалық зерттеулер үшін дәрілік препаратты еріту немесе диспергирлеу, немесе клиникалық зерттеулер үшін дәрілік препараттарды (дәрілік препаратты) дәрілік препаратты енгізу мақсатында тасымалдаушы ретінде қолданылатын басқа затпен (заттармен) сұйылту немесе араластыру. Клиникалық зерттеулер үшін дәрілік препаратты алу мақсатында әсер етуші затты қоса алғанда, бірнеше ингредиенттерді бірге араластыру қолдануға дайындық болып табылмайды. Клиникалық зерттеулерге арналған дәрілік препарат қолдануға дайындық процесіне дейін болуы тиіс. Қолдануға дайындық процесін мүмкіндігінше тікелей енгізу алдында жүзеге асыру керек. Мұндай процесс клиникалық зерттеулер жүргізуге арналған өтініште (зерттелетін дәрілік препараттың досьесі) және клиникалық зерттеу хаттамасында немесе клиникалық базадағы тиісті құжатта көрсетілуі тиіс. Анықтамалар "зерттелетін препаратқа құжаттама" (product specification file) – клиникалық зерттеулер үшін дәрілік препаратты өндіру, өлшеп-оралған, сапасын бақылау, серияларды шығаруға рұқсат беру және жөнелту жөніндегі егжей-тегжейлі нұсқаулықтарды жасау үшін қажетті барлық ақпаратты (немесе тиісті құжаттарға сілтемелер) қамтитын құжаттар жиынтығы; "Тапсырыс" (order) – клиникалық зерттеулер үшін дәрілік препараттардың белгілі бір бірліктерін өндіруге, орауға және (немесе) жеткізуге арналған тапсырма; "зерттеуші" (investigator) – медициналық мекемеде клиникалық зерттеу жүргізуге жауапты тұлға. Адамдар тобы клиникалық зерттеу жүргізген кезде зерттеуші жауапты зерттеуші деп аталуы мүмкін топ жетекшісі болып табылады; "клиникалық зерттеу" (clinical trial) – клиникалық зерттеулер үшін және (немесе) оған жағымсыз реакцияларды анықтау үшін және (немесе) оның қауіпсіздігін және (немесе) тиімділігін бағалау мақсатында оның сіңірілуін, таралуын, шығарылу метаболизмін зерттеу үшін дәрілік препараттардың клиникалық, фармакологиялық және (немесе) басқа фармакодинамикалық әсерлерін анықтау немесе растау үшін зерттеу субъектілері – адамдарда жүргізілетін зерттеу; "рандомизация коды" (randomization code) – рандомизацияны ескере отырып, әрбір зерттеу субъектісіне тағайындалған ем сипаттамасын қамтитын тізбе; "клиникалық зерттеулерге арналған дәрілік препарат" (investigational medicinal product) – клиникалық зерттеу жүргізу кезінде зерттелетін немесе салыстыру препараты ретінде пайдаланылатын дәрілік түрдегі немесе плацебо белсенді фармацевтикалық субстанция. Клиникалық зерттеулерге арналған дәрілік препараттарға, егер оларды қолдану немесе өндіру тәсілі (дәрілік түрі немесе қаптамасы) тіркелгеннен өзгеше болса, сондай-ақ олар әлі мақұлданбаған көрсетілімдер бойынша пайдаланылған жағдайда немесе тіркелген дәрілік нысан туралы қосымша ақпарат алу үшін тіркелген дәрілік препараттар да жатады; "тиеп – жөнелту" (shipping) - клиникалық зерттеулер үшін тапсырыс берілген дәрілік препараттарды тиеп-жөнелтуге арналған өлшеп-оралған жөніндегі және тасымалдау жөніндегі операциялар; "салыстыру препараты" (comparator product) – зерттелетін немесе тіркелген дәрілік препарат (яғни, Белсенді бақылау) немесе клиникалық зерттеуде бақылау ретінде пайдаланылатын плацебо; "клиникалық зерттеулерге арналған дәрілік препаратты өндіруші (импорттаушы)" (manufacturer (importer) of investigational medicinal products) - белгіленген тәртіппен берілген клиникалық зерттеулерге арналған дәрілік препаратты өндіруге лицензиясы немесе әкелуге рұқсаты бар тұлға; "рандомизация" (randomisation) – объективті емес қорытынды мүмкіндігін барынша азайту мақсатында кездейсоқтық элементін пайдалана отырып, зерттеу субъектілерін негізгі және бақылау топтары бойынша бөлу процесі; "соқыр" зерттеу ("соқыр" әдіс) (blinding) – зерттеуге қатысатын бір немесе одан да көп тарап жүргізілген терапевтік тағайындау туралы хабардар етілмеген клиникалық зерттеулер рәсімі. Қарапайым "соқыр" әдіс зерттеу субъектісінің хабардарлығын, ал қосарлы "соқыр" әдіс – зерттеу субъектісінің, зерттеушінің, бақылаушылардың және кейбір жағдайларда алынған деректерді талдайтын адамдардың жүргізілетін терапевтік тағайындауы (тағайындаулары) туралы хабардарлықты білдіреді. Клиникалық зерттеулерге арналған дәрілік препаратқа қатысты "соқыр" зерттеу әдісі демеушінің нұсқауларына сәйкес осы дәрілік препараттың сәйкестігін әдейі бүркемелеуді білдіреді. Декодтау (бүркемелеуді алу) дәрілік препараттың ұқсастығы туралы ақпаратты ашуды білдіреді; "демеуші" (sponsor) – клиникалық зерттеудің басталуына, оны ұйымдастыруға және (немесе) қаржыландыруға жауапты жеке тұлға, кәсіпорын, мекеме немесе ұйым. Сапаны басқару 1. Өндіруші немесе импорттаушы әзірлеген және тексерген сапаны қамтамасыз ету жүйесі клиникалық зерттеулерге арналған дәрілік препараттарға жататын осы стандарттың талаптарына сәйкес келуі тиіс, жазбаша рәсімдер түрінде құжатпен ресімделуі және клиникалық зерттеудің демеушісіне қол жетімді болуы тиіс. 2. Клиникалық зерттеулерге арналған дәрілік препараттарға арналған спецификациялар мен технологиялық нұсқаулықтар оларды әзірлеу процесінде өзгеруі мүмкін, бірақ бұл ретте олардың барлық өзгерістердің қадағалануын толық бақылауды қамтамасыз ету қажет. Персонал 3. Зерттеуге арналған дәрілік препараттармен байланысты барлық персонал, осы өнім түрінің ерекшелігіне байланысты тиісті оқудан өтуі тиіс. Тартылған персоналдың саны аз болған жағдайда да, әр серияны өндіру үшін өндіріс пен сапаны бақылауға жауапты жеке персонал анықталуы керек. 