2012 жылы 29 тамыз күні педагогикалық кеңесте талқыланды ЖҰмыс жоспарының тараулары бойынша қаралатын негізгі мәселелер

№ 142 ОРТА МЕКТЕПТІҢ 2012-2013 ОҚУ ЖЫЛЫНА АРНАЛҒАН

І. Кіріспе

ІІ. Қазақстан Республикасы «Білім туралы» Заңын іске асыру.

- Мөлтек аудандағы мектеп жасындағы балалардың есебін жүргізу.

- Оқушылар қозғалысының есебін жүргізу.

- Мектеп бітірушілердің қозғалысын бақылау.

- Тамыз есебін жасау.

- Оқушылардың, мұғалімдердің дәрігерлік байқаудан өтуі.

- Оқушыларды оқулықпен қамтамасыз ету.

- Әлеуметтік көмекті қажет ететін отбасы балаларының есебін алу,демеушілік ұйымдастыру.

- Оқушылардың, мұғалімдердің жеке іс -қағаздарының талапқа сай жүргізілуін бақылау.
ІІІ. Оқу-тәрбие үрдісін ұйымдастыру

- Пәндік олимпиадаларға жүйелі дайындық жұмыстарын ұйымдастыру.

- Факультативтік сабақтар,курстардың жүргізілуі.

- Дарынды оқушылармен жүргізілетін жұмыстарды жандандыру.

- Оқушылардың ғылыми қоғамы

- Бағдарлы сыныптарда бағдаралды дайындық шараларын жасау.

- Оқушылардың интеллектуалдық конкурстарға қатысуын ұйымдастыру.

- Пән бірлестіктерінің жұмыстарының нәтижеге бағытталуы.

- Облыстық, республикалық білім ұйымдарымен, қорлармен т.б. байланыс жасау.
IV. Тәрбие жұмыстарын ұйымдастыру

- Азаматтық – патриоттық, құқықтық, және полимәдениеттік , рухани – адамгершілік, отбасы, өзін - өзі дамыту, әлеуметтік, коммуникативті мәдениет, , экологиялық , эстетикалық, дене тәрбиесі және салауатты қалыптастыру, еңбек және экономикалық, кәсіби – шығармашылық, интеллектуалды мәдениетті даму тәрбиесі.

- Ата-аналармен жүргізілетін жұмыс.

- Қыз балалармен жүргізілетін жұмыс.

- Ер балалармен жүргізілетін жұмыс.

- «Жас ұлан» бірлестігінің жұмысы.

- «Ұландар» ұйымының жұмысы.

- Клубтар мен қоғамдық ұйымдардың жұмыстары.

- Мектепшілік тәрбиелік шаралар.

- Сынып жетекшілерімен жүргізілетін жұмыс.

