«Астанаэнергосервис» АҚ жалғыз акционердің шешімімен бекітілген «Астана-Теплотранзит» Акционрелік қоғамының жарғысы жалпы ережелері

1.1 «Астана-Теплотранзит» акционерлік қоғамының осы Жарғысы (бұдан әрі - Қоғам) оның атауын, орналасқан жерін, оның органдарының қалыптасу тәртібін және құзыретін, қайта құру шартын және оның қызметін тоқтатуын және Қазақстан Республикасының заңнамасына қайшы келмейтін басқа да ережелерін анықтайды.

1.2. Қоғамның толық атауы:

1) мемлекеттік тілде: «Астана-Теплотранзит» Акционерлік қоғамы;

2) орыс тілінде: Акционерное общество «Астана-Теплотранзит»;

1.3. Қоғамның қысқартылған атауы:

1) мемлекеттік тілде: «Астана-Теплотранзит» АҚ;

2) орыс тілінде: АО «Астана-Теплотранзит».

1.4. Қоғамның атқарушы органының орналасқан жері: Қазақстан Республикасы, 010009, Астана қаласы, Алматы ауданы, Ілияс Жансүгірұлы көшесі, 7 үй.
2. Қоғамның заңдық мәртебесі

2.1. Қоғам Қазақстан Республикасының заңнамасына сәйкес заңды тұлға болып табылады, өз алдына балансы, банк шоты бар, өзінің атынан мүліктік және жеке мүліксіз құқықты алуы және жүзеге асыруы мүмкін, міндетін атқара алады, сотта талап қоюшы және жауапкер бола алады.

2.2. Қоғамның мөрі, өзінің атауларымен бланктері және оның қызметін жүзеге асыру үшін қажетті басқа да деректемелері бар.

2.3. Қоғам өзінің қызметінде Конституцияны, Азаматтық кодексті, «Акционерлік қоғамдар туралы» Қазақстан Республикасының 2003 жылғы 13 мамырдағы № 415-ІІ Заңын (бұдан әрі - Заң), Қазақстан Республикасының басқа да нормативті құқықтық актілерін, сондай-ақ осы Жарғыны басшылыққа алады.

2.4. Қоғам Қазақстан Республикасының заңнамасында белгіленген тәртіпте заңды тұлғалардың жарғылық капиталына қатысуға құқылы.

2.5. Қазақстан Республикасының заңнама актілерінде қарастырылған тәртіпте Қоғам заңды тұлғалар болып табылмайтын және олар туралы Ережелер негізінде Қоғам атынан және оның тапсырмасы бойынша әрекет ететін Қоғамның орналасқан жерінен тыс жатқан филиалдарды (өкілдіктерді) құруға құқылы.

3.1. Қоғам өзінің акционерлерінің мүлкінен жекеленген мүлікке ие болады және өз акционерлерінің міндеттемелері бойынша жауап бермейді. Қоғамға өзінің мүлкі шегінде өзінің міндеттері бойынша жауапкершілік артылады.

3.2. Қоғамның акционерлері оның міндеттері бойынша жауап бермейді және Қазақстан Республикасының заңнама актілерімен қарастырылған жағдайлардан басқа оларға жататын акция құны шегінде Қоғамның қызметімен байланысты шығынның қауіп-қатеріне ұшырайды.

3.3. Қоғам мемлекеттің міндеттері бойынша жауап бермейді және мемлекет те оның міндеттері бойынша жауап бермейді.

4.1. Қызметтің негізгі түрлері мыналар болып табылады:

- халық мекендеген жерлерді, өндірістік орынжайлар мен объектілерді жылумен қамту үшін жылу энергиясын беру және тарату;

- Қазақстан Республикасының заңнамасында тыйым салынбаған өзге де қызмет.