4. Уәкілетті тұлға осы қосымшаның талаптарына жауап беретін тиісті жүйелердің болуын қамтамасыз етуі тиіс. Бұл үшін уәкілетті тұлғаның дәрілік препараттарды әзірлеу және клиникалық зерттеулер жүргізу саласында жақсы дайындығы болуы тиіс. Клиникалық зерттеулерге арналған дәрілік препараттарды Бағалау жөніндегі уәкілетті тұлғаға арналған нұсқаулық осы қосымшаның 38-41 – тармақтарында келтірілген. Үй-жай және жабдықтар 5. Клиникалық зерттеулерге арналған дәрілік препараттармен жұмыс істеу кезінде уыттылығы, белсенділігі және сенсибилизациялайтын қасиеттері туралы ақпарат толық болмауы мүмкін, осыған байланысты айқаспалы контаминация қаупін барынша азайтуға ерекше назар аудару керек. Жабдықтар мен үй-жайлардың конструкциясы, сынау және бақылау әдістері және тазалаудан кейін қалдықтардың рұқсат етілген шоғырлануының шектері осы қауіптердің сипатын ескеруі тиіс. Егер мүмкін болса, өндірістік циклдармен (науқандармен) жұмысты ұйымдастыруға назар аудару керек. Жуғыш затты таңдағанда дәрілік препараттың ерігіштігін ескеру керек. Құжаттама Өзіндік ерекшелік және нұсқаулықтар 6. Өзіндік ерекшелік (бастапқы шикізатқа, бастапқы өлшеп-оралған материалдарына, аралық өнімдерге, өлшеп-оралмаған және дайын өнімге), регламенттер, технологиялық нұсқаулықтар және өлшеп-оралған жөніндегі нұсқаулықтар өнім туралы қазіргі білім деңгейіне мүмкіндік беретіндей толық болуы тиіс. Дәрілік препаратты әзірлеу барысында оларды мезгіл-мезгіл бағалап, жаңартып отыру керек (қажет болған жағдайда). Әрбір жаңа нұсқада қазіргі уақытта қолданылатын ең соңғы деректер, технология, нормативтік және фармакопеялық талаптар ескерілуі керек, жаңа нұсқада қадағалауды қамтамасыз ету үшін алдыңғы нұсқаға сілтеме болуы керек. Дәрілік препараттың сапасы үшін, атап айтқанда оның тұрақтылығы мен биоэквиваленттілігі үшін салдары болуы мүмкін кез келген өзгерістерді жазбаша рәсімге сәйкес енгізу керек. 7. Өзгерістер енгізу себептерін құжатпен рәсімдеу керек, дәрілік препараттың сапасына және кез келген ағымдағы клиникалық зерттеулерге қатысты өзгерістердің салдарлары зерттелуі және құжатпен рәсімделуі тиіс. Тапсырыс 8. Тапсырыста өнім бірлігінің белгілі бір санын өндіруге және (немесе) орауға және (немесе) оны тиеуге қойылатын талап болуға тиіс. Өндірушіге тапсырысты демеуші немесе оның атынан әрекет ететін адам береді. Тапсырыс жазбаша түрде рәсімделуі керек (бірақ электронды түрде берілуі мүмкін) және әр түрлі оқуды болдырмау үшін жеткілікті түрде айқын болуы керек. Тапсырыс ресми түрде бекітіліп, дәрілік препараттың дерекнамасына және клиникалық зерттеулер хаттамасына сілтеме болуы тиіс. Дәрілік препаратқа дерекнама 9. Дәрілік препаратқа дерекнама алдыңғы нұсқалардың тиісті қадағалануын қамтамасыз ете отырып, дәрілік препараттың әзірленуіне қарай үздіксіз жаңартылуы тиіс. Құжаттар жинағында мынадай құжаттар (немесе оларға сілтемелер болуы тиіс): бастапқы шикізат пен өлшеп-оралған материалдарына арналған ерекшеліктер мен талдамалық әдістемелер; аралық, өлшеп-оралмаған және дайын өнімге арналған ерекшеліктер мен талдамалық әдістемелер; технологиялық нұсқаулықтар; өндіріс процесіндегі бақылау әдістемесі; заттаңбаның бекітілген көшірмесі; клиникалық зерттеулердің тиісті хаттамалары және рандомизация кодтары (қажет болған жағдайда); Тапсырыс берушілермен тиісті техникалық келісімдер (қажет болған жағдайда); тұрақтылық деректері; сақтау және тасымалдау шарттары. Жоғарыда келтірілген тізбе шектеулерді белгілеуге арналмаған және толық болып табылмайды. Ол препаратқа және оның даму сатысына байланысты өзгеруі мүмкін. Құжаттар жинағында қамтылған ақпарат осы ақпаратқа рұқсаты болуы тиіс уәкілетті тұлғаның нақты серияны қабылдауға және шығаруға рұқсат беруге әзірлігін бағалау кезінде негіз болуы тиіс. Егер өндіріс процесінің әртүрлі сатылары әртүрлі уәкілетті тұлғалар жауапты болатын әртүрлі учаскелерде жүзеге асырылса, тиісті учаскелердегі қызметке қатысы бар шектеулі ақпараты бар жеке дерекнама жүргізуге жол беріледі. Регламент және технологиялық нұсқаулар 10. Әрбір өндірістік операция немесе жөнелту операциясы нақты және жеткілікті толық жазбаша нұсқаулыққа сәйкес орындалуы керек және жазбалармен бірге жүруі керек. Егер операция қайталанбаса, онда ережелер мен технологиялық нұсқаулықтарды жасау қажет емес. Жазбалардың тіркеу куәлігін алғаннан кейін сериялық өндірісте қолданылатын құжаттардың соңғы мәтіндерін дайындау үшін ерекше маңызы бар. 11. Дәрілік препаратқа дерекнамадағы ақпаратты өндіру, өлшеп-оралған, сапаны бақылау үшін сынақтар, сақтау және тасымалдау шарттары жөніндегі егжей-тегжейлі жазбаша нұсқаулықтарды әзірлеу кезінде пайдалану керек. Қаптама бойынша нұсқаулар 12. Клиникалық зерттеулерге арналған дәрілік препараттар, әдетте, әрбір зерттеу субъектісі үшін жеке буып-түйілуі тиіс. Буып-түйілетін өнім бірлігінің саны өлшеп-оралған жөніндегі операциялар басталғанға дейін сапаны бақылауды жүргізуге қажетті бірліктер санын және сақтауға арналған мұрағаттық үлгілерді ескере отырып анықталуы тиіс. Өлшеп-оралған және таңбалау аяқталғаннан кейін өндірістің әр кезеңі үшін өнімнің әр түрін дұрыс есепке алуды қамтамасыз ету үшін материалдық балансты жасау қажет. Өнім сериясының қаптамасын өндіру, бақылау жөніндегі жазбалар (серияға дерекнама) 13. Өнім серияларын өндіру, бақылау және өлшеп-оралған жөніндегі жазбаларда (серияға арналған дерекнамада) операциялардың дәйектілігін дәл бақылау үшін жеткілікті толық ақпарат болуға тиіс. Бұл жазбаларда дәрілік препарат туралы бар білімді кеңейтетін және өндірістік операцияларды жетілдіруге мүмкіндік беретін пайдаланылған рәсімдерді немесе енгізілген өзгерістерді негіздейтін барлық елеулі ескертулер болуы тиіс. 14. Өнім серияларын өндіру, бақылау және өлшеп-оралған жөніндегі жазбалар (серияға арналған дерекнама) осы серия пайдаланылған соңғы клиникалық зерттеу аяқталғаннан немесе ресми тоқтатылғаннан кейін кемінде 5 жыл сақталуы тиіс. Өндіріс Қаптама материалдары 