- педагогикалық кеңес

- директор жанындағы кеңес

- әдістемелік кеңес

- жас мамандармен жұмыс

- шығармашылық топтың жұмысы

- педагог кадрлардың білімін жетілдіру

- педагог кадрларды аттестациялау

- педагогикалық оқулар ұйымдастыру

- мұғалімдердің сапалық құрамын анықтау

- түрлі деңгейдегі байқаулар, сайыстарға, т.б. қатысу.
VI. Мектепішілік бақылау

-оқу жоспарлары мен бағдарламалардың орындалуы

-құжаттардың жүргізілуі

-оқу пәндерінің берілуі

-оқушылардың білім сапасы

-мұғалімдердің кәсіптік деңгейі

-сыныптан тыс жұмыстардың жүргізілуі

-мектеп кітапханасының жұмысы

-оқулықтардың сақталуы

-санитарлық-гигиеналық талаптың сақталуы.жағдай

- мектепті жаңа оқу жылына дайындау

- материалдық – техникалық базаны толықтыру

- қысқа дайындық жұмыстары

- мектеп мүліктеріне есеп жүргізу және сақталуын қамтамасыз ету

- мектеп ауласын көгалдандыру, көркейту жұмыстары

- ағымдағы және күрделі жөндеу құжаттарын дайындау

- оқу кабинеттері мен бөлмелердің оқу материалдық базасын жетілдіру

- зертханалық, сарамандық жұмыстарды ұйымдастыру үшін қажетті жағдайлар жасау
VІІІ.Бағдарлы оқыту бойынша атқарылатын жұмыстар.
ІХ.12 жылдық білім беруге көшу жағдайында жүргізілетін жұмыстар,ата – аналармен жүргізілетін жұмыс.
Х.Мектептегі білім сапасын басқару мен бақылау.


Кіріспе бөлім
2011 - 2012 оқу жылының қорытындысы
Еліміздің Президенті Н. Ә. Назарбаевтың айтқанындай «Білім мен ғылымды өз дәрежесінде меңгерген елдер ғана әлемдік дамудың алдында болады. Біз халыққа білім беру және ғылымды дамыту, оларды реформалау ісін қорытынды жолға қоюмыз керек».

Қазақстан Республикасының білім беру жүйесін жетілдірудің басты міндеті – білім берудің қазіргі заманғы сапасы қамтамасыз ету және білім беру жүйесінің барлық құраушыларын жеке тұлғаның, қоғамның және мемлекеттің өзекті әрі болашақ сұраныстарына сәйкестікке келтіру болып табылады.

Мемлекеттің білім беру саласындағы саясатының басты бағыты – шығармашыл, сыни тұрғыда ойлайтын, өз мүмкіндіктеріне сенімді, әр түрлі әлеуметтік және өндірістік мәселелерді өз бетінше шешуге қабілетті тұлғаны дайындау және оқу – тәрбие үрдісінің тәжірибесін жетілдіру. Бұл жұмыстар кең көлемде жүргізілуде. Атап айтсақ , олар: оқудың мазмұнын жаңарту дидактикалық жетістіктерді білім беру тиімділігін арттыру мақсатында пайдалану, ғылыми негізделген жаңа идеялар мен технологияларды қолдану жолдарын табуды қамтиды. Осыған байланысты жалпы білім беретін мектептерде оқудың сапасын жетілдіру аса маңызды мәселе болып табылады.

№142 орта мектептің 2011 – 2012 оқу жылына арнаған жұмыс жоспарының орындалуы және оған педагогикалық талдау мен жылдық қорытындылар

Қоғамдағы қазіргі кезеңдегі қайта құрулар, экономиканы дамытудағы жаңа стратегиялық бағдарлар, қоғамның ашықтығы, оның жедел ақпараттануы мен қарқынды дамуы білім беруге қойылатын талаптарды түбегейлі өзгертті. Білім берудің басты мақсаты – білім алып, білік пен дағды – машыққа қол жеткізу ғана емес, солардың негізінде дербес, әлеуметтік және кәсіби біліктілікке ақпаратты өзі іздеп табу, талдау және ұтымды пайдалану, жылдам қарқынды өзгеріп жатқан бүгінгі дүниеге лайықты өмір сүру және жұмыс істеу болып табылады.

ХХІ ғасырда қоғам мен мемлекет дамуының басты тетігі білім болып табылатыны мойындалды. Білім беру жүйесін одан әрі жетілдіру, мемлекеттік білім беру стандартын жүзеге асыру, жаңа буын оқулықтарын оқыту үрдісіне енгізу тәрізді келелі мәселелер ұстаздарға шеберлік пен іскерлікті, кәсіби дайындығының сапасын өсіру мен дамыту міндеттерін қойып отыр. Осындай міндеттерді жүзеге асыру жолында мектебіміз «Нәтижеге бағытталған білім беруде оқу үрдісіне педагогикалық технологияларды ендіру» мәселелік тақырыбы аясында жұмыс жасап келеді.