4.2. Егер қызметтің қандай да бір түрін жүзеге асырған жағдайда құзыретті органдардың (лицензия, сертификат) арнайы шешімі қажет болған жағдайда, Қоғам қызметтің осы түрін теке қана лицензиялау туралы Қазақстан Республикасының заңнамасына сәйкес тиісті рұқсатты, лицензияны алғаннан кейін жүзеге асырады.
5. Қоғамның мүлкі және капиталы

5.1.Қоғам мүлкі мыналардың есебінен қалыптасады:

1) Қоғамның акция төлеміне акционерлермен берілген мүлік;

2) оның қызметі нәтижесінде алынған табыстар;

3) Қазақстан Республикасының заңнамасымен тыйым салынбаған негіздер бойынша сатып алынатын өзге де мүлік.
6. Акциялар, облигациялар. Бағалы қағаздарды үлестіру шарты.

6.1. Қоғам жай акцияларды шығаруға құқылы. Акциялар құжатталмаған үлгіде шығарылады.

6.2. Акционерге жай акция дауыс беруге шығарылатын барлық мәселелерді шешетін кезде дауыс беру құқығымен акционерлердің жалпы жиналысына қатысу құқығын, акционерлердің жалпы жмналысының тиісті шешімінің негізінде Қоғамның таза табысы бар болған жағдайда дивидендтерді алу құқығын, сондай-ақ Қазақстан Республикасының заңнамасымен белгіленген тәртіпте Қоғамды жою кезінде Қоғам мүлкінің бөлігін алу құқығын береді.

Қоғамның жай акциялары бойынша дивидендтерді төлеу жылдық қорытынды бойынша жүзеге асырылады.

6.3. Акцияны шығарудың, үлестірудің және оның айналымының шарты мен тәртібі, сондай-ақ акциялар бойынша дивидендтерді төлеу акцияны шығару проспектісімен белгіленеді.

6.4. Қоғам қосымша құралдарды тарту үшін Қазақстан Республикасы заңнамасына сәйкес облигацияларды шығаруға құқылы.

Облигацияларды шығарудың, үлестірудің және оның айналымының шарты мен тәртібі, олар бойынша сыйақының төленуі, облигациялардың іске асырылуынан құралдарды пайдалану және өтеу Қазақстан Республикасының заңнамасымен және облигацияларды шығару проспектісімен белгіленеді.

6.6. Үлестірілген акцияларды сатып алу, бағалы қағаздардың кепілі Заң талабына сәйкес жүзеге асырылады.

7.1. Қоғамның таза табысы (салықты және бюджетке басқа да мінтетті төлемдерді төлегеннен кейін) Қоғамның иелігінде қалады және/немесе акционерлердің жалпы жиналыс шешімімен, оның ішінде дивидендтерді төлеу, белгіленген тәртіпте бөлінеді.

Акционерлердің жалпы жиналысы жылдың қорытындысы бойынша жай акция дивидендтерін төлеу жөнсіздігі туралы шешімді қабылдаған күннен бастап он жұмыс күні ішінде бұқаралық ақпарат құралдарында (Қоғамның интернет сайты) міндетті түрде жариялап, шешім қабылдауға құқылы.

Үлестірілмеген немесе Қоғамның өзімен сатып алынбаған дивидендтер, сондай-ақ егер сотпен немесе акционерлердің жалпы жиналысының шешімімен оны жою туралы шешім қабылданған акциялар бойынша есептелмейді және төленбейді.

7.2. Қоғамның мына жай акциялары бойынша дивидендтерді есептеу жүргізілмейді:

1) меншікті капиталының теріс мөлшері кезінде немесе егер Қоғамның меншікті капитал мөлшері оның акциялары бойынша дивидендтерді есептеу нәтижесінде теріс болса;

2) егер ол банкрот болу туралы Қазақстан Республикасының заңнамасына сәйкес төле алмайтындық немесе дәрменсіздік белгілеріне жауап берсе немесе Қоғамда аталған белгілер оның акциялары бойынша дивидендтерді есептеу нәтижесінде байқалса.
8. Акционерлердің құқықтары мен міндеттері

8.1. Қоғам акционерлерінің мынаған құқығы бар:

1) Заңда және осы Жарғыда көзделген тәртіпте Қоғамды басқаруға қатысу;

2) дивидендтер алуға;

3) Қоғамның қызметі туралы ақпарат алуға, оның ішінде акционерлердің жалпы жиналысы мен немесе осы Жарғымен анықталған тәртіпте, қаржы есептемесімен танысуға;

