АЈӘтуллаһҮЛ-Үзма беһҸӘтин һӘЈаты نام کتاب: زندگی نامه ی آیت الله بهجت

Намазын сирри һаггында

2. Бизим бир әзәмәтимиз јохдур. Оланы да бу гәдәрдир ки, ајаг үстә дуруб гијам һалыны алырыг. Сонра һәмин әзәмәтимизи рүкуја ҝетмәклә јарыја бөлүрүк. (Бир аз да кичилдирик) Даһа сонра исә сәҹдәјә вә торпаға дөнүрүк. (Тамамилә һеч олуруг).

3. Намазда гијам һалыны алмаг ики достун сөһбәтинә бәнзәјир. Һәрчәнд сөһбәт бир шејдән ҝедир. Амма рүку аға вә нөкәрин мәсәләсинә охшајыр. Она ҝөрә дә рүкуда “Сүбһанә рәббиәл-әзим...” зикри дејилмәлидир. Бунунла белә сәҹдәјә нисбәтдә рүкуда дејилән бу зикр Аллаһ гаршысында кичилмәкдә ән ашағы мәртәбә сајылыр. Башга сөзлә десәк, бәндәнин намазда гијамы үбудијјәтин (бәндәлијин) вә сүкунун (хатирҹәмлијин) изһарыдыр. Јә`ни бәндәнин өзүндән һеч бир һәрәкәти јохдур. Амма сәҹдә хүзу`нун (Аллаһа бәндәлијин, тәслимин) сон һәддидир.

4. Бәндә Һәзрәт Һаггын мүгәддәс һүзурундан гајытдыгда (намазы битирдијиндә) Аллаһ тәрәфиндән ҝәтирдији илк совгат саламдыр. Куфә мәсҹидинин дуасында дејилир: “Сән Өзүн саламсан! Салам сәнин тәрәфиндәндир вә Сәнә тәрәф дә гајыдыр. Илаһи! Бизи Өз тәрәфиндән олан саламла саламла.¹

5. Намаза ҝириш үчүн дејилән тәкбирин вә намаздан хариҹ олмаг үчүн дејилән тәслимин бу әмәлләрлә нә гәдәр тәнасүбү вар? Бахмајараг ки, “кәбир” вә “әзим” һәр икиси Аллаһын адларыдыр, амма тәкбирдә “әкбәр” мүнасибдир. Чүнки, онда манечилик нәзәрдә тутулмушдур. Јә`ни тәкбир дејиб әлләри јухары галдырмагла бүтүн дүнја ишләрини вә бүтүн бөјүкләри (бөјүк сајдыгларынызы) бир кәнара гојун. Чүнки Аллаһ-тәала Әкбәрдир. Јери ҝәлмишкән, “һәјјә әла хәјрил-әмәл” кәламы да һәмин нөгтәнин дашыјыҹысыдыр.

Һәр һалда, намаз гылан тәкбир демәклә илаһи һәрәмә дахил олур. Амма биз нә билирик бунлар нә демәкдир?

Рәвајәтдә дејилир: “Әҝәр намаз гылан нә кими илаһи ҹәлалла әһатә олундуғуну билсәјди, һеч вахт намаздан үз дөндәрмәзди.”²

6. Гијам -башдан-ајаға хидмәт вә бәндәлик үчүн һазырам демәкдир. Ејнән һәрәкәтсиз дајанан чубуг кими вә ја һеч бир ирадәси олмајан будаг кими ки, күләк һансы сәмтә әссә, һәмин тәрәфә һәрәкәт едир. Гијамда, рүкуда вә сәҹдәдә олан хатирҹәмлик рүкунун өзүнүн гүввәтләндириҹисидир. Һәмчинин, зикрдә хатирҹәмлик дә онун кимидир.

7. Намаз һалында Аллаһы зикр етмәк ән јахшы зикрдир. Чүнки намаз Кә`бә еви кимидир; намаз гылан санки Кә`бәјә - Аллаһын әмин һәрәминә дахил олур. Намаз гыланын нијјәти бу олур ки, “тәкбир” гапысындан ҝириб “тәслим” гапысындан чыхсын.

Рүшвәтхорлуғун мәнфи тә`сирләри

Чох ҝөзәл билирик ки, онларын бизим үзәримиздәки һакимијјәтинин әсасыны рүшвәт тәшкил едир. Мәҝәр мүсәлманларын өз дүшмәнләриндән рүшвәт алмамағы вә бу јолла онлара мәғлуб (тәслим) олмамағы мүмкүндүрмү? Бахмајараг ки, бу мүсәлманларын өһдәсиндә олан ихтијари (көнүллү) бир ишдир.

Бәли, кафирләр мүсәлман (дөвләтләринин) башчыларыны рүшвәтлә әлә кечирирләр. Буна ҝөрә дә алданмамаг үчүн чох ајыг-сајыг олмалыјыг.