Жалпыға бірдей міндетті оқу заңы талабын орындау мақсатында тамыз есебі жүргізіліп, жас бойынша балалар тізімі алынды. Тоқсан көлемінде оқушылар қозғалысы қадағаланып, келген –кеткен оқушылар есепке тіркелді. Оқушылардың жеке іс қағаздары жүргізіліп, мақтау қағаздары, табельдері тіркеліп отырылды. Бірінші сыныпқа оқушылар жасына сәйкес қабылданды.

Мектептің 2011-2012 оқу жылына арналған оқу – тәрбие жоспарында көрсетілген жұмыстар орындалды. Тоқсан сайын білім сапасы мониторингі жасалып, талдау - сараптау жүргізу, нәтижесін педагогикалық кеңестерде талқылау іске асырылды.

Жылдық қорытынды бойынша сыныптардың білім сапасы көрсеткіші

Педагогикалық кеңесте мектептің жылдық және даму жоспары, әдістемелік бірлестіктердің қызметі, таңдау, қолданбалы курстар жоспарлары, үйірме сағаттарын бекіту, мұғалімдердің шығармашылық есептері, санитарлық – гигиеналық жағдай, оқушыларды емтиханға жіберу, сыныптан – сыныпқа көшіру, негізгі және орта мектепті бітіру туралы куәлік, аттестат беру, марапаттау секілді маңызды шешімдер қабылданды.
Мектепшілік іс – шаралар мен іс - әрекеттердің өзара байланысты жүйесі ретінде мектептің әдістемелік жұмысы білім беру үрдісінің сапасы мен әрбір мұғалімнің біліктілігін көтеруге бағытталған.
Жыл басындағы педагогикалық кеңестер бекітілген жоспарға сәйкес әдістемелік кеңестің жыл бойы 5 отырысы өткізілді. Онда мұғалімдердің шығармашылық бағыттағы іс – тәжірибесімен бөлісу мақсатында «Білім беру технологияларын пайдалану тиімділігі және оның оқушылардың даму деңгейіне ықпалы» , «Жазба және бақылау жұмыстарындағы қатемен жұмыс істеудің тиімді түрлері» , «Ана тілі , шет тілі сабақтарында оқушылардың сөйлеу сауаттылығын арттыру жұмыстары», «Бастауыш сыныптарда оқушылардың өзіндік жұмыстарын ұйымдастыру» тақырыптарындағы әдістемелік баяндамалар , ҰБТ – ға дайындық жұмыстары жайлы, ағымдағы және тоқсандық жазба жұмыстарының қорытындылары сараланып, білім сапасын көтеру жолдары бірігіп қарастырылды.

Мектепте 3 пән бірлестігі жұмыс жасады. Оларға мұғалімдер пәндерге сәйкес біріктірілген. Пәнәдіс бірлестігінің жұмыстары, оның жыл басында бекітілген жоспарының орындалуы қадағаланып келді. Оларда қаралған мәселелердің өзектілігі мен мектеп үшін тиімділігі басты назарда ұсталып, құжаттары жинақталды.

Білім сапасы мұғалімдер қызметінің сапасына тікелей байланысты. Осы бағытта мұғалімдердің кәсіби білімін жетілдіру жұмысына ерекше мән беріледі.

Кулимсейтова Манат Сафина «Білім берудің мазмұнын жаңарту жағдайындағы технология және сызу, бейнелеу өнері пәндерін оқыту әдістері», Жүсипбаев Талғат Кеңесович ««Білім берудің мазмұнын жаңарту жағдайындағы технология және сызу, бейнелеу өнері пәндерін оқыту әдістері», Арыстанбекова Шынар Орынбасаровна «12 жылдық оқыту жағдайында мұғалімнің кәсіби құзіреттілігін қалыптастыру», Бакирова Култай Касимбаевна «Ағылшын тілін оқытудың әдістемелік ерекшеліктері», Бодықова Гулбагила Жанахметовна «Тарих сабақтарында оқушылардың танымдық құзырлылықтарын қалыптастыру жолдары» тақырыптарында білімдерін жетілдірді.

