Қазақстан республикасы денсаулық сақтау министрлігі
жүктеу/скачать 2.08 Mb. Pdf көрінісі
|
- Бұл бет үшін навигация:
- Патологиялық детерминанта
- Патологиялық доминанта
| Нейрон деафферентациясы (латын тілінен ауд. de – жоқтық, болдырмау,
жою+ afferentis – әкелуші) – сезімтал нервтердің анатомиялық және физиологиялық бүтіндігі бұзылуынан шеткері тіндерден орталыққа қарай сенсорлық импульстерді өткізудің мүлдем тоқтатуы. Сонымен қатар, нейрон деафферентациясы токсиндердің, фармакологиялық және басқа да заттектердің әсерінен постсинапстық нейрондардағы қабылдаушы рецепторлардың бөгелуінен туындайды. Деафферентация кезінде нейрондардың қозымдылығы артады және нейрон тежелуден шығып кетеді. Осыдан нейрондар артық импульстер өндіре бастайды, олардың белсенділігі артады да, нейрондардың осы тобы патологиялық күшейген қозу генераторының ошақтарына айналады. Нейрон деафферентациясы кезінде байқалатын өзгерістер денервациялық синдром деп аталады. Патологиялық детерминанта (латын тілінен ауд. determino – анықтаймын) – ПКҚГ-ның әсерінен ОНЖ құрылымының өзгеруі. Патологиялық детерминанта патологиялық жүйені қалыптастырып, оның 9 функциясын анықтайды. ОНЖ-нің кез келген құрылымы (бір бөлігі, ядросы, нерв орталығы және басқа құрылымдар) детерминанттың рөлін атқаруы мүмкін. Патологиялық детерминанта жүйеішілік қатынастың принципі мен механизмі болып табылатын жүйелік деңгейде іске асырылады. Сонымен бірге, телімді (көру нерві) және телімсіз (вегетативтік нерв жүйесі және психиканың бұзылысын туындататын) ширатқылармен белсендіріледі. Бұл организмдегі бастапқы патогенездік өзгерістерді анықтайтын патологиялық жүйенің ең резистентті бөлігі болып саналады. Патологиялық доминанта (латын тілінен ауд. dominans – үстемдігі жоғары) – ОНЖ сол мезеттегі үстемдігі жоғары қызметтік құрылымы, басқа да нерв орталықтарының қызметін бағыттайтын, жүйеаралық қарым- қатынастың принципі және механизмі болып табылады. Доминантты қарым-қатынастың бұзылуы көбінесе тежелудің тапшылығына әкеледі. Патологиялық доминантаның қимылдық (моторикалық), сенсорлық (ауырсыну сезімі), тағамдық, жыныстық және басқа да түрлері кездеседі. жүктеу/скачать 2.08 Mb. Достарыңызбен бөлісу:
|