Рүшвәт гәдәр һеч бир шеј бизә тә`сир едиб, алдада билмәз. Онлар бизим бу зәиф нөгтәмиздән истифадә едәрәк бизә өз мүсәлманларымыз васитәсилә нүфуз едә билирләр.

Елә Һәзрәт Әли (ә)-ын ишини дә рүшвәт илә битирдиләр. Чүнки Мүавијә Османын оғлуна деди: “Әҝәр гәләбә чалсан Хорасан вилајәтинә саһиб олаҹагсан.” Беләликлә дә Хорасан вилајәтини Османын оғлуна верди.

Османын оғлу деди:

–Хорасаны нејләјим?

–Сәнин евинин чөрәјин олсун–дејә Мүавијә ҹаваб верди.

Мүавијә ҝедәркән Османын оғлу ше`р охумаға башлады. Ше`рин мәзмуну белә иди ки, нә истәјирдимсә верди, бәлкә лап артыг да верди.

Мәҹлисдә олан Мәрван буну ешидиб нараһат һалда деди:

“Һамыны алан тапылар, амма бизи алан јохдур.”

Мүавијә она ҹаваб олараг–сәни дә мән алаҹағам– деди.¹

Јә`ни сән дә бизләрдән олдун. О тәкҹә бу гуру сөзлә Мәрваны севиндирди. Әлбәттә сонралар Мүавијә өз әгидәләринә ҝөрә бүтүн мүсәлманлара аид олан Фәдәки Мәрвана бағышлады.² Бу торпаглар Өмәр ибн Әбдүләзизин вахтына гәдәр Али-Мәрванын әлиндә галды. Амма Өмәр ибни Әбдүләзиз һакимијјәтә ҝәләндән сонра Фәдәки Али-Әлијә гајтарды.

Әһли-бејт (ә)-ын һәдәфи јалныз Фәдәки ҝери алмаг дејилди. Бәлкә онлар буну истәмәклә һаггы һагг саһибинә чатдырмаг истәјирдиләр.

Аллаһ-тәала коммунист идеолоҝијасыны мәһв етди...

Русија-Алман мүһарибәси заманында руслар бајрам кечирмәк үчүн Москва шәһәринин әтрафында бөјүк фасиләјлә алов јандырдылар ки, алман тәјјарәләринин һүҹумунун гаршысыны ала билсинләр.

Аллаһ билир ки, бу (мәрасим) бајрамы кечирмәк үчүн нә гәдәр пул хәрҹләмишдиләр. Бүтүн бунлар коммунист идеолоҝијасынын давамы үчүн иди. Амма Аллаһ-тәала бир дамла ган төкмәдән коммунист мәсләкини мәһв етди. Бу јалныз Илаһи бир гүввә васитәсилә ола биләрди. Бахмајараг ки, дејирдиләр: “Коммунист мәсләки мәғлубедилмәздир!”

Суал: Дејирләр ки, коммунист идеолоҝијасы тарихи зәрурәтләрә бағлыдыр. Она ҝөрә дә јенидән гајыдаҹагдыр. Сизҹә бу беләдирми?

Ҹаваб: Мәздәк мәсләкиндә олдуғу кими коммунист идеолоҝијасында да дејилирди: “Бәшәријјәтдәки бүтүн ихтилафлар һәмишә ики шејә ҝөрә олмушдур: Мал вә гадын.” Әҝәр бу ики шеј инсанлар арасында мүштәрәк олса ҹәмијјәтдәки бүтүн ихтилафлар арадан ҝедәр вә мүһарибәләрә сон гојулар.”

Сизҹә бу ики шејдә шәрик олмаг ихтилафларын сону, јохса (онларын) башланғыҹы демәкдир?! Сизҹә һәмин вахт һамы - һәр нәјим варса башгаларыјла бөлүшүрәм, - јохса мәндә олуб башгаларында олмасын - дејәҹәк?!

Ики гардашы бир-биринә дүшмән едиб онлара (һөкмранлыг) ағалыг етмәк истәјирләр.”

Ислам дүшмәнләри мүсәлман фиргә вә мәзһәбләри арасындакы ихтилафлары гәнимәт һесаб едәрәк онлара ағалыг етмәк нијјәтиндәдирләр. Шиә вә сүнни арасына мүһарибә салыб һәр икисинә гәләбә чалмаг истәјирләр.

Бә`зиләри ачыг-ашкар дин вә диндарлара гаршы чыхырлар. Өзүмүзүн вә ҹамаатын шәриндән, һагга ҝөз јумуб тапдаламагдан Аллаһа пәнаһ апарырыг.

Дүшмәнләрин мүсәлманлар арасында салдығы ихтилафлардан бири дә бу иди ки, тәгва вә заһидликдә дилләр әзбәри олан “Мамагани”¹ һаггында дејирдиләр:

“Бу Әмирәлмө`мининә анд олсун ки, о (Мамагани) фасигдир.”²

жүктеу/скачать 0.77 Mb.

Достарыңызбен бөлісу: