Мектеп оқушыларының пәндік олимпиадаларға қатысу көрсеткіші

Жалпы мектепте беріліп жатқан курстардың мазмұнды берілуі, оқушылардан ғылыми негізде алынатын олимпиадалардан, ғылыми жобалардан, жоғары нәтижелерге жетуі болып табылады. Жыл басынан бері оқушылар түрлі интеллектуалдық марафондарға зор қызығушылықпен қатысып жүлделі орындарға ие болды.

Мектепте бағдарлы сынып оқушылары барлық пәндер бойынша оқулықпен 100 пайыз қамтылған. Бағдарлы сыныптарға сабақ беретін мұғалімдердің І санаттылар – 8, ІІ санаттылары – 3.

Қазақстан Республикасы үздіксіз білім беру жүйесіндегі тәрбие тұжырымдамасында нақтыланған 12 бағыты болашақ ұрпақты бәсекеге қабілетті ел ұланы етіп өсіру мақсатындағы сұранысты қанағаттандыратын мемлекеттік құжат. Бағдарламадағы тәрбие түрлері бір – бірімен тығыз байланысты әрі кешенді сипатта жүзеге асырылады.

Мектебімізде жасөспірімдер арасында құқық бұзушылықты болдырмау және алдын алу мақсатында мектеп мұғалімдерінен полиция қызметкерлеріне көмек ретінде арнайы жасақ тобы құрылып, жыл көлемінде ата – аналар құқық бұзушылық және қылмысқа қарсы күрес айлықтары болып өтті. Аудандық ІІБ-нің КТІЖБ-де тәртіп бұзушылық пен қылмысы үшін есепте тұрған оқушы жоқ.

Әрбір жеке тұлғаның өз денсаулығына жауапкершілікпен қарап, зиянды затарды қолданудан бас тартуына және салауатты өмір салтын ұсынуына ықпал ету мақсатында, оқушылардың ой - өрісін, дүниетанымын кеңейту, өмір жайлы түсініктерін қалыптастыруға, дарынды, жігерлі, батыл оқушылардың өзін - өзі көрсетуіне, ерік – жігерін шыңдауға бағытталған түрлі шаралар өткізуде сынып жетекшілердің өзіндік үлесі бар.

Тәрбие үрдісін басқару, сынып жетекші болу – күрделі іс. Сынып ұжымын ұйымдастыру және дамыту, оқушы тұлғасын қалыптастыру – сынып жетекшінің тікелей міндеті.

Сынып жетекшілер бірлестігінің – 11 мүшесі бар. Сынып жетекшілердің 2-еуі арнаулы орта, 9 жоғары білімді мамандар.

Мектептегі тәрбие жұмысының өткен оқу жылындағы негізгі мақсаттарының бірі – оқу – тәрбие әрекетінде өз Отанын сүйіп, құрметтейтін, өзара қарым – қатынас жасай білетін, өзін -өзі жетілдіру арқылы өмірлік мақсаттарына жете алатын, адамгершілік құндылықтары мен қажеттіліктерін қоғам талаптарымен үйлестіре алатын құзырлы тұлға қалыптастыру болды.

• 
  Қазақстан Республикасы үздіксіз білім беру жүйесіндегі тәрбие тұжырымдамасы.
  
• 
  Білім беру сапасын арттыру мақсатында пән сабақтарында интерактивті оқыту технологияларын кеңінен пайдалану;
  
• 
  ҰБТ орталығын құру, білім сапасының орта балын көтеру бағытындағы жүйелеу, үздіксіздендіру, нәтижеге бағыттау;
  
• 
  «Ұлағат» мұғалімдердің шығармашылық тобының жұмысын жандандырып, озат тәжірибелерді ақпараттандыру, насихаттау;
  
• 
  Тәрбие, білім берудің жаңа бағдарламаларын, оқу жоспарларын, мемлекеттік білім беру стандартын, мемлекеттік білім беру стандартын, нормативтік құжаттар, әдістемелік нұсқауларды талдау, игеру, жұмыстарын ұйымдастыру;
  
• 
  «Дарын» оқушылардың шығармашылық тобының жұмысын жетілдіру;
  
• 
  Мұғалімдерге педагогикалық білімін өз бетінше көтеру жолдарын үйрету, өзара кәсіби бәсекелестік орнату;
  
• 
  Оқыту мен тәрбиені ұйымдастырудың жаңа формаларын, әдістерін педагогикалық технологиялармен байыту;
  
• 
  Мұғалімдердің оқушылар білімдерін бағалауда объективтік принципін ұстауға бағыттау;
  
• 
  Жеке оқушымен жұмысты жетілдіру жолдарын қарастыру;
  
• 
  Оқушыларға кәсіптік бағдар беру жұмыстарының деңгейін көтеру;
  
• 
  Математика, физика пәндерін оқушылардың үлгірім көрсеткіштерін көтеру, математика, физика және орыс тілі пәндері бойынша оқушылардың білім сапасын арттыру;
  
• 
  Сынып журналдарының дұрыс жүргізілуіне семинар, оқулар ұйымдастыруды қолға алу
  
• 
  Мұғалімдерді зерттеушілік, шығармашылық жұмыстарға баулу, ынталандыру.
  
• 
  Оқушыларды бейінді оқыту жағдайында бағдары кәсіби ағартушылық, кәсіби насихат және кеңес беру мақсатындағы мазмұнды іс – шараларды жүргізу;
  
• 
  Оқушыларды даралап және саралап оқытуда жаңа технологиялармен жүргізетін жұмыстарды жандандыру;
  
• 
  Элективті курстарды оқушы сұранысына сай мазмұнды жүргізу;
  
• 
  Бейінді оқыту жұмыстарын ұйымдастыруда сынып жетекшілерімен жүргізілетін жұмыстарды күшейту;
  
• 
  ҰТБ-ға жан – жақты дайындық жүргізу;
  
• 
  Оқушылардың білім сапасын арттыру, олардың дарындылығын айқындап, біліміне, ойлау қабілетіне ықпал ететін интеллектуалдық шараларды өз дәрежесінде ұйымдастыру;
  
• 
  Сынып жетекшілерінің жеке оқушылармен, тәрбие деңгейі төмен оқушылармен жүргізілетін жұмыстарын ерекше бақылауға алу;
  
• 
  Қолайсыз отбасыларды жете анықтап, ауыл әкімшілігімен, ата – аналар комитетімен бірлесе жұмыс жүргізу;
  
• 
  Оқушылардың бос уақытын тиімді ұйымдастыру мақсатында сыныптан тыс үйірмелер, спорттық секциялар жұмысын жандандыру;
  
• 
  Ата – аналар, ауыл жұртшылығымен ынтымақтастықты нығайту;
  
• 
  Балалар мен жастар арасында салауатты өмір салтын қалыптастыруға бағытталған іс шараларды көбейту, сапасын арттыру;
  
• 
  Сынып жетекшілерінің кәсіби біліктілігін арттырудағы жұмысты жетілдіру.