Мектеп бойынша 11 сынып бөлмесі: 3-еуі ақылы негізде, 8-і ақысыз жұмыс жасайды. Пән кабинеттері қажетті көрнекіліктермен, техникалық құралдармен толықтай жабдықталмаған, толықтыруды қажет етеді.

Мектепте ҰБТ – ға дайындық жұмыстары жоспарға сәйкес жүргізілді. Ата – аналармен, пән мұғалімдерімен, сынып жетекшілермен байланыста болып, оқушылардан бауқау сынақ тестері алынып, қорытындысы бойынша жұмыстар жүргізілді.

9 – сыныптың 11 оқушысы мемлекеттік емтихандар тапсырды. 3 оқушы арнаулы орта оқу орындарына оқуға түсті.

Сыныптан – сыныпқа көшу, мемлекеттік емтихан қорытындылары шығарылып, мониторинг жасалынды.

Мектеп - әдістемелік жұмыстарының негізгі орталығы. Кез келген педагогикалық іс - әрекет дұрыс орындалуы үшін тура байланыс пен кері байланыс та ойдағыдай жүзеге асырылуы керек. Ал кері байланыстың ең ықпалды түрі – бақылау. Бақылау – мұғалімге көмек беру деген сөз.

Мектеп жұмысын басқару, мектепішілік бақылау ұйымдастыру аса күрделі де сан – салалы мәселе. Мектеп әкімшілігі өзінің басқарушылық білім мен шеберлігін, бірлігі, әдіс – тәсілдерін игеру, ұйымдастырушылық қабілетін дамыту жолында біраз жұмыстар атқарады. Мектеп әкімшілігі арасында еңбек бөлінісі мен міндеттерін нақты айқындау ісі жүргізіліп, әрбір сабақтастықты сақтау жолдарын анықтады. Мектепішілік бақылау жыл бойы барлық пәндер бойынша жүргізілді. Сол жүргізілген бақылау деректемелері негізінде төмендегідей кемшіліктер байқалды:

1.Кейбір мұғалімдер мамандық – кәсіптік деңгейінің төмендігін;

2. Үйірме, таңдау курстарының өз деңгейінде жүргізілмеуін;

3 . Оқушылар білімдерін объективті бағаламаушылықты;

4. Оқу үрдісін ұйымдастыруда мұғалімдердің оқушылардың нақты қызығушылықтарын ескермеуін:

6. Дәстүрлі сабақ жүйесінің тиімсіздігін, педагогикалық жүйеге жаңа технолгиялық бағыттылықты енгізудің керектігін т.б.

Жаңа оқу жылында мектепішілік бақылау жоғарыда аталған кемшіліктерді жою бағытындағы жұмыстарды басты нысанаға алып отыр.

Педагог қызметкерлерді аттестаттау – педагог қызметкерлердің біліктілік деңгейінің біліктілік талаптарына сәйкестігін анықтау мақсатында жүргізілетін рәсім. Педагогтарды аттестаттау Қазақстан Республикасы Білім және ғылым министрінің 2010 жылғы 22 қаңтардағы №16 бұйрығына (аттестаттаудың екінші кезеңі) сәйкес өткізілді.

Аудандық аттестаттау комиссиясының шешімімен 2 мұғалім І біліктілік санатқа өтті, 3 мұғалім І біліктілік санаттарын қайта бекітті.

Аудандық білім бөлімі білім қызметкерлерінің еңбегін бағалау, жұмыс нәтижелері бойынша ынталандыру, марапаттау мақсатында рейтинг жүйесінің үлгі жобасын ұсынған болатын. Үлгі – жоба барлық пән әдіс бірлестігі отырыстарында талқыланып, қолдауға ие болды. Рейтингі мұғалімнің өзін - өзі бағалауынан, әдістемелік бірлестік жетекшісінің бағалауынан, мектеп әкімшілігі бағалауынан тұрды. Бағалау қорытындысынан мұғалім рейтингісі шықты. Рейтингі қорытындысы бойынша төмендегі пән мұғалімдер жоғары балл жинады:

1. Кенжебаев Хамаш – АӘД пәнінің мұғалімі

2. Қалмұратова Райхан – математика пәнінің мұғалімі

3. Жүсіпбаев Талғат– технология пәнінің мұғалімі

Қазақстан Республикасы Білім және ғылым министрлігінің 24 қыркүйек 2002 жылғы №693 бұйрығымен бекітілген жалпы орта білім берудің мемлекеттік жалпыға міндетті стандартына сәйкес жалпы орта білім беретін мектептің жоғары сатысында бағдарлы оқыту қарастырылған.

Бейінді бағдарлы оқыту оқушылардың қызығушылық бағытының, қабілетінің дамуына жағдай жасайтын және олардың келешекте ие болуға тиісті кәсібіне бейімделуді қамтамасыз ететін оқу болғандықтан 9 – сынып оқушыларының кәсіби деңгейін анықтау мақсатында сауалнамалар алынды. Қорытынды нәтижесінде оқушылардың тұлғалық бейімділігі, қабілеттері мен мүмкіндіктерінің кәсіби ой – мұраттарына сәйкестігімен 9 – сыныпты бітіруші 11 оқушының 9 – ы жаратылыстану – математикалық бағытын, кәсіптік –техникалық мектепті -1 оқушы, арнаулы орта оқу орнын 2 оқушы таңдағаны анықталды.

2011-2012 оқу жылында жаратылыстану – математикалық бағытты 11 сыныпта – 14 оқушы, 10 – сыныпта – 14 оқушы таңдады. Жоғарыдағы бағдарға сәйкес типтік оқу жоспарының вариативті бөлігінен қолданбалы және таңдау курстарының бағдарламалары жасалынып, оқушы сұранысына сәйкес оқытылды.

Оқу жылының қорытындысы бойынша қолданбалы білім курстарының білімділік сапасы төмендегідей:

Р/с	Курстың тақырыбы	Сыныбы	Білімділік сапасы	Пән мұғалімі
1	Адам – биологиялық түр	10	78%	Сыздықбаева Ә
2	Микроэлементтер – тіршілік тірегі	10	71%	Сыздықбаева Ә
3	Тілдік талдау	10	71%	Байдалиева А
4	Қазақстан – тәуелсіздік жолында	10	78%	Базарханова Н
5	Элементар математика есептерін шығару тәсілдері	11	42%	Бейсбаева Н
6	Деңгейлік тапсырмалар арқылы физика жаттығуларын орындау	11	64%	Тоқмұханбетов Қ
7	Тілдік талдау	11	69%	Байдалиева А
8	Тарихи тұлғалар	11	78%	Алтынбаева Ж

Сынып жетекшілерінің ұйымдастыруымен 1 – 11 сыныптар аралығында мамандыққа байланысты, мамандықтың қыр-сырын түсіндіру мақсатында іс-шара өтті.

“Дарын” ОҒҚ-ң мүшелері және секция жетекшілерімен жыл басына жүйелі жұмыстар атқарылып, “Жас ғалым - 2011” атты аудандық ғылыми-тәжірибелік конференциясының өлкетану секциясында белсенді қатысқаны үшін 10 - сынып оқушысы Дайырбеков Қыдырәлі жүлделі ІІ орынмен марапатталды (жетекшісі Базарханова Назерке), аудандық “Мен және менің болашағым” тақырыбында 10 – сынып оқушылары арасында жоба қорғауда Дайырбеков Қыдырәлі жүлделі ІІІ орынмен марапатталды (жетекшісі Қалмұратова Райхан) “Жас ғалым - 2012” аудандық ғылыми – тәжірибелік конференциясының тарих секциясында 10 – сынып оқушысы Уали Наргиз жоба қорғады (жетекшісі Алтынбаева Ж)

Мектебіміздегі үздік 8 оқушы “Қазақстанның үміт күтерлері” республикалық жинағына ұсынылды.