15. Сапаны бақылау өзіндік ерекшеліктері мен әдістемелерінде қаптама материалдарының әртүрлі серияларының сыртқы түрінің айырмашылығына байланысты кездейсоқ кодтаудың алдын алу жөніндегі арнайы шараларды көздеген жөн. Технологиялық операциялар 16. Дәрілік препаратты әзірлеу сатысында өндіріс процесінде бақылаудың критикалық параметрлері мен түрлерін анықтау керек. Өндіріс процесінде бақылаудың уақытша параметрлері мен түрлері алынған тәжірибеден, оның ішінде алдыңғы даму зерттеулерінен алынуы мүмкін. Негізгі персонал өндіріс процесінде алынған тәжірибені ескере отырып, оларды үнемі жетілдіруге қажетті нұсқаулықтарды әзірлеуге ерекше назар аударуы керек. Белгіленген және бақыланатын параметрлер осы уақытта бар ақпаратқа сәйкес негізделуі тиіс. 17. Сериялық өндіріс үшін көзделген көлемде зерттеулер үшін дәрілік препараттарды өндірудің технологиялық процестеріне валидация жүргізу міндетті емес, бірақ жабдық үй-жайлары білікті болуы тиіс. Стерильді дәрілік препараттар үшін стерильдеу процестерін валидациялау тіркелген дәрілік препараттарға арналған стандарттар бойынша жүргізілуі тиіс. Қажет болған жағдайда, биотехнологиялық дәрілік препараттардың қауіпсіздігіне кепілдік беру үшін вирустардың және (немесе) биологиялық текті басқа да қоспалардың осы салада қолданылатын тиісті нұсқаулықтарда жазылған ғылыми принциптер мен әдістерге сәйкес инактивациялануын (жойылуын) дәлелдеу керек. 18. Асептикалық процестердің валидациясы өнім серияларының шағын өлшемінде ерекше қиындық тудырады. Мұндай жағдайларда орталармен толтырылатын бастапқы қаптамалардың саны өнім сериясының ең үлкен мөлшеріне тең болуы мүмкін. Мүмкіндігінше (оның ішінде үдерісті имитациялау үшін) нәтижелердің барынша шынайылығын қамтамасыз ету үшін өнім бірліктерінің көп санын орталармен толтыру керек. Толтыру және тығыздау көбінесе стерильділік қаупін тудыратын қолмен немесе жартылай автоматты операциялар болып табылады. Осыған байланысты персоналды оқытуға және әрбір оператордың қатысуымен асептикалық өндіріс әдістеріне валидация жүргізуге баса назар аудару керек. Салыстыру препаратына қойылатын талаптар 19. Дәрілік препарат өзгергенде ол туралы ақпарат көлемі (мысалы, тұрақтылықты зерттеу нәтижелері, еріту кинетикасының салыстырмалы тесті, биожетімділігі бойынша) осы өзгерістердің осы дәрілік препарат сапасының бастапқы параметрлеріне елеулі әсер етпейтінін дәлелдеу үшін жеткілікті болуы тиіс. 20. Бастапқы қаптамада көрсетілген салыстыру препаратының жарамдылық мерзімі басқа қаптамаға қайта оралған препарат үшін бірдей бола алмайды, ол қорғаудың баламалы деңгейін қамтамасыз етпеуі мүмкін немесе препаратпен үйлеспеуі мүмкін. Сондықтан демеуші немесе оның атынан әрекет ететін тұлға препаратты қолдануға болатын қолайлы күнді анықтауы тиіс; бұл ретте препараттың табиғатын, контейнердің сипаттамасын және препарат сақталатын жағдайды назарға алу керек. Жаңа жарамдылық мерзімі негізделуі керек және бастапқы қаптамада көрсетілген жарамдылық мерзімінен аспауы керек. Жарамдылық мерзімі клиникалық зерттеу ұзақтығымен келісілуі тиіс. Кодтау бойынша операциялар ("соқыр" әдіс) 21. Егер дәрілік препараттарды кодтайтын болса, кодтауға қол жеткізуді және сақтауды қамтамасыз ететін, бірақ қажет болған жағдайда кодталған ("соқыр") өнімді, оның ішінде кодтау жөніндегі операцияға дейін дәрілік препарат сериясының нөмірін сәйкестендіруге мүмкіндік беретін жүйелер болуы тиіс. Шұғыл жағдайларда дәрілік препаратты жылдам сәйкестендіру мүмкіндігін көздеген жөн. Рандомизация коды 22. Нұсқаулықта клиникалық зерттеулер үшін оралған дәрілік препараттар үшін пайдаланылған кез келген рандомизация кодын жасау, қорғау, бөлу, өңдеу және сақтау жөніндегі барлық рәсімдер, сондай-ақ кодты ашу әдістері сипатталуы тиіс. Тиісті жазбаларды енгізу керек. Қаптама бойынша операциялар 23. Дәрілік препаратты клиникалық зерттеулер үшін буып-түйген кезде бір және сол қаптама желісінде әртүрлі өнімдердің бір мезгілде айналысы қажет болуы мүмкін. Тиісті рәсімдерді орындау және (немесе) арнайы жабдықты қолдану және персоналды тиісті оқыту жолымен дәрілік препараттарды араластыру қаупі барынша азайтылуы тиіс. 24. Клиникалық зерттеулерге арналған дәрілік препараттарды өлшеп-оралған және таңбалау жөніндегі операциялар тіркелген дәрілік препараттарды өндіруге қарағанда қателерге неғұрлым күрделі (оларды анықтау қиын) болуы мүмкін. Бұл әсіресе "соқыр" әдісті қолданған кезде ұқсас сыртқы түрі бар дәрі-дәрмектерге қатысты. Осыған байланысты таңбалаудағы қателіктердің алдын алу үшін арнайы шаралар қабылдау қажет, мысалы, затбелгі балансын, желіні тазарту және өндіріс процесінде арнайы оқытылған персоналды бақылау арқылы. 25. Қаптама аралық межелі пункттерде тасымалдау және сақтау кезінде клиникалық зерттеулер үшін дәрілік препараттың тиісті жағдайда сақталуына кепілдік беруі тиіс. Қайталама (тұтынушылық) қаптама оны бірден ашу немесе тасымалдау кезінде кез келген өзге араласу байқалатындай болуы тиіс. Таңбалануы 26. 