4) Қоғамның тіркеушісінен бағалы қағаздарға оның меншік құқығын растайтын үзінділерді алуға;

5) акционерлердің жалпы жиналысына Қоғамның директорлар кеңесіне сайлау үшін кандидатура ұсынуға;

6) Қоғамның органдары қабылдаған шешімдерді сот тәртібімен дауласуға;

7) өздігімен немесе басқа акционерлермен бірге Қоғамның дауыс беруші бес және одан да артық пайыз акцияларына иеленген жағдайда Қоғамға келтірілген залалдарды Қоғамның лауазымды тұлғаларымен өтелуі туралы және Қоғамның лауазымды тұлғаларымен және (немесе) аффилирленген тұлғалармен ірі мәмілелерді және (немесе) оны жасауға мүдделілігі бар мәмілелерді жасау (жасаудың ұсыныстары) туралы шешімді қабылдау нәтижелері бойынша алынған пайданы (табысты) қайтару туралы талап етіп, Заңның 63 және 74 баптарында көзделген жағдайларда өз атына сот органдарына өтінуге;

8) Қоғамға оның қызметі туралы жазбаша сауалдармен өтінуге және Қоғамға сауал келіп түскен күннен бастап отыз күнтізбелік күн ішінде дәлелді жауаптар алуға;

9) Қоғамның жойылуы кезінде мүліктің бөлігіне;

10) Заңда белгіленген тәртіпте Қоғамның акцияларында айырбасталатын Қоғамның акцияларын немесе басқа да бағалы заттарды басымды сатып алуға.

8.2. Ірі акционер сондай-ақ мыналарға құқығы бар:

1) акционерлердің кезектен тыс жалпы жиналысын шақыртуға талап етуге немесе егер директорлар кеңесі жалпы жиналысты шақыртудан бас тартқан жағдайда оны шақырту туралы талап-арызбен сотқа өтінуге;

2) директорлар кеңесіне Заңға сәйкес акционерлердің жалпы жиналысының күн тәртібіне қосымша сұрақтарды қосуға ұсынуға;

3) директорлар кеңесі мәжілісін шақыртуды талап етуге;

4) Қоғамның аудитін өз есебінен аудит ұйымымен жүргізілуін талап етуге.

8.3. Қоғамның акционерлері мынаған міндетті:

1) акцияларды төлеуге;

2) он күн ішінде Қоғамның акцияларын ұстаушы тізілімінің жүйесін жүргізу үшін қажетті мәліметтерді енгізу туралы Қоғамның тіркеушісін хабардар етуге;

3) Қоғам немесе қызметтік, коммерциялық немесе заңмен қорғалатын басқа да құпияны құрайтын оның қызметі туралы ақпаратты жарияламауға;

4) Заңға немесе Қазақстан Республикасының заңнама актілеріне сәйкес басқа да міндеттерді орындауға.

8.4. Қоғам және Қоғамның тіркеушісі осы Жарғының 8.3. тармағы 2) тармақшасымен белгіленген талаптарды акционер орындамаған салдарына жауап бермейді.

8.5. Акционерлердің өзге де құқықтары мен міндеттері Заңмен белгіленеді.

9.1. Қоғам органдары мыналар болып табылады:

1) жоғарғы орган – акционерлердің жалпы жиналысы;

2) басқару органы – директорлар кеңесі;

3) атқарушы орган – басқарма;

4) қаржы шаруашылық қызметіне бақылауды жүзеге асырушы орган – ішкі аудит қызметі.

10.1. Акционерлердің жалпы жиналысын шақыру және өткізу тәртібі Заңмен, оның ішінде келесі тәртіпте анықталады:

1) акционерлердің жылдық, кезектен тыс және қайталап жиналысын шақырту;

2) акционерлердің жалпы жиналысына қатысуға құқығы бар тұлғалардың тізімін жасау;

3) акционерлердің жалпы жиналысы туралы акционерлерді ақпараттандыру;

4) акционерлердің жалпы жиналысының күн тәртібін қалыптастыру және оған кіретін мәселелер бойынша материалдарды дайындау;

5) акционерлердің жалпы жиналыс кворумын белгілеу;

6) есеп комиссиян қалыптастыру және оның қызметі;

7) акционерлердің жалпы жиналысын өткізу;

8) акционерледің жалпы жиналысымен шешімдерді қабылдау;

9) акционерлердің жалпы жиналысында дауыс беру;

10) акционерлердің жалпы жиналысының хаттамасын жасау;

10.2. Акционерлердің жалпы жиналысының күн тәртібінің мәселесі бойынша материалдар Заңмен белгіленген ақпаратты қамтуы тиіс, дайын болуы және Қоғамның акционерлері танысу үшін Қоғамның атқарушы органдарының тұрған орны бойынша қол жетімді болуы тиіс, акционердің сауалы болған кезде – сауалды алған күннен бастап үш жұмыс күні ішінде жіберілуі тиіс, ірі акционерлерге - жалпы жиналысты өткізу күніне дейін он күннен кешіктірмей сауалсыз жіберілуі тиіс.

10.3. Акционерлердің жалпы жиналысында дауыс беру кезінде әрбір акционерде, дауыс беруді анықтаудың басқа да тәртібі Заңмен және осы Жарғымен қарастырылған жағдайдан басқа, өзіне тиісті дауыс беруші акцияларының сандарына тең дауыс беру саны бар.

10.4. Көзбе-көз тәртіпте өтетін акционерлердің жалпы жиналысында Қоғамның комерциялық құпиясын құрамайтын мәселелерді талқылаған кезде Қоғамның акционерлері болып табылмайтын тұлғалардың қатысуы және сөз сөйлеуі мүмкін. Көрсетілген тұлғалар акционерлердің жалпы жиналысының күн тәртібінің сұрақтары бойынша дауыс беруге қатысуға құқылары жоқ.

10.5.Акционерлердің жалпы жиналысының төрағасын, хатшысын, есеп комиссиясының мүшелерін немесе жалпы жиналыста дауыстарды есептейтін уәкілетті тұлғаларды сайлау мәселесі бойынша дауыс беру кезінде әрбір акционердің бір дауысы бар.

10.6. Сырттай дауыс беруді жүргізу тәртібі Заңмен анықталады.

10.7. Миноритарлық акционер акционерлердің жалпы жиналысының күн тәртібінде көрсетілген сұрақтар бойынша шешім қабылдау кезінде басқа акционермен бірлесу мақсатында Қоғамның тіркеушісіне өтінуге құқылы. Миноритарлық акционердің өтіну тәртібі және Қоғам тіркеушісінің басқа акционерлерге ақпаратты таратуы бағалы қағаздарды ұстаушылардың тіркелім жүйесін жүргізу бойынша шартпен белгіленеді.

10.8. Акционерлердің жалпы жиналысының айрықша құзыретіне келесі сұрақтар жатады:

1. 
   Қоғамның Жарғысына өзгерту мен толықтыруларды енгізу немесе оны жаңа редакцияда бекіту;
   
2. 
   корпоративтік басқару кодексін бекіту, сондай-ақ оған өзгерту мен толықтырулар енгізу;
   
3. 
   Қоғамды еркін түрде қайта құру немесе жою;
   
4. 
   Қоғамның жарияланған акцияларының ұлғаюы туралы шешім қабылдау немесе Қоғамның жарияланған акцияларының үлестірілмеген түрлерін өзгерту;
   
5. 
   Қоғамның бағалы қағаздарын айырбастау шартын және тәртібін, сондай-ақ олардың өзгеруін анықтау;
   
6. 
   есеп комиссиясының сандық құрамын және өкілеттілік мерзімін анықтау, олардың мүшелерін сайлау және өкілеттілігін мерзімінен бұрын тоқтату;
   
7. 
   директорлар кеңесінің сандық құрамын, өкілеттілік мерзімін анықтау, олардың мүшелерін сайлау және өкілеттілігін мерзімінен бұрын тоқтату, сондай-ақ директорлар кеңесі мүшелерінің сыйақы мөлшерін және төлеу шарттарын анықтау;
   
8. 
   Қоғамның аудитін жүзеге асырушы аудиторлық ұйымды анықтау;
   
9. 
   жылдық қаржы есептемесін бекіту;
   

11) Заңның 22 бабы 5 тармағында қарастырылған жағдайлар болған кезде Қоғамның жай акциялары бойынша дивидендтерді төлемеу туралы шешім қабылдау;

12) Қоғам акцияларының ерікті делистингі туралы шешім қабылдау;

13) Қоғамға тиісті барлық активтерден жиырма бес және одан артық пайызды құрайтын сомада активтердің бөлігін немесе бірнеше бөлігін табыстау арқылы басқа заңды тұлғаларды құруда немесе қызметінде Қоғамның қатысуы туралы шешім қабылдау;

14) Қоғам акционерлердің жалпы жиналысына шақыру туралы акционерлердің хабарлама түрін анықтау және осы ақпаратты бұқаралық ақпарат құралдарында орналастыру туралы шешім қабылдау;

15) Заңға сәйкес Қоғамның акцияларын сатып алу кезінде акция құнын анықтау әдістемесіне өзгертуді бекіту;

16) акционерлердің жалпы жиналысының күн тәртібін бекіту;

17) акционерлерге Қоғам қызметі туралы ақпаратты ұсыну тәртібін анықтау;

18) «алтын акцияны» енгізу және күшін жою;

19) басқа сұрақтар, олар бойынша шешімдерді қабылдау акционерлердің жалпы жиналысының айрықша құзыретіне Заңмен және Қоғамның Жарғысымен жатқызылған.

Осы Жарғының 10.8. тармағы 1-4) тармақшасының сұрақтары бойынша жалпы жиналыстың шешімі Қоғамның жалпы дауыс беруші акцияларынан білікті көпшілікпен қабылданады. Шешімнің басқа сұрақтары бойынша дауыс беруге қатысушылардың Қоғамның жалпы дауыс беруші акцияларынан жай көпшілік дауыспен қабылданады. Директорлар кеңесінің мүшелерін сайлау туралы шешім кумулятивті дауыс берумен қабылданады.

10.9. Акционерлердің жалпы жиналысы Қоғамның ішкі қызметіне қатысты мәселелр бойынша Қоғамның басқа органдарының кез келген шешімін алып тастауға құқылы.

10.10. Акционерлердің жалпы жиналысын және Қоғамның директорлар кеңесі мәжілісін дайындау және өткізуін бақылауды, акционерлердің жалпы жиналысын және Қоғамның директорлар кеңесі мәжілісінің күн тәртібінің сұрақтары бойынша материалдарды қалыптастыруды және оларға қол жеткізуді қамтамасыз етуді корпоративті хатшы жүзеге асырады, оның құзыреті мен қызметі Қоғамның корпоративті құжаттарымен анықталады.
11. Қоғамның директорлар кеңесі

11.1. Қоғам қызметінің жалпы басшылығын Заң және осы Жарғымен акционерлердің жалпы жиналысының құзыретіне жатқызылған сұрақтардан басқа Қоғамның директорлар кеңесі жүзеге асырады.

11.2. Қоғамның директорлар кеңесі мүшелерінің саны әр қайсысы дауыс беру кезінде бір дауысы бар кем дегенде үш адамды құрайы. Директорлар кеңесінің мүшелері санының кем дегенде үштен бір бөлігін тәуелсіз директорлар құрайды.

11.3. Мына тұлға директорлар кеңесінің мүшесі бола алмайды:

жоғары білімі жоқ болса;

заңнамамен белгіленген тәртіпте өтелмеген соттылығы бар немесе алынып тасталмаған;

бұрын заңды тұлғаның басшы қызметкері болған, осы тұлға басшылық еткен уақытында банкротқа ұшырау, сақтап қалу, тәртіпке салу, мәжбүрлі түрде жою туралы шешімді қабылдаған күннен кейін бес жыл ішінде банкротқа ұшырау, сақтап қалу, тәртіпке салу, мәжбүрлі түрде жойылуы танылған.

11.4. Директорлар кеңесінің сайлау тәртібі мен қызметі Заңмен және корпоративтік құжаттармен белгіленеді, оның ішінде:

1) оның құрамы және өкілеттілік мерзімі;

2) құқықтары, міндеттері және жауапкершілігі;

3) мәжілісті шақыру және өткізу тәртібі;

4) дауыс беру тәртібі және мәжіліс хаттамасын рәсімдеу.

11.5. Директорлар кеңесінің төрағасы жалпы жиналыспен сайланады. Басқарма төрағасы директорлар кеңесінің төрағасы болып сайланбайды. Директорлар кеңесінің төрағасы директорлар кеңесінің жұмысын ұйымдастырып, оның мәжілісін өткізеді.

11.6. Қоғам директорлар кеңесінің мүшелеріне директорлар кеңесі мәжілісінің өткізілуі туралы күнін, уақытын, өткізілу орнын, күн тәртібін көрсетіп, күн тәртібінің сұрақтары бойынша материалдардың қосымшасымен мәжілісті өткізу күніне дейін кем дегенде жеті күнтізбелік күнде жазбаша хабарлама жібереді.

11.7. Директорлар кеңесін өткізу кворумы директорлар кеңесі мүшелерінің жалпы санының кем дегенде жартысын құрайды. Дауыстар тең болған жағдайда директорлар кеңесі төрағасының дауысы шешуші болып табылады.

11.8. Директорлар кеңесінің шешімдері директорлар кеңесінің қарастырылуына шығарылған сұрақтар бойынша сырттай дауыс беру арқылы қабылдануы мүмкін.

Сырттай дауыс беру директорлар кеңесін шақыруға өкілеттік құқығы бар тұлғалардың бастамасы бойынша өткізіледі. Сырттай дауыс беруді өткізу туралы талап жазбаша түрде директорлар кеңесінің төрағасына (егер ол сырттай дауыс беруді өткізуден бас тартса – атқарушы органға) ұсынылады және дауыс беруге қойылатын сұрақ (сұрақтар) айқын және бір жақты қалыптастырылуы тиіс.

Сырттай дауыс беруді өткізу кезінде дауыс беру үшін бір үлгідегі бюллетеньдер және дауыс беруге қойылған сұрақ (сұрақтар) бойынша материалдар дауыс беруді өткізу туралы талап келіп түскен күннен бастап он күннен кешіктірмей барлық директорлар кеңесі мүшелеріне жіберіледі (таратылады).

Бюллетень мынаны қамтуы тиіс:

1) Қоғамның толық атауын;

2) мәжілісті өткізудің бастамашысы туралы мәліметті;

3) дауыс беру үшін бюллетеньді ұсынудың соңғы күні;

4) дауыс беруге қойылған сұрақ (сұрақтар) айқын және бір жақты қалыптастырылған;

5) «иә», «жоқ», «қалыс қалу» сөздерімен айтылғандардың дауыс беру нұсқасы;

6) бюллетеньді толтыру тәртібі бойынша түсіндірмелер.

Сырттай дауыс беру арқылы шешім белгіленген мерзімде алынған бюллетеньдердің кворумы бар болған кезде қабылданды деп танылады. Директорлар кеңесінің сырттай мәжілісінің шешімі корпоративтік хатшы мен директорлар кеңесі төрағасының қолы қойылып, директорлар кеңесі мүшелерінен келіп түскен қосымшаларымен жазбаша түрде (хаттама) рәсімделеді.

11.9. Директорлар кеңесінің айрықша құзыретіне келесі сұрақтар жатады:

1) Қоғам қызметінің басымдылық бағдарын анықтау;

2) акционерлердің жылдық және кезектен тыс жалпы жиналысын шақыру туралы шешім қабылдау;

3) үлестіру (іске асыру) туралы, оның ішінде жарияланған акциялардың саны шегінде үлестірілетін (іске асырылатын) акциялар саны, әдісі және оларды үлестіру (іске асыру) бағасы туралы шешім қабылдау;

4) Қоғамның үлестірілген акцияларын немесе басқа бағалы қағаздарын сатып алу және оларды сатып алу бағасы туралы шешім қабылдау;

5) Қоғамның жылдық қаржы есептемесін алдын ала бекіту;

6) Қоғамның облигация мен өндірілетін бағалы қағаздарын шығару жағдайларын анықтау;

7) атқарушы органның сандық құрамын, өкілеттілік мерзімін анықтау, оның басшысын сайлау, сондай-ақ оның өкілеттілігін мерзімінен бұрын тоқтату;

8) атқарушы орган басшысы мен атқарушы орган мүшелерінің лауазымдық қызметақы мөлшерін және еңбекақы төлемінің шартын анықтау және сыйлықақы беруін анықтау;

9) ішкі аудит қызметінің сандық құрамын, өкілеттілік мерзімін анықтау, оның басшысын және мүшелерін анықтау, сондай-ақ олардың өкілеттілігін мерзімінен бұрын тоқтату, ішкі аудит қызметінің жұмыс тәртібін, ішкі аудит қызметі жұмыскерлерінің еңбекке ақы төлеу және сыйлықақы беру мөлшерін және шарттарын анықтау;

10) корпоративтік хатшыны тағайындау, өкілеттілік мерзімін анықтау, оның өкілеттілігін мерзімінен бұрын тоқтату, сондай-ақ корпоративтік хатшының лауазымдық қызметақы мөлшерін және сыйақы шартын анықтау;

11) аудиторлық ұйымның, сондай-ақ Қоғамның акция төлеміне табысталған немесе ірі мәміле заты болып табылатын мүліктің нарық құнын бағалау бойынша бағалаушының қызмет төлемінің мөлшерін анықтау;

12) Қоғамның ішкі қызметін реттеуші құжаттарды (Қоғам қызметін ұйымдастыру мақсатында атқарушы органмен қабылданатын құжаттардан басқа), оның ішінде аукционды өткізу шарты мен тәртібін және Қоғамның бағалы қағаздарының жазылымын белгілеуші ішкі құжатты бекіту;

13) Қоғамның филиалдары мен өкілдерін құру және жабу туралы шешім қабылдау және олар туралы ережені бекіту;

14) Қоғамның басқа заңды тұлғалардың он және одан артық акцияларын (жарғы капиталындағы қатысу үлесі) сатып алу туралы шешім қабылдау;

15) заңды тұлғалар акционерлерінің (қатысушылар) жалпы жиналысының құзыретіне қатысты, оның он және одан артық пайызы (жарғы капиталындағы қатысу үлесі) қоғамға жататын қызметтің сұрақтары бойынша шешім қабылдау;

16) Қоғамның меншікті капиталының он және одан артық пайызын құрайтын көлемге оның міндеттерінің ұлғаюы;

17) Қоғамның бұрынғы тіркеушісімен шарт бұзылған жағдайда Қоғамның тіркеушісін таңдау;

18) Қоғам немесе оның қызметі туралы қызметтік коммерциялық немесе заңмен қорғалатын басқа құпияны құрайтын ақпаратты анықтау;

19) Қоғамның қызығушылығы бар мәмілелерді және ірі мәмілелерді жасау туралы шешімді қабылдау.

20) мүлікті кепілдікке қою, сату, шеттету туралы шешім қабылдау, ол бойынша міндеттемелерге көну.

21) Қазақстан Республикасы заңнамасымен белгіленген тәртіп пен мерзімде жоспарларды іске асырудың даму және бағалаудың бес жылдық жоспарын бекіту, жыл сайынғы өндірістік және инвестициялық бағдарламасын, күрделі жөндеу, табыс және шығыс бюджетінің бағдарламаларын бекіту.

22) Қоғамды басқарудың ұйымдастырушы құрылымын бекіту, Қоғамның штат кестесін келісу.

23) Акционерлердің жалпы жиналысының айрықша құзыретіне жатпайтын Заң және Қоғамның Жарғысымен қарастырылған өзге де сұрақтар.

11.10. Директорлар кеңесі:

1) лауазымды тұлғалар және акционерлер деңгейінде мүдделерінің потенциалды жанжалдарын, оның ішінде қоғамның меншігін заңсыз қолдану және мүдделілігі бар мәмілелерді жасау кезінде асыра пайдаланушылықты қадағалап және мүмкіндігі бойынша оны жою тиіс;

2) Қоғамдағы корпоративтік бақылаудың тиімді практикасына бақылауды жүзеге асыруы тиіс.

11.11. Директорлар кеңесінің мүшелері Қоғамның лауазымдық тұлғалары бойып табылады және Қоғам және оларға акционерлер алдында Заңның 63 бабымен белгіленген жауапкершілік артылады.

11.12. Аса маңызды мәселелерін қарастыру және директорлар кеңесінің ұсынымын дайындау үшін директорлар кеңесі комитеттерінің құрылуы мүмкін, директорлар кеңесі комитеттерінің қалыптасу және жұмыс тәртібі, сондай-ақ олардың сандық құрамы Қоғамның корпоративтік құжатымен белгіленеді.
12. Қоғамның атқарушы органы

12.1. Қоғамның ағымды қызметінің басшылығын басқа органдардың және Қоғамның лауазымды тұлғалардың құзыретіне Заңмен, Қазақстан Республикасының өзге де заңнама актілерімен және Қоғамның осы Жарғысымен жатқызылмаған Қоғамның кез келген мәселелері бойынша шешім қабылдауға құқылы атқарушы орган (алқа) – басқарма жүзеге асырады.

Басқарма акционерлердің жалпы жиналысының және директорлар кеңесінің шешімдерін орындауға міндетті.

12.2. Басқарманы төраға басқарады. Басқарма мүшелігіне және төраға үміткерлігіне қойылатын талаптар, басқарма шешімдерін қабылдау тәртібі Қоғамның корпоративтік актілерімен анықталады.

Басқарма мүшелерінің саны кем дегенде үш адамды (төрағаны қосқанда) құрауы тиіс.

Басқарма мәжілісі қажеттілік бойынша, басқарманың кез келген мүшесімен шақыртылады.

Шешімдер басқарма мүшелерінің жай көпшілік дауысымен қабылданады және хаттаманымен рәсімделеді. Хаттамаға басқарманың осы мәжілісіне қатысушы барлық мүшелерімен қол қойылады.

12.3. Басқарма төрағасы:

1) акционерлердің жалпы жиналысы мен директорлар кеңесінің шешімін орындауды ұйымдастырады;

2) Қоғамның атынан үшінші тұлғаларға қатысты сенімхатсыз әрекет етеді;

3) оның үшінші тұлғаларға қатысты Қоғамды ұсыну құқығына сенімхат береді.

4) Қоғам жұмыскерлерінің қабылдау, ауыстыру және жұмыстан босатылуын жүзеге асырады (Заңмен белгіленген жағдайлардан басқа), оларға көтермелеу шараларын қолданады және тәртіп жазасын салады, Қоғам жұмыскерлерінің лауазымды қызметақысының мөлшерін және Қоғамның штат кестесіне сәйкес қызметақысына дербес үстемақы белгілейді, атқарушы орган, Қоғамның ішкі аудит қызметі және корпоративтік хатшы құрамына кіретін қызметкерлерден басқа Қоғам жұмыскерлерінің сыйлықақы мөлшерін анықтайды;

5) өзі болмаған жағдайда міндеттерін атқаруды атқарушы орган мүшелерінің біреуіне жүктейді.

6) атқарушы органның мүшелері арасында міндеттерді, сондай-ақ өкілеттілік және жауапкершілік салаларын бөледі.

12.4. Басқарма төрағасы мен оның мүшелері сыбайлас жемқорлыққа қарсы әрекеттер жасайды және оған дербес жауапты болады.

12.5. Басқарма төрағасы мен оның мүшелері Қоғамның лауазымды тұлғаларына жатады және Қоғам және оларға акционерлер алдында Заңның 63 бабымен белгіленген жауапкершілік артылады.

12.6. Атқарушы орган Қоғамның даму жоспарын әзірлегеп орындағаны үшін, сондай-ақ оларды орындау туралы есепті уақытында ұсынғаны үшін жауапкершілік артады.