Анықтамалық АҚпарат: сіздің РӨЛІҢіз және кәсіби ұмтылыстарыңыз 4 III 1-тарау 6

• 
  оқу-үйренуге және ұсыныс-кеңес алуға мүмкіндік бересіз;
  
• 
  барлық отбасылардағы нәрестелерге көрсетілетін қамқорлық пен күтімді арттыра және олардың өміршеңдігіне септесе аласыз;
  
• 
  қажеттіліктерді анықтай аласыз және анықталған қауіп-қатерлер және ұрымталдыққа сәйкес шара қолдана аласыз;
  
• 
  көрінбейтінді көрінетін ете аласыз.
  

Бүгінгі таңда бүкіл әлемдегі патронаж мейірбикелері кішкентай балалары бар отбасыларда денсаулықты нығайтуға және адами әлеуетті дамытуға септесуге бағытталған қызметтер көрсетеді. Алайда, олардың білім деңгейі, нақты міндеттері және мамандықтарының атауының өзі әр елде әртүрлі болып келеді. Мысалы, жұмысы балалар айналасында шоғырландырылған денсаулық сақтау қызметкерлері келесідей аталуы мүмкін:

• 
  Ұлыбританияда, Даниядаⁱⁱⁱ және Норвегияда^iv медициналық патронаж қызметкерлері
  

• 
  Солтүстік Америка елдерінде, Ирландияда^v және Жапонияда^vi мемлекеттік денсаулық сақтау жүйесінің мейірбикелері (public health nurses) (PHN);
  
• 
  Австралияда^vii және Швецияда балалар мейірбикелері (child health nurses);
  
• 
  Бельгияда^viii әлеуметтік мейірбикелер (social health nurses);
  
• 
  Бұрынғы Югославияның кейбір елдерінде^ix патронаж мейірбикелері (patronage nurses).
  

Патронаж мейірбикелерінің мамандықтарының атауларындағы және атқаратын міндеттеріндегі айырмашылықтар елдер арасында да айырмашылықтар сөзсіз болатынын білдіреді. Сондықтан, осы модульде ұсынылатын қазіргі міндеттер (рөлдер) және жаңа рөл арасындағы айырмашылықтар әртүрлі елдерде сан түрлі болады. Бірақ, біз барлығынан ортақ

айырмашылықты көретін боламыз, ол – жаңа патронаж қызметкерлерінің жұмысын атқару барысында белсенді және бастамашыл болатыны және кәсіби шешімдер қабылдайтыны. Жаңа рөлдерінде патронаж қызметкерлеріне басым міндеттерін, күнделікті кестесін, сонымен қатар, отбасыларға өзекті және қажетті көмек көрсетілуін қамтамасыз ету үшін қашан және кіммен кездесетінін жоспарлау үшін көбірек дербестік қажет болуы мүмкін. Төменде осы рөл ауқымының қаншалықты кең екенінің сипаттамасы келтірілген және сіз патронаж қызметкерінің осы жаңа рөлінен қазір не күтетініңіз туралы ойлана аласыз.

Жалпы кәсіби рөл (міндеттер) өте кең ауқымды, себебі, ол патронаж қызметкерлерінің бала өміріне әсер ететін барлық факторлар туралы ойлауын, соынмен қатар, патронаж қызметкерлерінің өздеріне не әсер ететіні туралы ойлауын талап етеді. Осы рөлді жалпылау үшін оны кәсіби рөлдің өлшемдері тұрғысынан қарастыру пайдалы болады, аталмыш өлшемдер: жекелеген адамдар, отбасылар, жергілікті қоғам және мекемелер. Төмендегі диаграмманы қараңыз (2-сурет).