1-кестеде осы қосымшаның 26-30-тармақтарындағы талаптар жинақталған. Таңбалау зерттеу субъектісін қорғауды, дәрілік препаратты қадағалау және сәйкестендіру және зерттеу мүмкіндігін қамтамасыз етуі және дәрілік препаратты клиникалық зерттеулер үшін дұрыс қолдануға ықпал етуі тиіс. Заттаңбаларда, егер оның болмауы негізделмесе (мысалы, рандомизацияланған кодтаудың орталықтандырылған электрондық жүйесі болған кезде) мынадай ақпарат болуы тиіс): а) демеушінің, келісімшарттық зерттеу ұйымының немесе зерттеушінің атауы (аты), мекен-жайы және телефон нөмірі (дәрілік препаратқа, клиникалық зерттеуге және шұғыл кодтауға қатысты ақпарат үшін негізгі байланыстағы тұлға); b) дәрілік түрі, енгізу тәсілі, дозаланған бірліктердің саны және ашық зерттеу жүргізілген жағдайда-дәрілік препараттың атауы (шифры) және оның дозасы (белсенділігі)); c) ішіндегісін сәйкестендіруге арналған серия нөмірі және (немесе) Код және қаптама бойынша операция; d) егер бұл басқа жерде көрсетілмесе, зерттеуді, медициналық мекемені, зерттеушіні және демеушіні сәйкестендіруге мүмкіндік беретін зерттеу нөмірі (коды); e) клиникалық зерттеу субъектісінің сәйкестендіру нөмірі (емдеу нөмірі) және қажет болған жағдайда сапар нөмірі; f) зерттеушінің тегі және аты-жөні (егер а) немесе d) тармақтарында көрсетілмесе); g) қолдану жөніндегі нұсқаулық (қосымша параққа сілтеме не клиникалық зерттеу субъектісіне немесе дәрілік препаратты енгізетін тұлғаға арналған басқа да түсіндірме құжат келтірілуі мүмкін); h) "тек клиникалық зерттеулер үшін" деген жазу немесе ұқсас тұжырым; i) сақтау шарттары; j) кез келген белгісіздікті болдырмайтындай етіп ай мен жылды көрсете отырып, пайдалану мерзімі (дәрілік препаратты пайдалану қажет болатын күн, жарамдылық мерзімі немесе қайта бақылау күні көрсетілуі мүмкін); k) дәрілік препарат тек стационар жағдайында ғана пайдалануға арналған жағдайларды қоспағанда, "Балалардың қолы жетпейтін жерде сақтау" деген жазу. 27. Егер зерттеу субъектісіне қолдану жөніндегі Нұсқаулық немесе осы деректер көрсетілген карточка ұсынылса, сондай-ақ оларды өзімен бірге тұрақты ұстап тұру нұсқаулығы берілсе, дәрілік препаратқа, клиникалық зерттеуге және шұғыл кодтауға қатысты ақпаратты беру үшін негізгі байланыста болған адамның мекен-жайы мен телефон нөмірі заттаңбада көрсетілмеген болуы мүмкін. 28. Деректер клиникалық зерттеулер үшін дәрілік препарат қолданылатын елдің ресми тілінде (тілдерінде) келтірілуі тиіс. Осы қосымшаның 26-тармағында келтірілген деректер бастапқы (ішкі), сондай-ақ қайталама (тұтынушылық) қаптамада (осы қосымшаның 29 және 30-тармақтарында сипатталған жағдайлардан басқа) болуы тиіс. Бастапқы (ішкі) және қайталама (тұтынушылық) қаптамалардағы заттаңбалардың мазмұнына қойылатын талаптар 1-кестеде келтірілген. Сондай-ақ, жапсырмаларда басқа тілдерде ақпарат берілуі мүмкін. 29. Егер дәрілік препарат зерттеу субъектісі немесе дәрілік препаратты енгізетін тұлға үшін дайындалған болса, қайталама (тұтынушылық) қаптамамен бірге бастапқы контейнерде бірге қалдыру керек және қайталама (тұтынушылық) қаптамада осы қосымшаның 26-тармағында келтірілген деректер болса, бастапқы контейнердің заттаңбасында (немесе бастапқы контейнері бар кез келген тығындалған мөлшерлегіш құрылғыда) мынадай ақпарат көрсетілуі тиіс: a) демеушінің, келісімшарттық зерттеу ұйымының немесе зерттеушінің атауы (аты); b) дәрілік түрі, енгізу тәсілі (ішке қолдануға арналған қатты дәрілік түрлер үшін көрсетпеуге болады), дозаланған бірліктердің саны және ашық зерттеу жүргізілген жағдайда дәрілік препараттың атауы (шифрі) және оның дозасы (белсенділігі); c) ішіндегісін сәйкестендіруге арналған серия нөмірі және (немесе) код және қаптама бойынша операция; d) егер бұл басқа жерде көрсетілмесе, зерттеуді, медициналық мекемені, зерттеушіні және демеушіні сәйкестендіруге мүмкіндік беретін зерттеу нөмірі (коды); e) клиникалық зерттеу субъектісінің сәйкестендіру нөмірі (емдеу нөмірі) және қажет болған жағдайда сапар нөмірі.
а) демеушінің атауы (аты), мекенжайы және телефон номері келісім шарттық зерттеу ұйымының немесе зерттеуші (ақпарат үшін негізгі байланыс ЖАЛПЫ ЖАҒДАЙ тұлғасы дәрілік препаратқа қатысты Бастапқы (ішкі) қаптама Клиникалық зерттеу және шұғыл декодтау); және қайталама (тұтынушылық) b) ашық зерттеу жүргізу кезіндегі дәрілік түрі, қаптама (26 тармақ) Енгізу тәсілі, бірлік өлшемі – Дәрілік препараттың атауы (шифр) және оның мөлшері (белсенділігі); c) серия номері және (немесе) құрамындағы идентификация коды және қаптамадағы опреация нұсқамасы; Ақпарат, d) зерттеу (код) номері, зерттеуді а1-k Сәйкестендіруге мүмкіндік беретін, медициналық ұйым, тармақта зерттеушінің және демеушінің, егер бұл басқа жерде көрсетілмесе; e) субъект сәйкестендіру нөмірі (емдеу номері) БАСТАПҚЫ (ІШКІ) клиникалық зерттеу және келу керек болған ҚАПТАМА жағдайдағы номер; Егер бастапқы (ішкі) f) зерттеушінің тегіжәне аты-жөні (егер қаптама және қайталама d) тармағында көрсетілмесе); (тұтынушылық) қаптамасымен бірге g) қолдану жөніндегі нұсқаулық (қосымша параққа сілтеме сақтайды (29 тармақ) 5 Берілуі мүмкін немесе басқа түсіндірме құжат, клиникалық зерттеу субъектісіне немесе жеке, Ақпарат, дәрілік препарат енгізуші; a2 b3cde Тармақта көрсетілген h) жазу "Тек клиникалық зерттеу үшін" немесе ұқсас тұжырым; i) сақтау шарты; БАСТАПҚЫ(ІШКІ) j) кез-келген жағдайдан шығу үшін ҚАПТАМА Қолдану мерзімін күні, айын көрсету Блистерлер немесе қаптамаса аз (дәрілік препаратты қолдану күні, Өлшемде болса (30тармақ) 5 Жарамдылық мерзімі немесе қайта бақылаудан өту күні); Ақпарат, k) "Балалардың қолы жетпейтін жерде сақтау керек" жазуы, a2 b3,4cde стационар жағдайында қолдануға Тармақта көрсетілген арналған дәрілік препараттарды қоспағанда. Ескертпелер. 1 Егер зерттеу субъектісіне дәрілік препаратты қолдану жөніндегі нұсқаулық немесе осы деректер көрсетілген карточка ұсынылса, сондай-ақ оларды барлық уақытта өзімен бірге ұстау нұсқаулығы берілсе, дәрілік препаратқа, клиникалық зерттеуге және шұғыл кодтауға қатысты ақпарат алу үшін негізгі байланыста болған адамның мекен-жайы мен телефон нөмірі заттаңбада болмауы мүмкін (осы қосымшаның 27-тармағын қараңыз). 2 Дәрілік препаратқа, клиникалық зерттеуге және шұғыл декодтауға қатысты ақпарат үшін негізгі байланыс тұлғасының мекен-жайы мен телефон нөмірін орналастырудың қажеті жоқ. 3 Ішке қолдануға арналған қатты дәрілік түрлер жағдайында енгізу жолын көрсетпеуге болады. 4 Дәрілік түрін және дозаланған бірліктердің санын көрсетпеуге болады. 5 Егер қайталама (тұтынушылық) қаптамада осы қосымшаның 26-тармағында келтірілген ақпарат болса. 30. Егер бастапқы қаптама блистер болып табылса немесе оның мөлшері аз болса, мысалы осы қосымшаның 26-тармағында келтірілген деректер орналастырылмайтын ампулалар, осы деректерді қамтитын затбелгісі бар қайталама қаптама көзделуі тиіс. Дегенмен, бастапқы (ішкі) қаптамада көрсетілуі керек: a) демеушінің, келісімшарттық зерттеу ұйымының немесе зерттеушінің атауы (аты) ; b) енгізу тәсілі (ішке қолдануға арналған қатты дәрілік түрлер үшін көрсетпеуге болады), ашық зерттеу жүргізген жағдайда дәрілік препараттың атауы (шифрі) және оның дозасы (белсенділігі); c) ішіндегісін сәйкестендіруге арналған серия нөмірі және (немесе) код және қаптама бойынша операция; d) егер бұл басқа жерде көрсетілмесе, зерттеуді, медициналық мекемені, зерттеушіні және демеушіні сәйкестендіруге мүмкіндік беретін зерттеу нөмірі (коды); e) клиникалық зерттеу субъектісінің сәйкестендіру нөмірі (емдеу нөмірі) және қажет болған жағдайда визит нөмірі. 31. Жоғарыда көрсетілген ақпаратты түсіндіру үшін символдар немесе пиктограммалар пайдаланылуы мүмкін. Қосымша ақпарат, сақтандырулар және (немесе) дәрілік препаратпен жұмыс істеу жөніндегі нұсқаулықтар ұсынылуы мүмкін. 32. Клиникалық зерттеулер жағдайында, өндірістің немесе қаптаманың жекелеген процестеріне қажеттілік болмаған жағдайда, зерттеу кезінде заңнамаға сәйкес тіркелген, өндірілген немесе импортталған дәрілік заттар пайдаланылады, зерттеуге тіркеу кезінде бекітілген қолдану көрсеткіштеріне сәйкес келетін аурулары бар пациенттер түпнұсқа заттаңбаны жаппайтындай етіп түпнұсқа контейнерде қатысады, қосымша мынадай деректер келтірілуі тиіс: демеушінің, келісімшарттық зерттеу ұйымының немесе зерттеушінің атауы (аты); медициналық мекемені, зерттеушіні және зерттеу субъектісін сәйкестендіруге мүмкіндік беретін зерттеу нөмірі (коды). 33. Егер клиникалық зерттеулер үшін дәрілік препаратты пайдалану қажет болатын күнді өзгерту қажет болса, қаптамаға қосымша заттаңба салу керек. Қосымша заттаңбада дәрілік препаратты пайдалану қажет жаңа күн көрсетілуі, сондай-ақ серия нөмірі қайта көрсетілуі тиіс. Қосымша жапсырманы ескі пайдалану күніне жабыстыруға болады, бірақ ол сапаны бақылау үшін қажет серияның бастапқы нөмірін жаппауы керек. Бұл операция дәрілік заттарды өндіруге лицензиясы бар кәсіпорында жүзеге асырылуы керек. Алайда, егер негізделген болса, клиникалық зерттеулер үшін дәрілік препаратты сақтауды жүзеге асыратын ұйымға аутсорсингке берілуі немесе зерттеу орталығының фармацевті немесе оның бақылауымен, сондай-ақ заңнама талаптарына сәйкес басқа медицина қызметкері жүргізуі тиіс. Егер бұл мүмкін болмаса, операцияны тиісті оқудан өткен клиникалық зерттеу мониторы (лері) жүзеге асыра алады. Мұндай операцияны арнайы және стандартты операциялық рәсімдерге сәйкес және егер қолданылатын болса, келісімшарт бойынша тиісті өндірістік практика стандартының қағидаттарына сәйкес жүзеге асыру керек; операцияны жүргізуді екінші тұлға бақылауы тиіс. Қосымша заттаңба жазуды клиникалық зерттеу құжаттарында да, серияға (серияға дерекнама) қатысты жазбаларда да тиісті түрде құжатпен ресімдеген жөн. Сапаны бақылау 34. Процестер стандартталмаған немесе толық валидацияланбаған болуы мүмкін болғандықтан, өнімнің әрбір сериясы оның сипаттамасына сәйкес келетініне кепілдік беру үшін сынақтардың мәні артады. 35. Сапаны бақылауды дәрілік препараттың дерекнамасына сәйкес және клиникалық зерттеу жүргізуге өтінім берген кезде уәкілетті органға демеуші ұсынған ақпаратқа сәйкес жүзеге асыру қажет. Кодтаудың тиімділігін тексеру және оның нәтижелері құжатталған болуы керек. 36. Клиникалық зерттеулерге арналған дәрілік препараттардың үлгілері екі мақсатта сақталады: біріншіден, аналитикалық сынақтарға арналған үлгінің болуын қамтамасыз ету үшін, екіншіден, дайын дәрілік препарат үлгісінің болуын қамтамасыз ету үшін. Осылайша үлгілерді екі санатқа бөлуге болады: Бақылау үлгісі (reference sample): бастапқы шикізаттың, қаптама материалдарының, дәрілік препараттың бастапқы қаптамадағы немесе осындай қажеттілік туындаған жағдайда талдау жүргізу үшін сақталатын дайын дәрілік препарат сериясының үлгілері. Егер үлгілердің тұрақтылығы мүмкіндік берсе, өндірушінің бақылау аймағынан тыс жеткізілетін үлгілерді сыни аралық сатылардан (мысалы, одан кейін талдамалық зерттеулер жүргізу және шығаруға рұқсат беру көзделетін) және аралық өнімдердің үлгілерін сақтау керек. Архивтік үлгі (retention sample) - дайын өнім сериясынан іріктелген соңғы қаптамадағы үлгі. Оны сақтайды мақсатында сәйкестігін растау. Мысалы, Серияның сақтау мерзімі ішінде үлгіні немесе қаптаманы, таңбалауды, қолдану нұсқаулығын тексеру, серия нөмірі мен жарамдылық мерзімі туралы ақпарат алу қажет болуы мүмкін. Көптеген жағдайларда дайын өнімнің бақылау және мұрағат үлгілері бірдей және соңғы қаптамадағы өнім бірлігі болып табылады. Мұндай жағдайларда бақылау және мұрағат үлгілері өзара алмастырылатын ретінде қаралуы мүмкін. Клиникалық зерттеулерге арналған дәрілік препараттың, оның ішінде кодталған дәрілік препараттың бақылау және мұрағаттық үлгілері осы серия пайдаланылған соңғы клиникалық зерттеу аяқталғаннан немесе ресми тоқтатылғаннан кейін кемінде екі жыл сақталуы тиіс (кезеңдердің қайсысы ұзағырақ болуына байланысты). Күтпеген жағдайларды немесе осындай зерттеулердің қарама-қайшы нәтижелерін тексеру кезінде қажет болатын дәрілік препараттың сәйкестігін растау мүмкіндігін қамтамасыз ету үшін клиникалық зерттеу жүргізу туралы есеп жасалғанға дейін мұрағаттық үлгілерді сақтауға назар аудару керек. 37. Бақылау және мұрағаттық үлгілерді сақтау орны демеуші мен өндіруші(лер) арасындағы Техникалық келісімде анықталуы тиіс, оларға уәкілетті органның уақтылы қол жеткізуін қамтамасыз ету қажет. Дайын дәрілік препараттың бақылау үлгілері, егер мемлекет пен үшінші экспорттаушы ел арасында дәрілік препаратты өндіруші клиникалық зерттеулерге арналған тиісті өндіріс стандартының, кем дегенде тиісті өндірістік практика стандартына баламалы талаптарын ұстанатынына кепілдік беретін келісімдер болса, мемлекетте немесе үшінші елде сақталуы тиіс. Ерекше жағдайларда дайын дәрілік препараттың бақылау үлгілері үшінші елде өндірушіде сақталуы мүмкін, мұндай жағдайда бұл үшінші елде дәрілік препараттың демеушісі, импорттаушысы және өндірушісі арасындағы Техникалық келісім түрінде негізделуі және құжатпен ресімделуі тиіс. Бақылау үлгілерінің саны клиникалық зерттеулер жүргізуге рұқсат алу үшін уәкілетті органға берілген дәрілік препарат дерекнамасының талаптарына сәйкес өнім сериясына кемінде екі рет талдамалық бақылау жүргізу үшін жеткілікті болуы тиіс. Мұрағаттық үлгілер үшін, егер мұндай жазбалар жеткілікті ақпаратты қамтамасыз етсе, дәрілік препараттардың түпкілікті оралған бірліктеріне қатысты ақпаратты жазбаша немесе электрондық жазбалар түрінде сақтауға жол беріледі. Соңғы жағдайда сақтау жүйесі Тиісті өндірістік практика стандартының № 11 қосымшасының талаптарына сәйкес келуі керек. Серияны шығаруға рұқсат беру 38. Уәкілетті тұлға осы қосымшаның белгіленген талаптары мен талаптарының орындалуын куәландырғанға дейін (осы қосымшаның 39-тармағы) зерттеулер үшін дәрілік препараттарды шығаруға рұқсат беруге жол берілмейді (осы қосымшаның 43-тармағы). Уәкілетті тұлға осы қосымшаның 40-тармағында келтірілген факторларды ескеруі тиіс. 39. Уәкілетті тұлғаның клиникалық зерттеулерге арналған дәрілік препараттарға қатысты өз міндеттерін орындауына төменде аталған әртүрлі факторлар әсер етеді: а) дәрілік препарат өндірілген, бірақ мемлекетте тіркелмеген. Клиникалық зерттеулер жүргізуге өтініш берген кезде клиникалық зерттеулерге арналған дәрілік препарат тиісті өндірістік практика стандартының, дәрілік препараттың дерекнамасының талаптарына сәйкес жүргізілгенін және тексерілгенін, сондай-ақ демеушінің уәкілетті органға берген тиісті ақпараты бар екенін куәландыру қажет. b) дәрілік препарат тіркелген, дәрілік препарат қай жерде өндірілетініне қарамастан Мемлекетте орналасқан дистрибьюторлар жеткізіледі. Жоғарыда көрсетілген міндеттер сол күйінде қалады, бірақ ұсынылған деректердің көлемі дәрілік препараттың осы зерттеу үшін кодтау, арнайы қаптаманы немесе таңбалауды жүзеге асыру мақсатында клиникалық зерттеулер жүргізуге және кез келген кейінгі өңдеуге арналған өтінішке сәйкес келетіндігін растаумен шектелуі мүмкін. Дәрілік препаратқа дерекнама көлемі бойынша да шектеулі болуы мүмкін (қараңыз. осы қосымшаның 9-тармағы). c) дәрілік препарат тікелей үшінші елден импортталды: оның тиісті өндіріс стандартына, кем дегенде тиісті өндірістік практика стандартына, дәрілік препарат досьесіне баламалы тиісті өндіріс стандартына сәйкес өндірілгенін және тексерілгенін, сондай-ақ клиникалық зерттеу жүргізуге өтініш берген кезде уәкілетті органға демеуші ұсынған тиісті ақпараттың бар екенін куәландыру қажет. Егер клиникалық зерттеулерге арналған дәрілік препараттар үшінші елден әкелінсе және мемлекет арасында қабылданған, мысалы, өзара тану туралы келісім сияқты келісімнің объектісі болып табылса, кез келген осындай келісім тиісті өндірістік практика стандартына баламалы осы дәрілік препаратқа қатысты талаптарды қолдануды көздейді. Өзара тану туралы келісім болмаған кезде уәкілетті тұлға өндірушінің сапа жүйесі туралы ақпарат негізінде тиісті өндірістік практика стандарттарына баламалы талаптар қолданылатынын белгілеуі тиіс. Бұл ақпарат, әдетте, өндірушілердің сапа жүйелерінің аудитіне қатысу арқылы алынады. Бірінші және екінші жағдайда да уәкілетті тұлға сәйкестікті бағалауды басқа елден өндіруші ұсынған құжаттама негізінде орындай алады (осы қосымшаның 40-тармағын қараңыз). d) салыстыру препараттарын әкелу кезінде, өнімнің әрбір сериясы тиісті өндірістік практика стандартына баламалы талаптарға сәйкес өндірілгеніне кепілдік алу мүмкін болмаған кезде, уәкілетті тұлға әрбір жүргізілген серия оның сапасын растау үшін қажетті бақылау мен сынақтардың барлық қажетті түрлерінен өткенін, сондай-ақ клиникалық зерттеулер жүргізуге өтініш берген кезде уәкілетті органға демеуші берген тиісті ақпараттың бар екенін куәландыруы тиіс. 40. Өнімнің әрбір сериясын бағалау кезінде шығаруға рұқсат берер алдында мыналарды қарастырған жөн: серияға (серияға дерекнама) жататын жазбалар, оның ішінде сапаны бақылау жөніндегі жазбалар, өндіріс процесіндегі бақылау жөніндегі жазбалар және дәрілік препаратқа дерекнаманың Тапсырыс, зерттеу хаттамасы және рандомизация кодына сәйкестігі туралы куәландыратын шығаруға рұқсат жазбалары. Бұл жазбаларға барлық ауытқулар немесе жоспарлы түрде енгізілген өзгерістер, сондай-ақ кез келген қосымша тексерулер немесе сынақтар енгізілуі тиіс. Жазбалар толық және сапа жүйесіне сәйкес осыған уәкілеттік берілген қызметкерлермен келісілуі керек; өндірістің шарты; жабдықтың, процестердің және әдістемелердің валидациясы туралы деректер; соңғы қаптаманы тексеру; импорттаудан кейін жүргізілген кез келген талдаулардың немесе сынақтардың нәтижелері, егер қажет болса; тұрақтылық туралы есептер; жеткізуші және сақтау және тасымалдау шарттарын тексеру туралы деректер; өндірушінің сапа жүйесінің аудит есептері; экспорттаушы елдің уәкілетті органдары берген, өндірушінің экспортқа клиникалық зерттеулер үшін дәрілік препараттарды (салыстыру препараттарын қоса алғанда) өндіруге құқығын растайтын құжаттар; қажет болған жағдайда тіркеу құжаттамасына қатысты нормативтік талаптар, тиісті өндіріс стандартының қолданылатын талаптары және тиісті өндіріс стандарты талаптарының орындалуын кез келген ресми растау; уәкілетті тұлға серия сапасы үшін маңызды деп санайтын барлық басқа факторлар. Жоғарыда келтірілген факторлардың маңыздылығы дәрілік препарат өндірілетін елге, өндіруші кәсіпорынға, дәрілік препаратты тіркеу мәртебесіне, сондай-ақ әзірлеу кезеңіне байланысты. Демеуші серияны бағалауды орындайтын уәкілетті тұлға назарға алған барлық факторлар клиникалық зерттеулер жүргізуге өтініш берген кезде уәкілетті органға берілген ақпаратқа сәйкес келетініне кепілдік беруі тиіс (осы қосымшаның 44-тармағы). 41. Егер клиникалық зерттеулерге арналған дәрілік препараттар әртүрлі уәкілетті тұлғалар жауапты болатын әртүрлі учаскелерде өндірілсе және буып-түйілсе, Тиісті өндірістік практика стандартының № 16 қосымшасының талаптарын орындау қажет. 42. Егер заңнамаға сәйкес өлшеп-оралғанді немесе таңбалауды клиникалық зерттеу жүргізуге қатысатын фармацевт немесе оның бақылауымен не басқа медицина қызметкері жүзеге асыратын болса, онда бұл қызметті бақылау уәкілетті адамның міндетіне кірмейді. Алайда, демеуші жұмыстың тиісті түрде құжатталған және тиісті өндірістік практика стандартының талаптарына сәйкес орындалғанына кепілдік береді. Бұл мәселе бойынша ол уәкілетті тұлғадан ақпарат алуы керек. Тасымалдау 43. Клиникалық зерттеулерге арналған дәрілік препараттар шығаруға рұқсат берудің екі кезеңдік рәсімі аяқталғанға дейін демеушінің бақылауында болуы тиіс: уәкілетті тұлғаның сәйкестігін бағалау және демеушінің заңнама талаптары сақталғаннан кейін клиникалық зерттеулерде пайдалану үшін шығаруға рұқсат беруі. Екі кезең де құжатталуы керек, ал жазбалар тікелей демеушіде немесе оның атынан әрекет ететін адамда сақталуы керек. Клиникалық зерттеулерге арналған дәрілік препараттардың қозғалысын жеңілдетуге арналған сериялар сертификатының Үйлестірілген форматы осы Қосымшаға 1-толықтыруда келтірілген. Демеуші клиникалық зерттеу жүргізуге арналған өтінішке қоса берілген барлық егжей-тегжейлі ақпаратты уәкілетті тұлға қарайтынына және уәкілетті органдар бекіткен ақпаратқа жауап беретініне кепілдік беруі тиіс. Осы талапты орындау туралы тиісті келісім жасалуы керек. Практикалық тұрғыдан алғанда, осы талаптарды орындаудың ең жақсы тәсілі дәрілік препарат дерекнамасындағы өзгерістерді бақылау болып табылады, ол уәкілетті тұлға мен демеуші арасындағы Техникалық келісімге енгізілуі тиіс. 44. Клиникалық зерттеулер үшін дәрілік препараттарды тасымалдауды демеушінің немесе оның атынан әрекет ететін тұлғаның иелігіне берілген нұсқаулықтарға сәйкес жүзеге асыру керек. 45. Клиникалық зерттеулер үшін дәрілік препараттарды зерттеулер жүргізілетін жерге жеткізгенге дейін оған уәкілетті персонал дәрілік препараттарды декодтау жөніндегі ережені белгілеуі тиіс. 46. Өндіруші немесе импорттаушы жасаған жөнелтілген өнімнің толық тізімін сақтау керек. Алушының атауы мен мекен-жайын көрсетудің дәлдігіне ерекше назар аудару керек. 47. Зерттеу үшін дәрілік препараттарды зерттеу жүргізілетін бір жерден екінші жерге беруді тек ерекше жағдайларда ғана жүргізу керек. Мұндай беру тәртібі стандартты операциялық рәсіммен белгіленуі тиіс. Дәрілік препарат туралы ол өндірушінің бақылауынан тыс болған кезеңдегі мәліметтердің жиынтығын, мысалы, клиникалық зерттеулердің мониторингі туралы есептердің немесе зерттеулер жүргізудің алдыңғы орнында сақтау шарттарын тіркеудің көмегімен тексеру керек. Мұндай тексеру өнімді беру мүмкіндігін бағалау кезінде ескерілуі керек. Тексеруге қатысуға уәкілетті адамды тарту қажет. Қажет болған жағдайда дәрілік препаратты өндірушіге немесе сол құқығы бар басқа өндірушіге қайта таңбалау және оны уәкілетті тұлға бағалау үшін қайтару керек. Жазбаларды сақтап, осындай берілістердің толық қадағалануын қамтамасыз ету керек. Шағымдар 48. Дәрілік препараттың сапасы бойынша шағымның түсуіне байланысты жүргізілген кез келген тексеру нәтижелері бойынша қорытындылар өндіруші немесе импорттаушы және демеуші (егер ол бір тұлға болмаса) арасында талқылануы тиіс. Бұған уәкілетті тұлға және клиникалық зерттеуге, дәрілік препаратты әзірлеуге және зерттеу субъектілеріне шағымдардың ықтимал әсерін бағалау үшін тиісті клиникалық зерттеу жүргізуге жауапты тұлғалар қатысуы тиіс. Кері қайтарып алу және қайтару Кері қайтарып алу 49. Клиникалық зерттеулер үшін дәрілік препараттарды кері қайтарып алу және оны құжаттық ресімдеу тәртібі демеуші мен өндіруші немесе импорттаушы арасында келісілуі тиіс (егер ол бір тұлға болмаса). Зерттеуші Мен клиникалық зерттеу мониторы шолуды орындау кезіндегі өз міндеттерін түсінуі тиіс. 50. Демеуші кез келген салыстыру препаратын немесе клиникалық зерттеуде пайдаланылатын басқа да дәрілік препараттарды жеткізушінің демеушіні жеткізілген кез келген дәрілік препаратты кері қайтарып алу қажеттігі туралы хабардар етуге арналған жүйесі бар екеніне кепілдік беруі тиіс. Қайтару 51. Клиникалық зерттеулерге арналған дәрілік препараттарды демеуші белгілеген және бекітілген жазбаша рәсімдерде жазылған шарттарды сақтай отырып қайтару керек. 52. Клиникалық зерттеулер үшін қайтарылған дәрілік препараттар нақты белгіленуі тиіс. Оларды арнайы тағайындалған бақыланатын аймақта сақтау керек. Қайтарылған дәрілік препараттарды есепке алу бойынша жазбаларды сақтау керек. Жою 53. Демеуші клиникалық зерттеулер үшін пайдаланылмаған және (немесе) қайтарылған дәрілік препараттарды жоюға жауапты болады. Демеушіден жазбаша рұқсат алмай клиникалық зерттеулерге арналған дәрілік препараттарды жоюға жол берілмейді. 