жалғаулары, табыс септігі, көптік жалғаулары

     4. Белгілілік/белгісіздік функционалды-семантикалық категориясының берілу жолдарын анықтауда лингвистикалық контекстер негізге алынды. Мұндай контекстердегі белгілілік/белгісіздік мәні сөйлесушілердің затпен бұрын-соңды таныс не таныс еместігі сөз етілді. Ең алдымен, белгілілік/белгісіздік функционалды-семантикалық категориясының тілдің түрлі деңгейлерінде грамматикалық бірліктердің көмегімен берілу мүмкіндігі анықталды. Сонан соң ғана грамматикалық формалардың қызметі, нақты семантикалық формаға қатысты жағдаят түрлері айқындалды. Сонымен қатар айтылымда мазмұндық құрылымын құрайтын белгілілік/белгісіздік жағдаяттары жіктелді. Белгілілік/белгісіздік жағдаяттары көрініс табатын айтылымдарда нақтылау, тұтастық, жинақтау, жалпылау мәндері жүзеге асады. Бұл қызметтер белгілілік/белгісіздік факторларына, яғни сөйлесушілердің затпен таныстығы, таңдау мүмкіндігіне т.б. байланысты.