54. Әрбір зерттеу жүргізу орны және зерттеудің әрбір кезеңі үшін демеуші немесе оның атынан әрекет ететін тұлға жеткізілген, пайдаланылған және қайтарылған дәрілік препараттың мөлшерін белгілеп, баланс жасап, тексеруі тиіс. Зерттеулер жүргізудің осы орны немесе зерттеулердің осы кезеңі үшін клиникалық зерттеулер үшін пайдаланылмаған дәрілік препараттарды жоюды тексеру жүргізілгеннен және кез келген сәйкессіздіктер қанағаттанарлық түсіндірілгеннен, сондай-ақ материалдық теңгерім жасалғаннан кейін ғана жүзеге асыру керек. Дәрілік препаратты жою жөніндегі операцияларды құжаттық ресімдеуді барлық операциялар туралы есепті ұсынуға болатындай етіп жүргізу қажет. Жою туралы жазбалар демеушіде сақталуы керек. 55. Клиникалық зерттеулер үшін дәрілік препараттар жойылған жағдайда демеушіге күні көрсетілген акт немесе жойылғаны туралы басқа құжат ұсынылуы тиіс. Бұл құжаттарда пациенттердің серияларының нөмірлерін және (немесе) нөмірлерін (немесе оларды қадағалау мүмкіндігін қамтамасыз ету) және жойылған дәрілік препараттардың санын нақты көрсету керек.
№1 ТОЛЫҚТЫРУ ҮЛГІЛІК НЫСАН Серия сертификатының мазмұны [ӨНДІРУШІ БЛАНКІ] Серия сертификатының мазмұны 1. Не қолданылатынына байланысты клиникалық зерттеу жүргізуге арналған өтінімге сәйкес дәрілік препараттың (дәрілік препараттың) (сәйкестендіргішінің(лерінің) атауы (атаулары). 2. Eudract нөмірі(А) (клиникалық зерттеулердің жалпыеуропалық дерекқоры) және демеуші хаттамасының коды (бар болса). 3. Дозасы: клиникалық зерттеулер үшін (плацебоны қоса) әрбір дәрілік препарат үшін барлық белсенді фармацевтикалық субстанциялардың атаулары мен доза бірлігіндегі саны. Мұндай ақпаратты ұсыну тәсілі "соқыр" зерттеуді кодтауға ықпал етпеуі керек. 4. Дәрілік формасы. 5. Қаптама өлшемі (контейнердің) және тип (мысалы, флакондар, бөтелкелер, блистерлер). 6. Партия нөмірі (серия). 7. Жарамдылық мерзімінің аяқталу күні (қолдану мерзімі, қайта бақылау). 8. Өндірушінің (өндірістік алаңның) атауы, оның сертификатты беретін уәкілетті тұлға орналасқан мекенжайы. 9. 8-тармақта көрсетілген, өндірістік алаң үшін өндіруге арналған арнайы рұқсаттың (лицензияның) нөмірі. 10. Түсініктемелер (ескертпелер). 11. Уәкілетті тұлғаның пікірі бойынша елеулі болып табылатын қосымша ақпарат. 12. Сертификаттау туралы өтініш. 13. Мынадай жазба жасалады: "Осы өтінішпен бұл серияның талаптарға сәйкес келетіндігін растаймын (дәрілік препараттарды жеткізіп салудың төменде аталған ықтимал нұсқаларына негізделе отыра, растаудың тиісті түрі көрсетіледі): а) дәрілік препарат мемлекет аумағында өндірілген, бірақ мемлекетте тіркелмеген. Клиникалық зерттеулер жүргізуге өтінім бергенде клиникалық зерттеулерге арналған дәрілік препараттың осы Тиісті өндірістік практика стандарттарына сәйкес өндіріліп және дәрілік препаратқа дерекнама, сондай-ақ уәкілетті органға демеуші берген тиісті ақпараттар тексерілгендігін куәландыру керек.; b) дәрілік препарат мемлекетте тіркелген, дәрілік препарат қай жерде өндірілетіндігіне қарамастан, мемлекетте орналасқан дистрибьютор жеткізіп салады. Жоғарыда көрсетілген міндеттер сол күйінде қалады, бірақ дәрілік препараттың клиникалық зерттеулер және осы зерттеу үшін арнайы қаптама жасауға немесе таңбалауға, кодтау мақсатында кез келген келесі өңдеу жүргізудің өтінімге сәйкестігін растайтын берілген деректер көлемі шектеулі болуы мүмкін. Дәрілік препаратқа дерекнама сондай-ақ көлемі бойынша шектеулі болуы мүмкін (Стандарттың № 13-қосымшасының 9-тармағын қараңыз); с) дәрілік препарат тікелей үшінші мемлекеттен импортталған, оның осы Стандарттағы баламалы немесе баяндалғандардан төмен емес талаптарға сәйкес өндірілгендігін, сондай-ақ, клиникалық зерттеулер жүргізуге өтінім бергенде уәкілетті органға демеуші берген тиісті ақпараттың бар-жоғының тексерілгендігін куәландыру керек. Егер де клиникалық зерттеулерге арналған дәрілік препараттар үшінші елден әкелінсе және мемлекет пен осы ел арасында қабылданған келісім нысаны болып табылса (мысалы, өзара мойындау туралы келісім), кез келген ұқсас келісім осы дәрілік препаратқа қатысты Стандартқа баламалы талаптардың қолданылуын көздейді. Өзара мойындау туралы келісім болмаған жағдайда уәкілетті тұлға өндіруші сапасының жүйесі туралы ақпараттың негізінде осы Стандартқа баламалы талаптардың қолданылатындығын анықтауы тиіс. Бұл ақпарат әдеттегідей, өндіруші сапасы жүйесінің аудитіне қатысу арқылы алынады. Бірінші және екінші жағдайда да, уәкілетті тұлға басқа елдің өндірушісі ұсынған құжаттаманың негізінде сәйкестіктің бағалануын орындай алады". 14. Сертификатқа қол қойған уәкілетті тұлғаның тегі. 15. Қолы. 16. Қол қойған күні. Түсініктеме Клиникалық зерттеулерге арналған дәрілік препараттар Стандартқа № 13 қосымшасының 43-тармағында сипатталған екі кезеңді рәсімдер аяқталмас бұрын клиникалық зерттеуде қолданыла алмайды. Бірінші кезеңде осы құжаттың 13-тармағына сәйкес өндірушінің немесе импорттаушының уәкілетті тұлғасы әрбір серияның сертификаттауын аяқтап, құжатпен ресімдеуі тиіс. Уәкілетті тұлға қол қойған серия сертификатымен сүйемелденген клиникалық зерттеулерге арналған дәрілік препараттың сериясын оны қозғалтқан кезде осы құжаттың 13-тармағында көрсетілген ережелерге қатысты бұдан әрі тексерулерге ұшыратпаған жөн. Клиникалық зерттеулерге арналған дәрілік препараттардың еркін қозғалысын жеңілдету үшін осындай сертификаттардың мазмұны жоғарыда келтірілген үйлесуші үлгіге сәйкес болуы қажет. Бұл үлгі сондай-ақ өндіруші немесе импорттаушы орналасқан, пайдалануға арналған серияларды сертификаттау үшін қолданылуы мүмкін.
жүктеу/скачать 0.97 Mb. Достарыңызбен бөлісу:
|